金城茶餐廳

營業中

休息中

初頭見到呢間茶餐廳都應該係普通茶餐廳所賣既野，無乜特色。但我留意餐版有一項係金城金牌，我就膽粗粗嗌左個生煎肉餅飯加太陽蛋，由於我無時間坐係餐廳食我就叫左外賣，翻去一打開飯盒個肉餅大過你塊面。個肉餅外面煎得好香口，好趣，入面肉質吾會話好硬，真係外趣內軟呀從未食過咁好食既肉餅

住大圍嘅朋友，就一定識得金城茶餐廳。雖然我本身唔係住大圍，但身邊都好多朋友推介，所以心郁郁都想試吓佢嘅招牌——椒鹽豬扒飯。之前我都仲諗，只係一個椒鹽豬扒飯，到底有咩特別？估唔到，呢份椒鹽豬扒咬落非常juicy, 好軟身，基本上唔使切都咬得開。豬肉吸收左椒鹽同醬汁嘅香味，味道仲帶少許酸甜，十分特別。

講到蜜桃小丸子最愛吃嘅菜式，肉餅飯必然係其中之一！今次就拜會了位於大圍嘅街坊名店-金城茶餐廳，相信住係大圍嘅街坊都一定試過佢嘅招牌煎肉餅飯仲有椒鹽豬扒飯一見到碟肉餅飯，第一個反應係「好大呀！」只見肉餅而不見飯，十分夠氣勢！一塊煎得好焦香嘅肉餅，應該都有一吋厚，將啲飯同幾條菜完全遮蓋咗，可見係好足料的。食落口，更見真材實料，每一啖都係肉，口感都幾實正，最正係個面煎到少少脆，而啲肉質係好有嚼勁，彈彈的，無乜筋，亦唔會覺得有好多肥豬肉，真係好美味嘅comfort food啲飯煮得剛剛好，一粒粒的，淋上了自家製豉油，唔會太咸，仲可以加埋自家製辣菜莆一齊食，簡直係一大享受，吃美食的快樂原來可以咁簡單。除咗肉餅飯，腩腩仲叫咗蜜椒豬扒飯。同樣地，啲豬扒好足料，遮哂成碟飯。豬扒煎得好香好爽脆，亦帶有陣陣的蜜糖甜味，好開胃，加埋啲洋蔥一齊食，層次感又提高了。下次一定會再嚟食！

今天我來到大圍金城茶餐廳食最出名嘅生煎肉餅飯，肉餅飯送到我面前真是十分大塊，這間餐廳的食客多數都是點這個飯，肉餅的表面金黃色煎的時間剛剛好，這間餐廳還有另一樣出名的就是香辣菜莆，如果食得辣就一定要加這個非常好食，一啖飯一啖肉餅加菜莆，真是很美味，菜莆香辣得來又爽口，而肉餅一口咬落去表面是脆的，喜歡食肉和辣嘅朋友，走開大圍真是要來嘗一嘗

我要同大家講個大秘密！！！呢度個肉餅飯真係冇得頂！好香煎得好香～雖然知道呢個肉餅其實好肥，🤣因為佢係將啲肥豬肉撈埋落去一齊煎～😢所以先有好甘香嘅效果☺️但我完全唔介意呀！！！😈💪🏻因為中國菜要色香味俱全就一定要犧牲體型🤣🤣哇哈哈哈......不過豉油千祈唔好貪心要佢落多啲，因為已經好夠鹹🤨我聽到有客人外賣直接叫佢走豉油，其實都唔怪得佢🤷🏻‍♀️因為真係已經好夠味，不過豉油都係精粹一份子～因爲...佢！都！好！香！㗎！😍😍😍所以如果大家經過大圍火車站可以去試吓囉，因為不吃你會後悔喔😘。（唯一注意嘅就係佢好早就關門）

之前都幫襯過呢間餐廳幾次，都見過貌似太子爺同好似老闆嘅阿伯對啲客呼呼喝喝嘅情景，無諗過今次係自己！一入門口已被太子爺呼喝我入去，明明大把吉位，我2個人要我坐埋一邊無所謂，大家合作，不過一定唔係用呼喝，同好似我殺咗你全家咁嘅態度。以後都唔會再幫襯，因為未好食到受氣我都要坐低食，仲要畀錢佢哋賺。終於明白之前嘅食評，話佢地自以為好食就可以不可一世，對客人態度惡劣，睇嘅時候都會半信半疑，而家真心明白。😡

香煎肉餅飯 一直聞說金城必食的香煎肉餅飯 果然名不虛傳 好大塊！肉餅煎到香口 不油膩外脆內軟 加上甜豉油 好吸引好好味呀值得值得推介！**一定一定要加菜脯**椒鹽豬扒飯見同枱搭枱街坊通通都叫椒鹽豬扒飯 一於跟風試埋同我腦海一直想像嘅椒鹽豬扒好不一樣以為純粹係椒鹽+豬扒原來仲有蔥、辣椒、蒜炒埋一齊 聞落去係香嘅 豬扒係入味嘅份量係好大嘅 不過⋯味道有啲咸又有啲酸有啲甜只能說⋯唔係我喜歡嘅味道鐘意嘅人應該好鐘意**呢個就係每枱都有嘅辣菜脯用泥撈飯去個肉餅飯超級超級正！好想打包啲菜脯返屋企！

