醉鮮靚湯特色粉麵

營業中

休息中

Rice Spaghetti🍜in Fish🐟Broth with Deep-fried Chicken🐔Wings - The broth has strong Fish🐟taste. Silky and gentle. Perfect match with Nappa Cabbage🥬 Fungus and Chinese Lettuce🥬The veggies perfectly absorb the broth flavor. Fungus and Spring Onions provide crunchy texture, the latter one presents a gentle and fresh taste. One of the best fish broth in town🌁- Rice Spaghetti🍜is silkly and has a hint of rice🍚flavor. Perfectly absorb the Fish🐟Broth- Chicken🐔Wings have extremely crunchy skin and juicy fr

一向都好鐘意食湯飯嘅我經過依間以鮮魚湯同醉雞作招徠嘅餐廳就忍唔住要試一試！今次叫左醉雞鮮魚湯米線同海龍王泡飯，小食方面就叫左好多人推薦嘅椒鹽魚腩野食好快就上到，湯頭幾鮮甜，冇乜味精嘅感覺，仲有條菜食下，唔錯唔錯。醉雞方面呢就冇話勁好食，有酒味，但唔係幾夠凍，個皮亦唔算爽口，中規中矩椒鹽魚腩就唔錯，即炸熱辣辣，椒鹽亦都好足，可以過下癮。最後就係個海龍王泡飯，大大碗好足料，雖然就唔係啲咩名貴海鮮，都係啲蝦/魚片/蟹柳咁，不過整體味道幾好，幾抵食。老闆好Nice，我地本身都好夜先去，食到最後得我我地一枱佢都冇話黑面/過黎催，當然我地都快快趣食完閃人啦！

滿懷希望放工趕去食，點知去到7:30pm左右，被通知所有魚腩，魚餃已賣晒唯有食翻平淡既牛筋牛腩，同豬軟骨，跟魚湯，加$3試吓醉鮮麵... 首先講魚湯，一啲魚味都無，好似水一般清淡，麵質係少少透明好似檬粉咁但又好似米粉咁，口感同米粉無乜分別而且係無味，唔知食緊乜不過勝在夠大碗。再講下牛腩牛筋，牛腩有d韌有d鞋口又太大舊，牛筋正常淋，較牛腩入味，正常柱侯咁既味道。豬軟骨係我第一次見係橙色汁味道好奇怪，唔似茄汁唔知係乜汁煮，汁味道好奇怪，豬軟骨肉係夠淋，但心諗其實用翻煮牛腩個汁咪好囉個汁我唔太like勉強食咗一半都唔想食落去呢餐真係唔知點形容可能係我唔識欣賞

讚1. 湯好，維持水準，黎食咁多次都好足味，炸物出色，炸得夠香脆，薏米水非常足料2. 服務好，今時今日主動叫客人坐得鬆動啲，好有禮貌陣1. 秘製豬明顯係退步左，退步左好多，好韌2. 醉鮮麵其實即米粉，係爽滑既，但好似煮得唔太透身

One of my favourite restaurants in kwai fong - amazing fish soup noodle. Seems their soup is really cooked with fresh fish with no MSG. Recommended toppings are dumplings, deep fried prawn rolls and cuttle fish ball. Their special thin noodles goes well with the soup. Veg comes with soup as u can see.

今天晚上喺葵芳食晚飯，唔想每次都係去商場的餐廳，就開OpenRice睇吓附近有冇小店，見到呢間人氣幾好，好評又多就決定試一下！我哋分別叫咗特色豬軟骨米線魚湯($46)、王牌牛筋腩醉鮮面豬骨湯($53)、椒鹽魚腩($37)。首先個豬軟骨米線，米線份量比想像中少，但豬軟骨嘅份量就出奇地多，一個女仔係食唔晒既。豬軟骨調味比較鹹，軟骨亦都比較脆身，我自己口味鍾意食淋一點，魚湯比較清淡，鍾意食辣嘅我就加埋佢哋嘅秘製XO醬，少少辣好味道。牛筋腩就不過不失，偏鹹左少少，份量都係超級多，醉鮮面嘅口感好特別，以為佢好似粉絲咁但又比粉絲更加煙銀，幾得意。我最鍾意嘅就係佢嘅椒鹽魚腩，魚腩炸到外脆內軟，新鮮魚腩特別好味，又唔會炸到好油膩，出色

