金利來小廚

九龍灣既小廚, 每次都必定會叫豬手,  同芝麻雞食, 但有時夜左去, 就可能會無哂芝麻雞食, 所以想食到既話就早少少去食啦, 呢度岩哂一班人去食, 因為咁樣就可以叫多D唔同既菜式去食, 可以推介既有 吹水墨魚咀, 避風塘茄子, 椒鹽粟米, 全部都好似係D好熱氣既野食 但唔緊要, 最緊要係好食!!…查看更多

住附近既朋友話工廠區中隱藏左呢間隱世美食，放假立即出動去試一試。如果只看店面未必會入去，畢竟價錢同食物都係日常可見既。但叫左幾樣野，味道真係有大驚喜。椒鹽粟米好有鑊氣，香到一條接一條，完全食唔停口，係好好嘅開胃菜。豬手呢個皮好脆，而且嘩得好入味，重點係好大份，絕對對得起呢個價錢。當日最驚喜嘅係家鄉炒粉絲，因為朋友想食先嗌嘅，本身對哩道菜期望唔高，結果竟然出乎意料地好食喎。可惜人太少，仲有好多大排檔野未試，不過可以預計倒應該都係咁正，下次一定會再黎encore,到時再同大家分享!…查看更多

金利來睇餐牌，晚飯好似大排擋咁的，不過我冇食過！放工就當然急急腳走啦！仲留係果頭咩！但早餐就時時都食！可惜，新年後一兩星期到就暫停早餐了！唔知關唔關疫情事？佢門口寫咗全店消毒呢下怕怕嘛！到現在都成兩個幾月了，依然冇開早餐，真係唔知乜事了。早餐兩餸麵！可選擇餐肉，腸仔，雞蛋或沙嗲牛肉！呢幾樣野我時常食的，其實仲有其他揀但我未食過呢！餐肉，厚切，味道帶咸，跟梅林味差不多！重點係厚切！腸仔，唔似廚師腸味，冇咁咸！雞蛋，大陸蛋！不過，太陽蛋煎得不錯，蛋汁不太生也不太熟！幾好！…查看更多

琴晚去左九龍灣，聽人講金利來的出品不錯，於是就去試下。去到一坐低揭開餐牌就已經嚇親，我平時食開既小菜頂盡$80，點知依到既小菜平均要$90！不過唔黎都黎左，所以就焗住嗌左幾個小菜食。本來期望一分錢一分貨，貴d會大份同好食d，點知我大失望。一個煲仔菜既大細只比碗白飯大少少，都算啦，希望味道係有返咁上下。點知都係失望。尤其係個蒜香骨，味道十分淡，d肉炸到十分乾！份量少加上味道略差，大家真係唔洗去試，免曬錢。…查看更多

出賣我既個人飯堂比大家🤔又係回憶之食堂🙏我嘅個人食堂未必係最好食嗰間😗但係一定係我食得最舒服嘅一間😗 今日嗰間有一味餸一定要叫，就係佢地既豬手🤪佢哋有一個秘製醬汁🤤食完返唔到轉頭😗講返個排行榜😗由於大牌檔越來越少，所以酒家，菜館等等我都會放埋入去😂其實今日嗰間都唔係大牌擋，不過為咗呃大家睇😛冇所謂啦😗-🐖大牌檔的起源🐖大家又知唔知大牌檔點解叫大牌檔 係50,60年代 政府見到香港經濟唔好 所以發d牌出去 等大家可以搞下食店 刺激下經濟🙂 而政府發果個牌 比一般食店既牌大 所以就叫大牌檔啦🙂 現今香港大牌檔主要係中環同深水埗 之後幾年前 政府又玩一牌兩制 只係比中環既大牌檔傳比下一代 深水埗或其他地方既大排檔就唔比所以少一間 就冇一間架啦 大家想珍惜機會去食 同去感受一下 香港舊時代既風味☺️-🐽#酥炸咸豬手🐽（$148）份量幾大，皮炸到超脆口🤤皮加少少肥好鬼正豆😗 最特別係佢個芥末醬🤩少少辣，令到個豬手冇咁油膩😗而且超開胃，次次都要佢俾多啲我🤩食完仲可以拎返條骨比隻狗食😛.🦑#椒鹽鮮魷🦑（$95）大牌檔必叫系列🤭 亦係啤酒殺手🍻炸醬上得夠薄，食落彈口惹味🤤但係可以再辣少少😂咁就會更正🦑Btw 始終中意九肚魚多少少🤭.🐷#話梅骨🐷（$90）第一次食呢個，朋友話要叫😂食落酸酸甜甜🤪 超級開胃🥚而且一粒粒，慢慢吸，幾過癮😗總結來說 中上既餐廳 值得去食-🎈 香港, Kowloon Bay, 宏照道23號平均傷害：$150好味值：7.5/10-撚手小菜麻甩排行榜 (個人口味）1. 萬發海鮮飯店 （8.5/10）2. 愛文生飯店 （8/10）3. 金利來小廚 （7.5/10）4. 鳯城酒家 （7.5/10）5. 榮記（東成）飯店 （7/10）6. 祥囍煲仔小廚 （6.5/10）7. 明記飯店 （6/10) ...…查看更多

