金亞淶泰國餐廳

營業中

休息中

今日同朋友出來附近睇中醫, 睇完諗住喺附近食啲嘢, 所以工業大廈尋下寶。揀左間泰菜, 閒日晚8點幾都仲好多人, 應該都唔錯。我地見好多人都叫左份火山排骨, 我地都叫埋一份。一來到我地都有啲驚, 因為真係好大份, 呢個價錢絕對係好大的性價比, 真係要4個人先叫食得郁。好靚的豬肋排, 好腍, 吸左啲酸辣汁真係好正架。另外我地叫左個滷水豬脾, 又係超級腍, 但我就嫌佢唔係好夠咸。不過佢個豬皮真係好腍, 滿滿骨膠原的味道。跟住仲叫左個蒜香墨魚, 呢個份量就有啲少, 味道主要係靠面頭的炸蒜, 所以比較一般。但係墨魚都爽口彈牙, 唔會煮老左變橡筋。最後叫左個馬拉棧炒通菜, 味道都夠, 係唔錯。飲品方面我地叫左金鑽菠蘿冰同埋青檸蜂蜜,佢地都係主要落蜜糖,味道會淡啲, 係可以試下。兩個人叫左咁多嘢, 其實真係食唔晒, 所以如果多啲人一齊食係超級抵食。

蒜蓉炒通菜 ❤️ 味道一啲都唔死鹹，通菜炒得夠爽甜，蒜蓉亦都非常之香，仲食得出係粒粒新鮮蒜蓉。如果份量可以再多啲就更好啦！串燒豬雞各兩串❤️ 豬肉非常之有咬口入口唔油膩，雞肉亦都好嫩滑，夾埋個沙嗲醬汁非常之香口，必點！菠蘿海鮮炒飯❤️ 雖然材料比較小，但成個炒飯睇落份量都好多，飯粒粒粒分明，食落亦都好香唔油膩！泰式豬脾❤️豬脾整得好入味，唔會太過肥，食落去會黏嘴，夾埋啲酸菜食，唔會覺得好漏！泰式去骨海南雞（半隻）❤️ 雞皮夠薄，雞肉夠嫩滑，配埋兩個醬汁，任君選擇送飯一流！泰式青檸蜂蜜 熱❤️

性價比高泰國餐廳，金亞淶泰國餐廳由泰國廚師主理，有地道泰國風味，但又適合香港人口味！餐廳喺位於荔枝角嘅工業大廈入面，去開附近做嘢嘅時候，無意之中發現嘅泰國菜館，佢哋餐廳以簡約地道泰國風裝修。我哋叫咗⬇️依家好多人打卡嘅泰式火山骨，超級性價比高，$168咋。另外泰式海南雞船麵、馬拉盞炒通菜，呢三款真係必食😋👍🏼👍🏼👍🏼另外仲叫咗豬頸肉豬牌，泰式奶茶青檸汽水。泰式奶茶，有茶味又香滑，仲唔會太甜好正！

本人一向四周圍覓食，食到好食會同其他人分享。今晚搵到一間又吾係叫隱世泰國餐廳，日頭人來人往，我想在荔枝角返工人士都食過了。我到來是想試佢地個冬陰功湯，聽人講好味道評價好高。所以今晚第一樣就點了冬陰功湯，出餐時間所以今晚第一樣就點了冬陰功湯奇快，我就趁熱飲，果然味道超濃烈，平時鍾意去泰國旅行，必叫嘅係冬陰功湯，同當地食到嘅味道好接近，一碗冬陰功湯很快就飲晒。另外想推介嘅係燒豬頸肉，餐廳嘅煮法令豬頸肉很爽，配備埋特製嘅醬汁，以$78的價錢，有足夠嘅份量，所以超抵食。我和朋友兩個人食，消費$400左右，已經食到好飽好飽。

