遙

營業中

休息中

岩打完風，街上都好冷清，發現呢家別出心匠設計既隱世日式小店，外面掛住紅通通既燈籠燈，內裡以木為主，光線柔和，有種溫馨給舒適既感覺，座位闊落，無論小酌定系用餐聚會都好適合。最緊要佢做緊儲積分Promotion，逢星期一至五消費，$1就儲到1分，夠500分就可以換到一客小食，其實食一兩餐都已經換到啦😋大拖羅（兩塊）＄168拖羅非常肥美，夾起時天然油脂滴哂落黎，花紋細緻，油脂均勻，食落層次豐富，先系海水咸味，清新酸味，再黎油脂鮮甜，口感柔軟無筋，入口即溶，魚油溢滿口腔，油香既餘韻久久不散。雖然價錢比較貴，但絕對抵食！剌身拼盤 $318６款刺身由掌廚精心挑選當日最新鮮既食材，有肥美帶子，粘上檸檬汁帶出鮮甜；厚實既北寄貝食落爽口；厚切吞拿魚吞拿甘香鮮甜，口感soft；甜蝦甘甜濃厚，彈牙可口，食落好鮮甜；橙黃亮澤既海膽入口時重海水味，新鮮略帶海水腥可接受；厚切三文魚入口鮮甜美味，慢慢溶於口內，而wasabi微辣不嗆喉，唔似包裝wasabi既味道！燒河豚乾$48乾燒河豚表面光澤，烤至微脆剛好，迫出魚既鮮香，吾會乾巴巴，有D Juicy（聽職員介紹，另一款日本味淋魚乾$98比河豚干更juicy) 佐酒

係土瓜灣其中一條橫街，有間唔顯眼既日本料理餐廳，掛住紅色既燈籠，帶著日本餐廳既格局，每晚服務唔同既人(唔講係聽人介紹都比較少黎土瓜灣呢頭)，今次同個住呢頭既fd食飯，就帶左我過黎試試佢同老闆娘言談中，發覺佢原來以前係佐敦做，而家搬過來都係因為店鋪大d，又可以坐得舒服d，所以揀搬過來！見佢出面有同好多明星既合照，的確有返咁上下料子！呢度位置坐得好舒服，成間鋪都好大好寬敞餐牌~黑豚同露荀係幾match, 爽口得黎唔油膩，肉又烤得幾好食雞軟骨香口得黎脆脆的，伴碟亦放得靚靚有多士吸哂d精華，變得唔油膩鵝肝幾肥美，食落好夾，呢個值得一試！而芒果卷用料亦比出面特別，入面唔係包炸蝦，而係包龍蝦！再配上芒果既酸酸甜甜，一口食落口感豐富精選壽司每舊壽司都包得好飽滿，魚生每塊都好大塊，完全包哂成舊飯有突🤣而海膽亦用上馬分海膽，我最怕腥，而佢呢間既海膽食得出好鮮，其他魚生亦是，質素的確是中上！咁樣一set 價錢都係百幾好合理！特色既日本cross 越南菜式用吉列蝦、米紙都一大堆蔬菜包成，食落好特別，味道清新最後一個抹茶紅豆卷既甜品做點綴好滿足既一餐！

係香港食日本野，點先搵到日本嘅味道？呢間餐廳食物質素高，賣相好。魚生壽司新鮮甜美，伴酒小菜吸引可口，十足日本小店的味道。大家有機會同朋友屋企人黎食餐豐富晚餐，享受一下繁華鬧市一角嘅寧靜舒適氣氛。

昨晚去了這間日本居酒屋用餐，這已經是我第三次光顧，我真心覺得一次好味過一次。首先那碗法國深藍海龍蝦湯跟龍蝦刺生，味道認真不錯！還有入口即溶的肥美Toro跟原條小鯛魚，真的想一試再試，絕對不會令人失望！

呢間係朋友介紹既餐廳，咁岩醒起就去食個lunch la.舖內座位雖不算多，但亦不算迫，Lunch Set包括了 麵豉湯 沙律 和主菜，都算幾豐富，-特上魚生丼賣相唔錯 有三文魚 帶子 蝦 等等，食材幾新鮮 ，份量都唔算少-三文魚海膽丼三文魚都切得幾厚，飯既份量都唔少- 池魚刺身 $198池魚都幾新鮮，切完擺到靚一靚 ，幾有心思，醬汁配上蔥花 蘿蔔蓉等配料，都唔錯食完仲可以選擇整湯/ 炸魚骨選了炸魚骨 因為未試過，脆卜卜 好香魚味，幾特別呀

之前知道呢間店舖喺佐敦結業，有點可惜，因為未能 再次品嚐其餐廳的美食，後來一知在土瓜灣重開，立即前往試食餐，很高興當日見到靚靚老板娘同有型老板，叫左幾個美食，同以前水準一樣甘高，問佢老板，原來厨房用返原班人馬，後來推介我食藍龍蝦，一試既愛上，其肉汁簡直令我深深愛上，遙，下次一定再黎。

以前係因工作關係經常去光顧午餐 ，間中也三五知己坐埋晚餐。太約半年前結業，有點可惜；因為又要找地方吃飯。。最近＜遙＞搬到我家附近土瓜灣落山道開業，再去幫襯。老實說食物水準就見人見智，但一坐底就感受到小店那份人情味，聽老闆講沿用翻那些廚工，我就覺得食物水準保持到水準。