地點： 絕對係唔就腳，今次因朋友帶去，如何唔係基本上唔會去個頭知呢間野，做開熟客先知環境：地方闊落唔窄，坐得舒服，算清潔企理，食小炒大排檔風味，比起好多地方好食物：大部份都係邪惡之選，其他就由佢發版(朋友相熟先得) ，隱藏菜式，新口味食法，有驚喜。首先自選 1.) 金沙涼瓜，鹹蛋味唔錯涼瓜炸過，我唔食涼瓜都忍唔住食左幾舊。2.) 炸豬手，皮鬆脆，肉嫩滑唔太鹹。3.) 脆皮炸大腸，我始終擺脱唔到呢樣野入口所以無食，但朋友食得好滋味。4.) 蜆介陵魚球，超巨型版，慢火慢慢炸，好味。5.) 芝麻雞，皮脆肉嫩香口。隱藏菜式 6.) 卡邦尼芝士焗帶子，帶子先炸鎖住肉汁再配焗，新口味食法，唔錯。7) 薑蔥炒蠔仔，薑蔥入味，蠔仔逐粒炸分明，味道唔錯係鹹左小小。8.) 花菜雲耳魷魚煲，小小辣好野味。總結：朋友介紹絕對唔錯，價錢相宜唔貴，食物質素有水準，以後多個地方選擇，下次黎等佢再推介隱藏菜式…查看更多

今日約左班佬緊系去食小炒啤啤佢個fd就推薦去試下九龍灣既金利萊一入到去都好有大排檔feel而且有好多野食，真系好難簡呀炸豬手 味道唔錯，個皮炸得好靚，但肉有d老，而且配沙律醬好似怪怪地蒜蓉粉絲蒸扇貝勁大隻，蒸得岩岩好，扇貝唔會太老，個汁好好味配埋蒜同蔥，粉絲索曬d味，一流！！啫啫通菜煲味道好濃，配埋d肉碎食一流，而且通菜都好靚芝麻雞好多芝麻痴系雞上面，味道好香，而且雞肉肉質都唔會好淋魚香茄子煲送飯不得了，有少少微辣，更加惹味個日仲好好彩，咁岩撞到唐詩泳都系個到食飯，好靚女呀，可惜唔夠膽去同佢影相，哈哈仲見到江若琳，c君整體唔錯，4個人食連埋飯同啤酒一人都唔洗200蚊野食質素都唔差，好有獲氣，而且侍應服務態度都幾好環境有好大排檔個d feel食落都特別爽…查看更多

朋友之前嚟過，今次專登帶我地嚟食餐好嘅雖然呢到環境係普通啲，但絕對唔好睇小啲嘢食！我地總共叫咗4樣嘢，加啤酒爽！第一樣就係酥炸咸豬手炸得好脆，好好食！點芥末醬好夾朋友話呢樣係必叫嘅第二樣係避風塘茄子，就咁睇個樣估唔到係茄子好好食！第三樣係酥炸豬大腸，呢個都炸到脆卜卜，又辣辣地，正呀！以上三樣餸都係勁邪惡嘅，我地決定叫返個菜嚟食下，就係辣嘅娃娃菜（我地都好食得辣架）啲娃娃菜索哂啲辣汁，辣到飛起，勁正呀整體嚟講啲嘢食都好正，大排檔風味一定會再嚟食！…查看更多

金利來推介指數👍🏻👍🏻👍🏻👍🏻平時去開九龍灣都會食依間九龍灣嘅小炒店芝麻雞都幾好食外脆內瘦冇多餘肥膏配上芝麻超出色抄蜆出色又入味，份量都多墨魚嘴咬落口爽口硬口👍🏻👍🏻配芥末醬仲好味豬大腸炸得岩岩好，唔會過火唔太肥可以食多幾件真心推介依間食小菜如果係九龍區，不二之選———…查看更多

