鄭記士多

營業中

休息中

當日在裕記食完晚飯，時間尚早。友人S問要唔要試下飯後甜品，定係黎個咖啡。一直都知深井係出名奶茶，誰知咖啡才是皇中之皇!那天，友人S冇飲。咁我同另外兩個Friend就share左3杯極品，分為3份: 分別有blue mountain latte，清新版o既烏龍茶latte，同清茶。首先第一杯係Blue mountain latte, 咖啡味濃，奶香，各自都扮演自己o既角色，而又唔會蓋過對方o既味道。第二杯就係清新版o既烏龍茶latte，烏龍茶理應係好似紅茶咁o既色，但佢係清新版，所以係綠色...類似starbucks o既green tea latte. 正要飲一啖水沖一沖喉嚨，以便品嚐烏龍茶latte。師傅話唔洗，就這樣喝下去便可以了，心有半信半疑，不過都即管一試。果真係唔會飲唔到烏龍茶latte o既味...大家為之驚嘆之際，師傅滿懷自信表示，係佢功力，調配o既份量恰到好處，所以互相唔會蓋過大家。之後O既清茶，不消說，也知很好。真的很享受那一晚o既coffee/ tea time，我地7:30入座，10點才走。真的要多謝s o既好介紹! 亦因為s同師傅熟o既關係，師傅同我地分享左好多

一心安排今天試奶茶,在網上search到電話,打去沒人接,過一會,竟有人回電!原來想飲奶茶,要預約!約了今天到訪,真是幸運。老闆說,原本今天打算休息,但應承了我,便開門啦!而之後他也有一大盤的計劃─去旅遊增見聞、到學校表演、學陶瓷、etc。從枱面雜誌近期介紹,這裡除了奶茶,還有咖啡、鴛鴦。咖啡$128,因為是用了UCC藍山咖啡豆,而老闆用的份量也比外邊多。所以賣得貴點。「藍山咖啡」真的特別好飲?還是鄭老闆的沖咖啡方法─黑白淡奶混忌廉,所以咁好飲?滑之餘咖啡好像有甜味般(老闆反對奶茶、咖啡加糖,因為會影響單靈酸,所以不主張下糖)。每隔一段時間,咖啡會有不同味道。的而且確,一小時後,咖啡竟然有朕焦糖味呢!神奇神奇!奶茶$68。真的與平時茶記飲的味道不同,茶味好,奶卻好似多左D。之後在奶茶中,加入鄭老闆自製的芒果漿,都好正!因為芒果味好真實。老闆請我們飲了昂貴的台灣高山烏龍茶葉奶茶。那朕優香的烏龍茶很突出!優香到,覺得有點像英式紅茶。都係regular奶茶好飲d。老闆高興下,另請我飲由阿囝研究出來的榴槤奶茶(凍的)。好正!無奶昔咁稠,但好creamy!鄭老闆真的很健談,講人生經驗、咖啡奶茶「

1-5-2010久聞呢度的 $68 一杯奶茶, 是日心血來潮捉了朋友陪我專程入深井試試, 真瘋狂 星期六下午嚟到, 竟然好不容易先「攝」到位 , 2 人最後亦為免「破產」, 只叫了一碗 share 飲.奶茶係 order 後先開始做, 睇住老闆推個 trolley 出來, 動用了兩個大鍋嚟準備, 前後都等了近 15 分鐘先有得飲, 果然慢工出細貨... ready 時色水十分靚, 依老闆提示先飲 3 啖, 嗒到幾香的茶味, 亦有奶味, 奶 vs 茶比例約 4:6, 質地就十分滑; 等一陣再飲, 溫度無咁高, 茶味就愈來愈香又帶點複雜, 不過由頭到尾都無常見的澀味 唔落糖飲到咁掂的奶茶都係第一次, 正! $68 一碗當然唔平, 但飲茶之餘仲有老闆講解的「課堂」聽, 彷彿去了 "tea tasting session", 我覺得價錢可以接受, 嚟開呢頭食飯的話, 值得試試.

