酷廚 (已結業)

一直以為D2 Place入面嘅西餐都係貴，但有日無意中搵到呢間餐廳🔍主要係食西餐同泰國菜，都係普通餐廳會見到嘅菜式lunch一百蚊都唔使就食到西餐😆仲要係黃店💛好可惜食第二次時先知佢地9月結業，希望佢哋有機會再開翻平日1點幾去到已經見到餐廳full左，出面仲有唔少人排緊隊最後等左十幾分鐘先有位。但第二次1點前去到就唔使等😗除左出餐，其他都係以自助形式運作，包括付款同拎水~~~🍟珍寶炸魚薯條($88)🪄7.1/10本身冇諗住叫，但出面等位個陣見到炸魚好大舊，跟住同朋友不約而同地話吸引想嗌😆塊炸魚差唔多有手掌咁大，都ok抵食炸漿唔厚，食落酥脆👍🏻魚柳入味唔腥，而且冇雪味，點醬食簡直一流(⁎⁍̴̛ᴗ⁍̴̛⁎)呢個餐配嘅薯條似係自己切再炸，而唔係入貨.🍔軟殼蟹蕃茄漢堡($83)🪄6.7/10個漢堡都幾高身，所以都諗左下應該點食好😂不過對比其他兩個，呢個餐少失望🥲因為我個碟隻蟹就靚靚仔仔好完整，但同事果個係幾舊手手腳腳拼埋一齊，所以更加難夾包一齊食🤨軟殼蟹有啲油異味，都有少少膩，好彩個入面仲有大大塊番茄同生菜balance🥬.🐂紐西蘭肉眼扒配燒汁($98)🪄6.9/10味道正常發揮，雖然都算大塊，但lunch黎講少貴薄嘅部分比較好食，有少少香口，但厚肉就偏硬😬呢幾個餐都有配薯條，但食個陣已經凍左，唔多脆~~~⭐️回頭指數🌕🌕🌕🌑🌑餐廳食物質素整體黎講都ok，而且staff都好nice好可惜佢地不獲續租，又少咗一間黃店可以食啦 :(…查看更多

環境悠閑舒適，適合假日與朋友聚餐。主打傳統泰國菜及泰西fusion菜，食材配搭特別。黑松露野菌忌廉流心蛋闊麵 麵條粗身掛汁 意粉有大量野菌同黑松露醬製作而成又香又濃,麵條掛汁之餘口感煙韌彈牙,新鮮麵條口感特別好食泰越小食拼盤 炸雞件, 雞翼,春卷,沙律,蝦多士 雞翼食到香茅味,春卷脆口,蝦多士彈牙脆身 安格斯肉眼牛扒 5成熟 大大件配燒汁蔬菜,切開仍粉嫩多汁,肉味濃郁 口感柔軟 出色!Shop 110-111, 1/F, D2 Place TWO, 15 Cheung Shun Street, Lai Chi Kok消費$300…查看更多

有日出D2睇戲，睇戲前梗係要食飯啦食飯很重要😂今次決定試下Kool Studio Kitchen 酷網紅拍攝場地Lunch大部分價錢都係$80-100免加一，啲野食真心好食。香辣茄喱啡煎大蝦意粉🍝，呢個超正，少少既辣，啱哂我😋意粉軟硬適中，啲蝦又夠大隻，份量亦都唔少👍🏻珍寶炸魚薯條，嘩….塊炸魚大到呢😱😱😱大過我隻手😂個炸魚都好食，美中不足係明明配薯條，變咗薯角😕加多個泰式串燒，唔錯唔錯😋荔枝角真係有好多💛店，每次出去都想試唔到既舖頭，每次揀咗酷廚，算係我食過既中上質素，好食、夠大份抵食👍🏻#荔枝角 #酷廚 #kool#西餐 #泰國菜 #越南菜…查看更多

