金壘餐廳

營業中

休息中

2008年2月14日以為情人節揾到間特別d既餐廳食飯, 聽講呢度豬手出名, 中午打電話訂位. 到達時仍有三個二人卡位空著, 我要求坐卡位, 女侍應話已有人訂左, 但結果到我地埋單時先有人黎.最令人不满係個”menu”, 其實係兩張A4紙, 上面打上只有兩款所謂”情人節套餐”, A餐係主菜兩份牛排, 定價$598 , 頭盤鵝肝, 海撒沙律, 湯, 配甜品餐茶. B餐分兩個價錢, 主菜牛排及三文魚分別約$278及$298; 但頭盤冇海撒沙律. 我要求侍應俾餐牌, 侍應話呢晚只此兩款. 即話客人冇得”間”, 但打電話訂位時並冇講明. 男友本想要A, 但我不食牛, 男友只有放棄海撒沙律叫B, 他食牛排我食魚. 但如果你牛魚都唔啱就冇野你食.最衰係d食物質素同價錢不成正比, 鵝肝好生, 不能入口, 牛排同魚質素一般. 兩個普通A,B餐, 根本$100都唔值, 同情人節個主題亦全扯不上關係, 呢間餐廳根本就係襯情人節搶錢!埋單又耐, 且我懐疑佢地找少錢($1000 找$306?)情人節咁掃興, 我同男友都唔再去呢間金壘餐廳.

比我想像中差,一個$150吃的自助餐比的食物不好吃,我地不會再去

我係去呢道食lunch，環境好正，又有免費泊車。個幾好食，份量夠，同埋好有肉味，正。d羅宋湯好好味

佢地d忌廉湯真係好好飲，好香!一定要試，我男朋友最鍾意食佢地既牛排，話好新鮮，仲有個包一定要試!服務都唔錯! 拍拖既情侶可以去，環境幾好架!

Went driving around on a free Sunday with my gf and chose to dine at 金壘餐廳! It's an old establishment where the locals and nearby soldiers go for some nice western food. Although the interior decor has been refurbished, you can still feel the classic ambience within. First, we ordered a set lunch which includes the salad, rack of ribs and a drink. Since we heard that this place do nice pork knuckle so we decided to give it a try, there are 3 styles of cooking to choose: simmered with honey sauce,

Service can't be any worse; food is awful; restaurant is remote; price unreasonable. At this price you deserve heaps better. Will never ever visit again.

呢度環境過得去,可選擇坐外面. 諗住叫野食啦,d waiter/waitress 個個十問九唔應, 個樣好似唔願做咁. 叫佢\地攞隻碟啦, 應完之後冇左件事; 叫佢\斟水就等十年; 上羊扒唔叫唔上薄荷啫喱都唔緊要, 提佢\啦,佢\個樣好似覺得好不可思議咁. 本嚟都諗住寬容d, 但一見個價錢, 覺得有少少要求都應該啫. 每人一個main course 一個湯一杯餐\飲, 另叫兩個小食, 埋單成200一位. 搶咩! 山卡啦咋喎, 論服務又冇論味道又一般, 唔使旨意我會再幫襯

一大班人叫左安格斯牛排,羊架,烚豬手同炸豬手,四款都食過,認真唔錯,南瓜湯同泰式甜品都好有水準,反而薯菜就麻麻地。

我係八鄉的街坊, 最鍾意去附近的金壘餐廳食飯, 呢間餐廳最吸引我的就係羅宋湯啦, 每次都係熱辣辣, 好香, 而且材料十足, 非常入味.其他菜色都好好味, 我老豆就最鍾意德國豬手, 炸到表皮脆卜卜, 肉身就唔會太乾身, 十分香口.我就鍾意食牛柳, 而我鍾意食media rare, 呢到師傅唔會煮得太熟, 可以保持肉質的鮮嫩. 每件食落去都有鮮甜的肉汁, 加上少少mustard, 一流.我媽咪就鍾意東南亞菜, 所以通常都叫咖哩, 呢到d咖哩雞同牛腩都好有水準, 好香椰子味而且雞肉同牛肉都非常滑, 唔會因為炆得太耐而"鞋", 越食越想食, 一碟飯都唔夠. 有幾次同媽咪去元朗買餸, 見到老闆娘親自到街市買才料, 原來金壘的菜咁有水準, 因為老闆娘對才料有要求. 明白成功不能懶惰, 要親力親為... 向老闆娘您致敬!

一個字"抵" $118 任點任食任飲. 服務一流. 任食種類超過70 多款. 免費parking, 坐的士有回贈, 4 人有$40元. 好似話全新班底. 當日我嗰朋友生日重有生日蛋糕送(fee of charge). 但淨係星期一至五晚供應由6:30pm - 10:30pm(任點任食任飲)

今晚五個人去食飯, 叫O左白汁龍蝦飯($158連餐湯,飲品同雪糕) , 咖哩羊肉飯(好似$88), T骨(好似$118), 西冷牛扒($85連餐湯,飲品同雪糕), 酥皮羅宋湯($48), 個白汁龍蝦飯O的龍蝦OK, 起碼唔會霉, 而且份量都足夠, 而咖哩就加左太多香茅, 唔係我鍾意食開個種,所以我覺得麻麻, T骨同西冷扒就幾好, 唔會整過"龍", 而O的酥皮就好明顯係現繩買返O黎鋪上去, 所以好一般, 不過個羅宋湯幾好飲喎, 係落足料煮個種, 仲有好多菜o忝.

呢度的賣點就是豬手，其他食物都係一般。有烚咸豬手、黑椒及炸三種選擇，來的時候因為想飲啤酒，所以選了香口的炸豬手，味道都算唔錯。餐廳佈置簡潔，曬猛太陽來就太熱，收左熱頭來就最適合，可以一試。

依度環境好好~~ 露天位仲多過室內位, 而且露天位相隔得夠遠, 又夠靜, 談心最正~ 如果無埋車聲就更好~ 相反室內位較嘈, 因為廚房好近~ 食物就一般啦~ service就好好~ (可能個friend o黎熟o左啦)

正!德國豬手正!