邁爵斯 (福華街)

我相信好多人應該都聽過或者食過呢間🤣我六七年前都食過幾次，個陣既質素係唔錯既，但自從有一次食完覺得好難食之後就冇再食過。最近見到突然有人推介佢，久別重逢，決定俾一次機會佢，睇下依家嘅質素係點🤣🍴香蒜白酒蜆肉意粉 $43其實食落係好普通屋企可以煮到既意粉，唔會食唔落口，但唔可以叫好食。重量唔重質既話係唔錯既，呢個價錢呢個份量係物超所值，米但唔可以奢望有西餐廳既味道。蒜味有，但唔重，食唔到白酒味，蜆肉唔多。意粉煙韌度足夠，唔會太生太熟。我一個人係清得哂既，但我係屬於大胃個種🤣🍴雙重芝士牛角酥 $29我覺得佢地既小食係好食過意粉。薯角份量好多，用左蜜糖去焗，食落鹹鹹甜甜，個人幾鐘意，同埋唔會係條邊好硬，整損個口個種。薯角就係大家可以想像到個個味，無特別。牛角酥鬆軟，食落唔算好香，芝士放左陣就變硬左，所以最好趁熱食。🍴原味朱古力 $29拜托大家唔好叫呢個，你會後悔。大杯係真既，無味都係真既。維他朱古力都好味過佢好多，得個大字。根本就係落左好多水去沖🥸🍴水蜜桃荔枝梳打 $29藥水味，就咁。糖漿落得唔夠，杯野比較淡味。除非你覺得自己好耐無睇過醫生無飲藥水，唔係就唔好叫。…查看更多

🍝 經典卡邦尼意粉 $𝟱𝟭★★★★★♥︎ 一碟意粉已經係2-3個人嘅份量♥︎ 味道濃郁，雖然芝士味唔特出，但好creamy同蒜香♥︎ 火腿、菇同洋蔥份量幾多，夠一啖意粉一啖餸♥︎ 意粉口感正常，唔會過淋過硬♥︎ 呢個價錢同份量有呢個味道已經超出晒預期！🌮 芝士大蝦墨西哥捲餅 $𝟯𝟳★★★☆☆♥︎ 好清新，食意粉食到膩，食下呢個墨西哥捲餅即刻解除油膩感，再有胃口繼續食♥︎ 材料簡單，有烚蝦、椰菜絲、芝士，精粹係上面嘅醬汁，芥末醬加蜜糖，令捲餅又鹹又甜，鍾意食鹹甜嘅人會鍾意～♡ 美中不足係捲餅烤得唔夠熱同脆，唔知係咪因為想凍食🧀 水牛芝士條 $𝟮𝟵★★★☆☆♥︎ 芝士條好夠熱，做到拉絲效果，好正♥︎ 而且芝士味好夠濃推介指數: ★★★★☆✿ 小店型式，裝修得都靚✿ 最讚係大件夾抵食，而且唔馬虎，超出預期質素，好好食！✿ 水同碗碟餐具係自助式✿ 去收銀點餐，比錢後拎單埋位等食✿ 經過太子同深水埗都可以試試～✿ 我會再回頭嘅餐廳！…查看更多

食物質數：味道一般，但味精很重手，吃後整晚都在飲水，只是份量非常多，很飽肚，但亦非常浪費，眼見幾枱食客都只吃進一半，包括我自己。惡劣一 : 沒有提供洗手及洗手間，店內見不到廁所指示牌，問一位便服青年店員，亦竟然叫你行10多分鐘過幾條馬路嘅球場廁所，來回超過20分鐘。惡劣二：一位穿便服的青年人，語氣非常非常差，收錢的態度好似欠他錢一樣。現今香港經營環境不好，一心留港消費支持一些小店，但遇到這樣的服務又怎樣能 撐下去。…查看更多

介紹一間超抵食既餐廳😉呢間餐廳唔算好大，日日都會有人排隊等位野食方面你係大胃王都未必食得晒😵因為一碟既意粉都好大碟🍝起碼3個女仔食一碟就岩岩好啦🤪經典卡邦尼意粉🍝真心超大碟，真係好抵食，不過不失既意粉咁既價錢都合理的玫瑰雞翼🍗即叫即炸超級脆口再加埋玫瑰小花瓣做點綴🌹芝士大蝦墨西哥卷餅🌯好大隻蝦，芝士太多了，可能本人麻麻地太多芝士，但整體都可以😋抹茶鮮奶蓋🍵最愛既抹茶控的我一定會叫，真係嚇親超級大杯，整得太甜自己去拿一杯水倒入去岩岩好😆😆整體都還可以，超抵食，最好就約埋一班人去食可以食得多選擇，樣樣都可以試😝好似我2個人食就唔會叫咁多野食，因為佢碟碟都好大碟😲📍邁爵斯福華街15號地舖#深水埗好去處#深水埗美食#香港好去處2025#香港美食日記#平民美食#性價比高🔝♥️✨…查看更多

珍惜食物🙏🏿🙏🏿上網有人介紹睇啲圖啲意粉都好大碟！就同老豆去試下去到望入去位都比較少同位同位之間空間都唔算大，有4個bar枱位，枱上面有提供芝士粉，辣醬同黑椒粉唔知係人手問題定咩，目測有2個樓面，1個負責問訂位，因為得2個人冇得訂位，都排左30分鐘後生樓面望落應該新做冇耐，另一個熟手啲，但語氣有啲嚴肅我地揀左1份香蒜白酒蜆肉意粉、鴨肉墨西哥卷、2杯野飲=～$130，超級抵其實以正常食量，又想食多啲唔同小食，1碟意粉建議3-4人分享，我地2人因為佢份量大，除左飽，都有啲厭，唔係唔好食，係同一個味食太耐，可能佢地野飲真係太慢，個意粉差唔多食完同埋個卷都上埋先上野飲，意粉正常，如果再食會試有辣味嘅意粉，芝士類應該唔會叫，除非你多人去個卷上面會放好多日式甜醬同蛋黃醬，個卷都放幾多椰菜絲，鴨肉都有，但唔洗30蚊，所以唔好其望多，本身諗住叫豬頸肉卷但冇貨，我地係夜晚7點到，7點半坐低野飲，我就叫左梅子梳打，冇乜氣，又唔夠酸，偏淡，但係有助解膩，老豆果杯係一種花嘅檸檬茶，完全冇檸檬味，又冇酸，個花又冇味，所以唔會再叫一分錢一分貨，有正常有劣，大家衡量下另外大家珍惜食物，因為企出面只見到bar枱，入坐前4位後生男仕一人一碟，係冇人食晒，坐低之後後面一家三口，一人一碟意粉，冇睇到有冇食晒，但大家唔好做大嘥鬼🙏🏿🙏🏿…查看更多