金唐爺爺

無聊搵搵駱駝漆有咩lunch好食， 就見到哩間金唐爺爺，見價錢不貴， 平均一碗粉$50左右， 就嘗試下。叫左個沙茶吊龍炒粿條，加蛋$5 ， 一黎到好香， 食落唔錯， 幾好味。 我再加左個油菜$18。正常野。 另外加個煎韭菜粿。外皮幾煙韌。味道都不錯。 另外可能我食lunch時間較晚， 去到都3點幾，冇咩人， 店面姐姐服務都好好。 整間店望落都衛生乾淨，又算光猛， 所以整體用餐感覺都唔錯。 下次都會再黎試下拌麵，好似都幾吸引。。…查看更多

想平平地食個晏，走左去駱駝漆搵野食今次試下依間，叫左"大老闆粿條"$50，有吊龍，墨魚丸，蝦尖，仲有少少紫菜湯底幾清，有d蒜味，吊龍好食，唔會好鞋好老，墨魚丸普普通通，蝦尖幾特別，啖啖蝦肉好足料，加$10仲有罐裝飲品仲見倒有樣野叫"卷章"，未見過，下次可以試下…查看更多

早兩日出觀塘攞貨順便去駱駝漆搵嘢食見到有間食潮汕河粉睇餐牌有啲名好得意我都未聽過一於去試吓 我哋叫咗大老闆同牛三寶粿條裏面嘅吊龍牛肉都好鮮味 但對我嚟講呢就淥過火左啲牛丸好正 彈牙而且肉汁豐富蝦尖啖啖蝦肉好足料墨丸唔啱我 淋吱吱嘅一碗粉分量有啲少 正餐係唔夠飽嘅見到一樣野叫卷章 唔知咩黎 一於叫黎試下原來係腐皮扎肉卷 我中意食喎試過係九龍城買過 咸到要換腎佢呢個調味比較淡口 但配埋個碟好濃味嘅豆瓣就啱啱好個豆瓣好咸香有豆味可惜佢無得賣佢有冷藏嘅潮汕牛肉 同埋啲手工丸賣天冷經常會打邊爐 我都入手左啲…查看更多

觀塘午市$40蚊都可以食得飽!?金唐爺爺最近在美食重地駱駝漆大廈新開張，主打潮汕牛肉及特色食品，全部飯麵都$50蚊內，絕對值得一試!! ✌️- 潮式車仔麵 (自選): 🍜可選不同麵底及配料，配料HK$8起就食到新鮮材料非常抵食!!沙茶拌麵 HK$8 🍜可選粗麵幼麵，選用彈牙爽口蛋麵，再拌上香濃沙茶醬。自家卷章 HK$9 🐷潮汕特色食品，香脆腐皮包住豬肉滑煎香，非常惹味。溫體牛丸 HK$13 🐂牛味濃郁鮮牛丸，必試!!吊龍 HK$16 🥩牛背位，肉質嫩滑又充滿牛肉鮮香!!- 墨魚卵粿 HK$38 🦑必試潮汕美食!!將墨魚卵打膠製成。煎香後口感煙韌充滿墨魚鮮香!!配上開胃辣椒醬超惹味!!- 沙茶吊龍滑蛋蓋飯 HK$42 🥩🥚🍚潮式車仔麵 (自選): 🍜- 沙茶拌粿條 HK$8 🍜- 馬鮫魚丸 HK$9 🐟- 鮮蝦尖 HK$13 🦐- 黃牛牛腩 HK$16 🥩…查看更多

阿女暫時回office幫我攪網站，好丑也慰勞下，隨便吃....找了一家潮州小食店~金堂爺爺。一聽就知道家庭式，難得輪胎人也推薦，潮州食材，不過不失，但内寫上：“意見接受，態度依舊”，甚有霸氣，原來是老闆娘又甜又美，永遠態度是笑容十足，觀塘寶藏小店不少，匿蹤在各工廠大厦角落，年輕人剛入社會，平民飯堂還是和譪可親！…查看更多

