金多寶海鮮私房菜 (已結業)

今日同老公都想食中菜，结果就近近地喺附近揀咗呢一間金多寶海鮮私房菜。其實平時行過都想試好耐，今日終於有機會試到。一坐低，我老公即刻叫咗個豉油王鵝腸 ，而我就叫咗個脆皮炸大腸，諗諗吓都想食d菜，所以就叫埋金多寶小炒王。先來就係豉油王鵝腸，超級肥美又新鮮，配合埋啤酒真係好惹味！再來就係小炒皇好夠鑊氣，配料多而且很有口感。最後係脆皮炸大腸，無諗過外皮炸得咁金黃酥脆，味道很誘人的，愛吃肥腸的朋友千其唔好錯過，嚟到必定要試！…查看更多

今日我嘅心情就係好想好想食一d涼拌嘅菜式，有幸同媽媽嚟咗呢間係深水埗嘅金多寶海鮮私房菜一試佢嘅菜式。雖然得兩個人食，但就叫咗四個餸，好彩我哋都食得晒！我就負責點左$38涼拌皮蛋同$38麻辣豬耳，而媽媽就點左$98黃金芝香炸魚皮同埋$138金薯密椒安格斯牛柳粒。見到涼拌皮蛋上枱後，真係心心眼左，因為賣相很好，加上個醬汁酸酸甜甜帶點辣，非常開胃！而個麻辣豬耳好脆勁有口感，食到停唔到落嚟！炸魚皮我同媽媽都覺得黃金比例好好，好足料同埋鹹蛋味重！想分享就係個安格斯牛柳粒，薯仔係爆香左，外脆同入味，牛柳粒好軟，十分惹味，真係必點菜式之一！…查看更多

有日同朋友傾起想食私房菜♥️，佢就介紹咗一間喺深水埗嘅福華街♥️金多寶海鮮私房菜♥️俾我。今日同屋企人嚟到就先叫咗♥️$38麻辣豬耳同埋♥️$38麻辣貓耳仔，豬耳味道鮮香可口，麻辣開胃。貓耳仔亦係一個非常唔錯嘅開胃小菜，味道令人難忘！我哋仲叫咗♥️$108脆皮炸大腸以及♥️$138 金薯密椒安格斯牛柳粒。炸大腸絕對係最邪惡但又最美味嘅食物，大腸炸得比較乾爽，食落完全皮脆肉嫩！不得不讚嘅係安格斯牛柳粒都好出色，牛柳粒肉味香濃配上香口薯粒，真係無得頂！♥️…查看更多

今日同同事都無帶飯，於是我哋就去咗公司附近嘅金多寶海鮮私房菜食午餐。我哋分別叫咗$40 梅菜扣肉飯同埋$40咖喱雞飯。當佢上枱嗰陣，我冇諗過原來個份量係咁多，真心覺得好抵食！個梅菜扣肉飯，扣肉滑溜醇香，肥而不膩，送飯一流！而朋友嘅咖喱雞飯，佢就覺得喺味道方面，少少辣又帶點甜味，啱啱好！而喺雞肉方面亦都覺得夠嫩滑 ，佢仲話會再嚟encore！見到呢間除咗有得食午餐之外，佢晚餐嘅餐牌都好吸引，好想試吓佢嘅招牌酸菜魚加州爐魚同埋金薯密椒安格斯牛柳粒，因為我本人係超鍾意食酸菜魚，好期待下一次嚟食晚餐。…查看更多

係深水埗反工嘅我，平時行過見到呢間私房菜想試好耐，咁啱公公生日，就決定帶佢嚟呢間位於福華街嘅金多寶海鮮房菜食個生日飯。由於公公好鐘意食鵝腸，就即刻叫咗個$138 豉油皇鵝腸，上枱後，碟鵝腸色澤好好，口感一流，見公公食到停唔到口啊！我本身好鐘意食酸菜魚，見到佢呢度有得食$258 招牌酸菜魚加州爐魚，就即管試試佢，個亮點係佢個湯底，吾會好鹹同好辣，啱啱好！魚片都好滑嫩！重點係個$98黃金芝香炸魚皮，從未食過咁好食嘅炸魚皮，炸得好脆卜卜又好香噴噴，咸蛋黃嘅味道好足，夠晒黃金！見到公公都好滿意今餐嘅生日飯，好開心，決定會再反嚟食其他菜式。…查看更多

