鄰居 (已結業)

成日見到好多人，想試左好耐今日終於有機會。下午3點幾去到都有人喺外面等位，舖位唔大，所以決定外賣返屋企慢慢食。叫左大啡菇牛肉漢煲，真係即刻整，等左15分鐘。一層一層用料好足，有啡菇，芝士，漢堡扒，洋蔥同生菜。啡菇真係好大，唔乾，漢堡扒又厚又好juicy😍攞到返屋企都仲好好味，食到尾仲有肉汁流出黎，堅好食。不過係太juicy搞到個包有少少淋左，現場食應該更好味。個人覺得蕃茄醬可以多啲就更好👍👍下次想試鄰居漢堡，見到好多人推介。

剛好我看到網上有人推薦位於天悅廣場地下，主打美式漢堡的「鄰居」於是我們這次決定去試試看。我先點一個美式午餐配沙律，再點大烤菇牛肉漢堡，另加$18配雙色薯條🍟這裡的食物都是即叫即做，所以稍等了一會兒首先麵包煎過後較為脆口，另外牛肉夠厚，有牛味之餘還很多肉汁美中不足的是牛肉不夠熱，而且跟餐沙律只有一種菜類，比較單調不過只需$50，以美式漢堡來說相當便宜另一個是大烤菇牛肉漢堡，大啡菇的菇味重，同樣很多汁，如果想健康一點可以點這個減少一些吃牛肉漢堡的罪惡感雙色薯條為蕃薯條及薯條，可以一次過吃兩種口味，外脆內軟，十分好吃這裡還提供環保飲管給堂食顧客，值得一讚！不過這裡是開放式廚房，加上通風不太好吃後可能會令你沾上煎炸味但這裡的價錢親民，性價比高，上班上學這麼辛苦，不妨來這裡大快朵頤獎勵自己，順便支持一下小店！😋

美式牛肉漢堡🐂$42-好貼心地提供左一個膠袋有得笠住黎食burger!配料豐富包括有：牛肉漢堡🐂、番茄片🍅、甜甜的紫洋蔥片🧅、生菜🥬以及用火槍考到好香口半融既車打芝士片🧀！牛肉肉汁豐富，自家製醬汁好夾，一路食一路滴到成手成枱都係汁😂夠曬juicy!-雙重芝士牛肉漢堡🧀$52-面頭純粹比普通牛肉漢堡多多一片芝士🧀向豐富啲口感可以叫呢個！雙色薯條🍟$18-炸到脆卜卜，外脆內軟，仍然熱辣辣，不得不讚蕃薯薯條🍠好甜😍-支裝Snapple🍑$10-蜜桃冰茶🧊Snapple從來都係蜜桃茶🍑既No 1😍唔會太甜但係又有濃濃紅茶味！

好耐無食burger類既西餐，行深水埗搵地方食餐快既，又唔想食太貴，俾我搵到呢間漢堡店👍🏻完全附合哂我要求！點左lunch set 美式牛肉漢堡同一份炸洋蔥圈，兩樣都性價比十分高😋漢堡十分juicy, 一拎起一咬落去，啲肉汁多到滴出嚟好彩店舖俾左包漢堡既紙袋我哋包住黎食！lunch set 份量多，連薯條和罐裝飲品，飽腹感十足👍🏻另外點日洋蔥圈亦值得一讚，外脆內軟，洋蔥甜甜軟軟的，有入口即溶既感覺！