今日下午同同事試咗呢一間潮州牛肉粉麵店。 終於俾我哋喺香港試到潮汕山區黃牛肉！😍 我哋叫左沙茶吊龍滑蛋蓋飯($48)，沙茶吊龍炒粿條($48)加$5蛋，超好食😱！濃濃嘅潮州沙茶醬，加上吊龍(肉眼)。 牛肉味超重，潮州牛肉果然唔同啲！好推介👍👍下次再試埋啲粿條😋😋見到菜單仲有牛三寶入邊有吊龍牛腩牛丸，好多人食，下次一於是呢一個。店員話吊龍即係美國肉眼嘅位置，但係佢哋用潮汕山區黃牛，所有丸都係自家工場做，湯底係牛骨湯，每日新鮮煲！…查看更多

今日經過，見到想試吓，但個鵝肉飯，只有4-5塊碎鵝肉，份量超級少，另外一份湯面內吊龍（牛肉）又老又乾又碎，2個墨魚丸又偏咸，蝦丸只有1個，份量好少，中伏，不值得推薦，完全唔值…查看更多

星期日去觀塘工廈買梳化，路經原本想試同層另一家米線，點知原來星期日休息⋯路經此家價錢合理環境也ok就試吓1）沙茶吊龍炒河$40味道ok，不辣，略乾，不過不失，性價比高2）大老闆河粉$46有吊龍、蝦棗、墨丸，收這個價算係抵，但係吊龍煮得太熟好靭，牛味淡，嘥咗！蝦棗同墨丸反而都幾鮮味，蝦棗係食到蝦肉嘅，感覺買番去自己煮粉食或者放氣炸鍋都會幾好食；結論係幾抵食，路過可以試吓，唔需要專程過來覓食。…查看更多

8月13日，中午買了牛三寶菠菜麵。牛坑腩，吊龍又實又乾，完全咬不開，紫菜有沙，只有牛丸，及菠菜麵還可以食，但不值推介。由下午1點14分落單，直到2點10分，先有得食。我係直接係駱駝漆大廈舖頭落單，其間又做錯餸，拎回公司先發覺錯。致電話俾舖頭，電話接聽人話自己返咗大陸，叫我去搵舖頭人😑，呢間舖無另外一個電話號碼，我又要再行落街去舖頭更換該碗麵到更換完即拎返公司食，點知大失所望😣😣米之蓮到底是怎評分？😒😒…查看更多

係駱駝漆3期1樓睇menu每樣野都好平！有飯有粉有小食 最平$30幾蚊搞掂！潮式車仔麵 最少要揀3款餸我叫左total $39麵底沙茶炒粿條 ($8) 勁大個蝦尖 ($13) 魚丸 ($9) 卷章 ($9)叫左少油 所以沙茶醬唔係好多😂可能因為撈嘅關係 會有埋一碗紫菜湯咁食落就冇咁乾 非常好😋蝦尖同魚丸都幾彈牙卷章係扎肉黎 正常味道 都好食沙茶吊龍炒粿條 ($40)呢個炒時已經撈左沙茶醬吊龍姐係牛脊背上嘅肉冇筋 唔錯 食落似沙爹牛😂又係勁大份 食唔哂！煎韭菜粿 ($38)有4粒 可以同其他小食雙拼不過冇咩興趣 所以要哂韭菜粿外皮係粉粿皮 幾煙韌 不過有d厚入面韮菜好香 不過要沾豉油/辣椒油先夠味如果有d肉係入面就更好呢間又平又唔錯 推介啊！…查看更多

