金壘餐廳

營業中

休息中

朋友專登車我入八鄉食好野，佢話一定要試火焰雪山呢個甜品🤣🤣就係咁，我哋就決定喺度食埋晚飯喇😋餐廳外都有幾個泊車位，方便揸車人士。環境有室外同室內，而家夏天我哋當然揀咗室內有冷氣既地方啦！一打開個Menu，其實選擇都有好多👍🏻坐低無耐就為我地送上甜餐包配牛油，仲有餐湯，分別係忌廉湯同羅宋湯，我叫咗忌廉湯，湯唔算好濃無咩特別。Rib Eye Steak 10oz Medium ⭐️4/5Medium啱啱好唔太生都唔會太熟，口感唔錯👍🏻但係可能牛肉味比燒汁蓋過咗，所以牛肉味道唔算好出，而且牛筋都有啲多，不過個薯仔就幾好味😋墨魚汁海鮮意大利粉 ⭐️4/5貪佢個墨魚汁可以食個咀變黑色好好玩🤣墨魚汁都幾濃稠，海鮮有帶子蝦魷魚等等，份量都幾大份😛唔錯！阿拉斯加火焰雪山 ⭐️4/5黎到係一大舊白色既蛋白，侍應會幫你倒上火焰🔥呢個時候一定要用電話影低！因為叫呢個甜品都係為睇呢一下😂點完火之後再會倒上朱古力醬一齊食既😋我食到有rum酒味，食食下會有蛋糕係底，食到最入面仲有一個雲呢拿雪糕！甜品整體都偏甜，不過用嚟打卡一流👍🏻

好耐無寫食評，早幾年的起心肝寫過幾篇好食既餐廳但工作太忙就無再寫呢次忍唔住要寫一篇唔好既感受話說早3年食過一次晚餐，點左扒餐，紅酒價格唔算太平但野食都可以咁岩今日入錦田經過所以再食一次其中點左一樣係牛油果公司三文治拼有薯條其中一舊一層牛油醬居然有條粗毛髮好在睇到，如果食埋落肚點算我明白餐飲有時有小昆蟲飛左落食物個種係大家都唔想但人既毛髮…實在睇到個刻嘔心唔敢再去食

走入鄉郊一帶買農務產品，一路上有行錯路，又入了癈車場，沿途上未見很多食市，幸好在開飯網上找到此店。周張了一早上，到餐廳差不多一點半，本以為不會多人，誰知駛入餐廳車場，車位都差不多泊滿；店內都有八成滿座。卡位座算是寛敞，叫了兩個午餐，燒雞及鱸魚。一份忌廉湯，一份沙律。眼見侍應拿着蒸籠，心想那有蒸點的菜式？莫非看漏眼？！終於真相大白，原來是餐包放在蒸籠是也。餐包鬆軟，熱辣辣，有麥包或普通包，一食就知有質素。餐湯夠厚，味濃。沙律份量夠大，夠新鮮。主菜的烤雞竟然去咗胸骨，烤雞皮的醬算惹味，可惜健康理由，我通常去皮，所以齋肉情況下，就唔太夠味。肉質都係肶位嫩，胸較「鞋」。另一份的鱸魚就真係估佢唔到，真係原條泰式蒸鱸魚上，西餐廳有蒸魚，但冇白飯送，有啲攪笑。魚質滑，但食到尾段就偏稔。最後杯齋啡都唔錯！幼滑唔苦。係鄉郊地方竟然有座金壘，食物質素高，環境清幽，實在係推介之選。

雖然吃過多次，但帶小朋友來還是第一次，來到這店當然要吃他們的阿拉斯加火焰雪山,店員會為你即場加上朱古力醬。因為日光強，看不到火。但味道外暖內凍。是很好的飯後甜品。另一主菜，當然是豬手，一定要試呀！豬手煮法有蜜糖煮法，焗和烚。我們選擇了傳統烚豬手，豬手味最濃，豬皮十分肥美煙韌，分量十足。另外墨汁海鮮意意大利飯，口感不太硬，也不太軟，適合小朋友一起吃。這裡室外環境也很好，四周擺滿了植物很有一種休閒的感覺，自成一角。

