金坊泰國美食

營業中

休息中

去過幾次荃灣，今日朋友帶我去先知有間近地鐵站又好食既泰國餐廳。晚市時間相當多人，一坐得我地就落單。豬牛羊沙嗲串燒沙嗲串燒豬/牛/雞各有兩條，串燒燒得香噴噴，配上一碟沙嗲醬料。幾款串燒肉質燒完依然嫩身，不會太乾，值得一讚。泰式椒鹽豆腐粒粒豆腐熱辣辣，內軟外脆，連埋香口既椒鹽配料食十分之惹味。蒜蓉包條蒜蓉包條烘得金黃色，好香口又脆身，牛油和蒜蓉焗得非常之香。濕炒河粉我地選擇左豬肉既河粉，個份量相當大碟，有好多豬肉片，各種雜菜，河粉煮得岩岩好。飲品方面我地叫左椰皇沙冰，冰凍解渴，味道香濃。。金坊泰國美食荃灣兆和街38-40號荃灣美食城3樓

喺荃灣想食泰國嘢，多數都會去兆和街呢間金坊🤣因為覺得食物好味，而且價錢合理，最重要係一班朋友慶生，唔會限時掃興👍🏻今次七個朋友一齊去，叫咗好多款式。泰式古法煲仔翅🥘唔算好大煲，食落每人都分到半碗，味道似一般嘅碗仔翅，冇咩特別🥴但都幾多料海南雞 🐣一上到枱，已經見到隻雞又大又滑又嫩，好吸引人🤩食落果然好嫩滑，好有雞味，讚🤤香濃芝士蝦丸🦐上次嚟嘅時候已經食過，覺得好好味。今次再食都係覺得好好味😋趁熱食，芝士夠流心，蝦丸又香又脆🥰沙嗲串🍢雞牛豬各兩串，食泰國嘢通常都會叫串燒，各種肉都嫩滑，配上濃濃嘅花生沙嗲醬，好味🤟🏼金坊柚子沙律 🍊有少少辣，加埋柚子一齊食都幾新鮮👌🏻泰式四季豆炒欖菜🥦份量都唔少，但有啲油膩，味道正常馬拉盞粉絲什菜煲🥬有幾款唔同嘅菜，正合我哋鐘意食菜嘅朋友😝最後免費送上椰汁西米糕，次次都會送好多件，都算係一個 perfect ending 😆

兩公婆放假荃灣玩足半日🥰差唔多啦要食晚飯😋見荃灣都幾多泰國🇹🇭嘢食😘見佢去唔到泰國🇹🇭心情有啲忐忑🥺就同佢食餐泰國🇹🇭菜啦😁佢話去泰國一定要食生蝦～其實我唔係好敢食生嘢嘅、但即管試吓啦😅又幾新鮮幾好味喎，再配合泰式醬汁Perfect👍🏻👍🏻～沙嗲串燒～配合泰國醬汁真係好掂，有泰國車仔檔嘅風味😘蒜蓉通菜、泰式海鮮炒河～必食Dessert一定要叫芒果糯米飯～佢呢個糯米飯係用班蘭葉、好特別好好味😋再一人一杯飲品～班蘭椰汁沙冰、珍多冰Yummy Yummy你即時打卡有彩蛋送（精美甜品🍮椰汁西米糕）食到捧住個肚走😘#環境好有泰國feel#座位寬躺#仲可以拜佛

今日黎到荃灣食泰國菜，呢間餐廳係區內都算出名，有唔少住係荃灣嘅朋友都食過。一區入面就有兩間分店，今次試嘅係位於兆和街大啲呢間！一入門已經感受到濃濃嘅泰國風情，聽埋姐姐嘅口音，應該係正宗泰國人無誤。今晚我地叫左柚子沙律🥗，黃咖哩軟殼蟹🦀，串燒拼盤，同埋薄餅。柚子沙律酸酸辣辣非常開胃！仲有青木瓜絲係面，係一道好好嘅頭盤！串燒拼盤有兩串豬🐷兩串雞🐔同兩串牛🐮，一次過試齊幾款👍🏻黃咖喱軟殼蟹味道唔算太濃列，如果你鐘意食咖哩香但又唔想食得太重口味可以過嚟試下！最後要提嘅係呢度有牛油果沙冰！牛油果加蜜糖打成！唔係度度都有架！而家晚市仲會送甜品🍮正呀🤗

