都薈亞軒

營業中

休息中

今天正值中午經過We Go Mall，決定隨便選一間用膳。最後見到這間Metro Asia泰菜便毫不猶豫走進去。**冬陰公湯 ($60)冬陰公味道濃郁，帶有椰香的湯底搭配了香茅、青檸葉和辣椒。蝦非常大隻，和青口都十分鮮美可口。**雞肉炒河粉 ($72)雞肉炒河粉口感十足，河粉炒得恰到好處，既不油膩也不過於乾燥。雞肉嫩滑，肉質保持了水分和口感，非常惹味！**芒果糯米飯 (+$25)最後加了個甜品，芒果香甜，糯米飯搭配椰漿口感綿密，讓這道甜品更顯層次感。## 青檸梳打 ($28)酸甜適中的青檸梳打不僅消暑解渴，還中和油膩感。

今日去馬鞍山有活動，係時間要食午飯，剛剛海典居下車，行入去見到有個商場we go mall就打算在這兒食中午飯。冷氣十足，行完商場內的所有餐廳，今日決定係Metro Asia食泰國lunch。 餐牌有多樣食物選擇可以升級小食或升級飲品，價錢由68蚊到88蚊不等。 通常食泰國嘢我會揀食Phat Thai 或者冬陰功湯,因為是泰國著名食品，要做得好才會有下次。 鮮蝦炒金邊粉 ，鮮蝦五蚊咁大， 有兩隻，廚師非常細心把蝦腸都挑掉，非常新鮮，十分彈牙。新鮮炒起嘅金邊粉，甜甜辣辣，把旁邊的辣粉，花生，芽菜都撈起來，分外惹味。金邊粉有炒蛋碎，豆腐乾，要把芽菜放在熱粉入面焗淋佢，這樣可以保留芽菜的爽脆感。旁邊隻辣粉都挺辣，如果你食得辣，可以全部加上去。木瓜沙律配魷魚，魷魚好冧，老人家都可以食不過嫌冇乜味，木瓜沙律，一絲絲的，每一條都沾有醬汁，酸酸甜甜， 蕃茄仔，豆角清甜，非常開胃。荔枝梳打，入面沒有荔枝肉，只有荔枝甜醬，要撈起來才好飲，消熱之選。再來叫一個芒果糯米飯做甜品，他們好細心地把糯米飯整熱， 芒果好新鮮。一啖芒果配上溫熱的糯米飯，好味的感覺滿佈味蕾。 食完嘢忍不住，再點一個香蕉班戟，班戟一分為

今日係馬鞍山約左朋友踩單車，係租車附近搵左個商場Wego mall ，見到呢間泰國餐廳最多人🤭lunch menu又幾抵食咁。。叫左3個lunch set 都係$68蚊起，包左小食同飲品🍸。。頭盤小食我地擇左炭烤豬頸肉、越式春卷同脆炸蝦餅(+$10) ，小食炸到好香口又脆，跟餐送小食真係幾正😋。Lunch menu主菜就叫左「冬蔭功海鮮湯粉 $68」、「豬肉紅咖喱配印度烤餅 $78」、「香煎海鮮蟹肉蒜片奄列 $85」，冬蔭功幾足料，又辣又酸好正宗。豬肉紅咖喱較濃味啲，配薄餅岩岩好。香煎海鮮蟹肉蒜片奄列呢個幾唔錯，蛋裡面有蟹肉同少量海鮮，好香口。。跟餐加$10可以配：凍泰式奶茶同凍泰式咖啡☕️必點！超香！好正宗！。最後仲加多個「芒果糯米飯」甜品都係$25。。真係幾抵食又大碟👌🏻👍🏼👍🏼

/阿肥🦁阿瘦🐰介紹/馬鞍山不嬲出名係美食沙漠🏜️，今次去遠少少嚟到恆安站，睇吓呢邊有咩食🤔。試咗呢間泰國菜，午市套餐都幾抵食，大概$60-$80，有小食、主食、嘢飲🧃，而且都坐得幾舒服，住附近嘅可以得閒嚟食下💁🏻‍♀️。🐷炭燒豬頸肉🐤越式香茅雞翼小食方面我哋揀咗呢兩款，味道唔錯，一啲都唔馬虎💁🏻‍♀️。🍜冬陰功海鮮湯粉 $68冬陰功湯底幾開胃，酸味比較突出🤣，亦都食到香茅、南薑等香料嘅味道。餸方面有青口、魷魚🦑、蝦🦐，份量都唔細🤤。🍛香煎海鮮蟹肉蒜片奄列 $85奄列有成塊面咁大🫢，而且入邊嘅材料都幾豐富，食到一疏疏嘅蟹肉🤤，調味都唔錯😌，如果再加啲汁濕濕地咁就更加好💁🏻‍♀️。🥤泰式奶茶 +$15/泰式咖啡 +$12飲品嘅選擇都非常之多，其中唔少得各款泰式飲品🇹🇭。注意通常泰式飲品都係比較甜🙈！🍌焦糖香蕉印度烤餅 $25食完唔夠飽仲可以加個甜品🤣，烤餅賣相都唔錯，餅皮有少少煙韌，入面包住超甜嘅焦糖香蕉🍌，外面再加少少朱古力醬，為今次午餐畫上完美句號🥰。💸人均消費：$100📍都薈亞軒 Metro Asia馬鞍山保泰街16號We Go Mall地下G07號舖