聽講係石崗開咗超過35年，特登過去試下咩料！無可否認，外面花園嘅露天茶座及餐廳內部都好靚，有渡假FEEL嘅。個人認為好適合男女談心！唔好意思！因為影相嗰陣時趕時間所以好求其等大家望下有咩食先午餐價錢一啲都唔平粗粗地嗌左個芝士菠菜焗成石班，及黑松露意大利飯釀春雞。賣相精緻，份量就好似一個拳頭咁大，講明食唔飽㗎，食氣氛㗎咋。第一次食釀春雞，切開隻小春雞後O咗嘴！點解要叫小春雞？因為隻雞真係同個拳頭咁大嘅啫。睇個飯咁似啲嘔吐物，奇奇怪怪，口感就似食緊穀物麥皮嗰種咁，好薄薄一浸鋪排喺個小春雞上面。果然係與別不同意大利飯！唔好講笑啊，食晒成碟都好似冇食過嘢咁！連我都可以話好似冇食過嘢，基本上都唔會有人食得飽

元旦日天氣寒冷但陽光明媚本來想去行山但帶住BB走不遠於是在家附近走走行到錦田上村試吓平時經過已好想試嘅金疊餐廳由於即興無訂位加上限聚令下午三點多已人頭湧湧以為要等位點知店員都好友善好快安排到入座仲要係我最鍾意嘅戶外位個藍天靚到呢....老公叫set lunch豬鞍好嫩好厚肉👍薯餅都有3塊大大份啱晒比我偷食埋...我散叫咗牛油果三文治當然亮點都係嗰一埋滿滿嘅薯條好開心見到好耐無飲嘅黑牛！就算寒風刺骨都要飲一杯久違嘅朱古力雪糕啊...😚值得一提餐廳都係寵物friendly 一直見有好多狗狗跟主人嚟曬曬太陽嘆美食門口又有泊車位非常方便空間闊落加上美味食物尤如渡假一樣！

當日仔仔生日，我下午先打去訂檯，一心諗住都吾會full, 問去訂時檯時，侍應就話最好訂了先啦，我再同佢地講話我仔仔今日生日，有無咩蛋糕之類的甜品供應，佢地就推薦話有個火焰雪糕，2-3人食，可以加$30寫個生日牌。我要求坐室外。當晚去到，個環境好優雅，好舒服。原來比我想像中多人食，好彩訂了位。侍應安排了個角位比我們，太好啦，自成一各。我們叫了2個set, 一個小食。侍應比了2個湯，再加了一個碗我們去分多一碗出黎。而且比了3包我們。佢地都好細心。我們叫了個田螺，整得好特別，好好味呀。另外2個主菜，都好Ok最後，就係主角出場。侍應好主動叫我們影相先，幫我們影大合照。太好啦。之前聽人講話餐廳食物吾好食，服務吾好。完全吾係囉。我自己親身試過，真係可以幫佢地平反呀。大家有興趣可以去試下

睇到這間餐廳有現金卷優惠。買$300可食到$500的食品。買$500可食到$798的食品。所以致電問清楚。經理非常有耐性咁解釋俾我聽。仲建議我要訂位。星期日當天去到。發現原來食套餐是不能使用現金券。好彩我沒有買定先。當天點了一個豬鞍配紅酒汁。十分出色。朋友點了一個燒牛肉法包。及羊扒。羅宋湯非常好飲。這位經理非常細心仲主動走過來問我們需唔需要幫我哋影張相。總括這間餐廳服務好食物質素高。這餐廳有免費泊車位。對於我們揸車的人可以無需擔心車位問題都是食飯主要考慮因素之一。所以這餐飯食得非常之愉快。聽講德國豬手亦是招牌菜之一，下次一定要試試。

