金坊泰國美食

營業中

休息中

金坊泰國美食@黃埔星期六去食個lunch 全日冇加一Lunch非常抵食 全部$100以下仲要包湯同飲品 可以半價加小食👍🏻馬沙文咖喱燒雞髀飯 ($62)雞髀同咖哩另上 雞髀仲切埋件好好咖哩唔辣 入面主要有洋蔥同薯仔雞髀燒得好香 都多肉 唔鞋不過味道都係要靠夾埋個咖哩一次過撈飯十分好 個飯勁大等於兩個飯 勁誇張！豬手飯 ($58)相當大份 豬手仲排得好靚有菜同半隻蛋 配個甜酸醬個飯又勁大個 性價比高！濕炒海鮮河 ($60)呢個又係超大份 海鮮同菜都勁多味道正常 一個人絕對食唔晒！叫左三個小食 全部半價諗住半價份量應該都唔係好多點知都比想像多！勁抵食！泰式炒通菜（細） ($18)正常平時係泰國餐廳食到嘅炒菜惹味 幾好食😋泰式酸辣鳳爪 ($13)酸尾尾好開胃 好食👍🏻蝦餅配春卷 ($18)各兩件 炸得好鬆脆另外跟餐餐湯可以揀冬瓜湯或者冬蔭公湯揀左冬瓜湯 幾濃味不過有d鹹 可能有味精飲品方面 平時茶餐廳個d都唔使加錢淨係凍飲加$3 另外有啲特飲就再加錢凍鴛鴦少甜 (+$3) 正正常常泰式奶茶少甜 (+$8)特飲就會大杯d呢到泰奶竟然有得揀少甜個茶味突出d又真係冇咁甜 好飲！龍眼冰少甜 (+$1

黃埔地鐵站A出口食肆林立，相約朋友到區內老字號「金坊泰國美食」大快朵頤聚聚舊，步行不多於2分鐘，金色大招牌配上金字，奪目耀眼。店鋪光猛明亮，設有卡位雅座和圓桌，枱與枱之間夠曬空間感，牆上有泰皇掛畫，金象裝飾🎍，置身於泰國🇹🇭咁。精選二人晚餐：馬拉盞炒椰菜苗：椰菜苗好爽好翠綠，蒜頭拍碎，紅椒切片，通菜蘸上調味汁，吾會太咸的馬拉盞，好夠鑊氣好惹味。沙嗲豬雞串：燒的時間剛好，豬同牛都肉質嫩滑有肉汁，泰烤豬肉串口感耐嚼，有越嚼越香的感覺，充滿微酸辣的泰式風味!! 那種微酸香的風味可以在佐上一點沙嗲醬，沙嗲醬充滿花生醬香，仲有花生顆粒，帶有焦感，香脆可口，好味。海南雞（半隻）：嫩滑可口，全因經過上湯浸煮，又過冷河，皮薄爽滑，雞肉味道濃郁且已經去骨，懶人一定食。另外提供醬汁用上特製、雞油、蔥、乾蔥及調味料等製作，令到雞味更加突出。香辣海鮮炒粉絲：泰式海鮮炒粉絲海鮮有鮮蝦,魷魚圈，味道很鮮甜，粉絲囗感煙煙韌韌，而且加上三色🫑增加口感。鮮香辣味，帶有馬拉盞風味，非常適合海鮮愛好者。燒蟶子：燒蟶子的味道鮮甜，肉質細膩，帶有天然的海水甜味，肉質脆嫩多汁，不會過度烹飪，燒得剛剛好。蒸生蠔🦪：脹卜卜生蠔，用上

今次黎到黃埔一間開咗好多年嘅老字號泰菜價錢親民 仲要份量十足 店員仲非常好客等我同大家分享呢間平靚正嘅泰式美食青檸汁燒牛扒牛扒肉質粉嫩多汁 口感軟腍 加上靈魂青檸汁開胃提鮮 酸甜夠開胃咖哩炒蟹肉配蒜蓉包咖哩香辣惹味 仲有小小甜 蟹肉係人手拆 新鮮彈牙 蒜蓉包香脆配襯 完美搭配 咖哩夠哂香濃 配飯真係食到停唔到口乾炒海鮮河粉泰式招牌炒河粉 彈牙爽滑海鮮豐富 醬汁入味香辣 仲加入大量配菜 增加口感另外仲嗌左珍多冰椰汁味夠重又唔會好甜 解辣一流仲有最正係入面嘅涼粉 口感軟糥