今晚我們決定去最近係土瓜灣新開的日本餐廳試下，我們係家中行去10分鐘左右就到，位置係未完工的地鐵站對面，交通方便!😀我們今晚訂左18:30枱，時間尚早，店內只得我們二人，原來這店只係開左2個月，我們一邊聽歌一邊落單，環境舒服，我們叫左蜜汁雞泡魚乾（燒到乾身好香）、芒果蟹籽沙津（芒果好甜配青瓜蟹柳沙津好夾）、芝士忌廉焗蟹蓋（芝士好香入面綿滑）、雞軟骨、煙肉蠔卷（原來好夾味）、2串牛舌（好juicy配埋酸甜芥末籽好消濟）、明太子雞翼（好juicy）、牛油酒香雜菇包（好香酒味）、軟殼蟹手卷（好脆）😍😍~~特別介紹係這店的手握壽司（飯身細又暖又不鬆散）:😋😋😋今晚我們叫左灸燒三文魚腩壽司（魚油香，入口即溶，我們有再order 一次）、馬合海膽壽司（海膽多，勁鮮甜，成啖海膽即溶口中，我們有再order一次）、香蔥吞拿魚腩壽司（吞拿魚多過飯，配蔥好香）及鰻魚壽司（燒到好香的脆口鰻魚，燒汁剛好，回味無窮）😋😋😋我們叫埋2枝勁凍日本啤酒!今晚夠4-5人食，全部食物連加一共682元（這質素黎港，這價錢超值，我們會再黎一次）!我們離開時，老闆娘突然送上勁凍的迷你香芋雪糕糯米池俾我們2人食，好正，老闆娘好n

遙這間日本餐廳之前係佐敦㗎！！！宜家搬左去土瓜灣，不過都抵擋唔到我對佢既熱愛味道好好味！sashimi又鮮美同埋擺🉐️靚！老闆人又nice，又細心落order！服務態度又好！試問一間咁樣高質素既餐廳點解要錯過呢！必須來試試

呢間日式餐廳雖然只有大概30個座位，但環境唔錯， 配合柔和燈光，而且枱櫈都非常整齊乾淨，播放輕鬆音樂， 我就點左芥辣八瓜魚，日式炸雞，壽司，牛舌，刺身等， 食材味道感覺非常新鮮，偷偷聽隔離枱原來都是舊客，食過返尋味，臨走已經開始有人排隊等入座，這餐廳值得推介。

老朋友聚會，選了這間日本餐廳，地方雖然不大，老板和老板娘親切招待，滿滿的人情味。食品賣相靚又好味，尤其是龍蝦三味，有刺生、湯及炒飯，一上枱大家就搶食，忘了影相(只影了湯)，吞拿魚刺生厚切大大塊，新鮮好味，串燒做得出色，特别是我最愛的牛舌和雞翼，牛舌滿是肉汁，雞翼脆卜卜的(又是忘了影相)。這頓飯大家都食得好高興，加上價錢合理，我們決定把"遙"定為我們的聚餐大本營。

呢間餐廳之前係佐敦，試過覺得幾好食，點知後來執左，竟然係土瓜灣再見到佢，立即去試試，水準依然keep到，服務態度都好好。但新店位置難比人見到，所以好靜，希望嚟緊有多d識貨之人去試下啦！唔想一間有心煮好味料理嘅食店被埋沒！今日食左牛柳串，比目魚西京燒，三文魚燒飯糰，多春魚，燒翠玉瓜，明太子雞翼，焗蟹蓋，翠玉瓜燒得好juicy，條牛柳卷好大條，上菜時仲會有火焰，焗蟹蓋$58 有4件，幾抵。有個紅豆冰糕甜品幾特別，可以試下！

老闆/娘非常友善， 地方乾淨寬敞， 可以好輕鬆食一個午餐。 假日都有午餐set， 非常抵食， 烏冬同丼都好好食。 叫咗幾個set， 加咗啲小吃， 冰凍紅豆甜品正到冇朋友！ 大小朋友都食得好開心。

係土瓜灣想搵間日本野都唔容易呢間原來只係開左一個月到原本係係佐敦開左幾年（食完店員介紹番間餐廳）環境無咩特別，整潔佢成份menu 一張相都無 舖頭裡面都唔見有貼出黎既相 可能因為新開 所以睇左一陣 我同男朋友選擇問下staff 有咩介紹最後 我地就試左佢介紹既 小鯛 做刺身+湯（點埋個酸汁 ，湯係miso鮮甜，如果唔想煮湯 可以做tempura)另外都叫左大路既燒物：牛舌（牛舌一般,所以無再叫燒物）芒果蟹子沙律芒果甜 本身終意食蟹子沙律sushi （一般）三文魚腩 海膽 蔥吞拿魚蓉三文魚鮫 （有水準）釀蟹蓋 （一般 下次唔會試）食完都好滿足 性價比幾高見到另一枱食龍蝦sashimi 問左店員 早幾日訂先有 下次想試下

今天同屋企人諗住出街食飯，見到間日本野都幾多人食，所以就入去試吓。一行3人叫了個2人餐加多個牛油果軟殼蟹卷。估唔到個2人餐都幾豐富，份量又多，還幾好食添。個餐有蟹子沙律 ，刺身拼盤 ，鐵板燒魷魚筒+帶子，鐵板燒牛柳粒同海鮮炒飯。因開頭冇預咁好食，所以冇影相。但值得推介，一定有下次。