意式燒魷魚筒釀蝦肉慕絲，本來呢款菜免，只是屬於假日午餐才供應的，但我於假日來用餐時，提早詢問餐廳可否預留一份於平日供應給我，因為我想帶朋友來試試，經餐廳非常樂意的安排下，朋友專程從九龍入黎，試到呢份我推介比佢既菜色，再加個必食蘋果批，我地用餐非常愉快 。另外我今日就試左佢平日午餐$95-墨西哥辣煮豬梅肉配薄餅，少少辣但開胃野味，亦非常值得一試，餐廳1100就開門，我地黎到慢慢食，食到1330，就算而家座位供應緊張，都唔趕客，而且門口仲有車位，可以早到黎會非常方便😆

今午在石崗，見一西餐廳門前很綠化，比較幽美，環境很好在，在門前觀望，門前職員介紹今日鱸魚很好，所以入內一試，餐單內各套餐由百幾元至2百幾元，落單時問侍應者套餐可否跟飯，侍應說跟飯冇薯菜，我就落單要飯，魚到了饭很久未到，問著黑衫侍應，他說套餐無飯跟，我說落單時另一侍應說有，他祇說一聲對不起，套餐是無，我唯有叫一白飯，無問價錢原來貴過酒店要25元，羅宋湯值三星，魚普通也值三星，餐廳內環境幾好，坐得幾舒服

同朋友們去大帽山行山，行完提議到金壘食晚飯，六時多去到，被安排到燈光坐位，因為即慶沒有訂座，被拒絕調到其他座位，之後要求開啟坐位上照明，卻被告知燈已壞，只好要求蠟燭照明，已經唔多高興。之後點餐正常，當中有羊扒和其他扒餐，待上餐後，要求侍應(白恤衫)提供薄荷將配食羊扒，在等待時太太都想要茄汁配食薯仔。當侍應呈上薄荷醬，便要求可否再要茄汁，回應竟然是：「你們諗吓仲有乜嘢要一次過叫晒，今日好多枱比較忙。」我唔相信呢啲係一間餐廳應有嘅服務態度，講真間餐廳嘅收費都唔係平，得到咁嘅服務我食得好唔開心，真係貼錢買難受，要我再嚟都幾難！

友人今次揸車載我同 P san 去元朗錦田食扒。去到餐廳, 餐廳門外大概有 10 個泊車位, 友人將車泊喺店家花園門外停車場, 我哋一行四人, 落車就經過店家花園同露天坐位步入餐廳。 店員問我哋想坐露天坐位定餐廳內, 我哋因為怕有蚊同埋有人食煙, 所以揀咗坐餐廳入面。 店員都有為我哋量體溫。 因我哋無預先 book 位, 所以入到餐廳坐中間一排由六、七張二人枱拍成嘅長枱嘅一端。 餐廳環境燈光比較昏暗, 甚有情調。我哋睇完餐牌, 各自點咗一個晚餐 set, 有沙律、餐包、餐湯同一個主菜, 仲有一杯飲品。沙律係煙鴨胸胡蔴醬雜菜沙律, 除咗煙鴨胸唔太咸之外, 沙律無咩驚喜。餐湯方面, 有鮮甜嘅南瓜味, 再配幾塊脆麵包粒, 賣相同味道都無咩特別。餐包算係不錯, 不過可能因為當時肚餓, 而且我比較鐘意食麵包, 所以覺得好味。到主菜了, 就係西冷扒同埋肉眼扒, 我同 P san 都喜歡食扒, 而且嚟到喱啲較高級嘅餐廳, 對店家嘅牛扒有信心, 所以兩份都點咗 5 成熟, 因為餓, 所以急不及待開動。西冷同肉眼扒望落都好靚, 有烤時嘅網紋, 聞落有少少焦香味, 好香, 但食落就有啲失望, 肉質唔軟淋同

