遨 (已結業)

唔講唔知九龍城除咗出名泰國菜之外其實仲有好多隱世cafe🫣 呢間小店以旅行為主題，門口有機場登機閘口，店內掛滿機場畫作、地圖、登機牌等裝飾，突然好想去旅行呀！食物方面就主打常見嘅西式料理，款式眾多而且價錢都算合理，經過可以一試✈️ 遨雲多士係呢度嘅signature dish，賣相十分可愛，表面有個巨型嘅蛋白雲朵，中間放上蛋黃，切開後蛋液慢慢流出嚟嘅感覺真係好治癒呀😛 麵包微微烘過，配埋鹹鹹香香嘅芝士同煙肉都幾match，打卡得嚟又好食，推介🤪健康之選有煙三文魚牛油果沙律碗，估唔到煙三文魚嘅份量都唔少，大大片又厚身，牛油果成熟度啱啱好，而沙律菜都幾新鮮，呢款搭配自家製醬汁，味道酸甜，食落開胃🥬午餐menu有明太子忌廉軟殼蟹意粉，麵條軟硬度適中，明太子味唔出但勝在忌廉多而且做到掛汁效果，軟殼蟹咬落酥脆，香口惹味，如果有多舊就好啦🤤 最後貪心要多咗個牛角包，外皮金黃鬆脆，內裡鬆軟，層次分明，牛油濃香，絕對比得上出面嘅特色麵包店🫢…查看更多

屋企住喺九龍城附近 有日見到有一間Cafe主題係機場 其實九龍城以前就有啟德機場 所以附近好多樓都係起得比較矮 呢間Cafe位於一棟比較矮嘅舊式唐樓地下🐷🙌🏻 .🐷明太子忌廉軟殼蟹意粉 👅7.5/10 $108意粉係即叫即整所以需要少少時間 軟殼蟹裏面有啲蟹膏幾香 個意粉份量都充足.🐷黑松露蟹肉炒蛋配貝果👅8.5/10 $78炒蛋超級靚 賣相非常吸 中間有啲黑松露可以調味 而且有好多蟹肉 貝果都係被焗過 識落係比較香脆.🐷比利時窩夫杯雪糕 👅7.5/10 $88賣相吸引 上面有兩舊燒過嘅棉花糖 一共有三舊窩夫 下面仲有朱古力Cereal可以配埋一齊食 都有片好咗一片片嘅士多啤梨同埋藍莓 .🐷烏龍媽咪 👅8/10 $40呢一壺茶嘅英文名係Yuzu Citrus Oolong Tea 呢一間cafe嘅茶好多都改咗好特別嘅名 例如港女家姐、薑黃爺爺等等😂😂 呢壺茶都夠我哋兩個人每人斟兩三次.…查看更多

原本想開開心心食個lunch專登lunchtime走嚟食結果返返公司遲曬到我地3個人13:00嚟到 13:06落好單成場2枱客 隔離枱早我地入去少少但好似遲過我地落單野飲大概落單後 15分鐘後到 都好正路但無諗過野食再過多15分鐘先到2碟我地叫左👉🏾 明太子軟殼蟹意粉 2碟 （1:35上菜）👉🏾 卡邦尼意粉 1碟 （1:42 上菜、2:05上菜）👉🏾 黑松露醬炸薯條 （1:45上菜）👉🏾 熱latte👉🏾 熱情果蘋果梳打👉🏾 冷泡茶係呢個時間 隔離枱仲係一碟都未到 我都登佢地慘✨ 明太子軟殼蟹意粉無乜味 平時我都唔食咸都覺得淡好在有tabasco救命😂一碟多汁 一碟少汁 真係喊出嚟🥲✨ 卡邦尼意粉啲意粉好硬 （因為佢地嘅carbonara唔係有汁款 所以意粉會乾身啲 但要一下一下咁咬大力啲先咬得斷。。。😂）食左一啖忍唔住同佢講佢話再整一整等5分鐘左右最後staff都好好人話整過比我 但真係好趕時間佢就話10分鐘度 我地話可以頭先個碟架 加少少creamy汁 煮兩野 但佢話已經倒左咁都無計。。。佢話10分鐘計埋岩岩個5分鐘但前前後後15分鐘先再食到第2次嚟到 熱辣辣的 比頭先個碟冧啲啲可接受 匆匆忙忙咁食完就返公司😮‍💨😮‍💨😮‍💨✨ 黑松露醬炸薯條最好食嘅就係呢個！少少辣粉+黑椒粉味仲有濃濃的醬 我地都好滿意🤝🏾🗣️ 不過態度係真係不錯staff都講左好多次唔好意思🫡但食物真係要改善一下。。同埋真係等太耐！無諗過得2枱客但咁耐！😮‍💨原本想開開心心食個lunch專登lunchtime走嚟食結果返返公司遲曬到我地3個人13:00嚟到 13:06落好單成場2枱客 隔離枱早我地入去少少但好似遲過我地落單野飲大概落單後 15分鐘後到 都好正路但無諗過野食再過多15分鐘先到2碟我地叫左👉🏾 明太子軟殼蟹意粉 2碟 （1:35上菜）👉🏾 卡邦尼意粉 1碟 （1:42 上菜、2:05上菜）👉🏾 黑松露醬炸薯條 （1:45上菜）係呢個時間 隔離枱仲係一碟都未到 我都登佢地慘✨ 明太子軟殼蟹意粉無乜味 平時我都唔食咸都覺得淡好在有tabasco救命😂✨ 卡邦尼意粉嚟到硬嘅 仲要唔係creamy嘅醬…查看更多

