邁爵斯 (福華街)

營業中

休息中

呢到啲意粉係超大份 一份夠2個女仔食 2個女仔嘅一個意粉加個份量多少少嘅小食一定夠飽卡邦尼意粉個份量一定冇得輸 見到好多枱都嗌 味道唔錯 但因為始終都係白汁 食到最低都係有啲漏 如果仲係覺得唔夠味 可以去自助區拎芝士粉。趣味薯角呢到嘅薯角係新鮮炸起 拎到出嚟仲係好熱好脆 特別之處係 個薯角上面淋咗蜜糖 都因為有蜜糖就唔洗點茄汁 再點茄汁嘅個味會變到好怪 但蜜糖嘅份量 未必枱枱一樣 如果真係想要多啲蜜糖 可以試下叫個陣同收銀講聲。至於服務方面 始終係小店人手唔多 好多嘢都自助 同埋啲枱都幾逼 有啲位仲要比隔離枱頂住 出入就唔太方便 因為自助變相就要隔離枱不停起身讓位 都因為有張枱隔住 啲侍應上菜個陣隻手會跨過出面張枱 所以都要睇坐咩位 如果坐正啲會頂住人同比人頂住嘅位 都幾麻煩。同埋因為都幾多人 去食就要有心理準備要等位 晚飯時間大約等30分鐘

之前已經見過好多飲食平台介紹呢間餐廳，賣點係大碟兼抵食，果然冇誇張到！平日夜晚嚟過一次，但有十幾人排隊，之後冇食到，今次晏晝再嚟食，唔洗等位。間餐廳係半自助形式，自己落單同埋倒水拎杯碟，兩個人食，叫咗海苔芥末蝦沙律牛角酥同沙嗲雞柳意粉，加兩杯凍朱古力。大推牛角包，好好食，入邊好多餡，第一次食呢隻味估唔到幾夾，一路食個包一路啲餡跌晒出嚟，薯條份量都唔少，唔係淨係伴碟，好味。個意粉都好有特色，好夠鑊氣，不過有少少油。真係好大碟，廚師好大方，價錢實惠又有質素，讚！

放假去旺角個邊行街，之前見到有人拍片介紹呢間餐廳，好似好抵食，所以今個星期日既其中一個活動就係試呢間餐廳自助形式，睇岩就去點餐，好似唔係好夠人手，d人走左都隔一段時間先執野返野食，我同朋友叫左卡邦尼意粉同牛角包。意粉方面，真係大大碟，3個人分黎食都仲得，但預左味道唔會特別好好味，但都唔錯。牛角包加炸魚，牛角包如果焗耐返小小，有d脆會更好，不過以呢個價錢既話，我覺得幾合理。但個炸魚唔太推介，食落去苦苦地，加左小小蜜糖搞到仲奇怪。所以大家可以揀返其他配菜。最後就係，食完之後好口渴，要即刻買返支水飲，唔知係咪因爲d野落左蒜頭。如果想又平又食得飽既cafe可以揀呢間

👭Majesty (深水埗)👭1⃣香蒜白酒蜆肉炒意粉 $35意粉份量相當驚人🤩足足係2-3人份量！相信餐廳係以量取勝！肉眼望落d意粉好似好乾咁，但其實內藏好多汁😍38估計蜆肉都係用雪藏貨，但用蒜粒同香草炒過既蜆肉味道變得好香濃❤38食完成碟意粉返到屋企個陣，口腔仲保留住蒜香味🙈2⃣脆炸魚手指 $25一份有5條炸魚手指，由於係新鮮炸既所以上枱時熱辣辣😋38將佢搣開一半唔單止睇到一絲絲嘅魚肉，而且食落魚既鮮味突出，係可以encore既小食👍🏻3⃣香芒木瓜梳打特飲 $28味道飲落唔算話好甜，溝埋梳打好解渴😍木瓜比芒果味道更濃。本身38諗住食杯底既生果粒，但店鋪既安排似乎無預到客人會食。第一個原因係只提供幼吸管，吸唔到水果粒上黎，所以38將杯裡面既冰倒晒出黎先食到🤣第二個原因係d顆粒係芒果+木瓜粒，食落根本無味同埋好生🙈所以38建議淨係飲梳打就算啦38去之前已經知道呢間餐廳係深水埗出晒名，加上去果日係公眾假期，所以預左會好多人！為左避開dinner時間，5:45pm已經沖左去！超好彩一到就順利入座😍慢5分鐘已經要等位🤓餐廳係自助形式，例如叫餐，拎餐具等等。不過餐具唔太乾淨🤔返到位38都要用紙巾清潔下

