重慶燒燒烤專門店 (已搬遷) 新店位置

提早左同我的baby慶祝情人節今年無打算食得幾豪只係簡單兩個人去左重慶燒小聚慶祝兩個人點左一人一個"酸辣粉", 因為唔夠辣而叫侍應幫我地另上麻辣！好味好味！羊架 - 今次燒得麻麻羊串 - good芝士焗帆立貝 - 正！唔駛爭半打焗蠔 - 好味仲有其他燒物都係平時食的東西, 但兩個人一樣咁開心哩地方始終係淺窄了一點

睇 SAMMI 之前, 一行 5 人, 去左吃重慶燒...我一向愛SPICY 野, 呢間野岩哂我喇...野食即整, 又香, 夠哂SPICY, GOODGOOD......最好就係抵食MA.......今次第 2 次吃, 我諗我起碼一個月去一次先夠喉......

今日老公話想食宵夜,諗起白加士街有間重慶燒o個度d酸辣粉,老公話想食,於是就走左去買,去到時都十二點幾,見到場面無咩人,叫左個酸辣粉,兩串串燒,天寒地凍企o係門口....等下等下...唔對路....等左三四個字仲未有.\/.#又話整緊.....再等十分鐘...再吹佢....仲話整緊,攪錯...一個粉,兩串串燒整左足足九個字.....整緊??佢燒野個位都無人企o係度,只係見到佢地成班人坐晒o係度食飯.\"/. 離晒普架...以後都唔會再去呀...d態度唔可以用差黎形容~直頭係衰呀!!

之前見過有朋友黎食, 所以就過黎試下啦, 環境都幾泠清, 星期日7點幾都話入就入, 最0岩最唔喜歡等位的我叫左芝士燒蠔, 田螺, 娃娃菜, 南瓜, 羊架, 同沒有鰻魚的鰻魚飯團其實芝士燒蠔同羊架都ok 架, 最少唔會燒過頭, 菜就一直沒有期望, 一串串上, 結果都係得幾片菜, 最抵死就係'沒有鰻魚的鰻魚飯團', 問佢係咪唔記得落, 侍應都好無奈咁話可能落少左... 想食白飯的話可以一試.總的而言, 路過少吃可以一試既

同朋友相約去食串燒, 反正未試過呢間, 就試試啦 總括黎講, 不過不失, 但下次唔揀佢啦, 因為再好味既串燒仲有其他地方唔洗等就有位啦~ 不過唔係"正鋪"重慶燒, 而係隔離一間好似cafe的鋪頭~ 感覺昏昏暗暗咁, 侍應掛住睇電視3個人, 叫左都幾多野食：1. 燒原條茄子 - 比較特別, 先用匙羹刮起d肉~ 我對茄子雖然唔抗拒, 但又唔可以話鍾意~ 我覺得淋patpat, 口感麻麻~2. 燒韮菜 - 比較特別, 第一次食燒既菜, 但有點兒靱, 而且味道一般~3. 蜜糖燒雞中翼 - 唔熟!!! 4. 燒檸檬黃金雞中翼 - 唔熟!!! 5. 燒雞軟骨串 - GOOD!! 6. 燒豬頸肉 - 幾滑~ GOOD!! 7. 皇牌鐵板蒜蓉蜆 - 蒜蓉+鐵板 好香, 但要快食, 凍左就唔好食了 8. 日式清酒焗帆立貝 - 清酒係凍架9. 燒牛舌 - 靱10.燒肥牛 - 一般~11.燒芝心丸 - GOOD!! 12.燒蟹子丸 - GOOD!! 13.燒花枝丸 - OK~14.燒冬菇 - 一般~(大約係咁上下左右...... )不過不失咁, 唔係難食, 但又唔係特別好味, 只能說普普通通~ 可能我比較

之後睇食評睇到d相影到好似好正咁而且自己本身都中意食燒既野一心同男朋友抱住期望去搵所謂既重慶燒由地鐡行左3,4個字終於搵到間野一眼望曬..就o個10張台左右一入去有個女人就問:小姐幾多位嫁 有冇訂位嫁?我話2位, 冇訂位嫁之後即刻黑面..當時得3,4台人佢要我地坐本身有2個人坐緊既入面搞到要人地企起身比我地入好心啦..就算係都唔洗要我地2個逼入去坐呀?一坐低就話:因為你地冇訂位, 所以只可以食到8點半前埋單(當時7點) order左唔係好多野..因為本身食完sushi先過去但係overall都唔得..第一, service 唔得! 野食黎得勁慢..第二, 明明有吉台都要客人搭台逼入去第三, 食物質素極唔得!!!油淋淋之餘一d都唔值呢個價錢好老實講, 返大陸食個service仲好過佢..無論食物質素或價錢都比佢所謂既重慶燒好好多即使係講衛生情況, 最起碼我冇試過o係大陸食到食物中毒先呀!我一定唔會再去!

