醉鮮靚湯特色粉麵

營業中

休息中

附近連鎖集團色的米線店食過太多次經過見到呢間主打醉鮮ＧＥ粉麵店當然要試一試鮮鯇魚腩泡飯＄４３湯底味道濃厚，但不太能感覺魚湯味鯇魚嫩滑，飯底偏硬，可以接受，整體不錯。醉雞米線＄４３醉雞另上的，明顯是冰鮮雞，花雕味道略淡　無法滲入雞中，另外雞肉唔夠滑。整體ＯＫ

呢度係以醉雞出名，食飯時間都真係幾多人等位架，要食佢都唔容易。- 醉鮮牛肉醉鮮麵除左醉雞，呢度仲有醉鮮牛。牛肉一入口有幾重既花雕味，都幾嫩滑，不過唔算好多件。其實佢同魚湯都幾夾，大家都係較清，同埋都係食佢既鮮味。呢度標榜無味精，飲下飲下都飲左幾多魚湯。另外要介紹埋佢嘅醉鮮麵，店員話佢係較粗身同彈牙既麵，我食完就覺得其實係似台灣嘅新竹米粉。呢個麵都幾吸湯汁，襯個魚湯好岩。- 牛筋腩麵我地仲叫咗牛筋腩，呢個都幾好，因為佢炆到好香好淋同埋唔會太咸。呢個配料真係要介紹，係蝦皮。放佢落魚湯會令個層次提升左，多左咸咸鮮鮮既味道。不過唔好放太多，如果唔係會搶走魚湯既淡淡鮮味。除咗今日食既醉牛醉雞，呢度仲有醉豬手同埋胡椒湯底，下次黎可以一試。總括嚟講呢間餐廳質素都ok，同埋款式比較多，不過就係份量較少，不然性價比就更高了。

之前已經食咗沙律同拌麵，而家終於正式食晚餐，友人揀左食呢間，嚟到要等一陣位，叫咗醉雞魚湯米線，仲有醉豬手米線，病咗嘅友人就叫左鯇魚嘴魚湯泡飯，本身諗住三個人share食，最後都係自己食返自己嗰碗。食米線嘅時候已經覺得個魚湯好味架啦，試埋魚湯泡飯個湯，原來仲好味，個魚嘴原來係兩個魚頭黎，嚇親。配料有啲蝦乾任食，唔錯。三個人食嘅時候都無講野，因為好好味要認真感受下。

放工同朋友去葵芳食飯。 想食米線又唔想食譚仔雲貴軒嗰啲。就試下呢間米線店。 我就叫咗個醉雞醉鮮面, 本人就好鍾意食米線, 但見到佢嘅醉鮮面其他地方冇, 係佢自製嘅, 問佢醉鮮面即係點呀, 服務員答: 好似米粉咁嘅樣, 比米粉略粗少少, 但係就好似米線咁嘅口感。 所以我就試下啦。 首先講過醉雞先, 醉雞份量有啲小, 得四五嚿。咁唔係幾夠食。雞都幾新鮮, 酒嘅香味都好出同隻雞好配合。 可惜個醉鮮麵同我想像中就有一啲出入, 佢基本上淨係畀米粉粗咗少少, 其餘都同米粉冇分別。 所以食落就有少少失望。 總括而言其實呢間都算幾好食, 就呢一個平民嘅價錢嚟講 。都算係畀我哋住葵涌嘅居民多一個選擇啦。

本來想食吉邊，友人A HLT，佢就提議食呢間。醉系列幾特別，就叫左醉豬手魚湯米線。同行友人們就叫左醉雞魚湯米線同鯇魚咀魚湯泡飯。醉系列個魚湯係幾鮮甜，唔會膩。醉雞同豬手幾夠味，唔會淡，好怕食到啲唔入味，得表面嗰層掂到啲汁。到鯇魚咀泡飯上場，我地真係O哂咀，兩個魚頭完整放喺碗面，估佢唔到。試左一啖個鯇魚湯，完勝，濃湯咁嘅味。再食返自己嗰碗，好似清湯咁。不過友人A話雖然夠味但食到尾有啲咸。不過唔係人人都handle到個鯇魚咀，我呢啲唔識食魚頭嘅真係無謂試，唔好嘥野。調味品有隻係啲蝦仔，好有心思。加少少落碗麵到，個湯更鮮味！整體黎講野食唔錯，不過建議大食人士唔好叫米線，因為唔夠飽，得嗰幾條，要食多餐先填飽到個肚。

