鄰居 (已結業)

今日帶大家嚟呢間街坊車仔麵小店，簡直是「隱世飽肚王」！今日試咗碗「紅腸豬皮雞翼米粉」，一上枱即刻嚇親——份量比一般車仔麵店多一倍，街坊價錢但落料完全唔手軟，絕對係「窮人恩物」！**必殺三寶配料**：- **紅腸**：唔係求其切片，每塊厚過iPhone鏡頭，煎到微微脆邊帶油香- **豬皮**：吸湯界冠軍，咬落去「索」一聲爆汁，仲要處理得零羶味- **滷水雞翼**：兩隻完整大雞髀連翼尖，滷到骨頭都入味，一啜即脫骨最癲係全碗盛惠$45，仲平過連鎖快餐店，附近返工或返學嘅你快啲嚟食啦😆😆…查看更多

好好食，食過幾次，每次都勁足料然後老闆人好好，有好多餸揀值得一試，真係幾好食，支持下小店今次叫左酸辣粉底，豬腸燜到岩岩好，蘿蔔好好食冇渣，豬頸肉老闆會即炸返熱！！上次食過滷水牛腱都好好食，下次試埋其他。…查看更多

食飯絕對值得行遠少少 ，行咗15分鐘去到晏架街，舖面唔太顯眼，係郵局斜對面右邊，好易行過龍今日叫咗三餸酸辣紅薯粉$50、魷魚另加$4辣魷魚即叫即煮即撈，個汁好惹味，魷魚彈牙唔韌自家制油渣，香口乾身唔油膩豬腸 - 今次叫瘦腸，夠淋身鹵水入晒味座位有限，得幾個位、建議繁忙時間whatsapp外賣後記： 呢碗麵極度邪惡👿，三高者慎入我食完呢餐都要戒口幾日老闆好好人，非繁忙時間都會推介今日主打，食完會問吓你有咩意見，從善如流⋯⋯大角嘴近期人流少咗，作為附近街坊，絕對希望可以盡量保住有質素嘅小店。…查看更多

擒日睇完社交平台 街坊post，專登行咗十五分鐘過去試，可惜紅薯粉賣晒，油面都無。粉面不似是新鮮粉面，似係包裝嘅乾身粉面。叫咗豬油渣，豬腸同魷魚+河粉，三餸一粉，魷魚加4蚊.豬油渣係預製乾油渣，但幸好食落口無咩油溢味。豬腸唔夠淋同多肥膏，但鹵水汁好入味👍🏻。如果煮淋啲就perfect👍最好食係魷魚，彈牙得嚟唔韌，個辣汁絕對加晒分，夠香又夠辣。總括來說，餸比平常多，粉麵雖然唔係新鮮來貨，但店主煮得軟硬度剛好。餸嘅款式夠多，仲有唔少古早款式。重點係好食過奧海城二期food court ,我已經盤算緊下次會翻頭再幫襯食紅薯粉…查看更多

作為街坊，呢間大角咀嘅小店已經幫襯咗好多次 今次終於有影相 可以寫個食評經常嗌香煎雞扒墨西哥餅轉套餐加$15就有薯條同埋汽水今次叫汽水仲要有OOHA揀添老闆好Nice 落單非常方便，就咁WhatsApp落單，基本上都即時會覆入面可以睇到餐單 有唔明直接查詢 老闆都會細心解答因為住附近，所以通常叫外賣全部嘢食新鮮整 所以拎到返屋企都仲係熱嘅店裏面都有位可以堂食食物性價比質素高最鍾意食佢個雞肉墨西哥餅入面有菜有蛋有蕃茄 雞肉Juicy完全係健康之選又抵食健康，又方便附近嚟講輕食我都真係首選呢間飲食業難做，真心希望有多啲人認識呢間小店❤️…查看更多

好少好少寫評，但依間餐廳值得多啲人知道☺️想試下大角嘴嘅小店，係OpenRice同社交平台就搵到依間餐廳。見到薯仔沙律係用好少嘅蛋黃醬，而係用無糖乳酪整，即刻成件事健康咗。味道好豐富，有好多紅蘿蔔薯仔粒同青瓜，好好食又唔膩🤩今日跑完長課需要補充翻蛋白質，而個雞肉卷好多protein。塊雞扒好厚，煎蛋又唔會好油，加埋生菜同蕃茄，成個卷好足料。最鍾意佢冇醬同芝士，所有味道都係原汁原味🤩不過包裝上，可能係外賣嘅緣故，翻到屋企食個陣，有啲雞扒嘅汁係包裝紙到漏出黎，有少少論盡🤣🤣不過可能係我搣張紙搣得唔好(?)但總括嚟講性價比好高，足料得黎唔會過份調味，一定會再幫襯，希望依個時勢下嘅小店能夠keep住水準長做長有！感謝店主係whatsapp耐心地解答我問題☺️…查看更多

大角咀雖然有好多好野食，但係食到有點悶。今日想食清新少少的，竟然無意中在外賣平台發現有墨西哥手卷，便叫了一個香煎雞肉卷餅set試一試，外跟薯仔沙律和一盒蜂蜜雪梨茶($50)。店面有d唔起眼，差點走過頭了。食物打包得很好很齊整，店員們(老闆們?)很有禮貌。最難得的是，外賣紙很貼心地釘在膠袋裡面，不會邊行邊飛，也不會讓路人都看到資料。食物方面，雞肉很juicy, 有些蔬菜和蛋, 感覺很清爽，薯仔沙律也不錯，幾好味，冇薯條咁熱氣。整體而言，cp值高，份量比輕食多一點點，感覺會飽但不會撐。下次想再試試牛油果卷…查看更多