葵芳除左係小食既天堂之外，還是女人shooping既好地方。行到攰緊係要去醫肚，去左隔離街度搵好野食，而今次就俾個鋪頭名吸引左！店鋪唔算大，而且坐位都要親密一點，而餐牌設計簡單清楚，有醉系列，鮮系列之外，仲有胡椒系列，同其他特式系列。|鮑汁豬手醉鮮麵| 同一般麵鋪不一樣，呢間自家製一款叫醉鮮麵既麵，咁當然要一試啦，望落似瀨粉同米線混合體，食落去就發現真係與眾不同，麵身比較Q彈，配合上魚湯既味道，加3蚊轉醉鮮麵原全是值得的。另外佢個湯底點了鮮魚湯，味道是清甜的，是可以飲晒既感覺。而個鮑汁豬手都炆得比較入味，易入口又淋身，值得一試！|醉雞米線| 醉雞應該係呢度既招牌菜，留意返個醉雞係冷盤，雖然第一下夾落去比較失望，因為佢應該直接係雪櫃拎出黎，所有雞肉痴埋左一齊，如果係咁易上碟前分開下會更好，但雞既味道真的不錯，佢用紹興酒俺得好入味，愈食愈停唔列口，再配合魚湯米線，是不錯既配合。街坊小店往往存在驚喜，總是食得令人喜出望外！

星期一晚上，諗住簡簡單單平食，見到呢間賣魚湯米線，清清地就試下。個時未夠7點，已經有好多街坊係鋪頭食緊野。好彩仍有位，我們不用等位。一坐低，我們就叫咗碗皇牌牛筋腩米線和一碗醉雞米線。個魚湯好清好鮮，個米線配有生菜木耳絲同豆卜。牛筋腩好腍好入味，醉雞亦好有酒味唔錯。整體覺得健康得來又好味。下次會想試其他餸。除了食物好食之外，令我印象比較深刻的是店員好細心，因為小店地方淺窄，我們坐的枱和隔離枱很近，我們開不到枱的櫃桶拿餐具，店員拿麵給我們時就察覺到，就主動幫我們拿餐具。到走的時候，我坐在角落位，出來要勞煩隔離的婆婆起身先出到，店員就主動幫手推開張枱，讓我出來，不用勞煩婆婆起身，我覺得店員真係好細心，難怪有咁多街坊幫襯！

隔一段時間就會好掛住呢間野食就會嚟encore!仲介紹埋同事嚟食基本上每次都係叫牛丸米，有時配魚湯有時配豬骨湯今次係魚湯佢嘅牛丸有少少黑椒好惹味又好彈牙係我食過數一數二嘅牛丸嚟咖！（可能我又好喜歡黑椒）然後湯又好清甜冇味精我通常都會一飲而盡真係好正平時會加D蝦米再吊吊個味但個日冇哂了，可惜可惜男朋友叫咗呢個一箭雙豬泡飯（魚湯）個雙豬好似係指吉列豬同⋯⋯唔見得咗我試咗舊吉列豬炸粉剛剛好肉汁又鎖住咗實在唔錯晚餐埋單80蚊，抵丫！

同朋友要去葵涌廣場逛街，順便去那邊食肆大擦一餐。去了一間，未到1點食飯時間，已經排長龍的特色粉麵店舖。叫醉鮮，連店名都很特別。坐下來就即刻看看餐牌，有什麼好食呢？湯底分魚湯和豬骨湯，足料靚湯，絕無味精。實在太多食物選擇，花多眼亂。鮮鯇魚腩醉鮮麵魚湯，醉鮮麵，第一次聽和食，似粉絲，但比粉絲QQ的。魚湯好鮮味，真的感受不到味精。牛筋腩醉鮮麵魚湯，牛腩肉質滑溜。椒鹽魚腩，炸得好香口，好少地方有得食。香檸薏米蜜，烹調得好出味，濃度很高，酸酸甜甜，好好味。