金亞淶泰國餐廳今次要介紹喺長沙灣億利工業中心嘅隱世泰國菜餐廳，以前去長沙灣億利工業中心係要帶斜板，自從上年我投訴完，佢哋就火速添置咗一塊斜板，令到輪椅人士多一個地方去食野！1.泰式咖哩軟殼蟹$198（9/10）呢個軟殼蟹炸得好脆好香，又唔會油膩，啖啖蟹肉，蟹肉味道鮮甜，咖哩汁味道濃郁，唔會太辣，超好食！2.金亞淶雞排白飯（黃咖哩）$59（8/10）雞扒煎得好香脆，不過米唔靚，可以試下轉其他牌子！3.冬陰功蝦餅湯粉（金邊粉）$72（8.5/10）蝦餅好大件，炸到外層好脆，用咗蝦滑之餘仲保留咗真蝦尾部份，超好食！金邊粉口感爽滑，冬陰功湯底唔算辣！4.招牌泰式奶茶$18（9/10）呢個泰式奶茶好似煉奶味較重，甜度適中！5.椰皇三重奏$42（8.5/10）食埋呢個甜品真係不得了，真係食到三種口味，第一層係用椰青整成嘅啫哩，第二層係白色嘅椰奶，第三層係白色上面嘅燒過椰絲，食一啖簡直有三重口味，唔錯！2人總共價錢$389個人口味總評分：8.6/10地址：荔枝角長沙灣道883號億利工業中心1樓102號舖Please follow me🙆‍♂️ @wheelchaireatinhongkong 如果鍾意

餐廳位置好方便，行幾分鐘便到。雖然位於工廈樓上鋪，但都好多人食，幾乎滿座。［二人套餐］咖喱軟殼蟹🦀️咖喱非常香濃，不過係唔辣嘅。可以用咖喱撈一碗飯食😜。軟殼蟹係即炸嘅，好邪惡👿。d軟殼可以一齊食，口感豐富。豬頸肉湯船河湯頭非常之濃，顏色係呈深啡色。配上又滑嘅河粉好正，🍜食到嗦嗦聲。豬頸肉非常爽口。跟餐飲：青檸梳打，酸酸甜甜好開胃椰皇三重奏呢個甜品好好食底下係果凍、中間係椰奶、表面係啲炒過既椰絲。好重椰子味，我鍾意食果凍啊QQ彈！

餐廳位置好方便，行幾分鐘便到。雖然位於工廈樓上鋪，但都好多人食，幾乎滿座。［二人套餐］泰式全蝦餅份量好足，每件到好大塊。切開睇入邊除咗有黑膠愛仲有蝦肉粒，好彈牙！咖喱軟殼蟹🦀️咖喱非常香濃，不過係唔辣嘅。可以用咖喱撈一碗飯食😜。軟殼蟹係即炸嘅，好邪惡👿。d軟殼可以一齊食，口感豐富。豬頸肉湯船河湯頭非常之濃，顏色係呈深啡色。配上又滑嘅河粉好正，🍜食到嗦嗦聲。豬頸肉非常爽口。跟餐飲：青檸梳打，酸酸甜甜好開胃椰皇三重奏呢個甜品好好食底下係果凍、中間係椰奶、表面係啲炒過既椰絲。好重椰子味，我鍾意食果凍啊QQ彈！

朋友喺荔枝角返工，就佢放工喺荔枝角食飯，我想食亞洲菜，朋友就帶咗我去食泰國菜餐廳唔係好大，不過都幾光猛，有陣時好怕啲工廈餐廳黑麻麻，成日會形住唔乾淨，所以入到去夠光，感覺環境都清潔啲坐低睇餐牌，老實講，我嚇咗一跳，2人餐$245?????? 唔係per head 喎仲有一個2人餐貴少少，$358。咁第一次試就試個平啲嘅先啦，諗住$245嘅嘢，應該都唔會食得飽，如果啲嘢好食先再加其他嘢第一個上嘅菜係串燒，我一睇，點解咁多肉嘅，一串嘅肉嘅份量係我平時食開嘅泰國餐廳嘅接近兩倍。食入口，呢個價錢當然唔expect係黑毛豬質素，但都有肉味，最正嘅係個沙嗲汁，佢嘅調味食得出唔係現成沙嗲汁開嘅，而係用好多唔同嘅香料調出嚟跟住嘅柚子沙律就正常一啲，雖然冇咁驚為天人，但係同樣足料泰式炒生菜，生菜係平嘢，本身真係冇咩期望，但係又係另一個意外，佢嘅調味真係令到普通嘅生菜一啲都唔普通，食完呢味菜之後，我終於confirm呢間嘢最出色嘅應該係調味最後係泰菜裏面我嘅飛佛菜式生菜包，同樣都係份量足調味正，我真係冇諗過百幾蚊per head已經可以食到又好食又飽肚嘅泰菜朋友雖然都已經飽咗，但係佢話呢度嘅椰皇甜品出名好