星期六悶悶地，於是走去觀塘駱駝漆第三期行吓，行咗好耐，行到腳都軟埋，見到不同形形色色嘅美食，最後行到去2樓經過「金堂爺爺」，見佢地做緊promotion，蚵仔煎 $20一份，即煎，跟住就入去試吓，入到去環境乾淨舒適，職員免費送上一小碟花生同埋兩杯潮州茶，吃完蚵仔煎後，味道好好味。之後再點了一份沙茶牛肉炒河，亦好好味。爺爺仲送上一份甜品。由於蚵仔煎太好吃，所以再點多份，最後埋單90元正，有招呼、有嘢食、有嘢送，感覺好好👍🏻。…查看更多

朋友介紹呢間麵舖。我覺得最特別係菠菜麵，麵條係全綠色的。未食之前好好奇係咩味。招牌四寶菠菜麵 $40 有得送茶／可樂菠菜麵的味道同平時食的麵冇分別，但勝在夠厚身及彈牙牛丸，魚皮餃，扎肉，墨魚丸超好食又大粒又彈牙湯底好清有好多紫菜，感覺整碗麵又健康又好味，分量剛剛好…查看更多

駱駝漆食街一向都美食林立，剛巧經過金唐爺爺，見職員熱情招待就嘗試一下，原來都不錯。金唐爺爺本身是一間售賣凍肉食品的店鋪，出名自家製的潮汕手打丸，就連HKTVMALL 都有得賣。職員介紹了幾款招牌菜式，價錢親民，都幾值得一試滷水鵝飯🍛鵝肉入味，還有配搭豬手，最愛潮州咸酸菜，撈飯一流招牌四寶菜麵🍜選擇了波菜麵，四寶有牛丸、魚皮餃、扎肉、墨魚丸。手工丸爽口彈牙，真材實料👍🏻韭菜粿🥟好多韭菜，粿皮煙靭有口感黃金鹹蛋卷🌮鹹蛋黃皮包著非常甜的柚子/糖冬瓜蓉，外層煙韌而酥脆，非常特別的菜式…查看更多

位於觀塘駱駝漆大廈< 𝐆𝐨𝐥𝐝 𝐆𝐫𝐚𝐧𝐝𝐩𝐚 >, 一間潮汕專門店, 設有凍貨區及熟食區, 主打多款潮汕菜式。招牌四寶菠菜麵 $⁴⁰放有牛丸、魚皮餃、扎肉及墨魚丸, 質感爽口彈牙, 每款各有特色, 再配以魚冊及紫菜, 而菠菜麵份量十足, 整體充滿潮州風味。招牌四寶上海麵 $³⁸同上一樣, 而上海麵質感較軟身。黃金咸蛋卷 $³⁸玻璃皮包裹咸蛋黃, 外脆內嫩, 蛋香濃郁。手作油柑汁 $²⁸味道甘甘甜甜, 健康之選。金唐爺爺 (觀塘)📍觀塘開源道60號駱駝漆大廈第3座1樓G室…查看更多

駱駝漆大廈第3座一向不乏美食，成日去戈度搵好西食，最近又搵到新餐廳～系一間潮汕人家族開嘅粉麵店，見到餐廳logo戈位老人家嘅真人，原來佢身份真系爺爺👴🏼戴住頂帽好有性格😆主要招呼客人嘅系佢孫女，佢同孫女都好nice😁餐廳主打粉麵，同時亦不乏小食，小食亦系傳統潮汕小吃。另外有沙嗲牛肉炒河粉同滷水鵝飯都好正咁！炸蝦尖蝦膠打得實在，食落有嚼勁，雖然系炸又吾會話好油膩。老闆仲好好人請我地食咗兩隻蟶子😆系朋友送咗好多比佢地食吾曬所以請我地食啲，感覺很好💕招牌四寶麵，可以揀河粉或者菠菜麵💚揀咗菠菜麵，健康美味。有牛丸、魚皮餃、扎肉、墨魚丸，丸類爽口彈牙，扎肉口感都吾錯呀。另一半向來系牛肉控，叫咗沙嗲牛肉炒河粉，沙嗲味濃，牛肉滑溜，成個組合幾好。手作油柑汁應該冇額外添加糖份，好啱解膩，呢個天氣飲一流。…查看更多