醉權

營業中

休息中

🍜醉雞藥膳米粉估唔到雞胸肉都好滑，酒味岩岩好亦唔會過重🤩份量又多，價錢又唔算貴，淡淡既藥膳味，味道唔會過甘，亦有雲耳同蘿蔔做配料🍜醉鮑魚露根米粉醉鮑魚口感好彈，只有一隻鮑魚，如果唔夠食既人士，可加多一隻餸或者小食🥴令我驚喜係靈根湯底入味過藥膳🤣鍾意濃味少少可揀露根湯底🫶🏻亦有蓮藕同冬菇做配料🧆醉雞腎雞腎都好有酒味，細細粒易入口，口感亦彈牙，唔會嚡颯颯既，份量都算多👍🏻☕️貓屎咖啡味道偏奶，有淡淡既豆味，較nutty，飲唔到齋啡嘅朋友可以試吓呢杯👍🏻餐廳好貼心咁每人有隻細鐵碟放雞骨之類既渣滓，唔洗放落枱面咁污糟👍🏻店主仲播blackpink既歌🤣比錢個陣有個糖果盆🤣我都老實唔客氣攞左粒白兔糖🐰雖然店鋪唔算大，但食物、價錢、氣氛都不錯👍🏻值得來一試

醉鮑魚超級腥 好似擺左好耐賣唔去咁最牛筋又硬又酸 d野食又細份 酒味好重 但係唔明點解係酸嘅Feel到啲嘢食勁唔新鮮服務態度又唔好冇食到肚痛到偷笑千祈唔好去食🤢🤢🤢

如題-醉好早點去幫襯😆經過好多好多次，今次第一次來這家小店，因為晏左去好多想食嘅野已經賣晒，唯有退而求其次，但都好滿意🤤坐低本來想試鮑魚醉雞和藥膳湯底，點知都賣晒，咁今次試“靈根”湯底台灣幼麵配醉雞和醉鵝肝啦😋究竟乜嘢係“靈根”湯底呢？我會叫佢住家湯！入面有菇菌類有蓮藕等等，好香濃！I like it!係唔係每日都係呢個配搭就唔知喇🤔推介給喜歡清清地原味道嘅朋友仔！點飲品方面跟餐加特價配普通飲品，但係咖啡呢就要收正價喇！因為佢係越南貓屎/滴漏/椰子咖啡，我試左越南貓屎咖啡！好飲☕😋總括地方有點細，我好滿意食物，女店員係有點個性嘅，但其實都有禮貌🫡下次想去買樽純手工製泡椒酒試下！支持小店！

進入鋪頭，坐底！女職員（唔知係迷老闆）立刻罵我，唔好坐係宜張台，話今日要整很多外賣，宜張枱係用嚟放外賣，唔坐人，叫我搭其他台。好啦！咁我轉買外賣，唔坐佢d 位。叫外賣很多餸都無，無醉蛋、無醉蝦⋯ 這裡唔係食醉嘅東西？最後點左冷麵（加餸）等外賣期間，我出咗去鋪位買嘢，都唔想比佢話我阻住晒同坐咗佢d位。買完野，我專登都行咗過圈先返去，入鋪頭就見到有其他人坐喺我之前坐嘅位置？！（又話用嚟放外賣，唔坐人？）我入咗去，再等咗一陣問佢：我個外賣幾時得？個女職員就態度好差咁話：未得呀⋯d 單要排隊未到你⋯我：咁要等幾耐？（心諗呢個係冷麵，就咁喺雪櫃攞嘢出嚟撈就得）我嬲到同佢講，我唔要啦！（我都費事同佢嘈，唔洗佢退款）第一次嬲到要「寫負評」一間餐廳要做得住，都靠口碑、回頭客，唔係好明白點解客人一入去坐低就要俾人鬧。除咗味道之外，我相信服務同環境都係好重要‼️

去探朋友前先醫肚，落車見到附近有呢間食醉野，岩哂我心水，一於去試下呢間醉野既款式比我想像中多 (連牛筋雞子都有😯)不過今次試番啲最常見既，諗住好食先再去醉雞 醉鮑魚配米線 (靈根湯底) $68鮑魚一隻，好細心已切成薄片唔會好靱而且好入味👍🏻至於醉雞件，都有大約6件一樣入味但唔鞋身 (一半雞脾一半胸)呢間既酒味香濃但唔會好哽口同苦，唔錯至於湯底都幾得意第一次聽靈根湯，原來係響螺、冬菇同蓮藕煲成既 仲會每款都比一件，証明真材實料🤣湯底唔會過鹹，飲完仲幾暖身最後食到一半仲加左隻溏心蛋都唔錯，一樣浸得入味，不過如果可以再流心多少少就perfect~有機會再黎先多幾款唔同既醉野😝

本身都幾中意食呢類醉野，睇到飲食男女介紹就去試下。雖然店鋪就真係好細，得2張枱，但都算幾乾淨企理。入到間店先發現有好多餐牌無寫嘅都有得食，藥材湯底調出嚟又幾好食，d小食同餸嘅酒味夠晒香，但今次得2個食，好想試埋炸雲吞同醉鵝肝。雖然我住太古，但入嚟元朗食都係值得。