黎到荃灣，當然要搵下好野食啦。同朋友上網搵左呢間話啲嘢超正宗、cp 值超高既泰菜試一試。我地6:00入坐，已經有好多其他食客等緊入坐，坐多陣已經差唔多full 哂咁濟，睇嚟呢間都真係好多人食！我地睇睇menu，叫左碎肉生菜🥬包、燒豬頸肉、泰式炒通菜、椰青同龍眼冰。- 碎肉生菜🥬包：份量勁多，碎肉炒得非常香口，連生菜食成個感覺好fresh, 同埋味道都好正宗👍🏻讚！-燒豬頸肉：個豬頸肉非常嫩，外皮又燒得好香，點埋個甜甜酸酸既汁，非常開胃！-泰式炒通菜：呢個汁同個通菜超夾，個汁入哂落個菜到，味道非常之好，又吾會辣，成碟好食到同朋友清哂呢👍🏻。-椰青：飲落好好甜、好清新，仲可以刮埋啲椰肉食，岩哂呢個咁炎熱🌞🌞既天氣飲丫。-龍眼冰：第一次試呢個龍眼冰，裡面連埋龍眼肉可以食，味道都不錯，都係最佳解暑既飲料🥤之一。整體來講，服務員都好足夠，又招呼周到。而且食物品質都相當唔錯，係好食既，價錢人均都係$170，晚餐🥣來說算係合理價錢，性價比高，值得再來一試！

住喺荃灣感多年，呢間泰菜好多荃灣街坊都識😂成日都去食，好抵食，份量又多，次次去到都滿座😄今次同朋友又去食，叫左：明爐烏頭：$168糯米雞翼：$98海南雞飯：$68好中意食明爐烏頭，差唔多次次利都會叫！湯底有香茅，檸檬，酸酸甜甜，好開胃！烏頭好大條新鮮，兩個人都食吾曬！海南雞飯，雞肉嫩滑，無咩骨，吾會鞋,一個set都係$68!糯米雞翼都好讚！雞肉夾住糯米，輕微烤過！住喺荃灣真係好，有好多地道美食😊

今晚又去荃灣搵食，呢間泰國菜之前喺路德圍食過，原來仲有一間分店喺千色店嗰頭！▶️ 青木瓜絲沙律 $88青木瓜絲好爽口，柚子好甜。最特別嘅係加咗蝦米，帶點鹹香同咬口👍 不過醬汁既味道都幾辣，酸酸辣辣夠哂開胃🧛‍♂️▶️燒扇貝 $26/隻到除咗串燒，仲有燒海鮮！扇貝落咗牛油炸蒜，燒得好香仲好juicy🧞‍♂️▶️ 燒羊鞍 $98份量好多🧛‍♂️估唔到燒羊鞍配沙嗲醬又幾夾wo🧚‍♂️ 燒物都幾出色，燒羊鞍既時間火候控制得好好，大概七八成熟，入口嫩滑無筋。▶️ 鐵板比目魚 $112食明爐烏頭食到厭啦😂 見到呢道鐵板比目魚好似幾特別，一於試吓！估唔到幾有驚喜！比目魚比較少骨，食落啖啖肉好方便。鐵板上其實都keep到個溫度，味道似冬陰功加蕃茄調既醬汁，好惹味，大人小朋友都啱食🧞‍♂️最後仲有送嘅甜品 - 椰汁大菜糕，抵食又好食嘅一餐泰國菜！