燒蠔❤ 勁勁勁大隻，隻隻都飽滿鮮甜，蠔味十足，黎到一打開就出哂煙，勁juicy燒蟶子❤ 得返中SIZE，有牛油等調味，食落啖啖肉精選2人餐❤馬拉盞炒椰苗❤ 椰苗爽甜，馬拉盞惹味可口海南雞（半隻）❤有溫度，仲有雞油，雞味香，雞肉嫩，必點沙嗲串燒（4串）雞❤ 惹味可口，沙嗲醬汁勁香濃香辣海鮮炒粉絲❤ 走辣 如果可以再大碟D就更好！生蝦（4隻）❤2人餐加配 好抵食，仲可以無限加～明爐馬友魚❤馬友肉嫩零腥味，湯頭清甜，大大條，好味咖哩大蜆煲❤隻隻蜆都開哂口零沙蒜蓉包條❤ 跟咖哩大蜆一齊食，大滿足！

叫兩個泰式下午茶食吓先冬蔭功脆肉斑蘭麵～份量唔算多～冬陰功湯底好多香料正宗好味～脆肉幾特別泰式海南雞船湯金邊粉～ 有幾嚿細海南雞都算嫩滑～船河湯底濃～有一大嚿白蘿蔔幾甜～炸豬皮好脆好好味泰式生菜包必食之選～生菜新鮮～碎肉好香青檸汁、魚露味～再加上香料、辣椒碎、生洋蔥碎、好夾好好味泰式酸辣鳳爪配菜比較多～幾入味夠辣夠酸～雞軟骨豬肉棒餃子～應該係急凍餃子味道麻麻青咖喱薄餅～青咖喱唔辣幾香椰奶味熱奶茶、熱檸水味道冇特別

第一次光顧既金坊,本身早兩日都打算食西餐,後來諗下不如食些熱辣辣的泰菜好過,就選擇金坊.本身訂左19：00,不過妹妹妹夫早到左,所以我地去到時大約18：00,餐廳內冇咩人,可能時間尚早,餐廳光猛,整齊整潔.本身打算叫套餐,但係只有星期一至五供應,之後睇下有咩特價,泰式生假,海南雞,咖喱軟殼蟹配蒜蓉包都有,當然就即係落單,另外再加燒豬頸肉,蝦頭膏炒飯,明爐馬友魚.龍眼冰就係我妹妹至愛.上菜速度好快,首先就係泰式生蝦同海南雞,生蝦好爽口配泰式海鮮醬,正呀.海南雞落左原隻,不過有些多,餐廳一碟半隻,兩碟原隻,海南雞好滑.咖喱軟殼蟹配蒜蓉包,包就好夠脆,配咖哩汁吾錯,不過軟殼蟹就有d覺得少.燒豬頸肉就香口,脆身.蝦頭膏炒飯就一般,冇咩特別.明爐馬友魚上枱時有火爐烘住,魚好滑,媽媽好鍾意,食到最後都仲好熱.最後有諗過想試埋芒果糯米飯,不過太飽冇食,但係餐廳送左4件椰汁糕比我地試.埋單每人都吾使$200

呢間泰國野，係我日常飯堂，每次諗唔到食咩就去食海南雞飯（$58），包冬瓜湯/冬陰功湯，凍飲加$3。海南雞飯，個黃姜飯好香，但米飯個質地通常偏淋，如果乾身d會好食d。海南雞份量唔少，但有時皮多肉少。但佢個泰式醬配海南雞好好食，通常都點晒佢個醬。冬瓜湯係我每次必飲，好香好好飲，個湯反而係我覺得吸引到我黎既一大原因。凍檸茶亦都唔係一般茶記茶底，會飲到茶既甘味好正。整體$61，有湯有飯有凍飲，所以lunch 都好多人食。

行完街搵野食，揀左去金坊食泰國菜，七點多來到等三張枱，全店滿坐十分熱鬧。睇一睇餐牌，有個二人餐幾抵食，仲有啲特價餸都好抵，揀下食咩先。⭐海南雞半隻點了半隻海南雞，已去骨啖啖肉，雞肉嫩滑，海南雞醬汁酸酸辣辣好惹味👍⭐泰式羊腩煲仲叫咗個羊腩煲，估唔到泰國菜都有羊腩煲食，有泰式或黃咖哩口味，揀咗前者，個醬汁鹹鹹地有藥材味少少辣更香口，羊腩份量唔少，炆得好入味，正👍⭐白飯咁好餸，梗係要叫個白飯啦。⭐班蘭椰汁沙冰 & ⭐椰青再加咗兩個特飲，班蘭椰汁冰微甜有椰香，而椰青冰冰涼涼好清甜，食咗咁多濃味嘢啱曬飲。⭐甜品仲有甜品送添，椰汁大菜糕？幾爽口喎。免加一，兩個人食左二百幾蚊，抵食吖👍