早排放假，同屋企人去咗九龍城買餸，之後經過見到有間Cafe就入咗去食all day breakfast 🍳 ，同炸軟殼蟹明太子扁意粉🍝，仲叫咗杯Earl Gary tea dirty 同 latta macchiatoall day breakfast 🍳份量都好大份，而家牛油果，煙肉，香腸, 蘑菇，蕃茄，煙三文魚，沙律，炒蛋仲有牛角包，超豐富，食完之後夜晚都好飽😂炸軟殼蟹明太子扁意粉🍝，炸軟殼蟹好鬆軟，扁意粉全部都沾上咗明太子嘅鹹香味，味道一流☺️Earl Gary tea dirty好特別，平時都好少見到，有淡淡的earl Gary tea 味，但係都飲到咖啡香latta macchiato，雖然份量好少，但依一杯好適合打卡，用香檳杯嚟裝住，打卡一流😉…查看更多

好難得揾到間水準咁差嘅cafe😅😅😅 叫咗幾樣野都差..茉莉花戚風蛋糕$50蛋糕切開2小件，呢個價錢比起一般cafe份量實在太少。太細件了吧，而蛋糕切到一忽忽，非常求其。蛋糕有茶葉做裝飾，但喺蛋糕面，食到就好硬，唔加好過。戚風較乾身，幸好有cream😅性價比好低。Earl Grey Tea dirty $50杯嘢飲嚟到半杯多啲啲 ，唔講以為比人飲咗。 Earl grey及茶味濃到超澀口，茶渣味，仲有飲唔出有咖啡味。超難飲😖 飲咗少少都唔飲了！烏龍媽咪$40朋友話可能茶壺洗得唔乾淨，飲落有Earl grey味….. 明明叫烏龍，有點怪。…查看更多

呢間cafe係以機場做主題嘅咖啡店！去到門口已經有個閘口位打卡位，仲有check in同departure 嘅牌～黑松露蟹肉炒蛋配貝果 $78⭐️⭐️⭐️⭐️⭐️黑松露勁香！蟹肉勁多勁鮮甜！係一梳梳嘅蟹肉！唔係蟹柳ಥ_ಥ好感動！炒蛋唔會太老，加少少黑胡椒做調味啱啱好！加爆分！bagel 焗到有少少脆，而且都幾煙韌唔會好乾！絕對係誠意之作！🫶🏻煙三文魚牛油果醬炒蛋配酸種 $88⭐️⭐️⭐️⭐️煙三文魚份量都同樣唔孤寒！仲要整到朵花咁靚～香脆嘅酸種包上面搽咗一層薄薄嘅牛油果醬～好食的不過相對普通啲😝戚風蛋糕 $50 ⭐️⭐️⭐️⭐️⭐️蛋糕超鬆軟超好食！而且伯爵茶味都幾重，夾埋cream一齊食緊加惹味！男朋友都大讚就知咩事！Cappuccino Latte咖啡好nutty好好飲！推薦！…查看更多

之前經過已經好想試，今日難得冇咁早工作，專程來光顧哩間以啟德舊機場主題咖啡店☕️門口有個閘口打卡位📸入到餐廳空間感十足，簡約裝潢乾淨企理，牆上掛有舊機場相片🖼店內還提供書籍比客人消閑📚真係可以消磨半日都得🤭點了全日早餐$128份量十足🤩有砌成玫瑰花三文魚🌹牛油果🥑煙肉腸仔唔會過火，牛角包好鬆化，平時我唔太喜歡食既炒蛋，但哩度炒蛋我會食😋幾滑又有蛋香味🥚菇類沙律菜🥗都唔差，另外+$10加配我最鐘意食嘅薯餅😋好脆好味凡餐點及飲品仲可減-$15優惠添🤩今次冇飲coffee，點了杯薑黃爺爺$40飲落好香嘅薑味👍哩度比我感覺好舒服，店員友善，又唔會因為坐得耐比人趕嘅感覺🤭價錢又唔算貴😊值得再來👍…查看更多