今晚我經過此小店，見其名叫「鄰居」，感覺富人情味，於是就試吓。我點了個薑汁豬肉漢堡套餐（包一支汽水 + 薯條），店裡的兩位職員即刻製作，合作純熟，速度很快，等了不久便完成了。漢堡包用一張白色紙包裹，吃時只須用那白紙包著個包來吃便行，肉汁也沒滲透到紙外，不怕弄污雙手，多謝店子的用心包裝。漢堡包份量頗大，豬肉的肉汁鮮嫩，帶有薑汁味，份量頗多，配以少許生菜、芝士和雞蛋，好味！薯條粗粗的，配有紅色調味粉 + 茄醬，好味！下次會來幫襯捲餅，期待！…查看更多

平時同屋企人久唔久都會嚟屋企附近呢間小店買外賣做晚餐，今日單拖食晏，心心念念想食個漢堡包，又唔想太熱氣，所以嚟鄰居嗌咗個薑汁豬肉片漢堡包+新出嘅紫色薄荷梳打。唔好睇佢舖面小店格局，呢個包係homemade感覺亦絕對係水準之作。個薑汁調得好惹味，甜度同鹹度平衡得好好，而且好夾豬肉。包裡面嘅芝士同蛋一齊食真係好香，份量亦絕對對得住40幾蚊單點價錢。同場加映紫色薄荷梳打（蝶豆花+檸檬薄荷梳打），整體上薄荷味比較重，唔算甜，啱曬炎炎夏日嘅天氣。小店嘅店主同Boss好好人，同埋會研發推出啲新飲品、季節限定食品等，真係好用心👍🏻加油呀！…查看更多

依家已經差唔多成為我每個禮拜做完gym嘅飯堂，食材新鮮足料又好味，而且店主非常之有誠意，雖然位置比較偏僻，不過都值得專登去幫襯。做完運動想唔想食咁Heavy，呢一間小店，同埋附近嘅聰仔越南包都係首選。雞扒tortilla不嬲都係我嘅至愛，不過今次試一試新嘢，試咗薑汁豬肉片tortilla，味道充滿驚喜，豬肉片真係好有薑汁味道，而且非常足料！店主其實推介牛油果tortilla，不過做完gym要補充蛋白質，所以就選擇咗有肉嘅tortilla。…查看更多

買外賣食到一半忍唔住……決定要share俾，因為喜出望外咁好食，好驚喜叫左芝士紫菜肉鬆墨西哥圈，芝士係熱左半溶狀態好正，最驚喜係內有半熟煎蛋，咬落去會有流心蛋黃微微流出，搭上半溶芝士同肉鬆感覺奇妙又超好味配餐有薯條同罐裝飲品，薯條都算有誠意…查看更多

呢間小店位置隱世，好彩搵到佢，真心推介！雖然店面細細，但野食絕對好味！今日試左chicken tortilla，因為做完尖，所以另加左一份雞扒，絕對係尖人福音。Tortilla配有煎蛋，蕃茄同生菜，用料新鮮，雞扒充滿肉汁，好味道！睇相就知幾咁豐富！難得嘅誠意小店要繼續支持！而且老闆同老闆娘都好好人，好有家庭feel❤️希望多啲人知道呢間小店！睇佢menu好似仲有好多好選擇，下次想試下佢嘅牛肉tortilla！…查看更多

大角咀除咗有得食人氣排骨飯之外其實都有唔少值得推介嘅隱世小店㗎！呢間主要賣漢堡包，墨西哥餅同埋各種小食舖細細地得兩個店員，座位都有幾個可以堂食外賣自取嘅話亦可以用WhatsApp落單～ 🍔 自家手打牛肉漢堡套餐 $70 漢堡即叫即做，肉質多汁，牛味幾濃包皮香脆，配上芝士同埋生菜都幾滿足！不過可能佢哋主打健康所以完全冇落汁🙈如果食開重口味嘅應該會覺得好淡😅而且份量偏小，男仔食一個就未必夠飽啦套餐包薯仔沙拉同罐裝嘢飲，正常味道🌯 香煎雞扒墨西哥餅 $30想食健康啲嘅可以揀墨西哥卷🥰比起漢堡包佢嘅CP值真係超！級！高！雞肉厚得嚟好juicy，配埋生菜蕃茄同埋雞蛋真係冇得輸！！！極度推介😭！！！⭐️ CP值：🐘🐘🐘.5 ⭐️ 打卡able：🐘🐘🐘.5⭐️ 舒適度：🐘.5⭐️ 再食指數：🐘🐘🐘🐘（5 星為滿分）…查看更多

【是日晚餐】居住大角咀，知道有間漢堡小店，想試卻一直沒有蒞食，因為出入較少輕過這段路，就算經過時間又不合適居多，今日終於有機會試。點了手打牛肉漢堡配薯條，牛肉牛味足夠，份量不會太大件唔會膩，麵包有芝麻舖面煎後非常香口有驚喜。令我意外的是炸薯條不是普通薯條，除了灑鹽外，還灑了甜椒粉，為薯條添上特別的風味同美觀。 偽孤獨的美食家…查看更多

因為住喺附近，所以已經買過好多次。1.手打牛肉漢堡包-非常好食，個麵包喺傳統舊式漢堡包個款，不過個漢堡扒細咗少少。2.墨西哥卷-雞扒有汁好好味，燒牛肉可能會dry啲，其他ok3.薯條又係好好味。一定要食！4.我自己最鍾意佢嘅薯仔沙律，每次都嗌。5.pizza-我個女每次都食，我自己都覺得唔錯。無論係瑪格麗特或者係辣肉腸都好好食。6.雞翼我就覺得正常都幾好味不過比起其他可能冇咁突出。不過冇乜蔬菜，唔可以成日食。總括嚟講係一間好有質素嘅小食店…查看更多