金城茶餐廳

第一次寫食評係另一間餐廳堂食緊，唸住轉頭幫屋企人外賣肉餅飯。特登打定去唸住落單先，到時應該煮得差唔多唔使等咁耐直接拎左比錢就係。電話接左：我：唔該一個肉餅飯外賣，轉頭就黎拎呀叔：廚房以家好忙，未得閒住，你一陣再落。 (然後啪一聲，cut 左我線。）食物己經越黎越貴，之前去食可以收我一碟野一杯野飲成百幾蚊，兩人食，叫左兩碟野，兩杯野飲，埋單可以去到2百幾數茶記真係未見過，餐茶廳但可以有海鮮價？！（佢收貴過餐牌根本唔係收上面錢）， 果下fd 比左錢出黎話我知先覺得唔對路，但己經口同鼻拗廢事去嘈。D野食 同以前唔同，椒鹽豬又細又少，仲溝埋d 洋蔥3色椒咁。豬扒切到變豬柳，絲狀咁。😕😕 d 人問多兩句，有query ,個人問完走左成5分鐘，個店員都仲係到哦人地奇奇怪，唔知想點:(又加價，料又少，又無哂人情味，唔想再幫襯，抵隔離間生意睇落好左。無對比無傷害🙂‍↔️…查看更多

今日去到大圍，尋找美味😋已過黎過食過好蛋次，真係忍唔住要推介比大家😊就係去左食招牌煎肉餅飯😋係金城茶餐廳嘅經典美食，肉餅肉香濃郁，煎得恰到好處，外層帶有微微焦香，咬落去肉質嫩滑多汁，完全冇乾澀感。肉餅咬落去好有層次感，仲要配白飯淋上特製豉油汁，鹹中帶甜。呢度既煎肉餅飯絕對係份量足夠，價格親民，性價比極高既美食😋奶茶都係絕對推介😊奶味同茶味平衡得好好，入口香滑細膩😊美食能容天下事，食完美食又係充滿能量既一天😊…查看更多

之前有吃過，肉汁豐富，不用太多豉油都很好味；今次大家看到圖片，就知道，又燶，又乾，幸好有檯上的腌辣菜，才可以送飯；我會比機會再試。可能我運氣差，可能今次吃不到好肉餅，下次吧。我選擇12點半到，午飯時間，餐廳非常熱鬧，正常表現，搭檯是必須的，都沒有問題，上餐快，職員都很落力，無論帶位、出餐都快快快，整體就是市民茶餐廳，要好好享受，可能要晏一點來，估計2:00後會比較好總括來說，我會再來，因為始終好食，相信是一時失手吧…查看更多

聽說是大圍名物之一，cheat day 食飯quota 今次就特登留俾呢間店。星期六中午黎到，門口一小條人龍，大概等了10分鐘都已經入到。餐廳果然是人頭湧湧，係舊式茶記格局，多張大圓檯大家都係搭台，落單速度亦都非常之快。一眼望過去，食客基本上都係叫煎肉餅飯、椒鹽豬扒飯或者牛肉湯米粉。我同老公就分別叫左個煎肉餅飯加15蚊轉炒飯底，我就要左個椒鹽豬扒飯。金城的煎肉餅飯唔係一舊舊細塊的肉餅，而係大大塊的煎肉餅，蒸肉餅一大塊過就食得多，煎都係第一次。外層煎得脆口，內裡依然保留住肉汁，雙重口感，真係幾好食。因為肉餅已經夠味，炒飯亦都濃味，個人就覺得配白飯會冇咁鹹，balance D。至於我叫的椒鹽豬扒飯濃味得來仲帶住少少醬汁，配白飯一流，豬扒肉質鬆軟唔韌唔攝牙。同老公交換肉餅同豬扒，一次過享受曬招牌美味。…查看更多

喺大圍呢條街，有唔只一間傳統茶記，佢哋各有名物，今次我就試吓呢間嘅生煎肉餅飯。生煎肉餅飯呢款招牌飯差唔多一半客都係為佢而嚟，肉餅嘅兩面都煎得好香脆，但係肉餅裏面又唔會太乾仲有肉汁，果然名不虛傳。乾炒三絲意粉呢味唔係名物，純粹係自己好耐冇食過炒意粉想回味下。不過廚師都炒得好有鑊氣，熱辣辣之餘意粉軟硬適中，好惹味。不過留意番呢度係舊式茶記，座位都幾迫，搭枱就好難避免，加埋佢生意真係幾好，成日都好多人，所以我都係快手食完就走人啦。…查看更多