🐻 近來番荔枝角區，搵食真係方便好多😆 @d2place 裡面收埋唔少好西，今次有同事極力推介尼間黃店食西餐，可惜既係佢地好快要結業啦，希望大家可以尼段時間支持下佢地 💛 午餐主食配飲品，質素真係對得住個價錢❗️✨⁡🐻食後感‼️✨「香辣茄汁煎大蝦扁意粉」$88🐻試左少少同事叫既尼款意粉，唔算好香辣，但勝在靚仔又足料，D蝦好大隻，係開胃之選❗️⁡✨「珍寶炸魚薯條」$88最震撼既一定係尼款，勁大塊炸魚，而且炸得勁脆，唔厚粉魚肉又唔鞋，大推❗️⁡✨「煙三文魚蜆肉忌廉汁扁意粉」$78尼款忌廉汁意粉既重點都係份量足，蜆肉都有十幾隻 😂 但食到後段有點膩 🥸 Share食都好❗️⁡✨「煙三文魚厚多士及香草豬肉腸配煙肉碎薯仔沙律」$88尼款應該係健康之選，每款配搭都係好味既 😆 連個兩塊厚多士都正 😍 ⁡…查看更多

D2 place一向都勁多好野食🍴良心小店都有唔少架💛呢間集合泰,越,西嘅餐廳就喺正扶手電梯對面 就決定試吓😋.📌紐西蘭肉眼扒配燒汁 $98午餐食個扒都真係幾唔錯😌但係老實講 我會寧願去隔離嘅金鳳😿首先佢塊牛扒係冇牛味嘅🥺肉都比較薄身 唔夠大份厚肉🥩金鳳價錢平啲份量大啲 仲要包餐包餐湯餐飲 呢間性價比就唔太高🤑雖然佢係全熟 但係又出奇地幾嫩滑喎😝個燒汁好稀 鹹鹹地~~最鍾意係佢個薯角❤️佢唔係好似出面咁炸到熱氣🥔佢食落都係外脆 不過少咗份油膩咁 似係焗嘅😎底仲有啲雜菜🥦應該用咗蒜蓉炒香過 味道係唔錯 但係個人認為油咗少少🤏🏻.📌+$10 是日餐湯鍾意食千島海鮮pizza一定會好鍾意呢個湯🤣個味真係好似好似🙈飲落酸酸甜甜 口感幾creamy🥰入面仲有好多海鮮🦞呢個湯雖然要加錢 但係又幾抵飲😌…查看更多

呢間坐落於D2 place既餐廳環境就正正常常，無乜驚喜都無乜驚嚇。位置坐低都舒服。野食方面我呢位食肉獸就當然要試下個牛扒先啦！上碟牛扒有驚喜！夠大份！口感都唔錯有牛味，廚師生熟方面都掌握得唔錯。其他菜式可以下次再試下…查看更多

👨‍🍳荔枝角多野食就大家都知 但D2place 抵食午餐真係非呢間莫屬👨‍🍳假日午市多數都係$78-98 選擇都好多 泰式日式西式都有 唔好以為雜就質素差 我地試左兩款都覺得好唔錯👨‍🍳香辣茄汁煎大蝦扁意粉 $88🤩估唔到大蝦都幾大隻 仲要有四隻 食落都爽 辣汁好香 都算多辣味 整體唔錯👨‍🍳紐西蘭肉眼扒配燒汁 $98塊扒就黎有我塊面咁大😂雖然唔係咩高級扒 但肉質都唔鞋 唔會好多筋 性價比高👨‍🍳題外話 見到唔少人叫酷廚凱撒沙律 勁大碟 似碎時出面沙律2倍份量 望下價錢覺係$58 有興趣可以試下👨‍🍳店來有一個失物認領corner 放左大概100支搓手液😂好有趣 我都有試過留低左一 兩支係其他餐廳 所以呢一年佢地收左100支都好合理😂味道:環境:服務：性價比：回頭率：…查看更多

食物非常好味今晚同朋友點了比目魚（香脆多汁）及羽衣甘藍扁意粉 （由於我好鍾意羽衣甘藍，所以無得輸😂）店員推介嘅餐湯的確好好味(不過忘記了影相)我哋仲加點了白酒💛💛至於環境氣氛唔噪，燈光暗暗地，有歌聽💛💛下次要再同多兩三個人一齊去，咁就可以試小食🤤🤤…查看更多