普通醉雞翼，冇咩特別驚喜食落係ok，其實唔差，但未到好好食自己用花雕酒、李錦記醉雞汁 浸一晚嘅醉雞翼好食好多🤭試過一次就算了，應該唔會再幫襯了個鮑魚切開幾易入口 呢樣值得一讚嘅👍🏽

話說我朋友好鬼鍾意食醉野佢話要專登去元朗呢一間醉權試下，因為佢個朋友之前食過覺得唔錯價錢又夠平民，所以就叫我一齊去。坐低咗間鋪唔係好大得四五張枱左右，變咗個Menu嚟睇都好多款食物可以揀價錢又真係唔貴，我哋揀咗幾款黎食醉蛋，呢個係溜心蛋嚟嘅，食落好有酒味，裏面啲蛋黃好滑，好有口感。醉鮑魚，都幾大隻而且整得好入味好彈牙，值得推介。蛋黃炸雲吞呢個蛋黃炸雲吞果然唔錯，每粒中間都有唔少蛋黃，外層脆卜卜，食落去好香口，加埋啲蛋黃香味，再點埋啲甜酸醬味道好夾。炸花枝丸呢個花枝丸上碟出嚟好新鮮熱辣辣，外皮香口裏面彈牙，食落好滋味。醉雞，隻雞外皮好靚，雞皮同啲雞肉都好滑，而且啲雞好有酒味，好正雖然元朗對於我哋啲九龍友黎講係遠啲，不過以咁嘅價錢又真係抵食幾值得去，下次我朋友都話會再黎過。

第一次無意路過見到，被名字吸引因為我鍾意食醉野。嘗試後真係覺得唔錯，第一次食唔到醉雞子，今次終於食到，醉雞潤，雞腎，鮑魚，醉雞，都好入味，酒味足夠但不會over。恰到好處。藥膳湯好夠濃。滋補既一餐每樣野都好精緻值得再黎

之前見同事食，所以就想試吓，叫左醉鮑魚藥饍米線 ，令人好失望！D米線好似橡根咁😰見其他留言話食河粉都係一樣 ，湯好香,但淡到冇乜味 ,鮑魚夠入味 ，應該好難令我想食第二次

​醉雞醉鮑魚醉鴨舌，所有醉甚麼，好味與否，取決於時間和選用的酒。這裡的醉東西很不錯，一般來說，🐓醉雞會比較常吃​，而這裡的醉雞做得有水準，雞肉算滑嫰，做得很入味，充滿酒香。醉鮑魚我反而第一次吃（孤陋寡聞🙈）​，香濃芬芳的酒香，鮑魚肉質爽口彈牙​，酒香不會蓋過本身的鮑魚味，反而帶出鮑魚的鮮味。這樣的配搭，一試難忘🤤。米線配上無味精湯底（應該係雞湯）🍜​，​簡單的食材，只要用心製作，便可引人注目，感動人心😌。

放工無意中經過水邊圍，見到依間鋪頭。就諗住試下啦。我同朋友都係叫左醉雞啲雞肉好滑，但如果再入味啲就最好啦但不得不提佢個靈根湯湯底，真心好好飲。啲面吸晒個湯底。有意外驚喜。經過可以試下👍🏻

之前聽朋友講話元朗有間食醉雞嘅麵店好好味，之前見到各大媒體都有報到過，今日有時間就特登嚟試下😊首先叫左比較小見既益力多冰😍夏日至愛 店內老闆娘好親切，推介我夏日新湯底 靈根湯我揀左米粉，湯底味道清清甜甜，好有住家feel~勁好飲😋無味精，吾覺吾覺比我飲曬😆配菜叫左主角［醉雞］，個醉雞不得了，非常入味，肉質好嫩滑，一定要試👍🏻呢到小食價錢非常親民，見個醉雞咁好食就叫埋個醉鮑魚、醉雞蛋同醉豬耳試下，點知無失望，一樣好味，見議吾夠飽可以加埋小食☺️總結~無失望，味道有驚喜，十分推介大家嚟試下，支持小店💪🏻

以前食醉雞淨係識去爽爽，今日誤打誤撞嚟咗呢間，好有驚喜，醉雞酒味好濃，肉地尚算係滑，個湯底唔知咩藥材但好好味，豬頸肉都燒得好香，特別要讚個鮑魚，非常之入味，有機會一定再嚟食

睇咗網上一篇文章推介，覺得好似好吸引，決定你試一試佢🤩 可以一試，店員好好，但食物可以再好啲醉雞+碎鮑魚 麵🍲湯底好清，麵嘅選擇好多，湯底有改善空間🙂醉鮑魚都可以，新鮮，抵食！但如果再入味啲會好食d🍗醉雞做得好好，好滑！酒味夠晒入味抵讚👏🏻🐷醉豬耳爽脆，但可惜酒味唔夠入味，明顯淹既時間唔夠，有待改善😌🙁醉雞肝其實為咗呢個入嚟食.... 唔係好多可以地方食到。其實做法冇問題，但可惜肝煮既時間太久，硬左d。如果可以做到軟心，呢個味道加埋應該好好食不過見到有兩個雞心送，都開心返🙂益力多冰點嘅時候以為係沙冰，原來只益力多加一粒粒嘅冰，份量略嫌太少