第一次寫食評亦都是第一次出街食飯比個女人不停口鬧一入門口問有冇位個女人指示去指定卡位搭枱之後自己多口問左句可唔可以坐後面張4人卡位係我錯，係我多口比人喝返去後面張指定枱喝返去個下都明白午市係咁到叫野食等左一陣見到隔一條行有喝人的女人經過自己唔啱離遠同佢講肉餅飯佢問一次係咪而家落我話係我以為佢會行過嚟幫我落單因為我仲要加凍檸茶點知原來離遠問係咪而家落我答係，之後冇過到嚟，走左就係落左單又冇，可能我太耐冇去茶餐廳唔知唔洗過嚟寫單係我錯點知我再叫人落肉餅飯凍檸茶少冰原來重複落左之後第二個肉餅飯來到我話已經有，食緊門口隻獅子突然開大口離遠不停鬧話叫佢寫咗又再叫人寫我話你走左去又未寫凍檸茶唔知你落左單之後不停重複離遠望住我鬧係我錯後來我想唔再叫第二個餐想去其他地方食但自己驚叫一個餐出門口驚會再比人鬧所以叫多一個沙嗲牛肉麵餐凍檸水少冰點知個沙嗲牛肉麵係垃圾級沙嗲牛難食麵竟然都難食最恐怖係杯凍檸水又係我錯我叫少冰變咗走甜問個侍應佢話我自己講走甜問佢要糖水唔比之後問另一個男人想要糖水又大大聲等等等後來求其食完就走走個下個男人問係咪要糖水我坐來回$20車去食比$128食野食到手都震埋唔識去茶餐廳食野以後都是去返連鎖快餐店我錯全部都係我錯…查看更多

本來聽朋友講食物唔錯想試，入黎個場明顯卡座仲有唔少位置，下午5點垃圾時間，要求我地坐一邊卡位。好啦我明白，做生意至上，坐低之後原來係要我地坐對面已經有2個人個張。FYI 當時卡位有3張空，一張1個人坐 1張2個人坐。祝貴餐廳生意興隆。…查看更多

最近我去咗大圍嘅金城茶餐廳，試咗生煎肉餅飯，大推一定要加辣菜脯！！！#生煎肉餅飯生煎肉餅飯一上到嚟，已經見到肉餅又大又厚，煎得香脆，肉餅少少乾但配埋豉油一齊撈飯都ok!!!!飯我建議一定要加辣菜脯，咁樣嘅話，味道更上一層樓，令成碗飯更加開胃！不過，環境就迫少少，但味道冇得輸，可以一試！…查看更多

傳聞金城茶餐廳係大圍名物之一，黎到一定要食講到咁我一定要去試下佢咩料最出名既係生煎肉餅飯同椒鹽豬扒飯我去到既時候係下午3點，但都完全爆場基本上一定要搭台我坐低就叫左個生煎肉餅飯加太陽蛋出餐好快，相信好多人都係食呢樣，所以整定唔少肉質緊實彈牙，豉油咸甜適中估佢唔到又真係幾唔錯肉餅好簡單，冇特別既做法，冇特別加唔同既配料簡單一個肉餅，煎蛋，豉油偏偏就係咁簡單，但非常滿足不過唯一唔太好就真係個場太迫如果係某一類對自己非常有自信覺得每一個行過你身邊都垂涎你美色想頂你既人建議你唔好去 免得產生咩誤會…查看更多

喺網上吹走奏吹走左咁耐，老牌茶餐廳格局，街坊生意人情味十足。對於居住於區外的人嚟講，服務態度當然差一大截，這是正常之事。轉返正題，早餐直接點雞翼紅腸麵，少數餐廳早上有紅腸提供。當日冇雞翼提供，就問紅腸可以搭配乜嘢，阿姐話紅腸冇其他組合，過左一陣突然後面出現阿叔話B餐已經冇啦。我表示只想要紅腸而唔要雞翼，可唔可唔可以呢？對方回應可以，但建議我直接清楚表明需求。從商業角度來看，這樣的處理方式並無不妥，完全可以理解。然而，整體上可能顯得有些欠缺彈性。anyway，茶餐廳的服務質素並沒有保證戈。…查看更多

位於大圍一間茶餐廳係一間好傳統武裝修食快餐嘅茶餐廳佢哋嘅招牌係我今日食嘅兩個飯< 椒鹽豬扒飯 >好重口味嘅飯送飯一流 < 煎肉餅飯 >煎咗嘅肉餅好香口雖然睇落好乾但落埋豉油食 送飯啱啱好作為一個食快餐嘅茶餐廳呢個係一個唔錯嘅選擇雖然客人坐得好逼環境比較嘈 但啲哥哥姐姐都態度都幾好👍…查看更多