十幾張枱, 一半無人, 張張都話留位之後咪又係放d人入黎坐.叫咗嘢, 半個鐘先黎得一碟, 等到火都黎...最重要遲黎過我地的都上滿餸仲係到等緊....食物水準一般, 行多兩步去路口檔桔魚旦好過!

星期四，秋風起，與太座本想到渡船街食堂記腸粉，不過此店經阿蘇於節目中點名之後，顧客大增。外賣腸粉都要等五十分鐘，認真誇張。唯有轉戰別處，適逢天氣有一點秋意，食燒物也是一個不錯嘅選擇，經太座及肚內未來老闆批准之後，大家決定往附近嘅「重慶燒」晚膳。地方唔算寬敞，但總算坐得舒服。可供燒烤嘅食物種類繁多，分別印在不同顏色嘅點菜紙上。筆者與太座主要點了數款肉類(牛舌、牛柳、羊肉、雞軟骨各八蚊一串)、瓜類(南瓜及翠玉瓜各八蚊一串)及魚(白鱔廿蚊一串；秋刀魚十八蚊一條)。客人亦可以自訂調味料，設計頗貼心。我們所選嘅食物都是由八蚊一串至廿蚊一串不等，是抵食夾大件的。燒烤食物技術要求唔高，只要不燒燶食物，以及用料新鮮，基本上是差不到那裡去的。當然，要求高一點嘅話，會講究什麼用猛火封住肉汁之類嘅方法，但肉串太細，難以做到。以目前時令而言，含有豐富脂肪嘅魚類如白膳是值得一試，因為準備冬眠，肉質會變得肥美，再過多兩個月更佳。秋刀魚肉亦甘香可口，近魚腩部分魚腥味亦唔明顯，品質算是新鮮了。至於肉類方面，質素當然不是最好的，如牛柳是冇乜牛肉味，羊肉嘅羶味亦都唔明顯。瓜果類燒烤，加點鹽就已經可以很好吃。可惜南瓜爽脆有

完全無SERVICE可言! 態度好差!我地BOOK左台O既~早左到~佢安排我地坐間CAFE個度....我已經覺得好怪....咁都算啦!因為我地6個人去~一半人食辣一半人唔食辣, 咁我地咪每張ORDER紙分2份, 一辣一唔辣, 驚佢錯啊麻, 因為有朋友連小小辣都唔得!佢走過黎同我地講(第一個服務員可能係新人, 佢拎去, 第二個同我講以下說話), 你地唔使每張ORDER紙寫2張~因為係一樣架WOR! (因為我係唔辣個D ORDER紙寫唔辣!!) 我咪興興地話, 我地根本唔知原來我地每款食品只要TICK HONEY就代表唔辣, 咁你做乜整多格走辣!!THEN佢發脾4同佢個同事(新人)講, 咁你搞清楚先! 哇~你依家咩事啊!!好搞笑LOR~食辣唔可以有HONEY!! 咩道理啊! 你BBQ~辣O既~都可以查D HONEY去燒架啦!叫左好多樣野~要辣個D唔辣!! 算!啦....D野好多都一係無乜味~一係好咸, 又少...唔係樣樣都好食! 又唔係平!勁受氣LOR! 連相都影唔落手!! 可想而之.....我上次係深圳食! 哇~每人廿幾蚊~食得飽之余~重好好食~唔使受氣! 要辣有辣~無辣O既又野味!

第一次寫食評, 睇返以前食野d相, 一見到呢間就記得個慘痛經歷 報紙都有賣新聞 (3月19日蘋果日報), http://hk.apple.nextmedia.com/template/apple/art_main.php?iss_id=20090319&sec_id=4104&subsec=11867&art_id=12510205節錄如下:"另外 6人則分別於 3月 9日及 13日，在佐敦文英街重慶燒烤專門店進食後不適，他們進食過的菜式包括燒蠔、燒鱔、芝士焗青口及清酒煮蜆，進食後同樣出現發燒及腹瀉等急性腸胃炎症狀。食物安全中心仍調查事件，派員巡查東海海都酒家後認為衞生情況滿意，已抽取食物及環境樣本化驗，食肆負責人願意銷毀一批相關食物；但該中心人員巡視重慶燒烤專門店後不滿意該店的衞生情況，考慮檢控。"訂左台, 等左一陣就有位, 叫左唔少野試下, 間野係幾好食, 不過咁就中左招, 搞到食物中毒, 腸胃有問題, 痾左幾次 (Mar11 發病 >.<), 見到報紙都有賣間野食到人食物中毒燒琴蠔: 大大隻又肥美,我一個人都食左7隻茄子:勁多蒜泥同埋好似蒸咁 + 羊架:表面略乾不

今次係我第三次去食,一次差過一次,服務態度極差,問有無訂枱,無就慢慢等,但睇見有好多吉枱,叫佢比我哋先,佢話八点有客book 左.大佬阿,果陣六点鍾左右咋,老細話無辦法.心想佢都傻的,好似得佢一間燒烤店咁,真係想走,不過帶左朋友嚟,無辦法等左15 mins,(係有枱,但唔比其他容)老細係咁,伙記又係咁,落order亂,燒野食嗰的又成日打"克次".......差差差開頭好天真,好傻,以為可以以食物質數搭夠,因為頭一次食真係好掂,尤其是啲 蠔及原味蜆,点知今次啲野食重差,又咸又燶完全無鮮味,可能轉左師夫.真係好失望.總之無下次,費時食到一肚氣.嗰老細正....,如果佢地重唔改善服務質數,食物質數,長此下去–定不能留住客人,我哋哩啲咁好既客是不能得罪的,不希望由支持變不支持,否則一定無下次.