位於太子同埋深水埗中間嘅一間餐廳，價錢平食物質素就不過不失。價錢就睇餐牌圖片、咁嘢食就睇圖片都唔使多講。好唔好味係咪好正嘅飲品同小食我就唔會評論，不過係我心目中就性價比高。個人推薦就係意粉加多一款小食例如炸魷魚圈或者炸薯條，如果係兩個男仔或三個女仔都啱啱好。曾經試過8:00去到結果要等好耐所以走咗，結果下一次就7:00去到都要等三四張枱先有位。果然喺Facebook出咗名就係要等（港人心理）

其實係佢岩岩開業已食過$35一碟意粉真係抵到爛自從被人報導之後就日日都排隊我真心吾明點解排我今日同朋友去朝聖入到去叫左碟最出名的蜆肉意粉同一杯咖啡加附隻牛角包其實真心除左平同大碟真係冇咩特別食完仲好口乾個牛角包完全吾鬆化似牛角型麵包雖然係咁 因為我住得近所以夜晚諗吾到食咩都會外賣歸家食

朋友經常來這間餐廳吃飯，因為這裡的食物味道不錯，最重要是食物分量多，價錢便宜。這次，我也來試試這間餐廳。我們在中午時分來到，暫時店內只有兩桌食客，一進店內，選擇了好位置，然後到收銀處付款購買食物，等了幾分鐘，食物就到了。最欣賞的食物是牛角包，牛角包很大個，很鬆脆，真的很好吃。大約半小時後，人流漸漸增多，到我們離開時，店外已有不少人在等候。

之前行過到太子見到好多人排隊所以就openrice下 搵下喱間店相約友人去試喱間野有大大碟意粉係賣點但親身見到 真係嚇一嚇 放到滿哂我諗店舖原本應該都預人Share食作賣點今次叫了香辣海鮮意粉 食落唔算好好味海鮮一埋放係上面 中間無咩海鮮一分錢 一分貨 不過夠大碟 可惜味道唔算好 唔辣 麵淋淋地食下食下 仲覺得好似冷麵的味道可能因為蒜味+辣醬溝埋所以咁似叫左野食點會唔叫埋飲品小食但相比之下飲品小食就貴了點先講飲品 我叫了洛神花茶+ 芒果青瓜梳打兩杯飲品的價錢夠你買多一碟意粉所以我真心覺得店主很有頭腦洛神花茶酸酸地很開胃反而芒果青瓜就有點過甜 每一粒芒果好似浸了糖水一樣令人飲完好似無飲一點都不解渴最後再多點了一份小食過口引份量小但收我$29 性價比低 差不多是酒吧小食的價錢老實說真的不好食間鋪長期有人排隊 等位都花不少時間店免加一 但同時好多野都係自助式 自己買餐攞碟攞水飲 但店鋪唔大所以真的有點塞逼 同時免不了有小小碰撞溫馨提示：如果和小孩去 最好俾返佢地坐入面位啦

食物份量方面，好大份，一般食量既女仔最好一份2,3個人share, 😂如果好想2個人叫2種吾同既pasta, 可以打包😋。食物質素，過失，以親民價黎講，fair enough 😊，會再食，尤其是fish fingers同cheese balls,正!(details: 2個女仔食2個pasta, 另叫2個小食)In additional, the kitten is so cute!, 系怕生，卻溫馴既小可愛，會因為佢再visit☺下次再去，會為大家拍落可愛小喵的倩影!

網上好多人講哩間又大碟又抵食 所以專情嚟試一試真偽……🤔太子地鐵站近旺角警署行過嚟大約5分鐘左右 都算好容易搵到~~~喺對面街行緊過嚟已經見到有十幾人排緊隊(嘩🙆🏻‍♀️ 心諗有無咁誇張 莫非真係傳說中既抵食夾大件？)攞左籌後大約15分鐘就有位 都算好快👌餐廳內裡都算不過不失 唔會太迫 但當日由於我坐一張6人枱最出嗰個位(分3枱2人) 所以要成日起身俾人又出又入……menu都算多嘢揀 有意粉有牛角包仲有All Day Breakfast點左👇…卡邦尼亞意粉 (作為芝士控既我一定會點😙)▪份量有如一座山 上枱嗰時都嚇一嚇▪配料好多但意粉更多 2個人嚟一定食唔哂▪一碟意粉先三十幾蚊 完全足夠3個人食有餘▪味道唔錯 汁就可以多少少 芝士粉任你落▪咁既價錢咁既質素咁既份量 性價比極高👍另外仲叫左個芝士煙肉牛角包(但可惜食完先記得未影相😢)▪無芝士不歡既我非常喜歡 上枱簡直心心眼▪芝士喺包面 唔會好鹹芝士味濃😍▪不過牛角包有少少油膩 少食多滋味🤤▪配既薯角份量多到好似一份淨薯角咁 成碟都係😥總括而言 真係抵食夾大件 份量驚人! 2個人嚟可以叫一樣食物先 下次再試其他就唔會浪費啦~-**溫馨提示▪切