呢間食店叫「醉鮮」，出名醉雞、醉鮮牛肉，還有魚湯及豬骨湯可選擇。星期六及日都有下午茶餐，但要等到下午3點才開始。我們先單點了一碗醉雞魚湯河，椒鹽雞軟骨，再點了下午茶餐的醉鮮水餃河，另再配上自家製香檸薏米蜜。先來醉雞，雞夠滑，而且充滿酒味，魚湯夠鮮夠甜。醉鮮水餃是自家製的，沒有酒香味，有肉汁。每碗米線好多配菜，值得一贊！再來椒鹽雞軟骨，香脆夠嘢味，如果配杯啤酒就無得頂。最後自家製香檸薏米蜜，去水腫一流，岩女仕飲

鮮鯇魚片鮮蝦腐皮卷魚湯河粉- 奶白色湯底滲出淡淡魚味，喝下很舒服- 餐桌上放有蝦乾任加。蝦乾味濃，混入魚湯中，會蓋過魚味- 紹菜腍滑、豆卜香口、冬菜微鹹爽、木耳脆，口感豐富- 鯇魚本身魚味不濃，但做到新鮮嫰滑，惟魚種屬多骨，挑骨挑到累； 鮮蝦腐皮卷香口但沒蝦味- 河粉幼滑吸湯- 辣椒油中有炸乾蔥、瑤柱、蝦干、指天椒粒，層次多樣，鹹香辣鮮

家人讀書都在葵青，一心諗住去荃灣三條魚，但家人說來試，那試吧。環境：肯定是舒服過三條魚食物種類：是多了豬腳，醉雞等小食，款式是多的。食物方面：湯底-魚湯不夠濃，不夠鮮甜，三條魚更出色面食及飯食-生死戀泡飯：主要是炸和鮮鯇魚片二種。鮮魚片竟然啖啖骨，自問都是食魚之人，真係唔識食。豬扒魚湯米線：豬扒沒說的那麼好吃，米線很少又碎，好難夾。醉雞：夠滑夠酒香，不過半隻唔似夠半隻椒鹽魚腩：外脆內嫩調味蝦干：增加不少咸香自家製辣椒醬：像xo醬，辣香，好吃整體份量較少，呢個價錢和地段，不成正比。

餐廳位置唔難搵，附近都好多食店。星期六 1：00pm，附近正舉辦葵芳食品嘉年華，店內滿座，食緊期間，一枱走就一枱入，都幾好生意試菜要試招牌菜，同埋網民推魚湯，就試醉雞魚湯醉鮮麵我諗等左5~10分鐘，好快就上菜，餐牌上寫住"足料靚湯，絕無味精"，筷子、湯匙、牙籤喺枱櫃桶，有隻碟仔，放骨用醉雞有酒味，有雞味，夠滑，有味但唔鹹，值得推介魚湯，清清地，覺得冇乜特別醉鮮麵，類似幼嘅米線，頭幾啖咬落口，覺得爽嘅，我覺得係煮未透，定係呢個先係醉鮮麵嘅口感？搞唔清後來d湯浸下，就覺得d麵都幾滑，都ok嘅，不過如果再叫，我會叫米線

食過呢間餐廳三四次試過叫魚片，牛腩，豬扒 等等...魚片有d碎骨 但會令到個魚湯米線更重魚香味牛腩係炆得腍 好入味 會同米線分開上 不過個人喜歡食清湯腩較多 秘製豬扒都幾好食 不過再想試其他配料今次揀咗醉雞配魚湯米線同雞會分開上 雞幾嫩 好入味 酒味好香魚湯係走清清地路線 (唔係超濃魚味嗰種)個人好怕魚腥味 但哩個湯一啲都唔腥 每次黎食我都會飲唒個湯食過荃灣既三條魚個人比較喜歡呢間但強烈建議大家米線揀魚湯唔好揀豬骨湯食過豬骨湯 普普通通鍾意魚湯既朋友就不妨一試啦

見有報導後去食,兩個招牌套餐,一個魚湯,一個豬肉湯,兩者顏色一般,但味道欠奉,食唔到期待的魚味及肉味.豬手4塊,比想像中少,味道不錯,有腐乳. 醉雞一般味道,就是紹興酒味. 豬軟骨軟而味濃,還可以.比預期失望.