小弟喜愛吃串燒，但一般限於日式爐端燒或港式風味的街頭串燒，有聞佐敦的重慶燒有較地道口味的川式燒烤，小弟當然不會錯過吧。重慶燒在文英街有兩個鋪位，正店裝潢較四正，一邊為排得整整齊齊的桌椅，另一邊則為燒烤的廚房。但今次我們被安排到似是由小酒吧改建的小鋪，環境卻較昏暗吧。食物方便，這的燒烤款式頗多，除了有一般牛羊丸類肉食外，還不乏海鮮、蔬菜及其他冷盤等。現在這裡落單用上點菜紙，一面為食物名稱，另一面選擇不同口味，如「小辣」、「走孜然粉」、「蜜糖」等等。我們各類款式也點，很可惜有不少海鮮類缺貨吧。 川味青瓜：先來冷盤作前菜，青瓜以麻辣醬料涼拌，味道清新卻不單調，麻辣味不算太重，很好。 燒牛舌：四塊牛舌厚切以竹籤串起燒烤，再灑上孜然粉，味道濃重，但由於牛舌切得夠厚（最厚的一塊足有 1.5cm ），外表燒得香但內裡亦能保留肉汁，不錯哩。 燒牛柳串：牛柳以同樣形式燒烤，表面燒成微焦，很香口，內裡的肉質雖比牛舌稍次，但仍算嫩滑美味。 燒皇牌羊肉串：羊肉與孜然粉果然是絕配，而且火候也燒得剛剛好，很有四川街頭串燒的風味，說是皇牌也實至名歸，推介之作。 燒大海蝦：海蝦足有 7 吋長，連殼燒成焦香，去

我又佢細細間鋪就已經係果到食﹐到衣家佢開左分店﹐分店好唔好食我唔知未去過﹐但係睇D食評都係唔係好掂。 講真又佢細鋪開始食﹐都唔係好想睇住佢越黎越差。 當初細鋪既時候真係覺得佢地又好食又抵食﹐我仲周圍叫人去果到試下﹐點知當佢地係隔離開左大鋪﹐又多左人食之後﹐D野就開始變﹐D水準就keep 唔到啦﹐好多之前細鋪做既人唔見左﹐衣家淨係得男人頭做到衣家﹐之前D人比較nice 同有禮貌D﹐ 衣家D人真係又無禮貌又唔醒目﹐ D野食既味道好唔穩定﹐有時好咸﹐有時好乾﹐之前仲有人食物中毒﹐我諗老細求財心切﹐所以好多野都好是是旦旦。真係好想比D意見果佬老細﹐ 除左D食物要keep 住D水準之外﹐ D員工既態度都要係好先得﹐ 佢地既服務態度真係可以用不知所為去形容﹐我既經驗話我知﹐有咁既服務態度既食店好快玩完﹐除非D野好食到你無辦法唔去﹐不過我可以話你知﹐你果D食物唔係好食到D客人可以去容忍不禮貌服務。當中有個員工﹐佢係第一個比我覺得我想打佢既人﹐叫佢order 野食﹐就粗聲粗氣﹐ 放D野食既時候又好似飛過黎咁﹐ 果樣好似想打交咁﹐我真係以為佢係黑社會﹐ 唔該你﹐你可以唔做野﹐不過唔好趕客。其中又有個

約左FD睇Quentin Tarantino 的《Inglorious Bastards》~~之前黎依度大刷一餐~~大大杯生啤~~爽快!燒元貝~~幾新鮮~~燒板花甲~~好多蒜泥! 超惹味~~串燒燒得干左少少~~有待改進~~燒白鱔~~賣飛佛~~燒羊扒~~呢個唔錯~~唔會太鞋~~幾易入口~~大蔥+燒茄子~~好好食~~

朋友講左好耐架啦，話好正好正，唔知佢點正法，今日一行五個人去食，終於有機一試店無咩位，要食預早訂，一入到去都好迫下，同想像中有D差距，鬼叫佢咁旺場，不過只開晚市個燒餅其實麻麻，推介係扇貝同茄子，仲有串燒類，所有燒烤大部份都係辣，如果唔食辣可以唔洗入黎啦，個人就係鐘意食D特色小食，有機會會番黎再食