金匯酒家

🍁今日見到樓下間酒樓做緊個晚市孖寶優惠清蒸沙巴龍躉沙巴仔蒸得幾好，幾鮮甜，魚肉都幾滑西蘭花花姿象拔蚌花姿片好滑，口感唔錯，象拔蚌好甜好爽口，幾好食整體食物都唔錯…查看更多

前幾日去呢度飲早茶,叫咗個潮州粉果,粉果嗰啲皮好薄,與一般酒樓不同,薄到透明,可以看到入面搵嗰啲材料,擺落口非常煙韌,非常有口感再叫咗碟蝦腸,虾非常爽口,腸粉皮有一種彈牙的感覺粉味不太重…查看更多

最近係藍田番工，周班同事Lunch就黎飲茶，質素唔錯，乳鴿味道好好，整得好脆，雖然都要差唔多40蚊隻，但我之後黎都會再嗌。另外煎薄餅同埋煎腸粉都好好味，街坊酒樓黎講性價比都好好，以後限聚令過左成班同事會再黎幫襯！…查看更多

因為住附近所以成日嚟呢間酒樓飲茶😂感覺啲嘢食還ok,聽講呢到嘅燒鵝幾出名，今日叫左碟燒鵝飯，$68 2個人食，飯就好多，燒鵝就唔係話好好食，普普通通正正常常咁🙈平時叫開啲點心食都還好…查看更多

星期一至五平日下午茶由2:00開始，價錢優惠抵食，鳳爪排骨飯只收$11.8，燒鴨湯瀨粉$14.8，其他點心不過不失，味道不錯，價錢比茶餐廳更便宜。地方整潔寬躺，服務也不錯，還有兩小時泊車優惠，是一個不錯的選擇！…查看更多

今天和家人食飯小聚到了附近嘅屋村酒樓😌我們較早去到，待應安排了一張大枱給我們。5個人都不會太迫☺️我地叫左幾樣小菜，龍躉2食，薑蔥桶蠔，椒絲腐乳通菜炒牛肉，魚香茄子。龍躉2食係將魚柳同翠肉瓜一齊炒香，魚柳先煎香，味道好香蒜味，唔會肉質唔會散散嘅第2個煮法係用雲耳金菇蒸嘅，可以食都魚嘅鮮味。但我都係喜歡食炒嘅。魚香茄子係用煲仔上，每條茄子都沾到咸咸香香嘅味，但食落較硬身，可以再煮焾少少嘅😋這碟通菜牛肉，好有鑊氣，食落好香，菜軟硬適中，仲淡淡腐乳味😍牛肉都爆香左。同大排擋不相伯仲🤤薑蔥桶蠔係最好食，因為蠔好大隻，有半隻手掌咁大，先將蠔炸左少少先再用薑蔥爆香。大家食得太快就黎唔切影相。如果喜歡食蠔嘅不妨試試😋😋…查看更多

借屍還魂後嘅一間新酒樓，第一次去幫襯，叫咗3個點心一個湯麵，等咗半個世紀都未到。同枱搭枱跟我們同一時間落單嗰兩公婆，啲點心就好快到，我哋就一個點心也沒有，等咗成20分鐘都有，搞x錯。同啲伙記講，佢應咗就算，沒有跟進。最後只付了茶錢，什麼也沒有落肚，便離去了，以後都不會再幫襯兼會幫佢落力 “宣傳”。沒有食物內容可以分享，因為根本乜都冇機會食。用餐感受也沒有，因為根本冇用過餐。…查看更多

有日見到新開張好多花牌於門口，改天就同老公去試食晚餐。裝修和面孔都跟之前不同了，光猛了不少，是日都多街坊來試菜，坐到滿滿的。睇一睇餐牌，價錢明顯比先前一家酒樓高少少。叫了3味菜。第一個問題就來了~ 因剛開業關係，酒樓還沒有酒牌，所以要自己買。呢樣本人理解，never mind 第一味餸"片皮鴨"送到。嘩! 個皮蒸到一pat野咁!? 青瓜霉晒? 問個阿姐啲皮黐埋晒點食?佢想咗一想就話係咁，我即刻呆咗未試過啲皮會咁差黐埋晒一堆! 似蒸過龍? 而且侍應見到有問題，又唔願幫你去解決，服務態度欠奉。我頭2，3片都要整到爛晒! 而且每次整咗好耐先可分離俾錢仲要食到咁麻煩勞氣隻鴨好多肥膏，皮唔脆，好似放咗段時間。肉又“鞋”，醬又唔好味，更差咕嚕肉太厚粉! 肉又乾! 雖然味道合格第3味的小炒終於似樣。 魚仔腰果又脆又香，反而蝦仁無味，但整體食落好香好野味，9菜花新鮮爽口，但油多咗。望到隔離枱2老又叫咗3樣野，好多都食唔落。無開心食野的表情，後面枱的男人都話唔好食! 當我們食飯時仲有個侍應阿姐問點解我哋有啤酒，話有一台客問佢（員工唔知?），我哋回答自己買。畢竟都係街坊生意，可以做好啲吧! 無興趣再幫襯，但希望佢哋做好啲令街坊多個選擇都好。…查看更多

今日放假同家人一齊去酒樓飲茶新装修後環境舒適光猛，坐得都舒適，個menu 有好多特價组合，推廣初期，打响頭炮蝦餃$13一碟粉麵+油菜+2款点心 $98菜粒雞蛋炒飯D料雖然普通，但個飯炒得好乾身，冇乜油，啱哂我地銀芽肉絲炒面都有好多肉絲，賣相幾好，不太咸百花蒸魚肚D魚肚好乾净蝦餃都0K腐皮卷啱啱炸起，好脆埋單共290元，每人平均60元，食物oK，價錢oK，地点方便，我地又多一個嘆茶食嘢嘅好地方！…查看更多