這間位於荃灣美食城的泰國餐廳，晚市有多款泰式小菜及小食，而且不需要加一收費，只收每位水費$3。泰式椒鹽豆腐豆腐炸至金黃，外面香脆，入口嫩滑，而且又不會太咸。香濃芝士蝦丸蝦丸開邊，炸至外脆內軟，中間的芝士流心，即叫即炸，所以熱辣辣，蝦肉則較腍。炸泰式豬手豬手炸至乾身，表面香脆，皮下帶點脂肪及膠質，食完有點黐嘴，非常惹味。濕炒冬陰公海鮮河粉淡淡的冬陰公香味，河粉是闊身的，份量極多，有爽口蝦肉、扇貝及魷魚，還有大量的雜菜混合一起。最後還送上甜品，淡淡椰汁香。

約左朋友係荃灣食飯 第一時間就諗起去金坊食泰國菜疫情下 平日既金坊估唔到仍然都幾多人食叫左馬拉盞通菜、青咖喱海鮮炒飯、沙嗲燒聖子、同香茅砂鍋蠔仔煲因為慣咗食飯要叫菜，所以叫咗馬拉盞炒通菜，通菜不過不失，味道少少偏甜，要黎餸炒飯都唔錯。叫左青咖喱海鮮炒飯，個炒飯配左腰果同肉鬆 非常香口估唔到有兩隻好大嘅蝦同埋好多海鮮，飯炒得都幾乾身同埋有少少辣味叫咗兩條沙嗲燒聖子，師傅燒得啱啱好，隻聖子好彈牙，加埋沙嗲嘅配搭，好特別好新穎，都係值得推介嘅最好味係個香茅砂鍋蠔仔煲，啲蠔整得啱啱好，超級多隻又新鮮，入面有好多配料，好似青椒、黃椒、菇食到好飽，個肚都漲晒最後原來仲有甜品送 唔算好甜 感覺清新 岩晒小妹我既口味

我好經常有時間都會過來與荃灣的朋友聚下，今晚有時間就與朋友一齊晚餐，我們揀了食兆和街的金坊泰國美食。餐廳很多人，也很寬敞及很多位，裝修舒適。Menu厚厚的一本，非常多菜式選擇。Menu因為圖文並茂，所以很快就揀到了喜愛食的菜式。香茅蠔仔煲 $108香茅蠔仔煲裏面有很多娃娃菜、秀珍菇、蠔仔、青紅椒、香芹菜，還有檸檬葉、辣椒、香茅及南薑……等調味料，蠔仔雖然不是很大隻，但入口口感軟滑有蠔味，香濃的泰式味道~~！濕炒海鮮河粉$88 海鮮有帶子、 鮮魷、蝦仁……等，還有配菜粟米芯、紅蘿蔔、 芥蘭、洋蔥、 西蘭花及秀珍菇……等等，都好多配菜。整個濕炒海鮮河粉很多湯汁，也很入味，海鮮帶子、鮮魷、蝦仁……等，食落都好新鮮及鮮味！酸辣明爐烏頭$168明爐烏頭看落一大盤，有很多配菜，有豆角、香葉、紅蘿蔔、粟米芯及秀珍菇……等，味道酸甜帶辣的，用明爐一邊滾著一邊熱辣辣的食，特色又惹味！！最後食埋這個清甜爽口的大菜糕甜品，作為今餐泰菜的完美结局， 好滿足！！

朋友知我工作唔順利話出來同我食泰國菜散散心， 原來是帶我來荃灣的金坊。上到3樓地方寬敞，都幾多食客，氣氛熱鬧。先叫左一條酸辣明爐烏頭， 上層放滿蔬菜，蔬菜吸哂酸辣湯的味道 I Iike ，烏頭先炸後放上湯味道幾好。 牛肉馬拉盞炒粉絲份量都幾滿，牛肉片數量幾多亦見軟淋唔會硬，粉絲勁入味， 最後我地驚唔夠飽叫左個心蝦醬炒飯，炒飯入口有淡淡的蝦醬味，配住肉鬆和腰果食特別滋味。最後的甜品大菜糕，一來夠凍二來爽甜，食完夠哂完滿了。