今日到效外走一走，晚餐選擇到有數十年歷史的食肆用餐，一如以往附近空氣清新，環境寧靜，非常舒適。食肆有室內和室外，當日天氣仍然涼快，選了室內的雅座進餐。見到餐牌的推介幾吸引，點了兩份心想有份量的食材。餐包與餐湯餐包有兩款，以蒸籠上幾有趣，可保麵包的和暖及濕度，入口鬆軟，好窩心，別有風味! 餐湯點了羅宋湯，帶點辣，正常水平。日式煙鴨胸沙律配芝麻汁 (兩份)煙鴨胸軟腍，加上芝麻汁幾開胃，沙律菜新鮮，份量不錯。炭燒西冷牛扒十安士配薯菜炭燒西冷牛扒賣相吸引和大份，炭燒網紋很美，五成熟烹調到位，配燒汁好味，薯肉也軟綿綿。蜜糖芥末焗德國鹹豬手配薯菜有睇頭又有香氣，拍照花了一點時間，切開也花了一點時間，雖然骨頭大大但也多肉。油脂適中，油膩感不大。豬手腍身入味，蜜糖芥末調味也恰到好處。伴在豬手旁有薯菜和酸菜，酸菜通透色澤微黃，有德國風，可中和豬手的油膩感，調整過的酸味容易入口，滿意菜式配搭!兩份主食三人分，還可以再添一份甜品。餐飲點了熱檸檬水和熱咖啡，品質正常。火焰雪山 (二人份量)起初還在猶豫應否點四人份量，店員看着我們討論，耐心地等待我們的決定，真有點不好意思!在餐枱上店員純熟地上演火焰雪山一幕，近

呢間位於錦田嘅西餐廳，地點真係好難搵，就算揸車都唔係咁易搵到，如果唔係有熟人帶路我諗我真係唔會入嚟食飯，講真佢今次我食嘅係鹹豬手豬手份量夠大隻但肉質偏硬，但係氣氛一流可能因為身處郊外所以心情零舍放鬆，呢間餐廳都係食一次夠啦！

屋企停電趁等電力公司嚟維修出去食個靚飯先。之前Lunch 睇過要2佰蚊一個人覺得有點貴，咁就算啦不過今次決定近近地點都要入嚟食吓！餐廳有自已車位唔駛等，唔駛爭！（上村㕷車要撞彩，好多時都要等一陣）待應出嚟殷勤咁問我哋幾位。俾左張卡位我哋坐，環境燈光唔錯幾舒服😌，拍拖談心夠靜又唔會太拘謹。細心睇吓餐牌發現豐儉由人，平平地佰五六蚊一個餐有交易，當然豐富到五六佰海鮮都有。我哋叫左個凱撒沙律🥗（+$20煙三文魚）老公叫左烟肉蛋意粉（升級套餐），我個沙律本來無得升級套餐，個待應好好俾我升級埋。是日套餐有羅未湯同忌廉南瓜湯，羅宋湯一般餐室勝在無咁咸又夠濃。跟住前菜要左個炸魚薯條，炸魚做得唔錯，係實淨啲既鱈魚類，貼近正宗，而今失回味係個他他醬，配落個魚度超夾，食完想再食。待應見我哋食到差唔多就主動提我哋梳乎里要等13分鐘。好貼心！而不時留意到我哋需要，而且非常有禮貌。好耐食過喇！造型可愛，好似個巨型cup cake 咁，有兩種味揀雲尼拿同橙味。我揀左雲尼拿未，好味！最後，到餐飲咖啡喇。唔好以為咪普通咖啡一杯，佢俾嘅係暖鮮奶，而且杯咖啡酸味唔高，啲暖鮮奶撞落去杯咖啡度令到佢更加滑，感覺好似飲日本啲咖啡