又係Bookmark左好耐的餐廳🤗今次有機會去食啦～-鄰居漢堡🍔（$62）手打牛肉扒｜煙肉｜蘑菇｜菠蘿🍍｜蕃茄｜紅洋蔥｜羅馬生菜｜cheddar cheese見到好多人都試依個Burger～依個Burger都幾好食😎材料豐富(*´∀｀*)有成大片Juicy的菠蘿🍍蕃茄🍅令到成個Burger食起嚟好Fresh！而牛肉扒都不錯🥰配埋自家醬汁都幾夾整體而言，個Burger都好抵食😘-大烤菇牛肉漢堡🍔（$62）手打牛肉扒｜Portobello mushroom｜蕃茄｜紅洋蔥｜羅馬生菜｜cheddar cheese依個Burger同樣都好出色(๑･̑◡･̑๑)大啡菇真係好大，咬落好Juicy，唔會好乾(*´∇｀*)牛肉扒好厚身🤩味道配搭得幾好٩(๑❛ᴗ❛๑)۶幾好食😘-另外，只要加$18就可以加雙色薯條🍟/沙律🥗，以及一罐飲品今次仲試埋雙色薯條😍雙色薯條即係普通薯條和蕃薯條Mix埋😘蕃薯條好好食，都幾粗身又脆🤪都幾好食～-Name🏠: 鄰居 NeighborLocation📌: 長沙灣元州街162-188號天悅廣場地下A8號舖（港鐵長沙灣站 A2 出口, 步行約4分鐘）價錢💰: 鄰居漢堡（$62），

去完D2 行市集就去左附近食漢堡包入到去麻雀雖小但五臟俱全🤩📍雙層芝士牛肉漢堡包漢堡包有驚喜 😆唔似我哋平時食開嗰種 而係脆脆地仲有啲質感中間塊牛肉落足料 好滿足不過以雙層芝士嚟講 芝士味就唔係真係咁重中意食芝士嘅朋友就記得自己留意吓啦😎📍雙色薯條薯仔番薯各一半 小編覺得蕃薯真係值得一試😍📍凍朱古力發揮正常 不過不失🧸📍另外仲加配左一個魚手指一共有4條同朋友分享就岩哂配埋個醬做小食一流🤤🤤整體黎講價錢合理 漢堡包真係冇得頂 推薦‼️‼️

鄰居-Neighbor, 位於長沙灣住宅區旁邊,新派小店主打即叫即做漢堡包.Lunch set $50,(只限一至五)有漢堡,薯條跟汽水,漢堡同薯條都係即叫即做,漢堡包會烘過黎,食落唔會比啲高價漢堡包遜色,雖然唔覺有芝士味,但總體性價比幾高.只不過的確係小店,座位有限如果要堂食盡量避開繁忙時間吧！路過或係長沙灣可以一試🤟🏻

最近因家中裝修，要搬到深水埗附近暫住，因此有機會一試這間漢堡包餐廳。價錢要比附近另一間漢堡包餐廳便宜一點，美式漢堡包連薯條飲品，都是$60，才決定一試。元州街附近都是地道食店，比較草根，因此這間美式食肆比較突出，但講真的沒有太大期望。等了十多分鐘，漢堡包做好，熱辣辣，不是太大件，與麥記的雙層漢堡包大小差不多，但就比巨無霸細，心裏不期然有點失望。一口咬落去，嘩不得了，肉汁豐富，淡淡牛肉味，一試便知是新鮮的純牛肉，配合醬汁蕃茄及生洋蔥，完全是美式風格，竟然是我在港吃過最好的漢堡包之一，突然發覺成地眼鏡碎，原來是隱世高人，難怪讚好的食評是這麼的一面倒，只是廚師也有四五人，也常看見門外有人等買外賣，懂得欣賞的食客肯定大有人在，生意一定不俗。炸薯條沒有油膩感但就比較硬，原來薯條是混合了番薯條，每樣差不多各佔一半，因此食落味道比較豐富，不會沉悶，一包薯條好快報銷，連茄汁也不用加，這套餐也算飽肚，價位合理，絕對是物有所值，一定會再返「綽」。

唔係親身去食過都唔會知 , 長沙灣-元洲街 竟然有一間高水準的漢堡包店 "Neighbor" ~咪睇舖仔細細 , 以為無料到 , 食過就知道係堅料 , 仲要係 💛「黃店」, 更加食得開心 ~Menu ~Double Cheese Beef Burger 雙重芝士牛肉漢堡 : Burger 的兩片包烘得鬆軟且十分香口 , 自家製手打牛肉漢堡扒烤得生熟度恰到好處 , 調味得宜 , 肉味香濃且滿有肉汁 ; 配料除了漢堡扒外還有蕃茄、羅馬生菜、紅洋蔥，加上 Cheddar & Mozzarella 兩種芝士 , 再配上味道極具個性的 "秘製醬汁" , 邪惡到極 , 味道叫人一試難忘 , 難以抗拒 ~雙色薯條 : 雙色即是 蕃薯條 & 薯條 , 兩種薯條都炸得夠透 , 筆者就比較喜歡吃番薯條, 因為味道甜甜的 , 食得特別過癮 ~堅好食 , 真心推介 ~本篇完 ~