金利來依間九龍灣嘅小炒店開廿四小時平時去開九龍灣都會食咁啱係附近做完嘢當然就要再食下啦 今日全院滿座淨返最後一張枱😍好彩有位立即叫菜佢哋嘅炸嘢係絕對出色今次都有叫我最鍾意食嘅吹水墨魚咀佢哋炸得到好好， 入邊嘅墨魚嘴咬落口爽口硬口👍🏻👍🏻記得叫老闆拎個芥末醬配上芥茉醬味道就更加出色另外叫咗個芝麻雞芝麻雞10分瘦冇多餘肥膏芝麻配上金黃色嘅雞皮真係一直在想再食辣酒煮花螺花螺數目好多，兩個人絕對夠花螺住得好入味，酒嘅味同辣味突出花螺嘅鮮如果要食小菜九龍區，不二之選…查看更多

朋友去完派對咁多啦之後去咗附近食嘢依間餐廳其實好似大排檔咁樣開二十四小時九龍灣佢應該算係開得最夜講返啲嘢食啲，墨魚嘴美食之一炸到啱啱好，好好味可惜黃金糕就一半啦太濕沙薑雞味道岩岩好😆😆味道一百分老板服務加多50分…查看更多

剛剛和朋友狂歡🎉😊去了同力工業中心4樓 Party room 玩完，接落同朋友、近近地食小菜，😋今次選了附近的金利來小廚。裝修同一般大排檔感覺一樣，座位寬闊。我們點了主打懷舊黃金糕丶吹水墨魚咀、沙薑雞丶腐乳通菜。懷舊黃金糕要即食比較好味，柔軟帶有嚼勁不過過了一會兒有蒸水出來就麻麻哋。我有個朋友說煎會比較好味，不過怕熱氣，所以我覺得蒸的也不錯吹水墨魚咀炸得香噴噴，香脆可口，不過都幾熱氣。沙薑雞份量算多，味道不錯👍🏻，雞件建議可以切細件小小,會比較容易入口。腐乳通菜一般沒有特別。…查看更多

上星期日,一家5口,去到九龍灣這間大排檔風味的食市食晚餐,我們點了6送一湯,炸蠔,扇貝超大隻,好好味及鮮味,仲有椒鹽墨魚嘴,西蘭花爆龍 魚,好有火候,京都骨及芝麻雞。食物質素很好,好有大排檔風味,我最愛是炸蠔好美味,外脆內多汁而且好大隻炸蠔。最重要是服務態度都很好。很細心及照顧客人需要,好客氣而且還介紹咩食物抵食。走的時候都好好禮貌。略微覺得室內用的空氣清新劑味道太濃。怪怪的。不過整體算不錯,有機會會再去食。…查看更多

環境有啲陰濕. 坐低叫野食, 先叫雪菜肉絲米既常餐, 冇. 再叫蒸魭魚, 都冇. 最後叫咗個粟米豬扒飯.先講食物, 豬扒Ok. 都有幾多塊. 幾好食. 粟米個汁好傑, 唔好食. 有湯送, 飲品加錢. 其實食物質素ok lah, 可接受. 畢竟你都唔會expect啲咩.衛生差咗啲. 啲餐牌油淋淋, 應該好耐都冇清潔過. 成間餐廳比人感覺就係唔乾淨.上菜速度正常. 人都ok多, 但唔洗等位, 因為裡面有好多大枱. $42一個飯, 好大碟, 都算幾平.奈何衛生差, 不推介.…查看更多

以前喺九龍灣返工，好鐘意約埋成班同事收工後一齊去牛頭角下邨嘅金利來到炒返幾個小菜，一齊食返餐飯，有講有笑，金利來算得上係我地成班同事ot後嘅飯堂嚟😌自從牛下拆咗，冇幾耐我亦都離開咗九龍灣區返工，就冇再食過金利來(牛下拆咗之後，聽聞最初有搬返牛頭角附近重開)。相隔咁多年，呢次去開mega box經過見到大大個燈牌寫住金利來，於是當晚即刻抆埋男朋友陪我重溫金利來嘅味道😋我地六點幾去到，可能太早嘅關係，冇咩人，唔洗等位即刻入座，之後慢慢多人，好快就全場滿座。講真呢個位置唔算方便，估唔到咁多人都專誠嚟食。最鐘意睇有相嘅menu😂好快諗到叫咩食。⭐️蒜香骨 $90香口，入味，但略嫌太乾身。⭐️琵琶豆腐 $85外脆內嫩，雞蛋/豆腐/魚膠/蝦米/芫茜打埋再煎得外皮脆卜卜，好好味，我最鐘意食呢個。⭐️魚香茄子煲 $80好惹味既咸魚香，鐘意佢嘅茄子切到大大舊，唔會碎濕濕咁, 好好餸飯。…查看更多