看到朋友在吃這個泰國菜 他拍照出來的效果很浮誇 我便決定過來試試看 俾我手擘長的火山骨 就是一個豬肋骨 賣相相當震撼 有點像北方的大棒骨 個人很喜歡吃這種類型的東西 可以拿着骨頭一直在吃 豬助肉也做得相當軟熟 沒有那種煲湯肉的感覺 相當好吃 而且份量相當驚人 其實建議四個人分享着吃 菜式是完全沒有問題的 其他小食也非常好吃 就是位置比較神秘難找一點 而且裝修的格局比較簡單 很難可以和朋友聊天聊很久 但是餐廳吧 享受食物最重要 特色菜給予好評

金亞萊係一間以泰國菜為主題嘅餐廳，位於荔枝角區，之前已經聽過佢朋友推薦，今日經過特登嚟試下！餐廳環境唔算好大，簡約裝修不過座位寬敞舒服！朋友推薦一定要試佢嘅招牌菜式係泰式火山骨。一上枱不禁哇咗一聲！超！級！大！份！佢嘅豬肉骨質鮮嫩多汁，每一口都能品嚐到濃郁嘅泰式香料，呢道菜色香味俱佳，絕對係令人回味無窮！另外一款必試嘅菜式係海鮮黃咖哩配蒜蓉包。呢道菜結合咖哩嘅香辣味道同新鮮海鮮，再加上蒜蓉包作伴，味道更加豐富。每一口都能感受到海鮮嘅鮮甜和咖哩嘅香氣，而蝦肉亦尤其爽口彈牙～泰式肉碎生菜包以新鮮生菜包裹著香炒肉碎，再加上泰式特製醬汁，輕盈健康又美味！如果你鍾意甜品，就絕對唔可以錯過甜品椰皇三重奏！佢係完個椰子殻上，入面結合咗木糠椰子糕、底層係椰果肉，每一口都帶來不同嘅層次感，令人愛不釋口🥰而飲品方面泰式奶茶濃郁香滑，帶有茶葉嘅香氣，又唔會好似平時飲開嘅泰式奶茶咁死甜，不錯不錯～

好耐無約亞姨食好野，就佢地點我哋去左荔枝角一間工廈既泰國餐廳，超有驚喜😁招牌泰式火山排骨🌋依度嘅signature dishes, 賣相已經非常吸晴，佢係豬肉，人哋話黐住骨嘅肉係最好食，有少少肥肉、肉嫩又帶酸又帶辣。加上佢嘅特色醬汁，有辣椒粉、芫荽，蔥等等，睇得出花左好多心機和時間先會咁好食。佢大大份唔使驚佢膩，因為佢既酸辣會令你食慾大增😁黃咖喱海鮮配蒜蓉🥘有青口，魷魚（係超多）、薯仔、魚柳、紅椒、蝦、青椒、洋蔥等，咖哩帶著香茅既香，好有特色有清香、唔會非常辣。配蒜蓉包，絕配呀！魷魚同蝦彈牙，魚柳咬落好香嘅魚肉味！蒜蓉包面平均塗上滿滿既蒜蓉同牛油已經超香又帶點甜，加上帶有香茅嘅咖喱，層次感非常豐富！👍🏻👍🏻👍🏻泰式肉碎生菜包🥬用左特別既調味，豬肉味濃郁，瘦肉中帶少少肥肉令口感豐富、香味倍增，咸咸辣辣好惹味。加上粒粒微脆脆，蔥頭、蔥粒。再配爽脆生菜，正呀！亞姨點左熱泰式青檸蜂蜜；我呢就點左我最鐘意既青檸梳打🍋最後仲有甜品 - 椰皇三皇奏，今日有bonus,係4重奏，平時只會有自己炒既椰絲（超級香脆）、椰奶啫喱（好滑）、椰皇啫喱（超香椰青味、第4重）仲有椰肉（爽滑）🥰 加埋真係無得頂👍🏻

今日去荔枝角傾野朋友搵左間泰國野在億利工業大廈樓上室內裝修簡單但俾到人一個舒服既感覺晚餐價錢經濟實惠星期一晚都可以座無虛席很不錯門口重點推介招牌泰式火山排骨一定要試超打卡able//泰式火山骨 $168//由排骨堆砌成一座小山賣相吸引點都要打張卡先份量超多 數條超大條的排骨可以2-4位用餐廳仲會提供埋手套及骨桶好細心排骨肉燉煮至腍身入味輕輕一撕即可骨肉分離面上舖有芫荽同酸辣泰式汁排骨浸在酸辣香料醬汁好入味呢個特製濃郁酸辣泰式汁超惹味入口味道就是少少酸好開胃而且食到中段會越來越感受到辣勁雖然看似好似好多肉但幾個人share 又唔會覺得太飽 //黃咖哩牛腩牛根 $75////蒜蓉包 $15//另外點了個黃咖哩配有牛腩牛根伴碟有紅椒、洋蔥、薯仔夠豐富黃咖喱椰奶味很香濃牛腩牛根煮得好淋好入味另外咖喱配上蒜蓉包蒜蓉包熱辣辣香噴噴入口外脆內軟 蒜蓉味道好突出咖喱係要配埋蒜蓉包一齊食先夠滋味//泰式蝦餅4件 $78//蝦餅每件都好大件外層炸得脆卜卜一啖咬下就發現好足料蝦滑有起膠口感之餘入口仲夾雜著蝦肉粒十分彈牙配上泰式酸辣醬味道更加惹味 //椰皇三重奏 $42//最後食埋個甜品就滿足三重奏呢個名唔係