對食私房菜情有獨鍾嘅我，今日特意同朋友嚟到呢間位於深水埗福華街嘅金多寶海鮮私房菜試一試。地方都算方便，距離地鐵站大概行7至8分鐘嘅路程左右。經店員推介下分別叫咗$38 麻辣貓耳仔，$138 豉油皇鵝腸，以及$258 招牌酸菜魚加州爐魚。首先講下佢個麻辣貓耳仔，吾會太辣好爽口開胃！跟住就係佢個豉油皇鵝腸，食得出係選用咗新鮮嘅鵝腸，入口甘香，回味無窮！最後到酸菜魚，我自己就覺得份量係足夠，吾會剩係得幾塊魚肉片同埋就係魚肉嫩滑。朋友就大讚佢個湯底好出色，好香濃，夠晒惹味！另外想講嘅就係呢間私房菜嘅店員好好禮貌，💕💕💕💕同埋佢哋好有耐性咁推介d菜式俾你，值得一讚！💕💕💕💕…查看更多

今日同屋企人去深水埗行街，上網睇到呢間金多寶海鮮私房菜餐廳，主打四川麻辣菜，咁啱大家都有啲肚餓，決定試吓呢間嘢。金多寶小炒皇好惹味，韭火菜花，土魷，蝦乾同腰果炒埋一齊，好香鑊氣味，食落又新鮮又風味十足。酸菜魚份量十足，酸菜嘅酸味好足，再加上指天椒，食落又酸又辣又麻，風味十足，再加上魚片又大片又嫩滑，再加埋個酸辣湯汁，好惹味！黃金芝香炸魚皮，炸得好脆卜卜又好香噴噴，咸蛋黃嘅味道好濃郁。呢間餐廳樣樣菜式都咁好食，我同到屋企人都忍唔住食多左半碗白飯。…查看更多

今日同朋友去黃金商場買電腦用品，咁啱行過呢間金多寶海鮮私房菜餐廳，門口已經聞到好香雞煲味，朋友又中意食辣野，所以決定試一試呢間餐廳。麻辣雞煲嘅份量比想像中多，已經驚食唔完嗌咗半隻份量，但雞肉有非常多舊。雞肉識落非常嫩滑多汁，乾蒜頭味非常香，麻辣醬汁非常濃郁，配白飯一流。另外叫嘅脆皮炸大腸，炸得非常有水準，油脂已經被炸走曬，食落完全唔會油膩，仲好酥脆。另外涼拌皮蛋份量非常豐富，皮蛋嘅獨特味道加上紅油嘅香辣味，食落好惹味，完全係我中意既味道。…查看更多

今日同同事一齊去食飯，大家都厭咗食茶餐廳或者粉面，咁啱見到呢間餐廳有午飯提供，價錢有好平，我哋就抱着好奇嘅心態入去試一試。呢間餐廳嘅午餐款式選擇每日都唔一樣，價錢都係$40到$43 ，我就點左個鎮江骨飯，而同事點左豆卜豉椒蒸排骨。兩碟飯嘅份量都非常多，我嘅鎮江骨飯，食落好香烏醋香味，骨上面嘅肉都有非常多，醬汁酸酸甜甜，真係好好味。豆卜豉椒蒸排骨，豉椒豉油味好香，排骨肉都好嫩，豆卜吸晒醬油嘅味道，配飯一流！我同同事都諗唔到，午餐先$40，但係居然咁大份同好食。…查看更多

今日同屋企人喺深水埗買嘢，大家都有啲肚餓，決定到附近嘅金多寶海鮮私房菜餐廳食嘢。係呀餐廳菜式選擇又多，食物嘅水準都幾高。我屋企人同我都鍾意食辣野，見到菜單上有水煮毛血旺，我哋毫不猶豫點左。再加左兩個冷菜，麻辣豬耳同麻辣貓耳仔。水煮毛血旺湯好濃郁，飲落又麻又辣，蔬菜豆芽吸晒湯汁嘅味道，鴨血都好好食，香辣濃郁又有少少麻，我同屋企人都辣到額頭出曬汗，感覺好過癮。麻辣貓耳仔好爽口新鮮，麻辣豬耳都好爽脆，涼菜既紅油香辣味又係另一種風味，比較溫和既辣。…查看更多