第一次幫襯，叫咗個椒鹽豬扒飯同味菜牛肉炒麵，椒鹽豬扒係出色，味菜牛肉麵亦都唔差，茶餐廳就預咗坐得逼夾，坐卡位都還好，坐中間圓枱簡直同隔離枱背脊貼背脊咁滯，都唔緊要，食茶記都預咗食完就走。但係最頂唔順一樣嘅就係老闆娘把聲，又高音又炒耳，食完餐飯簡直頭痛，仲要黑口黑面，好似爭佢錢咁，試過一次算了便算了。…查看更多

話說去大圍踩單車經過見到呢間茶餐廳咁多人，就入嚟試下啦， 叫佢裝修好舊，但係啲人又食到津津有味，就知道有料到！👍我哋叫咗個泰式豬柳肉飯， 同黑醋豬仔肉飯， 雖然等得比較耐，但係真係堅好食👍 豬柳同豬仔肉嘅做法係相同嘅，都係鮮炸脆再上汁，但係炸到外脆內暖，醋汁同酸汁唔會太酸太多，啱啱好！d料頭索哂d汁，真係唔止係茶餐廳嘅水準！我哋食哂成碟.... Hahaaa臨走嘅時候發現佢有生豬肉餅賣， 因為肉餅飯都係招牌菜，所以我即刻買咗返去今晚加料， 一樣咁好食😋😋😋PS: 可以加15蚊轉炒飯底…查看更多

有朋友由市區入黎新界探我，我就帶佢去大圍嘅「金城茶餐廳」食飯，試下大圍地道名物之一嘢椒鹽豬扒飯。當日大約下午12點半去到, 排左10分鐘隊就可以入, 同埋食呢間要有心理準備係多數都係要搭枱的，除非4個人既組合就可能有機會坐到一張卡位枱。餐廳裝修係老式茶餐廳風格，木櫈木枱同簡單嘅佈置好有回憶，但坐位係窄既，坐滿人時覺得有啲擠迫。不過呢種氣氛反而多咗啲人情味，特別啱同朋友一齊聚舊或者食啲地道小食！入正題, 咁我地叫左3個飯。 ~椒鹽豬扒飯~椒鹽豬扒飯好出色,果然係名符其實既名物, 豬扒走油夠乾身得黎唔會好柴, 加埋佢d蔥蒜同椒鹽調味夠香再有小小辣, 成碟野好野味得黎又好送飯。 ~蜜椒雞扒飯~蜜椒雞扒飯稍為失色,佢啲雞扒係有炸過, 而炸得過左時間, 皮太硬做唔到鬆脆的口感。同埋醬汁太甜蓋過咗雞肉味, 感覺係G.I.值(升糖指數)十分高既一個飯。~香醋豬仔肉飯~香醋豬仔肉飯既整法就似咕嚕肉,再配上洋蔥、彩椒,香醋汁酸甜開胃一齊炒一炒先上碟,賣相唔錯。但都係炸得有啲過左火喉,外皮口感太硬, 肉質亦較瘦, 食落覺得硬得黎有啲柴。三個飯加野飲共$225, CP值唔算太高。整體而言,3個飯黎講, 3人一致認同*椒鹽豬扒飯*係最好食值得推介,下次會再試其他菜式！…查看更多

大圍出左名多美食，金城茶餐廳係其中一間大圍名物，由細食到大。金城名物係椒鹽豬扒飯、生煎肉餅飯同佢既辣菜甫，今次食左椒鹽豬扒飯、焗芝士豬扒飯同乾炒牛河。✨🐖 | 椒鹽豬扒飯 ($64)豬扒乾身又夠椒鹽味，但識食一定要叫多料頭，會令到豬扒更加juicy同惹味。食之前將豬扒同白飯撈勻，建議再加一匙金城既秘製辣菜甫(為左呢個去咋🤭)，啖啖飯都夠晒味，很好。🧀 🐖 | 焗芝士豬扒飯 ($77)同期望有落差，唔知係咪舊式既焗飯…5分鐘都唔夠就上枱，好似無焗過咁，見唔到食唔出芝士，同鮮茄豬扒飯炒底無分別，不過豬扒茄汁同炒飯呢個組合係無得輸既。🐄 | 乾炒牛河 ($64)呢個乾炒牛河炒得好濕，成個底都係汁，完全唔乾身，係另類既濕炒牛河。總括黎講，去金城食佢既招牌菜好啦，叫其他野真係要諗諗🫣p.s. 同餐廳反映，佢仲要比返碟人地食淨既濕炒粉比你睇，話你知咩先係真正既濕炒🤷🏻…查看更多