邁爵斯 (福華街)

營業中

休息中

這家餐廳是我搭巴士的時候會途經望得到的，以前疫情前比較多人所以一路都未敢過來試，疫情底下明顯是小人了光顧，所以決定過來試一試。一進去的時候就有一位女服務員過來，這裏是自助形式所以自行到收銀處點餐付款然後會取了一個座位號牌放回自己的桌面上，到時會有人送餐過來。我點了呢個卡邦意粉，媽媽點了一個葡汁雞飯，飲品方面我點了一杯芒果青瓜梳打，一杯玫瑰乳酪特飲。意粉個賣相都不錯，卡邦尼意粉芝士味可能不太重，但是絕對食了不會油膩所以都不錯總括來講這餐價錢性價比都很高，在抗疫情況底下絕對是能夠食得飽的。另外臨走時還點了一些外賣 回去孝敬家人這很優惠$150以上還有七五折實在太抵了！所以會繼續過嚟幫襯

我本身12:45已經喺OpenRice落咗外賣自取，亦都好準時等15分鐘，1:00去到取餐。去到收銀職員同我講未得，叫我喺門口等，整好會攞出嚟俾我。結果一等就喺9個字。途中都有唔少人入去催單，咁我以為佢好似好忙，就唔再煩佢靜靜地等。去到1:45我終於頂唔順，入去問下係咪漏咗單，點知原來佢一早整好咗，放咗喺入面唔攞出嚟😡 我白白喺門口吹咗9個字風😡 我真心建議大家唔好幫襯呢間嘢😡本身見佢黃店又想食意粉就支持吓，原來想買個外賣都可以換嚟一肚氣🤬背脊骨落！意粉仲要唔好食！鹹到抽筋！

以前堂食味道係正常入到口好好味 不知是否肺炎之後沒生意 還是根本無心機做 另外仲叫左做香辣海鮮意粉 果個不值一提 本人食左2啖扔左 都係唔夠味的白烚意粉 得小小味道 咁大份意粉拎去炒調味根本落唔夠 . 意粉好似白烚咁 烚得過火再拎去炒都唔緊要 汁水更加係唔夠味 比多少少雞粉炒都好啊........真心無下次 未食過咁唔好食的意粉 .光輝不再 希望未來味道會有好轉.

喺抗疫嘅情況底下，都係買外賣返屋企食所以都係揀啲價錢比較便宜化算Majesty 邁爵斯 鋪頭在我家的附近光顧了五年多一直都幾好的而且價錢好平咁多年都唔加價 所以一路都有支持希望呢個疫情捱得住我仲可以食平嘢每日6:00後就諗住要食啲咩外賣所以要諗定今次過咗去都唔會等好耐所以我諗我都會繼續keep住買外賣返屋企食今次帶咗卡邦尼意粉，都煮得OK有質素嘅，因為你唔會因為外賣有期望太高因為始終一定唔會有堂食咁好食 ，不過效果已經好好另外在帶咗一杯石榴梳打，好清新感覺唔會好甜

以往嚟呢度都係叫香辣海鮮意粉或者香蒜蜆肉意粉，今次係第一次叫卡邦尼意粉，不過份量比之前食細咗少少，個汁偏水，但味道都唔錯。當然仲有我最愛嘅芝士牛角包，暫時仲未搵到一間係整得出色過呢度嘅😂😂每次嚟必嗌🤤配蜜糖一流。❤️

#深水埗 #太子 #邁爵斯 pasta分量都係多到呢，味道都係咁🤣#咸牛肉芝士牛角酥 伏咗😢完全無諗到咸牛肉同牛角酥唔match, 佢個牛角酥面頭甜甜地，所以同咸牛肉勁唔夾，一啖入面又咸又甜，搞唔掂;薯角又咸咗啲，係好夠炸嘅不過😂#忌廉蘑菇雞長通粉 你以為係個碟入面好似唔係好多，但係食食下好鬼飽，味道似罐頭忌廉湯，食得落人，但係唔好期望好好味🤣紅色嗰杯係#洛神花茶 🌸幾好飲喎😉綠色嗰杯係#抹茶牛奶 味淡😌味道: 6/10味精: 8/10價錢: 8/10環境: 7/10服務: 8/10#vinainpe #vinainssp #vinafood #cafe #hkcafe #深水埗美食 #太子美食 #牛角酥 #cornedbeefandcheedecrosissant #薯角 #wedges #pasta #chickenrigatoniwithcreamsauce #rigotoni #大大份 #foodporn #foodie #hkfoodie #f4follow #f4f #likesforlike #l4l #l4like

好難食我地係叫外賣 叫左兩個意粉 一個係忌廉磨菇雞肉意粉另一個係香辣海鮮意粉 忌廉太水 似水煮意粉 不值得一提雖然好大份 但係除左大份之外 無任何優點極為失望 廚師完全係浪費食材時間同心機同食客既錢 食剩左好多

因為疫情嘅情況底下沒有堂食所以係呀叫外賣回家，呢間小店就係喺我屋企附近平時晏晝都會落去幫襯但係因為平時都比較多人所以我決定外賣攞走。今次嗌咗兩個焗飯一個肉醬焗飯，同埋一個自家製瑞士汁鴨腿飯，返到屋企飯仲係熱嘅而且餸都好多個鴨腿整得我覺得好好食爸媽都喜歡吃我諗下次會再幫襯呢一款，飲品方面我就帶咗兩杯玫瑰荔枝梳打，二小時候方面就嗌左一個炸雞薯蓉同埋玫瑰雞翼薯蓉，薯蓉整得幾好而且個雞翼都揸得好靚有玫瑰嘅清香感覺好清新跟住仲嗌左一個鴨胸沙律，個沙律都新鮮嘅而且鴨胸都有幾快去咗個汁都幾清新總括嚟講份量各方面都好充足所以今晚餐都食得好飽下次會再幫襯