啱啱先知道原來金坊係荃灣有兩間分店，呢間位於3樓，比起地舖嗰間顯得更加舒適，更適合一族朋友一齊傾偈食飯！無骨酸辣鳳爪酸酸辣辣好開胃，連D配菜都一樣好食！鳳爪完全無筋，啖啖肉，好好味金坊嘅餐，俾嘅分量真係唔手軟！平時出街食叫親豬頸肉都係得幾片，呢度滿滿一碟先至90幾蚊！啲肉質超軟滑，炭燒完嘅邊位少少脆邊，食唔停口！是日CP值最高，絕對係呢一碟海南雞飯，啲肉多到爆炸，先至$68！全消都係每次必買， $98就有半打，仲要可以一次過食晒豬牛雞三款！個人覺得雞最好食，因為非常嫩滑，幾款都有好香嘅炭燒香味，超級香口！佢附送嘅沙嗲醬都是花生味道濃郁，非常好食！晚市每台仲要額外附送甜品，仲要唔使加一！真係物超所值

這店是午市常來光顧的，每次在荃灣午市找食，決定不了就會去呢度，因為坐得舒適，食物款式多，而且非常抵食，不過惟一缺點就是。。。每次食完都幾口渴，所以怕味精就停了多時。今天獨個兒來，海南雞拼豬手飯，份量真非常多，我估男士都一定超飽。今次給我雞胸肉，當然會感失望，不過說實話，其雞胸肉不算鞋，味道不錯啊！豬手更加是招牌菜，絕對入味，皮充滿膠質。加$8來個酸辣鳳爪，我覺得十分抵，鳳爪數目不少，偏辣。今天湯可選椰奶或苦瓜，我選了椰奶。當中的秀珍菇大大隻的，內裡充滿香茅及莞茜的香味，也夾著椰奶的調味，正！你不會覺得太稠。還有大大杯的凍飲。午市不需加一，埋單$65。👍🏻

荃灣#抵食#泰式早餐➡️《金坊泰國美食 》✨✨金坊荃灣友相信都應該耳熟能詳，仲開左2間Tim。食過晚市食過下午茶，都ok既。但想講番既係佢嘅早餐❗️💭有次朝早求其走咗入去食，估唔到一試成顧主😂😂因為真係好抵食❗️仲要差唔多次次都係食同一款🙂，明明有好多款揀-0-🔅沙爹牛肉金邊粉+煎雙蛋，火腿+凍檸茶早餐都可以食到泰式粉麵🤗又有金邊粉揀，個湯底同平時茶記個啲沙牛麵唔同味，所以覺得好特別，夠味得黎唔會太濃烈（早上食岩岩好唔會好heavy)，仲有啲蘿白通菜係到。💥啲牛肉都算好多舊，係新鮮牛肉🤩有啲似瘦版牛腩，好正‼️炆到岩岩好，夠軟熟唔鞋✨早餐可以食到呢啲牛肉真係nice👅食過豬軟骨都唔錯喔。📢$35大大份食完真係非常飽，唔會話因為早餐個碗粉就少啲，凍飲唔使加$3😛（好大杯！）👅：8.7/10

是日想食泰國菜，講到荃灣既泰國菜就會諗起金坊泰國美食，呢間係呢區已經有好多年嘅歷史。今次黎叫咗完隻海南雞，一碟份量唔少，啲雞肉都好嫩滑，點埋醬汁好開胃。黎到呢到緊係唔少得叫咖喱，今次叫左軟殼蟹黃咖喱，軟殼蟹炸得都脆，咖喱唔會話好辣，食得出仲有他其香料味，最適合薄餅或麵包一齊食。最後叫左份芒果糯米飯，啲芒果夠甜而且冇揸，配埋糯米飯同棷汁一流。總括而言，呢間泰國菜味道不錯，而且份量都多，性價比高，可以一食。