今日約咗位靚女喺長沙灣睇戲🎬初次約會梗係睇驚嚇片😂其實唔算有乜劇情，都係我we哇鬼叫👻睇完戲近近地就book咗kool食飯🍚7:30準時到達，之前食過幾次lunch，第一次喺依度食晚餐🥣牛肝菌意大利飯🍚之前食其他餐廳嘅意大利飯都係比較濕💧佢哋嘅意大利飯應該用咗日本米🌾同埋收汁比較乾身，另有一番風味，好食😋肉眼牛扒🥩牛扒係我自愛食物，7成熟剛剛好，好有牛味🐮依個價錢絕對唔算貴，配菜亦都好好味👍🏻整體來講非常滿意，同靚女食飯係特別開心🥰…查看更多

📍酷廚 KOOL 👨🏻‍🍳 #黃豆食黃店💛--今次係第三次幫襯呢間係荔枝角嘅黃店啦😆然後又係叫咗男友最鍾意食嘅牛扒🥩不過唔知係咪因為比起之前嚟食嗰陣多咗好多人 幾乎坐滿 (係好事😆) 但就唔太keep到之前食嘅嗰種食落有驚喜嘅水準😢不過整體嚟講都不過不失啦😚價錢嚟講有少少貴嘅 佢仲有越泰fusion菜式 鍾意嘅可以試試😆不過留意番 根據黃豆嘅經驗 晚市係好食過午餐嘅🤣所以想試真啲就建議夜晚去幫襯啦~!-🍝煎帶子黑松露雜菌扁意粉 $158🤤雜菌味好香 意粉嘅份量足 仲夠熱出緊煙🤤帶子大大粒又唔會怕腥 亦都無雪味🤤忌廉汁多啖啖都食到唔會太鹹太膩🥲忌廉汁略嫌有啲稀🥲黑松露香嘅但食食下唔太食到陣味🥩美國安格斯肉眼扒 $238🤤好大塊 有牛味 🤤有兩種汁點 點個芥末醬食有啲攻鼻但個牛味再出啲好正 點紅酒燒汁酸酸地 就會食落無咁膩🥲叫咗5成熟但似6-7成熟多 可能太大塊煎得個熟度唔太平均💆🏻‍♀️環境:工業風裝修 空間大 坐得舒服💬總結:唔算話抵食之選 始終個定價同區嚟講都偏貴 但係都算係有水準同埋足料 想食下西餐嘅 呢間算係同區入面唔錯嘅選擇可以try try💛⏳等候時間:等咗5分鐘左右 (當日為星期六7pm左右)…查看更多

之前都想試爆炸頭/KOOL架喇爆炸頭長期多人，所以分散投資食KOOL環境都唔錯，坐得舒服·•燒牛肉沙律。個燒牛肉幾好食wor，好嫩，分量都幾多👍🏼食佢都飽咗一半🙈•煎帶子黑松露雜菌扁意粉。黑松露唔夠香，不過食落係ok既，個汁凍咗d痴住d扁意粉食，好creamy好好味😋•香煎去骨香草春雞。我無睇menu係去骨春雞，會唔會太岩我呢d懶人呀！同埋比平時食既春雞size大，好full🥶其實佢杯紅棗茶都唔錯，不過唔夠熱🙈…查看更多

又到食午餐既時間～雖然荔枝角都多野食，但有d都唔平，咁岩見到呢間唔係茶餐廳格局但又唔太貴，就試下啦未夠12點就入座都未有人住，到12:15就已經差不多坐滿，12:45出面已經好多人等位！Lunch set平均都唔過$100，而且選擇都唔少，西式泰式日式都有，餐廳係半自助式，自己去櫃檯買，然後店員會送餐過黎咁揀左煙三文魚厚多士配香草豬肉腸同薯仔沙律雖然d野食都齊晒但好似差d野咁，煙三文魚厚多士其他係一塊牛油多士上面有生菜蕃茄同兩片煙三文魚，生菜真係大大塊無調味既。。普普通通啦另一個點左香辣茄汁煎大蝦扁意粉呢個意粉都幾辣但都幾好味，茄汁夠濃味，蝦都有好多隻，意粉唔會太稔，唔錯！跟餐兩杯咖啡，正正常常！整體都ok，下次可以再試其他野…查看更多