嚟馬鞍山探朋友，之後一齊落嚟 We Go Mall 食晏，朋友推薦地下呢間「Metro Asia 都薈亞軒」。餐廳走型格年輕路線，空間闊落，環境舒適，加上一室落地大玻璃和大量綠意盎然嘅植物，氣氛輕鬆，為繁忙嘅都市人提供難得嘅喘息空間。店舖主打泰國同越南特色美食，招牌菜式包括有海南雞、香濃咖喱及東南亞甜品等。點咗兩個 Set，每份套餐都配有頭盤、主菜及飲料，+$25 可享甜品一款。頭盤：脆炸蝦餅 (+$10)、泰式柚子沙律配鮮蝦 (+$10)蝦餅炸得好出色，外層炸粉唔會太厚，內裡有粒粒彈牙蝦肉，食落蝦味好濃郁，香脆不油。柚子沙律酸酸甜甜、帶微辣，清新又醒胃；大蝦鮮甜爽口，同柚子味道好夾。海南雞飯 ($78)   海南雞很嫩滑，雞皮爽彈唔肥膩，而且仲去晒骨，入口啖啖肉，好滋味。油飯軟硬剛好，帶微微雞油香，蘿蔔湯清熱下火，連醬汁都很有誠意。香煎海鮮蟹肉蒜片奄列 ($85)  奄列煎得好香口，大大件，厚度十足，切開見到裡面有蝦仁、魷魚粒同蟹肉等，用料豐富，入口啖啖味鮮，非常滿足，十分推薦。甜品：芒果糯米飯 (+$25)、焦糖香蕉印度烤餅 (+$25)，糯米飯煙韌軟熟，芒果甜美多汁，配上香濃椰漿

美食沙漠馬鞍山係依幾年開始有唔少新餐廳開業，今日就去離馬鞍山市中心遠少少嘅We Go Mall搵野食，交通都算方便，塔巴士或鐵路去可以去到去到商場入面就俾依間有開放式廚房嘅餐廳吸引到，見佢有晚市套餐就一於入去食飯啦套餐包頭盤、主菜同飲品，一人一份又可以分享一下小食都唔錯-炭燒豬頸肉肉質爽口，一啲都唔乾-炒鮮蝦金邊粉$78鮮蝦都幾大隻同爽口，味道辣辣地，食之前可因應自己口味而撈多少配料-越式春卷外皮脆口，食材好足-冬陰公海鮮湯粉$68味道酸酸辣辣好惹味，海鮮配料都唔少，而且食落感覺新鮮爽口，睇唔出份量都幾多肉碎沙律生菜包$70味道辣辣地幾惹味，乾椒望落好似好辣，但食落又唔似，用生菜包住嚟食，爽口之餘仲食到肉碎嘅肉汁餐廳僱用泰籍廚師，一邊食飯一邊可以睇到佢地係開放式廚房嘅烹調過程，係一個唔錯嘅體驗

約咗朋友行馬鞍山海濱長廊，行嘅過程中發現咗we go mall 個商場，見到間東南亞餐廳，有我喜歡的食物。來吧，睇下我哋食啲乜嘢。“炭燒豬頸肉” 和 “香茅燒雞翼” 分別係两個set lunch 嘅前菜，豬頸肉香口，燒雞翼加呢香茅好泰式，皮脆肉嫩真好味。“冬蔭公海鮮湯粉”，冬蔭公相信好多人都喜歡，而我哋都不例外，呢份主食有齊冬蔭公的材料，海鮮除咗蝦之外，仲有青口和魷魚。“海鮮蟹肉蒜片奄列“ 個奄列裏面真係有喺蟹肉嘅，跟住仲有啲蝦粒同埋魷魚粒，都好好食吖。“芒果糯米飯” 也許佢没有太靚的裝飾，但大大舊芒果肉及椰汁味够濃香，已經够吸引。