工作關係，今天經過大圍，一處我成長的地方。一條條熟悉的街道，一段段值得懷念的人和事，都在這一刻湧上心頭。雖然今天落著滂沱大雨，天色黑漆漆，走在大圍的街道上，燃點起心中往日的情懷。走過窄巷小路，經過金門餐廳，令我突然想起它的煎肉餅飯和火鴨絲湯米。眾所周知，前者煎肉餅飯，其特色在於件肉餅上，看似一碟家常的碟頭飯，咀嚼之下，肉餅的煎香夾雜著蔥花，不油不膩，肥瘦適中，咬落去其鬆軟度恰到好處。這麽多年來，其份量毫不減少，細食者，可二人分享，食量較大的，則可以完全飽肚。另外，我亦十分喜歡它的火鴨絲湯米，火鴨絲份量十足，每一啖每一口都可食到火鴨絲。它的配料中，有青紅椒和芽菜，米粉亦爽口彈牙。以上兩個鎮店食品，加上店鋪自家製的菜普，醒胃提神，更為食物錦上添花。雖然店鋪不大，家族生意，在此工作的人都很友善好客，說說笑笑，與客人打成一片，感覺好似回家吃飯一樣。

自從上次誤打誤撞食過椒鹽豬扒飯後，就念念不忘想再食。今次係第二次到金城茶餐廳，當然再食佢個椒鹽豬扒，亦叫左出名既生煎肉餅飯。椒鹽豬扒飯好大碟，有好多件豬扒！豬扒好淋好入味，配埋蔥、辣椒同蒜蓉，好好食，就算比多幾件都可以食得晒！肉餅就食得多，但煎肉餅就唔係度度都有得食。個肉餅成隻碟咁大，外脆內軟又有肉汁，好好食。除左椒鹽豬扒飯同生煎肉餅飯外，仲有一樣野都出名，就係佢既辣菜脯。試左少少都幾辣下，唔食得辣既朋友建議試要小心。

果然名不虛傳，聽聞大圍有間煎肉餅飯係好出名嘅，但一直以嚟無好上心特登去食，但今日有機會行過這舖頭，即刻入去試吓，佢哋晚上7點就關門，好彩趕得切關門前叫到嘢，佢哋話最正係肉餅飯，當然要試吓佢先啦。碟飯一上枱，就俾塊煎肉餅吸引住，相當大塊，食落香口不油膩，而且佢啲豉油非常好食，真係直得推介。

今日朝早落大雨，入去食野，把遮濕當然入去會放佢擺設既位置點知食完走遮都俾人偷埋，店內不負責任，落大雨搞到我遮都沒埋，淋住雨行去地鐵站以後大家進店就算幾濕都好唔好放起出面

Lunch 偶然發掘到喱間茶餐廳，一試就好似上左癮咁，不斷黎食喱到嘅椒鹽豬朳同埋生煎肉餅餅，好好食，又夠味，配埋喱到嘅奶茶，簡直perfect ! 唯一唔好嘅地方係地方好細，每次都要搭枱，又迫同唔可以坐得耐，而喱到嘅服務都麻麻，不過野食真係值得一試！

Brought lunch home from Tai Wai just because this place got reallllll GOOOOOOD 椒鹽豬扒飯。The rice was soaked with the yummy spicy sauce and I loved it. The pork chop was succulent and nicely seasoned. It tasted sweet and sour while it gave a hint of spiciness. And the portion was kinda large, could share among 2.

今天第一次過來, 只是看餐牌及考慮了一陣, 立即面黑. 嘩! 什麼服務態度呀! 點了一個常餐(餐蛋麵+凍檸茶), 盛惠$40😳, 又難食, 地方又污糟, 又沒有招呼, 免費都不會再來.

果碟椒鹽豬排飯係算好食，但如果俾錢你賺，又兩次都要受你氣，我以後會將你列入黑名單，並廣泛通知其他人！貌似太子爺既男人同收錢老伯為左客人調位問題，與客人對罵不停，為左賺錢人貼人咁坐可以理解，但都應留返d通道上餐，不停要客人縮起背避開你拿著的食物通過，調位是好正常嘛，只是一坐入卡位，剛好有一家四囗想入座，我原本絕對願意讓出卡位，做生意我明白的，老伯一邊鬧我野蠻，另一邊太子爺不但沒去安排其他坐位給我，還迫我坐回原有位置，並埋怨我吾滿意點解又要落order, 世上邊有咁既服務態度架？！咁你吾好開門做生意啦，我同佢講我可以坐回原位，咁你就吾好再係我身後傳菜，係你地令到間鋪無位行。。最後有位姨姨叫太子爺算，我便快速食完便走，冇客人想久留多一陣！！一間自以為是的茶記👎👎👎！！