年尾清假, 難得平日可以放下假, 決定同好姊妹搵間餐廳嘆下coffee慢活打下卡。選址呢間以機場做主題嘅小小café, 門口一個登機牌已令人回憶多年未出國旅遊。除了breakfast同埋lunch主食, 仲有少量小食同甜品、飲品。【All Day Breakfast】HK$128 (+$10加配薯餅)配搭豐富吸引, 有充滿蛋汁嘅炒蛋、 煙三文魚、煎得香口又唔會太乾嘅煙肉、腸仔、菇、juicy蕃茄、creamy牛油果、沙律菜, 同埋個皮好鬆化嘅牛角包。加配嘅薯餅炸得好脆。【Signature Fluffy Toast】HK$68以空氣感蛋白做雲朵, 中間放了流心蛋黃, 蛋白下有鹹香火腿、芝士同埋脆烤多士, 難得係打卡款式又好食。【Plain Bagle】HK$25Bagle烘過有d口感, 配有士多啤梨醬沾黎食。主食餐點, 追加飲品正價-$15【Chocolate】HK$48朱古力口感順滑, 但味道偏淡, 唔會過甜。【Mocha】HK$48口感香滑, 唔會太甜, 有陣陣咖啡香。…查看更多

The best time to drink cold brew is NOW 九龍城有間以機場登機閘口為主題嘅打卡café，店面有特色甜品和cold brew都唔錯，過嚟食嘢有等上機嘅憧憬！真係想即刻pack行李去旅行比利時窩夫杯雪糕The Liege Belgium Waffle with Ice Cream雨前六安瓜片綠茶Cold Brew Tea> 窩夫新鮮做起又熱又香，脆邊軟心微微蛋香，上面有半溶棉花糖、朱古力醬和脆脆、另伴有新鮮士多啤梨片和藍莓，加球雪糕係令人開心滿足的甜品。淡綠色六安綠茶味道清新幾順喉，唔甜嘅配甜品食最好…查看更多

今次到位於九龍城打鼓嶺道49號地舖的一間Cafe ～ 遨🍽️吃午餐。 之前經過幾次已經被門口的登機牌吸引到， 餐廳設計簡約帶文青風， 加入旅行元素✈️，令到我一入到去已經有準備去搭飛機的興奮心情🤩。午餐 ～ 遨 · 全日早餐$128、 煙三文魚牛油果醬炒蛋配酸種包$88、 Cappuccino $40、 Apple and Hibiscus $40。🔸遨 · 全日早餐🥗 ～ 有炒蛋、 煙三文魚、煙肉、腸仔、菇、蕃茄、牛油果、沙律菜和牛角包， 份量十足， 炒蛋好香滑， 另外我最欣賞牛角包🥐， 香酥美味😋。 🔸煙三文魚牛油果醬炒蛋配酸種包🥪 ～ 香脆的酸種包🍞加上滿滿的牛油果醬， 還有煙三文魚和炒蛋， 豐富又健康。 🔸Cappuccino☕ ～ 美美的拉花圖案，口感香滑。 🔸Apple and Hibiscus🫖 ～ 洛神花蘋果茶味道酸酸地， 開胃又養顏， 適合女士。 已經有幾年沒有去旅行，今日到遨午餐， 一見到登機牌，真是有種旅行的感覺🤩， 放鬆又開心。🏷️溫馨提示～ 整個用餐體驗均屬個人分享意見， 只作參考😊。 …查看更多

九龍城除咗泰國菜之外，仲多咗好多cafe🤩最近同朋友去到呢間，以旅遊✈️為題嘅咖啡店去到門口已經有個閘口打卡位😍，仲有戶外位，歡迎寵物🐶一齊乘搭😆店內裝潢簡約，但都有幾個亮點，如牆上的世界地圖🗺️、飛機時間牌、check in/departure 牌等～ 貫徹主題食物方面有西式麵包🥯意粉🍝遨。雲多士 $68以好有空氣感蛋白做雲，中間係流心蛋黃，下面還有鹹香火腿及脆烤多士，賣相可愛又好味黑松露蟹肉炒蛋配貝果 $78黑松露混合蛋香，非常吸引，蟹肉鮮甜，bagel 都幾煙韌唔乾Mocha $48Flat Latte $40咖啡香，鮮奶順滑戚風蛋糕 $50蛋糕鬆軟，有陣陣茉莉花香，配合滑溜嘅cream ，令蛋糕濕潤更香甜…查看更多