三月中旬‧晴早排在飯局上才跟食友討論過深井的奶茶，我的評語是：「再好喝，也只是奶茶，不值得專誠而來」。但是日，我們在能記設局，一時也忘記了原來這裡就在隔離。直至到飯局的中段，食友CSY來了這邊，跟老闆討論沖茶的技巧，又來湊湊熱鬧。這裡的茶，很特別，是沖在一個大碗內的。茶掛邊，很濃郁，看上來幾對辦。聞起來，是濃郁的茶香。不下糖去喝，一點苦味也沒有，還有點點餘甘，是好茶。近百元一杯的茶，是不是值得，見仁見智。但是日我只是菠蘿雞，一味靠「痴」，謝謝食友CSY。喝了口茶，又繼續去吃我的咕嚕肉。

因為我同我 honey 都是奶茶精, 故對試奶茶特別有興趣, 知道鄭記士多得第三名, 雖然幾偏遠又索價頗高($68/杯), 都想專登去朝聖一下; 試過後味道真的不錯, 一杯的份量比平時多兩三倍, 本來我吔唸住一場嚟到, 豪D一人叫一杯, 點知鄭生好好人, 佢話兩個人叫一杯便足夠, 我欣賞的是鄭生對奶茶的誠意和專業, 他教我吔點先叫做一杯好奶茶, 真的獲益良多, 在一間士多飲奶茶我吔都係第一次, 當日我吔仲試埋榴槤布甸, 都好正! 基本佢冇食物供應(除咗水果和榴槤布甸), 建議您吔先去隔離裕記食碗燒鵝瀬打打底再去鄭記歎奶茶/咖啡!我打算下次會再去試埋籃山咖啡. ($128/杯).

自從奶茶王出現之後，我好想品嚐深井鄭記士多的奶茶。今日，我同傻佬專登駕車去品嚐。我地叫左奶茶同藍山咖啡，佢地好好幫我地分成兩碗，俾我地試到奶茶同咖咖。一路飲，鄭生會一路同你講佢d咖啡奶茶的特別之處，仲會教你品嚐。我就比較鍾意佢d咖啡，好特別的，先飲兩三啖，入口好有奶味，跟住咖啡味會係口腔出現，再等十幾分鐘再飲，冇之前的重奶味，而係濃的咖啡味，好似飲咗第二杯咁，鄭生話越等得耐，咖啡味越濃。而我地發現鄭生同佢d熟客都係識嘆之人，舖內有陳舊的胆機，播放舊的國語歌，一邊飲一邊講下咖啡。仲有幾個澳洲的華人DJ進行訪問，佢地叫左不同的飲品，當中佢地一人飲榴槤咖啡，佢仲向我地推介，雖然很想試，但我地當時已經飽飽地，不能再飲。點之，佢分咗一少杯的榴槤咖啡給我試。嘩，我真估唔到，估唔到咁好人主動分俾我地飲，亦估唔到咁好飲，連傻佬唔食榴槤的都話杯榴槤咖啡正！下次我地會試芒果奶茶、雪梨鴛鴦，但鄭生話下次黎記緊打電話先，因為佢依家較忙，要出國表演沖奶茶，而且唔想做奶茶機器不斷沖。

屋企人響報紙睇到, 原來金茶王大賽季軍係響深井開檔的. 作為深井的朋友, 理佢68蚊杯奶茶丫, 即打去book啦! 鄭生響電話話平日開2至9. 假日開早d. 最好平日去, 因為假日好多人, 佢沖唔晒甘多. 不過最終我地都係weekend去. 去到發覺果然如報紙講, 間野根本只係間賣玩具的舖頭, 仲好舊下. 舖頭中間就放左張怪型木檯同幾張怪型木凳, 好似科幻片d鬼樹o甘…不過都幾型. 黎到梗係叫奶茶. 鄭生話既然我自己係鍾意飲咖啡, 就叫佢杯128蚊籃山咖啡, 佢話佢沖咖啡多過奶茶好多, 仲話我試左佢杯藍山後會對藍山咖啡改觀甘話. 總之~ 佢好多野講啦.原來沖茶的唔係鄭生, 係佢個仔, 仲好快已經沖完. 個人睇, 除左佢唔係用杯裝, 係用大碗裝, 同都落幾多奶外, 唔知同平時睇人沖奶茶有乜分別. 飲落杯奶茶好重奶味. 有茶味但唔強. 跟住鄭生就話佢的奶茶係要放一個鐘先好再飲! 然後佢講左一堆道理, 有好多terminology, 例如: 回甘味, 水分子. 個人唔係奶茶專家, 不過覺得有o甘多奶當然好滑, 不過飲左幾淡都唔係完全唔鞋口. 爸爸就話正, 有茶葉味. 我….都係期待我杯藍山.