星期四又去左黃埔食飯之前路過已經見到金坊泰國菜好吸引今日終於去咗食晚飯必點海南雞飯，老公最鍾意食👍🏻👍🏻👍🏻👍🏻雞超滑，醬汁得一款泰式醬汁蒜蓉包👍🏻👍🏻👍🏻👍🏻👍🏻超級好食，外脆內軟蒜蓉味又香又濃香葉炒大蜆👍🏻👍🏻👍🏻👍🏻超大碟，蜆肉鮮甜爽彈無沙仲有勁多配料，好豐富青芒絲水晶軟殼蟹卷👍🏻👍🏻👍🏻好清爽好fresh ，軟殼蟹酥脆青芒絲增加口感煎蠔餅👍🏻👍🏻👍🏻👍🏻👍🏻煎得好鬆化，蠔又大大粒好好味

今天晚上，我和朋友相約到位於紅磡的金坊泰國美食餐廳享用晚餐。這裡的環境舒適，充滿了濃厚的泰國風情，讓人一踏入就感受到熱情的氛圍。我們開始了豐盛的晚餐，首先上桌的是酸辣鳳爪沙律，酸酸辣辣的味道讓人胃口大開，搭配新鮮的蔬菜，口感十分清爽。接著是燒烏頭魚，外皮酥脆，魚肉鮮嫩多汁，搭配獨特的醬汁，讓我們吃得津津有味。秘製咖喱牛腩則是這次晚餐的重點，牛腩燉得軟嫩入味，濃郁的咖喱香氣令人陶醉，搭配米飯一起享用，實在是無法抵擋。我們還點了印度薄餅，搭配咖喱一起食用，味道更上一層樓。椒鹽大頭蝦的鮮甜味道十分誘人，讓人一口接一口，完全停不下來。最後，蒜蓉包條的外脆內軟，蒜香四溢，讓我們忍不住多點了幾個。我們搭配了兩杯熱菜蜜，甜美的飲品為整頓晚餐畫上完美的句號。這次的用餐體驗讓我們都感到非常滿意，期待下次再來！

晚市二人套餐❤我地叫左馬拉盞炒椰菜苗❤泰國直送夠嫩冇渣既椰菜苗配上特製既馬拉盞醬，香氣撲鼻海南雞 半隻❤雞肉嫩滑 淡淡雞油香氣 好juicy沙嗲雞串❤雞串先用香料腌製，外焦內嫩，就咁食都好惹味菠蘿海鮮炒飯❤香甜菠蘿，配上海鮮配料，飯粒粒粒分明，香氣十足，如果再大份D就更好喇正價飲品買一送一❤芒果沙冰❤芒果味濃帶酸甜 牛油果沙冰❤淡淡牛油果香 唔太甜無限優惠價進加 生蝦 四隻❤ 大大隻鮮味十足散叫既我地叫左泰式豬手❤豬手好入味 我地要求最瘦，所以食起黎啖啖肉唔嚡口，皮夠軟嫩，底下仲有酸菜同芥蘭，送飯一流。冬陰功明爐馬友魚❤酸 辣 鮮，想飲湯又想食魚，岩哂2樣都想食既你!!!條馬友真係好鮮甜，魚肉好滑零腥味!燒蠔 黎自台山❤必點! 勁大隻 蠔肉漲卜卜，夠哂肥美燒蟶子❤蟶子新鮮彈牙，好惹味，燒到岩岩好燒大頭蝦❤味道正常!呢3款燒海鮮，可以優惠價食每人限叫2隻，多過2隻就正價收費，抵食最後送個芒果椰汁糕❤，同叫多份榴槤炸彈❤香脆可口，內餡流心全場每加一，只係每位收$2水位，餐牌選擇多，大滿足。

今日放工約左朋友係黃埔食飯，金坊泰菜由🇹🇭泰國廚師親自主理，供應簡而精的地道街頭泰菜，招牌菜為冬蔭海鮮湯、蟶子沙律、香辣炒河，泰國風味濃厚，價錢親民，味道一流😋⋄⋄====—====—====—====—✦ 小食類 ✦🍤🍗雜錦拼盤（$138）（蝦餅、魚餅、春卷、香茅雞翼）雜錦拼盤非常豐富，每款食品都好吃，特別喜歡蝦餅和香茅雞翼，熱辣辣又香脆美味，同朋友share一流😍⋄✦ 燒烤類 ✦🔥沙嗲串燒（豬/牛/雞）（$98）串燒係店內招牌之一，熱辣辣即叫即燒🤩肉質鮮嫩，經過炭火燒烤，搭配店內秘制的沙嗲汁，花生味道極香，香氣四溢😍 ⋄✦ 蔬菜類✦☘️馬拉盞炒通菜（$88）泰國進口幼身通菜口感爽脆，相比平日通菜多是較大棵，亦較易炒至軟身而失去了爽脆口感。金坊採用泰國當地通菜，除了較幼細之外，更保留通菜獨有的爽脆，配上馬拉盞醬香口惹味😛⋄✦ 主食 ✦🐷紅咖喱豬頸肉炒飯（$88）辣香惹味的豬頸肉炒飯非常香口，紅咖喱味道香辣又香口，豬頸肉香嫩爽口，飯粒炒得乾爽😋⋄✦ 泰式飲品 ✦🍹三式冰（$28）椰汁香味濃郁，加上冰粉條非常有口感👍🏻—🌴椰青（$38）椰青大大個，冰涼夠凍，入面仲有椰青冰塊🧊超細心⋄✦ 泰