係附近行過喺OpenRice見到呢間好評好似幾多所以諗住試吓今日星期日都幾多人 叫咗個tea set 芝士肉醬焗飯 配伯爵茶睇個樣好似幾好 點知食落個肉醬超級稀好似食緊肉醬湯飯咁……. 雖然幾欣賞佢用珍珠米做飯底 芝士都好多但個好水嘅肉醬真係大大扣分另外叫左個辣醬雞肉墨西哥卷本身以為辣醬雞雞 係個雞肉有味點知原來係個卷表面個幾行辣醬 個雞肉是沒有味道的 好在有芝士幫幫手 叫做有啲咸味 但成個卷好乾但個蜜糖薯角係好食嘅還好飲品是正常的

經過好多年嘅歷史呢度依然都係一樣，第一次嚟已經係三年幾前，雖然已經有一段歷史但中間時間都會經常嚟幫襯店主，最近有更加多嘅植物加上場面嘅裝飾令到成間店舖氣氛都唔錯我覺得嗰啲植物好清脆 好養眼 而且好多食物嘅照片顏色都好鮮艷今次過咗去食一個香蒜白酒蜆肉意粉，味道依然出色分量足夠。今次仲試左 以前食過嘅卡邦尼意粉，朋友就試咗葡汁雞皇飯，味道都唔錯而卡邦尼價錢取勝而且味道各方面都幾好今次仲試左一杯玫瑰荔枝梳打唔太甜 玫瑰味都好突出好清新

記得以前成日同朋友三五知已一齊黎食，貪佢大件抵食又好味，仲成日講三十幾蚊冇要求，都咁好質素，真係難得。可惜今日難得一再相聚，一再拜訪，滿心期待，嗌左平時食既幾味必點意粉「蜆肉，雞肉長通粉」，同時試左新口味「青口」，發覺畀以前細碟左好多，本身5個大男人，3碟意粉，幾味小食已經夠食，誰不知，竟然要再加單。如是者，我地合共嗌左5碟意粉同小食先勉強夠食，不過味道真係差左好多。最後問過先知原來換左廚房我地一行五人不禁『唉』了一聲便離去了

女朋友話呢間餐廳好抵食，今日同佢嚟到試吓，果然佢冇講大話。大約十款意粉，每款嘅份量都多到好得人驚，兩個人食一碟都絕對夠食！雖然大份，但價錢個 range 只係$35-45 (dinner) 咁上下，名副其實嘅大件夾抵食。雖然味道 overall 嚟講就唔係話特別出眾，位置亦比較隱蔽、難搵，但勝在平，而且環境昏暗，富有格調，坐得亦幾舒服，所以我覺得值得一去！🔺羅勒蕃茄牛肉意粉好大碟，不過味道有啲淡，唔夠酸，啲牛肉亦冇乜味，所以我哋落咗啲茄汁去食，如果再去未必會叫多次。🔺燻香煙肉墨西哥捲餅（配薯角）煙肉略鹹，但配埋個捲食都幾好味。薯角有驚喜，熱辣辣，有啲蜜糖，所以甜甜哋，好味！😙

朋友介紹過嚟依間餐廳，我亦都睇過YouTube扒介紹 個名叫做意粉山 ，顧名思義 意粉出名性價比高，所以今日專程嚟打卡我喺下午茶時間過嚟所以冇乜嘢人亦都唔使點等位，入到你有一位哥哥招呼，個性比較隨和，原來點餐要去到收銀機點餐然後俾錢。今期大家都話應該要去試經典卡邦尼意粉，所以諗都唔諗就帶咗個卡幫你意粉，同埋我鴨腿配薯蓉，等咗大概10分鐘到已經上咗菜，分量真係比出邊大好多，而且真係好足料，難怪咁多人會過嚟幫襯。

A restaurant famous for their huuuuge portion of pasta⛰Spaghetti alle VongoleThe quality wasn’t compromised by the low price point, large amount of al dente spaghetti tossed in generous amount of garlic, while adding EVEN MORE GENEROUS amount of clams😂 they opened a branch in central, island people why don’t you go try finishing one on your own😏

本來對這間店沒有太大期望, 因為價錢太平民😂, 不過之前經過見到食客枱面大大碟有啲吸引今次就膽粗粗入嚟一試, 地方都算闊落, 簡約主義為主, 可能係黃昏時間, 入去嘅時候只有一枱客, 係咪應該走, 因為一個人, 算啦都入咗嚟最後叫咗個肉醬意粉, 有驚喜🥳, 意粉硬度適中, 住家feel味道, 不濃不淡, 肉醬個醬做到剛剛好夠哂撈全碟意粉, 睇相都見到勁多肉碎因為係自助成為$38, 沒有加一服務費, 一人前二人份量, 勝價頗高👍🏻香港地仲能夠搵到咁樣價錢嘅餐廳已經唔多, 求其去街邊檔買個點心一籠燒賣都要十幾廿蚊, 這家小店非常貼地, 下次會再幫襯🤗