最近去了馬鞍山的 Metro Asia，係食泰式越式風味的美食。🥰我哋order咗越式香芧燒雞翼、越式春卷、鮮牛肉牛丸湯粉、海南雞飯、豬肉紅咖哩配印度烤餅、芒果糯米飯。😍越式香芧燒雞翼幾好吃，燒烤得非常入味，而且肉質很嫩。越式春卷口感很爽脆味道美味。😋鮮牛肉牛丸湯粉湯頭濃郁，用上幼粉非常幼滑，牛肉和牛丸也非常新鮮。海南雞飯的雞肉非常嫩，米飯也非常香，搭配特製的醬汁，好味。😋豬肉紅咖哩配印度烤餅的印度烤餅可以整好d, 感覺並非即場手打。芒果糯米飯是我最喜歡的一道。糯米飯非常軟糯，搭配芒果的甜味非常好吃。吃完這道甜點，整個人都感到非常滿足。😋

週末同爸爸嚟到📍馬鞍山We Go Mall 內✨Metro Asia✨ ✨都薈雅軒 ✨主打🇹🇭泰·越🇻🇳菜，餐廳外圍用草球樹裝飾，感綠意輕鬆😌坐得舒服，仲免+1🤩Set Menu 頭盤+$10追加🦐泰式蝦柚子沙律🦑越式木瓜魷魚沙律👍🏻輕盈小巧，酸酸甜甜，清爽又醒胃主菜🦐冬陰功海鮮湯粉湯底香料十足，淡椰香味BB辣度，海鮮有魷魚🦑青口、🦐蝦配埋幼滑米香金邊粉💯🐮芭東牛肉黃咖喱印度烤餅/白飯黃黃嘅咖喱汁椰香味十足沾滿有質感嘅牛肉，𣊬間征服味蕾🥭芒果糯米飯📸️太美味忘記影相即叫即做熱辣辣，米飯香甜軟糯，有D熨咀，配上香甜無渣芒果連埋椰漿🥥💯入口悠悠溶化加錢點咗杯泰飲Lime Soda同埋杯庶民＂越式滴漏咖啡＂味道較濃苦甘口～價錢親民，仲要係泰國🧑‍🍳廚師做🇹🇭🇻🇳菜，味道適合香港人，爸爸都讚👍🏻

未試過食咁難食既泰國菜 最難食係個奄列飯 隻蛋煎到燶晒都照上檯 真係想像唔到 之後換過碟新既都只係好少少 但完全唔會係正常既奄列飯 只係一大碟飯加一塊蛋 其他嘢食都好鹹 以後都唔會想再幫襯

呢間嘢一直都食開，之前啲嘢好好味的，點知近排轉咗手之後食物質素下降咗好多，今日order 左外賣，其中一種食物明顯地變壞了。職員態度差，住附近以後都唔會再嚟！星期六夜晚都冇乜生意，可想言之大家都覺得好伏了！

服務太差了，樓上及入面大把位，係要我兩個坐門口，又無乜客，叫親都話等等，掛住自己同事打牙咬，點咗海南雞飯及一碗叻沙麵，食物味道一般份量少，平日午餐要加一，加一無服務，我住附近都不會再來幫襯！

🍍菠蘿雞肉炒飯呢個炒飯味道唔太掂🥵 飯炒得唔勻同唔夠乾身，同埋炒飯味道好淡，只係比白飯多少少味，後尾要撈埋啲咖喱食先食得晒。而且成碟飯加埋都唔夠5舊菠蘿，差啲唔記得咗呢碟係菠蘿炒飯😥 🥘紅咖喱雞配印度烤餅呢個比菠蘿炒飯好好多，但個咖喱都係偏稀，啲雞嘅味道都好淡，明顯係同咖喱分開煮嘅。個烤餅嘅份量都偏細，建議叫返白飯會飽肚好多。🧋泰式奶茶 & 芒果菠蘿梳打呢兩杯飲品反而有啲驚喜！杯泰式奶茶雖縣唔係好正宗嘅味道，但幾重奶味同唔會太甜。而個芒果菠蘿梳打都幾好飲，菠蘿味比較重，整體好夾同唔會太甜。整體食物質素真係麻麻哋，以咁嘅價錢可以有更好嘅選擇🤥 之後應該都唔會嚟食-味道: 4/10服務: 6/10環境: 7/10回頭率:4 /10總評: 5/10💰人均消費: $100

叫左一個香矛雞翼湯粉同炒金邊粉，價錢已經唔係平，唔緊要，但係啲味道完全唔掂，湯粉個湯底唔掂，香矛雞翼無香矛味，個炒金邊粉夠膽得幾條肉絲，蝦都無隻，咁就收人百幾蚊，唔會再有下次！

菠蘿炒飯賣相麻麻，但味道唔錯，估唔到會有臘腸粒，份量都算大。海南雞湯粉要左喇沙濛，湯底夠味雞就無咩味，整體都ok。最好食係炸蝦餅，熱辣辣香脆有蝦味。飲品和例湯一般味道。