金和粥麵館

第一次光顧，老店但環境亦尚整潔。點了蝦多士、鮮竹卷。等候期間，店員殷勤地帶着笑容送上餐具、洗碗兜。一會兒，先來蝦多士，點解變咗炸雲吞，反轉一看，原來多士底加上炸雲吞皮，是一份心思。吃一口，雲吞皮酥脆，蝦多士鬆脆 蝦是原隻，炸工好，碟底沒有多餘的油，過了一會，再來鮮竹卷，看來頗肥大。一口咬下，餡爆滿肉厚嫩有點爽脆蔬菜粒，充滿肉汁，吃了三條超級滿足。腐竹皮多層有咬口，只是稍為過火一點帶點韌。價錢十分相宜，這間街坊店， 料足烹調工夫好，店員招呼好。已經諗住會再來幫襯。…查看更多

8月24日揾食肥華特登，帶靚媽到呢間在 OpenRice祇有😋評，於鳳凰村開業多年嘅，平民食店，食晏，合共點咗三點心，分別喺，虾餃，味菜豬腸及味菜豬肚，再加一個小食，蜆介鯪魚球和一碗主食，鴨腿湯飯。先講個兩碟味菜，豬肚及豬腸，呢兩款在一般酒楼，唔係被列為，大點或中點嘅食品，在此店竟然用$17蚊就食到，味道仲要有A級評分。至於個籠外觀唔討好，但祇售$2O蚊有4隻嘅，虾餃，靚媽和肥華一致認為，比坊間$3O蚊起標嘅同類食品更勝一筹。而兩個，同是售價$4O多元食品，蜆介鯪魚球和鴨腿湯飯，味道及份量，亦喺好食，抵食之選，唔怪得呢間， 外觀其貌不揚小店， 在openrice係全無負評，單論食物味道及價錢，呢餐👍👍👍👍👍💯…查看更多

黃大仙平少比較少黎，前排見網上咁多人推介呢間潮州菜當然要試下啦，呢間餐廳開左好耐不過環境仲係好新淨，無收加一Menu都好多選擇，值得一試潮州蠔仔泡粥 $35 蠔仔泡粥係佢地既招牌之一，潮州粥有啲似泡飯，食倒米飯粒粒分明既效果，味道幾鮮甜，大大碗食完都已經飽飽地，好好味潮州咸菜炒大腸 $45 炒大腸好有鑊氣，食落有咬口，加入潮州咸菜味道甜甜鹹鹹好有驚喜，送飯一流鮮蝦雲吞麵 $33雲吞麵一啲都唔平凡，雲吞份量多又彈牙，麵質好爽滑，食完都飽飽地，下次有機會再試下個鯪魚球…查看更多

早排星期五下就放早就去周圍行下搵好野食，之前bookmark左呢間位於屋村內既潮洲菜，價錢唔貴又多選擇，今次叫左一個主食同小食，味道有驚喜薑蔥蒸黃花魚 $48 黃花魚大大條都好新鮮，魚肉厚實味道鮮甜，加左薑蔥蒸完之後更加香口，鐘意食魚既朋友仔要試下鮮蝦雲吞麵 $33雲吞麵好多地方都有特食，但要整得好食都唔係咁易，雲吞大大粒，又面真係有彈牙既蝦肉，皮薄口感好豐富湯底唔會好油，麵質爽滑，香口惹味，下次帶埋屋企人黎試下先…查看更多

以前細細個住係黃大仙，屋企人成日帶自己去呢間主打潮洲菜既小店，地方唔算好大，不過好有懷舊既味道，值得一試😀秘製豬扒麵唔好以為係普通既豬扒麵，佢地既豬扒好出色，大大塊又好入味，重點係口感軟諗，麵質都好爽彈，黎到如果想食麵既要試下枝竹蘿蔔清湯腩 清湯牛腩甜甜地好香口，入口軟諗，另外個枝竹蘿蔔吸收曬啲湯汁好入味，送飯一流下次會再黎試埋佢地既黃花魚同蠔仔🦪粥，佢地最出名既都係潮洲菜，味道都好正好正宗👍👍👍…查看更多

黃大仙有間潮洲菜自己好鐘意食，店員好有善又唔收加一好抵食，menu有好多選擇，今次叫左啲野食味道都好有驚喜秘製豬扒麵豬扒大大塊，口感軟諗味道香口，麵質爽滑，一個人都食倒一碗，值得一試薑蔥蒸黃花魚黃花魚好大條，好新鮮，加入薑蔥味道更香，肉質厚實，味精鮮甜潮州咸菜炒大腸 炒大腸好有鑊氣，大腸洗得好乾淨，比較特別係加左咸菜落去，食落去鹹鹹地幾惹味，好香口下次再黎試埋佢地個泡粥同蠔餅先，肥隔離枱食好似好吸引😝…查看更多

潮州菜平時好少有機會可以食，見網上話黃大仙呢間嘅潮州菜味道唔錯，週末同朋友就嚟咗試，佢哋冇收+1，餐廳已經開咗好耐，好有香港嘅味道 潮州煎蠔餅 蠔餅大大塊好香，外皮香脆，食既時候仲會有陣蛋香，蠔仔大大粒，特別推介佢個醬，沾左一齊食好鮮秘製豬扒麵豬扒雖然唔係潮洲菜不過都值得一試，大大塊好香，調味特別正又惹味，食落軟諗但唔似係用鬆肉粉，麵質彈牙爽口下次會再來食埋佢地既泡粥同炸鯪魚球，賣相都好吸引，好好味咁…查看更多

