那個ㄋㄚˋ ㄍㄜ (鴻圖道)

都好耐冇食過那個，之前都係喺大埔道食嘅，因為之前都會成日去大埔。最近返工去咗牛頭角，嗰晚收工都八點幾，又要自己食，所以就上網睇吓有咩餐廳可以揀，跟住就發現咗那個，諗起都好耐冇食啦，所以決定買咗個外賣返屋企食。同之前一樣，都係一個飯+3個小菜，今次就揀咗雞絲盤檔，之前都冇食過，都覺得幾好又有啲乾蔥頭嘅味道，令到個雞絲飯非常香。嗰三個小菜，我覺得最好食嘅係個豆腐，有少少麻辣嘅味道，配埋啲雞絲，超級好食。個飯都好大，食完即刻飽晒。佢個凍檸茶都係一如既往嘅好飲。…查看更多

晚上行經附近，搵搵附近有咩餐廳可以試，發現呢間隱蔽嘅食堂，就算揸住個地址，都要捐窿捐罅先至搵到😅時間晚上接近八點，餐廳內入座率約四成。眼見全自助式服務，加上自己用qr code落單，單純點了招牌菜滷排骨便當一試。等候時間大約15分鐘，期間見到有自助吧可免費享用，即時被極唔新鮮嘅沙律菜嚇怕了 斟咗兩杯唔同口味嘅茶就算。食物齊備憑單取餐，認同滷排骨嘅觀感夠震撼，炸得外脆內嫩，調味不會過鹹；但奇怪明明等候需時，件排骨唔係好熱。飯底係又濕又爛，都係唔熱 ；份炒蛋有經過調味，都係唔熱；粉絲凍嘅。埋單$76，試過就好了…查看更多

香酥脆雞滷肉丼飯：烤雞塊有一塊，炸皮唔太脆，唔知係咪外賣嘅關係。雞肉嫩滑，可以選擇海苔粉、麻辣粉同鹽酥粉，調味粉落得較少。～～～～那個滷排骨便當：排骨好大片，肉質一啲都唔韌唔柴，而且好厚肉。便當同丼飯嘅分別就係便當有三款小配菜。分別係紅蘿蔔絲炒粉絲、玉子豆腐、椰菜炒冬菇。配菜好惹味，好送飯。～～～～黒麻油雞湯麵：湯底麻油味唔係好重，反而藥膳味幾出。湯底有少量蟲草花，味道甘香，但偏鹹。雞肉肉質較實，但雞味都幾濃。關廟扁麵俾錯咗關廟幼麵。湯底同埋麵係分開兩個盒裝。～～～～古早味手工滷肉拌麵：調味太甜，麵條口感剛好，配有好多肉碎。～～～～鹽酥雞：有兩塊～～～～臺南鮮肉貢丸湯：湯底較鹹同埋油膩，貢丸有三粒，味道正常。～～～～滷香雞翅：有2隻，肉質嫩滑，調味甘甜，幾特別，同平時既滷水雞唔同味道。～～～～那個招牌濃厚奶茶：可以少甜少冰。～～～～南投炭焙烏龍：原本就係無糖的。～～～～阿里山蜜香烏龍：原本就係無糖的。～～～～花壇翠玉：係純綠茶。～～～～外賣有一個問題，就係啲湯麵同拌麵會成為一個好難夾起，打晒結既麵餅。…查看更多

八月初一個星期六，我同同事因為趕project所以返咗公司做嘢😄 去到差唔多食午餐嘅時候，由於仲未做晒啲嘢😅 所以我哋決定先食午餐先，食完之後先盡快做埋手頭上嘅工作😄我哋決定外賣自取，買午餐然後帶返公司食😄 同事之前一直都講話佢想試吓公司附近有一間叫那個嘅台式餐廳，所以今次決定一試😄 同事用app叫外賣自取，因為佢話經app有自取優惠，慳咗差唔多HK$90，都慳返唔少㗎☺️😄同事同我都係叫咗香酥脆雞便當，不過佢就要小飯，而我就要標準飯，因為我比同事更加大食😅🤣 由於呢個係套餐，有包埋嘢飲，我哋都係叫咗南投炭焙烏龍茶😄 個茶雪凍咗都幾好飲😄呢個香酥脆雞便當真係冇得頂，我超鍾意食，就連佢嘅配菜我都食晒😅🤣 脆雞不但只好味，份量仲好足夠，好彩我叫咗標準飯，因為我鍾意一邊食雞一邊送飯，咁樣味道就會啱啱好，味道唔會太濃😆😋👍…查看更多

好味嘅台灣美食😋舒適空間👍🏻有禮貌，有節奏嘅服務！ 隔離仲有「那個」士多方便買台灣飲品小色帶返屋企， 連「黑松沙士」都有😍😍😍😍⋯⋯真心正👍🏻滷水食品夠入味，又夠淋👍🏻麵線～ 有蜆肉….真係好小其他店有， 而且份量啱啱好🤗🤗！再配小食⋯⋯大滿足！牛𦟌／牛腩麵，湯底夠味，而且牛嘅口感非常好，食都朋友都要出手指公👍🏻！飲品～試過珍珠奶茶🧋⋯⋯好香滑🤗！ 蜂蜜檸檬🍋+愛玉⋯⋯都好飲🥰🥰…查看更多

嘢食ok 的，叫外賣都食過好多次。但有啲地地可以改善會做得更好：1. 比錢要用支付寶，無Apple Pay / Paypal，如果唔係就要直接入信用卡資料，好唔安全。提供追Paypal / Apple Pal / Payme 支付今時今日應該好基本…2.室內冷氣好細，要靠幾舊大風機吹住，但坐喺吹正晒嗰啲位真係會吹到個頭暈暈地…無比部機吹住嘅地方又比啲大燈射住好熱，建議搬走啲風機同開大啲冷氣…3. 有個哥仔叫no. 叫人攞餐，唔係講少，真係聲如洪鐘，咁啱坐喺水吧位，佢一開聲，真係feel 到耳膜受到壓力……查看更多

那個真係越嚟越多分店，今次試吓最新嘅牛頭角分店🫶🏽鋪面都大嘅，寫明自助形式，同埋幫襯一個煮食就可以享用自助區。自助區唔大，有一半都係吉嘅😓驟眼望落去有汽水機、無糖茶、台灣酸菜、洋蔥、粟米、沙律菜，有啲污糟，不過相信係其他食客導致嘅，用餐途中都見到餐廳職員有清潔返🫶🏽 🌟香酥排骨便當 $68 排骨好大塊，大塊到係冚住咗成個飯碗🤩炸得金黃酥脆，外皮係傳統嘅台式炸粉漿，但有少少乾，配菜有炒粉絲、炒椰菜同埋炒蛋，配菜豐富之餘味道都唔錯😄飯量唔多，男仔記得叫多飯呀🫶🏽🌟黑麻油無骨雞湯麵 $76藥膳湯底一飲就飲得出，唔算好重，濃度啱啱好🫶🏽雞無骨雞，有啲嚡口！-其中有一個小插局想同大家分享，我哋用QR code落單之後選擇咗櫃面俾錢，坐咗5分鐘覺得有啲奇奇怪怪，原來係點餐後要即時同櫃面俾錢先至係訂單生效🫠大家記得留意啦🫠…查看更多

之前堂食過 覺得唔錯 先諗住叫外賣點知落單等咁耐先取消我張單話超出左送餐範圍 明明路程只需要10分鐘最嚟明點解要接我張外賣單 應該一早就唔好接或者取消.........…查看更多