12:30開門，準時去到已經有人等緊。餐廳有6張枱仔，無一陣就已經爆左，要排隊了。星期一至五佢地有個$50 lunch set，包一個美式牛肉漢堡、薯條同一罐飲品。漢堡包包皮軟熟，用牛油微微烘過，甜味，單食個包已經好好食。而塊牛肉厚度適中，見佢都煎得幾燶下。不過單食都幾咸，算叫有肉味，但乾身，完全稱唔上juicy。不過食漢堡包就梗係夾埋啲餡料一齊食㗎啦。個包甜甜地，舊牛就咸咸地，加埋其他配料，整體來講平衡得幾好。而跟餐薯條係厚切嘅粗薯條，面頭灑上少少香草，唔怕太鹹，幾好食。呢個漢堡包餐都算幾大份，對女仔來講真係好飽。成個餐整體來講性價比高，絕對係回頭之選。

#支持小店 🌭️黑松露滑蛋熱狗最近不知怎的沉迷了黑松露的味道這款黑松露滑蛋熱狗也真不錯毫不手軟的黑松露醬入口即溶的雞蛋配搭埋脆皮德國腸這種誘人的組合只需44蚊價錢優惠 ❤️🍔 大啡菇手打牛肉漢堡包即叫即製手打牛肉漢堡肉質鮮嫩爆曬肉汁🤩算係高質素嘅牛肉漢堡👍開埋大啡菇冇得輸+10幾蚊仲可以轉餐呢度嘅薯條係用番薯整外脆內軟仲糖心㗎！🍠超好味❤️

終於有機會食到，當日落大雨，而且時間尚早，剛好有位坐，唔洗排隊🙈。漢堡包即叫即做，所而需要等待，但都係值得嘅。所有食物都係熱辣辣送到，另外提供個漢堡包紙俾我地可以拎住成個包拎住黎咬之餘，唔怕啲汁同菜跌到周圍都係。漢堡包兩層都烘得香脆，冇俾啲汁同菜整到濕晒。漢堡扒好多汁，好香口。加錢轉餐有汽水，仲有薯條+萫薯條。啲薯條同萫薯條亦係好熱好脆。另外叫左水牛城雞翼，雞翼多汁，外皮包滿醬但雞翼皮保持到脆口。

路經深水埗無意中發現呢間鄰居漢堡，深水埗果然卧虎藏龍多隱世美食，竟然無啦啦俾我遇到最近食過最好味嘅漢堡。我地叫左一份鄰居漢堡同雙重芝士牛肉漢堡，有名你叫鄰居漢堡，叫得同店名一樣嘅招牌漢堡當然唔會太差，呢間手打牛肉質素本身就好，牛肉鮮味多汁又厚身，最精髓係果塊好有質量嘅燒菠蘿，菠蘿嘅甜味同牛肉夾埋一齊真係好match，非常惹味；雙重芝士牛肉漢堡就係豪華版金拱門嘅雙層芝士孖堡，芝士唔算好濃芝士味但非常足料，鍾意芝士嘅口感就一定要試下，咬落去牙齒經過軟軟嘅芝士再到juicy嘅牛肉漢堡，會令人有一種幸福嘅感覺。🍔另外，不得不提鄰居漢堡嘅雙色薯條，同一般薯條唔同，佢有兩種口味，香脆嘅原味同帶甜味嘅蕃薯薯條，一咸一甜格住食都幾特別。🍟呢間有機會一定會再食♡

下大雨。門外企左10人, 大概三組人，我係第四組。等左30分鐘，先入得一組（2人）出餐超耐，唔知點解要咁耐，成20分鐘先出到入面得5張枱雖然唔知點解唔用隔板去增加入座人數，不過以出餐速度黎講，人數多左都出唔切。等唔到，走左，無機會試，不過希望可以改善出餐速度