黃大仙有間小店主打潮州菜，位置係屋村樓下選擇都好豐富! 重點係小店已經開左好耐，今時今日呢啲小店更加應該大大力支持，今次自己黎食Lunch，味道都好有驚喜枝竹蘿蔔清湯腩 $60 份量都好多，湯底清甜， 清湯腩大大舊，自己特別鐘意個枝竹，吸收了湯汁之後好惹味椒鹽雞中翼半份 $28 佢地好似有個炸鯪魚球好出名，不過因為自己唔太鐘意食魚就叫左個椒鹽雞中翼，外皮帶鹹香椒鹽味幾重同惹味，雞中翼肉質仲係好juicy，值得一試…查看更多

潮州菜平時比較少食，今次跟住網上啲關注組去左位於黃大仙屋村入面既小店食野，小店不大但Menu好多野揀，價錢都唔會話太貴，今次叫左兩個菜式食飯，味道都好好味炸鯪魚球六粒 六粒呢個份量好夠，真係食得出有鮮魚，鯪魚食落彈牙，唔會好重胡椒粉味，可以就咁食不用沾醬汁，味道會更鮮甜薑蔥蒸黃花魚 原條黃花魚加入薑蔥一齊拎去蒸，上枱既時候好香口，魚肉嫩滑又好新鮮，值得一試本身想試埋個潮州蠔仔泡粥，不過太飽了，下次有機會再試…查看更多

平時好少黎黃大仙，就算黎到都係去附近Shopping mall搵野食，今次跟住住係黃大仙既朋友搵野食，味道都好有驚喜潮州煎蠔餅煎蠔餅大大塊，外皮香脆，比平時食既多左好粒蠔仔，入口有蛋香味，潮州蠔餅同香港口味有啲唔同，味道會比較Q彈，自己都好鐘意配埋個醬汁一齊食，好好味秘製豬扒麵豬扒麵周圍都有，但要好食就一啲都唔易，豬扒大大塊好軟腍，特別鐘意個調味剛剛好，值得一試，麵質方面比較爽陣，食一碗又唔會好油膩…查看更多

黃大仙好少去，今次跟朋友去左呢間主打潮州菜既餐廳🍴佢地有好多潮州野食，價錢又唔貴仲要冇加一好抵食，值得一試☺️潮州蠔仔泡粥 $35 上枱既時候熱辣辣，食既時候有少少食緊泡飯既感覺，蠔仔大大粒有鮮味，調味唔洗好多已經好好食，最近天氣凍，食完暖笠笠炸鯪魚球六粒 $45炸鯪魚球見枱枱都有叫，自己平時好少係街食因為好怕腥，呢間食倒既係鮮味，食落好彈牙，魚味都好濃郁，唔會係粉頭，食既時候可以沾上醬汁一齊食更加惹味下次黎到試埋個煎蠔餅先，佢地雖然係小店不過味道好有驚喜…查看更多

對呢間野既印象係平時朝早好早就見佢開，開左好耐水準都好好，今次黎到都keep倒個水準薑蔥蒸黃花魚 $48 係原條黃花魚，好新鮮啖啖肉，餐廳特別加左薑蔥味道更香更滿足💜想濃味可以加啲醬油更滋味，自己覺得配飯一流秘製豬扒麵$37 之前食過雲吞麵好好食，今次食豬扒麵又覺得幾好👍🏻豬扒好大塊，口感軟諗好香，調味剛剛好，麵質都係比較爽滑果隻，下次會再叫本身想試埋個蠔仔泡粥，不過太飽了，下次再食，味道好似好正😊…查看更多

潮州菜好少食，上個星期咁岩係黃大仙做完野見呢間都好多人食就決定去試下，聽聞係一間開左好耐既老店，一直不少回頭客，今次叫左佢地一啲招牌菜，味道都好有驚喜潮州蠔仔泡粥 $35 最近天氣凍，泡粥熱辣辣好暖胃，潮州泡粥有啲似泡飯，食得出飯粒，蠔仔大大粒令成個粥更加鮮甜炸鯪魚球六粒 $45 鯪魚球外皮炸至金黃香脆，鯪魚肉爽口彈牙，比較特別係佢地加左陳皮落去，食落更加鮮味，食既時候一定要配埋個醬，鹹鹹甜甜更滋味枝竹蘿蔔清湯腩 $60 清湯腩軟諗入味，蘿蔔大大舊又夠清甜，枝竹吸收湯汁後好惹味，值得一試…查看更多

潮州菜平時比較少食，今次去既呢間之前食過一次，之前食果個煎蠔餅同炸鯪魚球都真係好高質，今次試左其他味道同樣高質，值得一試鮮蝦雲吞麵$33 自己幾鐘意個麵質，爽口彈牙，鮮蝦雲吞大大粒份量又多，入面食倒鮮蝦，雲吞皮都好薄不會太油膩椒鹽雞中翼半份 $28雞中翼外皮香脆入面仲係好juicy，雖然係半份不過份量都好多，自己好鐘意個椒鹽調味，食既時候都想配番杯見倒有人食枝竹清湯腩好香，見到個份量超級大份，仲要勁香噴噴呀！睇見都流口水，下次有機會要試下～…查看更多

前排跟住婆婆搵好野食，原來佢平時都好鐘意去屋企附近呢間食潮州菜既餐廳，價錢唔貴又有好多選擇，CP值高，佢地開既時間都好長，由朝到晚又冇收加一，幾時都可以黎食秘製豬扒麵$37 豬扒大大塊口感軟諗，秘製過果然好味好多，麵質爽口彈牙，好好味潮州咸菜炒大腸 $45 炒大腸好有大排檔既風味，大腸有咬口，炒至香口，配上帶鹹香既咸菜一齊食幾特別值得一試椒鹽雞中翼半份 $28 雞中翼外脆內juicy，好鐘意個椒鹽調味，鹹鹹香香…查看更多