星期日中午時份到D2 Place，到處都是人，出名食肆更不用說。見到Kool算是少D人排隊，價錢亦相宜，便試試。它的裝修簡單，帶點工業風，人太多，不宜影相。午市套餐選擇多，有飯丶意粉丶漢堡包及扒，套餐包有一杯餐飲。我們選了蘋果汁豬扒跟白飯丶煙三文魚蜆肉忌廉汁扁意粉，餐飲要了熱檸茶。它還有少食及加$10可要餐湯，算是靈活的選擇。蘋果汁豬扒配白飯（$78）先上，侍者一放低已聞到很香的豬肉味。豬扒有兩大片，飯亦一大碗的份量，絕對超值。味道方面，豬扒煎得很香，肉質軟滑並juicy ，汁亦香甜，與豬扒很夾，完全是出乎我意料之外的好味！😋😋😋煙三文魚蜆肉忌廉汁扁意粉（$78）同樣大份兼好味。首先扁意粉彈牙，忌廉汁足夠，條條意粉都掛到汁。而料亦多，有超過一打蜆和好多三文魚和野菌，食落香濃美味。想唔到一間無乜裝修的餐廳能做到這個水準。👍🏻👍🏻👍🏻檸檬茶是正常味道，無乜特別。酷廚絕對是D2 Place 名牌食肆以外的一個好選擇。…查看更多

💬：⁣⁣⁣⁣ 好滿足原隻炸軟殼蟹漢堡~🦀⁣▫️炸軟殼蟹蕃茄漢堡餐 ($83)⁣必食！大大件原隻炸軟殼蟹，大過個包，炸得好脆而且唔油膩。另外特別欣賞係佢嘅漢堡組合唔會太複雜，入面有簡單醬汁同埋蕃茄蔬菜，唔會搶走軟殼蟹嘅味，而且清新，十分推介！⁣⁣▫️酷廚芝士蕃茄牛肉漢堡 ($78)⁣⁣⁣⁣一樣高水準，而且牛肉係好重牛味，調味岩岩好。⁣⁣除此之外佢點薯條用既蕃茄汁🥫唔知點解比起出面既普通蕃茄汁特別好食，應該有調味過😂⁣同埋餐廳出餐非常快，所以依間係每次去D2必食既餐廳！⁣⁣…查看更多

一個人在香港工業中心到血拼完，體力勞動嘅關係都覺得特別肚餓，於是就行過兩條街到餐廳集中地嘅D2 Place搵食。可能比較肚餓嘅原因，特別想食牛扒，但係又唔想去老字號嗰間，於是就搵到KOOL 呢間餐廳。未入到去職員就好熱情咁介紹午餐牌上嘅食物，估唔到一間小店都可以有咁好嘅服務。呢到就係先在收銀點餐再付款，然後慢慢等嘢食。而今次就點咗紐西蘭肉眼扒配燒汁，由於鍾意比較生嘅牛肉，都特別問咗職員可唔可以煮到三成熟，坦白講，雖然過咗午飯最繁忙嘅時間，但始終都未去到最得閒嘅時段，如果比著其他餐廳真係彩我都傻啦！不過職員都有特別為我去廚房問一問，後來得到嘅答案係牛扒比較薄，但係會盡量做到我嘅要求。到牛扒終於嚟到，個樣雖然望落去好似煮到好熟咁，但真係切開有驚喜，果然做到三成熟呢！而且牛扒食落都好嫩滑嘅感覺！食完我覺得好食過老字號嗰間添呀！…查看更多