最近喺網上見到呢間餐廳嘅食評推介唔錯，菜式嘅賣相都好靚。馬上約朋友一齊去試吓。餐廳嘅菜式選擇有好多，經過員工嘅推薦介紹，我哋點左豉椒皇鵝腸，金薯密椒安格斯牛樓，水煮毛血旺。豉油皇鵝腸非常新鮮，咬落好爽脆，滷水嘅味道都非常濃郁。安格斯牛柳粒又大粒又嫩，甘薯咬落非常軟熟，充滿醬汁味道，黃椒都好甜。水煮毛血旺聞落又香又辣，放咗好多花椒，指天椒，一食感覺辣得非常有層次，豆芽，毛肚，鴨血都好新鮮，特別係鴨血超好食，又辣又麻。呢間餐廳既麻辣做得好有水準，唔會口干。…查看更多

自從上次試過呢間餐廳，我同同事已經成為左金多寶嘅熟客，幾乎日日食午飯就黎報到。一入門口，同員工已經熟到，直接嗌名打招呼，連餐牌都唔需要睇。今日我帶咗梅菜扣肉飯，同事就揀咗豆卜豉椒蒸排骨。梅菜扣肉飯份量好多，梅菜食落好香甜，扣肉好厚身又大塊，肉質肥瘦適中，肥而不膩。同事嘅豆卜豉椒蒸排骨份量都好多，豉椒味好香，特別連排骨都係滿滿嘅肉，食落好酥嫩，豆卜吸晒醬汁嘅味道，特別好食。最後埋單走既時候，員工直接話聽日見啦，先醒起原來自己同同事已經連續食左三日。…查看更多

今日媽媽唔想煮飯，所以我哋又落咗屋企樓下嘅金多寶海鮮私房菜食飯，自從食過就已經成為我哋嘅必食之地。我同媽媽今日就諗住試吓佢哋嘅麻辣雞煲，再嗌我嘅最愛，黃金芝香炸魚皮，再試過新菜金多寶小炒皇。黃金炸魚皮真係好好食，鹹蛋味濃郁，魚皮又好鬆脆，完全同我喺新加坡食嘅味道一模一樣。金多寶小炒皇好惹味，韭菜花，土魷，蝦乾同腰果炒埋一齊，好香鑊氣味，食落又新鮮又風味十足。麻辣雞煲好香江蒜頭味，雞塊份量多又大件，食落好香蒜味，帶點花椒辣味，加埋碗白飯，又係滿足嘅一餐。…查看更多

今日同同事一齊食lunch，去咗公司附近嘅金多寶海鮮私房菜餐廳，餐廳推出左午市飯餐，一碟飯都是$40。我哋嗌咗鎮江骨飯同咖喱雞飯，鎮江骨飯一到已經好香鎮江烏醋嘅香味，分量十足，件件骨上面都係滿滿嘅肉，加上烏醋嘅獨特香味同豉油醬汁嘅配搭，食落好惹味。另外同事嗌左咖喱雞飯，雞塊份量好多，雞塊大件又嫩滑。咖喱汁濃郁，好香香料味。我忍不住試左啖，感覺好食到可以只用咖喱汁撈兩碗飯。呢間餐廳我同同事都好滿意，$40個飯咁大份又咁好食，睇嚟嚟緊我哋都會成為餐廳熟客。…查看更多

週六約咗朋友食飯，上網搵咗好多餐廳嘅推介食評，見到呢間金多寶海鮮私房菜餐廳，馬上打電話訂咗位。準時到咗餐廳，餐廳風格舊式，非常企理乾淨。員工好親切地帶我哋到座位，講解左餐廳嘅招牌菜同推薦菜式。喺員工嘅推薦下除咗招牌酸菜魚之外，我哋都點左涼拌皮蛋同金薯密椒安格斯牛柳。涼拌皮蛋又辣又香，加上皮蛋獨特嘅味道，好食到忍唔住要叫碗飯。牛柳粒好嫩，金薯煮到軟爛，黃椒食落好甜。招牌酸菜魚，魚片厚實，識落嫩滑新鮮，湯底酸味十足，帶點花椒麻辣味，味道好好食。值得推薦！…查看更多