我本身係一個很喜歡食醉雞的人， 以前只會在元朗爽爽有得食，及後爽爽搬遷了， 已經好久沒有食醉雞米， 收到風葵芳有一間特色粉麵， 便立刻攞去試試 這間餐廳 ，不單只有醉雞食， 更加配予鮮魚湯， 這樣的配搭不但滿足有醉雞食， 而且還有新鮮魚湯飲， 我覺得比以前爽爽有過之而無不及，醉雞都係好滑酒味剛剛好， 魚湯都係有鮮魚而且帶奶白色，非常正。价錢方面大概係人均四十零蚊左右，我個人覺得非常底，而侍應嘅服務態度亦都係不錯， 總括嚟講呢間粉麵檔我覺得非常滿意， 我會再試埋去其他嘅皇牌 （牛筋腩及豬軟骨）。

尋晚同屋企人去葵芳食dinner, 媽咪話之前食過醉鮮d 魚較幾好食要encore 於是就gogogo~我叫咗個鹹菜豬肚湯鮮雞烏冬, 雖然等咗好耐, 不過賣相唔錯, 食落仲好有驚喜添, 個湯好濃好好味!!! 個烏冬就不過不失, 而雞件雖然未至於鞋不過確實係可以滑少少~ 白蘿蔔好淋好入味~~~ 落單時唔知飲咩好, 見個staff(定唔知係咪老闆) 極力推介自家製薏米檸檬蜜就加$6要咗杯試下, 一試之下又真係幾好味喎!!! 👍🏻👍🏻👍🏻服務其實唔差, 不過座位就有dd 逼, 同埋上菜速度真係有待進步🙈

今日行完葵涌廣場， 就去咗就去咗後門出口嘅禮芳街搵食。 呢度有間叫《醉鮮靚湯粉麵》 嘅茶餐廳， 都幾多街坊讚好， 而且我又好鍾意食醉雞， 當然要去試下。叫咗個【香煎鹹魚肉餅拼豬潤醉鮮麵（ 魚湯）】， 呢度嘅醉鮮麵， 老闆娘話係招牌， 識起嚟較米粉粗身， 但較米粉滑溜， 食落都幾爽口， 可惜我鍾意食淋麵， 得唔到我喜愛。 香煎鹹肉餅不過不失， 煎得幾香口， 可惜鹹魚味無乜。 豬膶反而有驚喜， 爽口得嚟又帶點粉， 唔會拿得太過分。 至於魚湯底， 都只不過係普通， 奶白色夠， 但魚味唔算濃郁。 見到枱面有啲蝦乾仔， 就畢咗啲落個麵，食落亦唔見得有太大幫助。至於最期待嘅【醉雞】， 亦只係不過不失， 雞肉唔算太滑， 不過依家又話啲雞有乜野ESBL菌， 都係熟啲穩陣啲， 至於酒味就調教得幾好， 可能個人口味比較鍾意酒味濃， 咸同酒味調配得唔錯。跟餐日加咗個【檸檬薏米蜜】， 檸檬味酸酸甜甜， 飲落有啲似溝咗益力多， 薏米煮得淋， 不過還是覺得「吐司盒」嘅薏米水較為出色。總括而言呢間茶餐廳尚算有個人嘅特色， 難怪得到街坊嘅支持。 不過如果專登去，就冇乜需要啦。

上網見佢碗魚湯奶白色到咁樣樣，個白嘅程度拍得住魚鱻喎，身為魚湯迷嘅我梗係要嚟試下啦，嗌咗個醉雞湯河， 個魚湯果然夠哂奶白，不過同魚鱻個味道就同爭好遠喇， 完全唔係嗰回事。醉雞酒味都算夠，不過肉質就鞋咗啲囉。另外加咗塊炸豬扒，甘香鬆化，好味。