金仔米線

營業中

休息中

新蒲崗人氣米線舖🥳 主打多款配料口味米線，還有烤全魚及雞煲，好適合冬天食🔥 有多款火鍋款式及配料供應，照顧不同客人的口味需要☺️ 晚市時段好多人，好受街坊歡迎！餐廳環境乾淨企理，座位寬敞舒適，好熱鬧 好有氣氛☺️ 食物質素高，價錢偏低 不設加一，好味有驚喜👍🏻💖💖💖食評💖💖💖𝑭𝒐𝒐𝒅🐟鉗魚蔥燒味（大） ($144)✨推薦！平價優惠超抵食！好大條魚，魚肉煮得嫩滑又入味，食唔停口🤤🤤 湯汁調味清甜，配上芽菜、洋蔥、芫荽、豆腐卜，十分豐盛👍🏻 🦐蝦滑 ($78/份)✨新鮮蝦滑😚 好爽滑彈牙，口感滿分🥬唐生菜 ($32/份)✨🍚白飯 ($12/碗)✨🍜金仔湯米線配芝士腸 ($34)✨推薦！金仔湯果然是招牌湯底，味道濃厚 微辣好惹味😍 配搭米線一流！一大碗只需$34，絕對抵食～

萬廸廣場上完堂 見餓餓地 想食啲嘢落到地下見到有間餐廳好光猛企理就入去試吓喇嗰時接近5點50分 人流唔係太多職員好好 見我搵咗個位太大風 主動話我知坐去邊度會細風啲 😊 睇吓餐牌原來呢度主打食烤魚同打邊爐但我實在食唔落 所以叫咗輕型米線下午茶揀咗招牌金仔米線 配金仔湯既然呢間鋪頭叫得金仔 咁即係嗌呢個一定無死啦 😂原來呢碗米線即係腩肉生菜米線 腩肉都有成4 5塊腩肉都唔算太薄身 但就有少少痴牙湯底連埋啲酸菜 幾濃 味道亦好熟 但嗡唔出係咩食晒成碗 個人認為咸咗少少 因為我要再飲多杯水先搞得掂份量嚟講其實都唔算太輕型 同平時午餐食到嘅差唔多 下次有機會試埋打邊爐先 去埋單嗰時見到個叔叔叫咗個藥膳雞煲 好香

切開雞扒肉質又紅又淋，明顯未熟，通知店員收走話會幫我整返熟。之後有另一個店員拎返出嚟同我講：我地啲雞扒係咁，呢啲唔係唔熟。並拒絕處理！只好離開！一定唔會再有下次

位於新蒲崗新開嘅金仔餐廳。室內裝修很光猛。～～～～～～～～～～～～～～～～～～主打烤魚加打邊爐。適合多人叫。呢次到訪人少少叫咗個招牌米線。一開始見到湯底嘅時候以為好辣好辣好擔心點知食落去味道好香🤩🤩🤩本身唔肚餓都食晒成碗面。但係食完之後比較口渴，要需要飲多啲水😅～～～～～～～～～～～～～～～～～～牛柏葉小菜味道不錯，很夠味道牛柏葉很易入口。唔似酒樓牛柏葉有時要咬好耐。都算無錯👌🏼👌🏼👌🏼

呢間係朋友嘅童年回憶以前中學時期好鍾意食見佢喺新蒲崗開咗分店順路就一齊去食.可能當時佢新開無奈舖頭d人手未熟習所以我地當日一檯10個人一齊去用QR cide 落單都等咗半個幾鐘先有嘢食同埋都有出錯單情況出現如果想食快飯就真係唔建議.朋友推介金仔湯底試左個王牌推薦金仔招牌米線湯底好香濃（不過都幾鹹，應該重味精）腩肉肥瘦相間吸滿湯底 一啖米線一啖肉連埋湯底都好食既.套餐黎講 $58仲有碟菜 都可接受係一個平民好選擇

金仔，是一家多元素的餐廳,內有飯及米線選擇，別想著只有米線，可選紅薯粉，刀削面可選擇。如果想食飯的朋友還有飯可選擇。在選餐時，這餐廳選用了qr code 去點餐，面方面可以選6個左右的湯底，我就選了一個蕃薯湯底，清清甜甜的很開胃，因為午餐時間，餐廳內提供了午餐套餐加2塊有熱飲，加3塊有凍飲。但熱飲份量很足😍😍🩷😊點餐時還會有多種選擇，例如，面可選軟一點或者爽一點 ，湯選濃一點還是淡一點，凍飲別想著有冰的多少可選，還可以選甜度，而且還可以選茶濃一點或者淡一點，十分人性化的電腦下單，不過飯就有點少,,如果是男生可能會不夠，但按女生份量來說都十分充足。

鑽石山站附近新開左幾間鋪，呢間米線鋪環境唔錯，都坐得舒服。menu都多選擇 打邊爐烤魚又有，飯又有，米線又有。新開環境衛生都好好。叫左個so call 套餐豬氏家族米線，金仔湯湯底。個湯就真係冇咩特別出色，辣味香色都冇咩。餸方面，個套餐每樣少少咁，分量還可以。不過塊腐皮唔得。但個蒜泥白肉真係差評，打邊爐豬肉片烚一烚咁，我理解係用五花肉，個感覺似打邊爐烚左片豬肉浸左一下係有蒜蓉既鼓油入面咁。唔知跟餐係咁定散叫一碟都係咁？

咁大個仔第一次食到咁唔好食嘅米線！叫咗麻辣中辣嘅湯，嚟到可以同清水冇分別，啲餸全部白烚咁，冇味到以為以為自己食緊醫院餐。我寧願你落個辛辣公仔面包粉落去都好過你所謂嘅麻辣湯。成本單菜單啲餸大部分都係凍肉鋪買到，碗面連凍飲接近60蚊同三哥差唔多嘅價錢但難食到爆。第一次一路食一路係咁話D野食真係好食，食咗15分鐘就想走！越食越唔知食緊啲咩！同舊時Ben哥真係差好遠，麻煩唔該快啲離開地球，上去月球到開分店!!唔好浪費地球資源，珍惜食物！你哋真係好勁！同埋杯凍檸茶都好難飲，飲7仔都好過你3倍!Oepnrice要我改過晒D字眼先准出街，所以依間野真係好好食