偶然一次機會下試過呢間餐廳，等一次已經想寫食評，無奈太懶！ 食完第二次，覺得真係需要分享下俾大家知道！我嚟兩次都係食意粉，佢嘅份量真係大到我冇本事食得晒！ （我絶非細食型❗️）佢嘅味道都係幾好味㗎，不過如果大家要食貴嘢呢？ 呢度就未必啱大家喇！

屋企附近開左間小店，每日收工經過閒閒地2,30人排隊👭👬👭👬👭👫👭👬👭👫今日終於得閒試下🍝🍝🍝🍝星期日2點，唔算多人，十張枱等左15分鐘就入得，都OK一入去見到每枱都勁大碟意粉！$39有碟4人份量既意粉山，重多汁多料👍🏻唔食裝修既話的確 💁🏻‍♀️平❗️靚❗️正‼️重唔限時間，無最低消費👍🏻👍🏻👍🏻👍🏻不過衛生一般，一大袋廚餘係收銀位，地下有昆蟲屍體同多蚊之🦟🐜🦗 呢樣要扣分

有一日荷包無乜銀両，就有朋友仔帶我嚟依間食意粉，仲要包我一定飽，一碟可以分開兩餐食添😂😂本身以為咁平，質素應該麻麻地，所以本身都冇抱住好大期望，但係食物出到嚟嘅質素竟然令人眼前一亮😍價錢平民得好可怕😱啲意粉好似唔駛錢咁，有咁多俾咁多你，我見好多人都係兩個人食一碟，然後再叫杯嘢飲。雖然佢大大碟，價錢又抵食，但係質素都絕對比得上好多大型嘅coffee shop，意粉唔會太淋，醬汁都非常足夠，而且仲有無限量供應嘅芝士粉任你落，真係飽到傻😭依個蒜香蜆肉意粉又係超好食，蜆肉嘅份量一啲都唔吝嗇，而且味道又唔會過鹹！佢所有嘅炸物全部都係即叫即炸，熱辣辣㗎！😛我哋五個人share食，人均消費好似都係每人$35-$40，真係好抵食💕😛

平日下午都坐無虛席既餐廳小編經過時候就好奇入去試下.無做過咩資料搜集下聽友人介紹好多人食意粉二話不說揀左香蒜白酒蜆肉意粉🍝黎到既時候真係嚇親好大碟，直頭係一小座意粉山⛰細食既女仔三個人都應該食唔哂😱最重要既係只係$35❗️❗️食落質素唔算hea 💁🏻‍♀️大量既蜆肉加上炒香左既蒜蓉意粉，再舖上芝士粉🧀味道好均勻🤤真係食哂成碟先覺得好膩係學生哥同慳錢一族既首選.蜂蜜牛角包🥐口感一般蜜糖醬令牛角包變得軟身，勝在夠熱💁🏻‍♀️.Mocha 友人表示係普通朱古力粉再加普通咖啡粉沖調而成味道所以普普通通小編飲下最底仲有啲粉粒😖二十幾蚊性價比唔高👎🏻.總括黎講，去到月尾想約朋友食飯可以考慮下呢間，仲要揀意粉🤣.人均消費：$45-$50推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

同妹妹兩個人去左太子shopping ，跟住上OpenRice搵野食，見到呢間啲人話好底食、好大碟意粉就走嚟試下啦，嚟到要自己去收銀處點餐，我地叫左一份蒜香白酒蜆肉炒意粉🍝、一份芝心波波、一份薯條🍟，埋單只係$82咋🤭🤭平到笑😂碟意粉嚟到真係超大碟.....原本仲諗住叫兩碟...好采最後決定叫住一碟先 唔夠再叫😆😆呢到嘅意粉份量真係夠2-3個人食架！！下次要帶老公過嚟再食過，我要試佢地嘅牛角酥😋😋