荔枝角嘅億利大廈有好多臥虎藏龍嘅餐廳今日我哋去到嘅就係一樓金亞淶餐廳因為之前米紙有介紹過佢佢哋嘅火山排骨成座山咁高所以今日就去試下喇餐廳食物都好多元化我哋就揀咗一個咖哩，一個生菜包最緊要係試佢嘅火山排骨火山排骨一上碟嘅時候可以話係好震撼佢個size真係唔係講笑份量相當大而且個價錢真係好平，只係$168火山排骨嘅肉質相當之淋身而佢嘅醬汁亦都好惹味酸酸辣辣咁樣好開胃咖哩牛腩配蒜蓉包咖哩牛腩香得只有微辣但咖哩汁配上蒜蓉包食就相當之夾牛腩牛筋亦都炆得相當入味肉碎生菜包肉食嘅份嚟都唔講得笑真係可以多到拎嚟撈飯食肉碎亦都比較濃味和較辣配上生菜咁食就剛好中和佢嘅酸辣味道椰皇三重奏呢個有少少似係椰子布甸再加啲啫哩咁樣但食起上嚟又相當清甜美味，清新解膩建議可以叫一個做甜品椰汁珍多冰椰汁味好香濃配料亦相當有咬口泰式奶茶真係同泰國飲嘅一模一樣茶底較濃，飲落亦甜甜的相當解渴食咗咁多嘢人均只係200蚊可以話係相當抵食真係推介大家嚟試試

今次同男友去荔枝角食泰國菜，呢間金亞淶泰國餐廳，地點好方便，好近地鐵站，款式選擇多亦幾抵食👍🏻！咖哩軟殼蟹份量都幾足料，軟殼蟹炸得香脆，咖喱唔算好辣，但味道好香，好啱我口味！手工泰式春卷一份有4件，餡料豐富，亦好香脆😉菠蘿海鮮炒飯以菠蘿殼裝住滿滿嘅菠蘿炒飯，除左有菠蘿，仲有肉鬆，蝦，魷魚等配料，好豐富呢！椰皇三重奏呢個甜品見差不多每枱都有點，以原個椰子殼裝住一層梛皇凍，一層椰奶凍，面頭仲有椰絲椰絲，味道香濃又夠滑，正呀😍！椰汁珍多冰清爽的椰汁配上珍多冰，口感豐富，冰涼又美味金鑽鮮菠蘿冰以香甜的菠蘿肉搭配冰涼的冰沙，口感酸甜又可口，仲有粒粒菠蘿肉呢！

向度食野真係火都黎.....翻工日子中午12點黎食飯諗住都係靜靜地食個LUNCH...碗面黎到(12:10)，因為食得慢飽得滯又要食下停下......店員黎左我個位問左3-4次食完未可5可以收走，但我碟豬扒仲有大半碟...第1-2次我都由您，禮貌地話未食完.....第3次又黎問..我都開始嬲嬲地話未......我都火屎大聲話.......我食碗面食完但我豬扒仲有大半碟都未食完.......都未夠30MIN您地就不停咁問我食完未......您話您門口排曬隊既我都理解您要多做一ROUND生意........但枱大把係桔既要5要咁走黎趕客走呢...............第4次黎話您隔離果個位陣間有客人會入黎坐比個籃我叫我放手袋........即刻撻著我....我話..您真係有客人黎無曬枱既我5介意攞走..但您全間食店有5-6張桔枱向度您叫我拿拿聲執走...大佬我5係食左個幾鐘..由坐落至食完都係講緊12-12:37.....37分鐘意您黎4次....您會5會覺得太過份呢.........呢間野絕對5會再去....再者.....食完碗面好口喝.....絕對無下次.....翻工節奏巳經好緊湊.