今日同朋友嚟到一間泰國餐廳，好耐冇食泰國嘢想試吓，果然冇令我失望！😍首先叫咗 **咖喱軟殼蟹配蒜蓉包條**，軟殼蟹炸得香脆，配上濃郁嘅泰式咖喱醬，味道層次好豐富！而且蒜蓉包條外脆內軟，沾埋咖喱食真係一流，超好味！🦀🍞接住又試咗 **海南雞**，雞肉鮮嫩多汁，配搭上特製嘅醬油同香油，吃落去清新又唔油膩，簡直係完美嘅搭配！而且仲有配飯，真係食到心滿意足！🍗🍚另外仲有 **沙嗲串燒**，分別係豬串同雞串，串燒得恰到好處，肉質滑嫩，配上香濃嘅沙嗲醬，食到令人回味無窮！特別係豬串，肉味十足，真係好好吃！🔥🍢最後，當然要試下佢哋嘅 **珍多冰**，呢款泰式甜品清涼又消暑，配搭上多種配料，口感豐富，食完真係好開心！🥥🍧總括嚟講，今次泰國菜之旅真係好滿足，所有菜式都好味，氣氛亦好隨意，絕對值得一試！👍📍 金坊泰國美食 (紅磡)紅磡民泰街43號地下C1號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry紅磡 #

今日本來想試間小店，但太多人等位，轉戰食泰國菜。入去餐廳只係半滿但都要搭枱，睇咗陣餐牌，揀咗冬蔭公湯套餐$62，511冬蔭公海南雞鴨蛋麵，加$8轉香水檸檬茶，要鴨屎香烏龍茶底，盛惠$70。冬蔭公海南雞鴨蛋麵湯底幾好味，蕃茄酸甜唔辣，麵似平時潮洲粉麵舖啲麵，彈牙有咬口，但覺得麵既份量有點少。海南雞單食已經好入味，但套餐既雞份量看似多，但其實有一半都係雞皮，有至少4塊都係皮，下面無肉，如果餸分開另上會好啲，啲肉唔清楚係俾少咗定沉底，但揾埋個底都係得啲雞皮，呢樣勁扣分，下次點海南雞一定跟飯底。配料都係啲菇，芽菜為主，芽菜肥短幾好味。其實食完成碗都唔係好飽，但套餐有飲品，飲埋就夠飽。加錢既鴨屎香檸檬茶只有一片青檸，甜度適中好味，但飲到杯底有啲蜜糖沉底，如果一開始攪拌嚟飲應該會覺得太甜，無攪拌既情況下飲到尾，到最後先會覺幾甜。呢餐整體都好味，係海南雞份量少，用雞皮俾我呢個有啲扣分，下次唔會揀湯粉，因為唔抵食。如果可以揀既話，建議揀飯餐最抵，有飲品同例湯，仲要好快上枱，見隔離位食海南雞拼豬手飯幾正，料好多，下次想試。至於例湯方面，個待應又無講晏就食lunch有無例湯送，想揾佢問又唔知去咗邊，呢間食

好耐冇嚟呢度食，見餐牌好多新嘢食，咁咪想試吓生蠔同聖子～點知SOLD OUT!咁唯有揀返啲大路嘢～蝦醬炒飯/咖哩炒軟殼蟹/馬拉盞通菜/沙嗲（牛肉）半打/糯米雞翼。唔知係咪自己食嘢嘅口味濃，還是佢哋為咗迎合香港人口味，總是覺得無以前咁濃味同唔辣！對於我另一半係嗜辣者嚟講就大鑊咗啲！當然又係唔問佢哋攞辣椒油，一放抵就係4樽仔任揀（讚）。 最後埋單前有甜品送，仲要咁大間同咁好服務嘅餐廳竟然唔洗加一，所以坑渠邊燒烤咁bad service憑什麼收加一？