我同朋友麵好鍾意食魚，所以黎試下我點左個醉雞醉鮮麵+魚腩 (+$17) 魚湯魚腩真係好新鮮，所以有少少腥，同埋d骨都大無咁易吞下醉雞雖然吾算太濃，但都入味，雞吾老😛魚湯都幾清 推介個醉鮮麵質感比較特別，望落有少少似米粉，但比米粉厚d同硬d~朋友點左豬潤米線+魚腩,佢覺得米線質地較硬，豬潤有d老不過豬潤份量好多！食極吾完整體而言份量都算多，食完好飽！有機會會再黎食下！吾錯丫服務員都有禮貌同都吾算好逼：）

上周總是吃不到午餐，今周有個好開始，正午就可以去吃午餐了，葵芳月波樓附近有很多食肆，今天先去醉鮮碰運氣。為甚麼碰運氣？因為店很小，10張枱左右，遲來了就等很久了，今天幸運啊，進店就有位。今天點一碗牛腩醉鮮面，要魚湯，醉鮮面有點像米線，但比米線幼，口感更彈牙，加3元掋。魚湯沒加味精，已表明在餐牌上，果然很濃。另外必點的是椒鹽魚腩，皮很薄，新鮮炸起還是熱乎乎。最後當然飲杯凍香檸薏米蜜，酸酸甜甜，味道適中，最啱濕熱天氣解暑祛濕。

第一次幫襯 試一試招牌醉雞配魚湯米線醉雞同米線分開上，店員仲順手俾埋骨碟好細心張相係食咗少少先影，不過份量真係唔算多一個女仔食只係啱啱好，而且肉比較少但係好入味，亦有酒同藥材香 魚湯應該有用大地魚黎煲，唔似係一般屋企煲嘅魚湯雖然話冇味精，個人認為就鹹左少少 再清淡啲就好啦另外叫咗一杯青檸薏米蜜呢杯反而有驚喜好足料而且好香檸檬味薏米煲得好淋

要係葵芳搵野食...就必先走出呢個葵廣係太多選擇既情況下揀左呢一間平民小店都估唔到原來幾多人排隊下係7點呢個食飯既高峰期有2-3 pair人等緊等緊既途中已經揀定好要邊一款啦!我揀左胡椒酸菜豬肚紅燒魚腩米線佢話要等10-15分鐘，但因為上錯泡飯前後等左半個幾-9個字到.......個湯底係幾唔錯，飲到好勁胡椒同薑味而且配料好足，連湯都可以飲得曬而又唔口渴紅燒魚腩真係第一次食，比到surprise 我因為好濃魚味而唔腥，外皮好煙韌雖然係出名魚湯但無試到，但飲左少少魚湯都似我地家常煲出黎既魚湯不過整體米線份量係偏少既...推介: /5

雖然住附近，不過呢頭都有唔少選擇，見呢間睇落普通，所以遲遲都未試，今次終於黎試了～鮮鯇魚腩泡飯 － $46份量就普通，一黎到見魚湯呈奶白色，試咗啖湯先，味道好鮮甜啊！！相信個湯底都用左唔少時間煮出黎，食得出無乜味精有幾件大大塊魚腩，幾嫩滑唔會點腥。招牌醉雞泡飯 － $45夠濃同入味，醉雞味道不錯，酒味唔會好濃，雞唔算多但對得住個價錢。蝦仔任加來調味，不過我就無落太多，怕搶左d魚湯味！環境方面，雖然係小店，座位唔多但都唔會好逼。最後食完唔會點口乾，似乎真係無味精，可惜今次因為食晚餐就叫左飯，無叫招牌醉鮮麵，聽講醉鮮麵係似台灣嘅新竹米粉，下次再試吧。呢間好食得黎價錢大眾化，推薦～下次會帶其他朋友再黎！