放假周圍走走，覺得有啲口渴同少少肚餓，行過呢一間Cafe，就買咗杯Dirty （regular shot, regular milk）同埋個Scone，因為仲有節目，所以就外賣拎走。不過見佢裝飾都好有特色，感覺好似準備搭飛機去旅行，中午時分人唔多，下次其實都可以留低喺度休息吓，打個卡，食個tea咖啡就正常發揮，味道唔錯反而第一次食Scone，覺得有啲乾，同埋佢話要返熱，所以等候時間又比較耐下次外賣嘅話可能淨係買咖啡會比較好…查看更多

啱啱過到嚟九龍城做嘢，就去到呢間Cafe，諗住嗌一ice americano. 見到話依度嘅環境都算幾好，可能好早，所以門口都有得泊車，我哋可以放低架車慢慢飲。其實杯咖啡都叫不過不失有少橡果嘅味道，現在不過略嫌淡咗少少，唔知係沖嘅問題，定係咖啡豆嘅問題。不過整體嚟講，作為一杯早晨咖啡都算係幾好。不過有啲可惜就係冇得揀fruity 同埋nutty嘅咖啡豆，有嘅效果更佳！整體來講，之後去到九龍城想飲一杯咖啡或者食一個早餐，都可以考慮吓呢間Cafe。…查看更多

首先要讚既係店員態度不錯野飲正常發揮 啡偏酸 但食物質素真係致命傷貝果太硬 似叮完再叮咁 配合返個主題似食飛機餐好差既包體但份量係慷慨既 不過味道一般All day breakfast d 菜超級奇怪 d kale 係風乾左？但黃哂邊唔新鮮$128 抵唔抵就見仁見智但條腸都炸到致癌咁 平日去無客 本身諗住嚟食埋甜品打卡架 但太失望默默地影左張食物相就走得九龍城太多高質有特式cafe 哩間真係唔會再嚟不過見係幾個後生仔開 希望之後食物有進步啦…查看更多

人生中第一篇食評獻給這裡。因為食物太驚艷？因為體驗太美好？原因在下面詳述……悠閒的假日，在九龍城找到這間cafe打算打卡嘆杯咖啡。「遨」的室內設計行簡約風，白色牆身掛著舊啟德機場的圖片，飛機低飛於九龍城上空，非常貼合餐廳名字，令人懷念那個年代。我們是店內第二枱客，隔離坐著一家四口，他們餐桌上剩下10%咖啡，似乎已食完就快離座的樣子。我們點了冬陰功大蝦意粉及all day breakfast, 兩杯熱咖啡。咖啡味道尚可，不過不失。店內網路有點慢，當我把所有ig story 都看完，發現食物仍未到，而溫熱的咖啡已成凍飲。隔離枱上左第一份burger…似乎阿仔是後join,當家人都食完才到。廚師於10分鐘後遞上了一碟意粉給鄰座爸爸，原來是我誤會了，他們一家人還未開始食呢。𣊬間對這裡的烹飪速度感到驚慌！細心望望開放式廚房，原來只有一位廚師，專注於一個爐頭！一番細心烹飪後，廚師會親手送上餐桌，一條龍服務，盡心盡力。下單後40分鐘，我終於收到第一份意粉，食了半份意粉後，終於獲取all day breakfast 。公道地說，食物質素不錯的。廚師既功力很好，服務態度也不錯，親手遞上熱騰騰的食物，並說：「抱歉，讓你久等」。為何我會寫出第一篇食評？因為我好x得閒，只好寄情於文字，否則我會長留廚房外追單，影響廚師發揮就兩敗俱傷啦。中間發生一件小插曲，有一枱客是兩位女生，也點了意粉及all day breakfast 。意粉都食完了，追單下，員工才發現另一份漏單了，女生說不要了，不想再等，廚房說馬上安排。到了我們結帳時段，漏單情節也發生於另一枱情侶身上。不約而同地，他們溫和地繼續等待。深刻感受到香港人的耐性及包容度。如果你有心理準備來品嘗「慢活」，喜歡意外「驚喜」。不妨來感受下。就當自己是轉機的乘客，有三小時充裕的時間，慢慢打發時間。下單小攻略：1. 建議點凍飲，因為室內冷氣澎湃，熱飲難以保持3分鐘熱度。2. 當食物上桌後，才點飲品吧，若你想一邊品嘗食物一邊飲野，同步進行。…查看更多