逸逸居 (黃埔天地美食坊)

營業中

休息中

Staycation喺黃埔，鬧市中得的寧靜，因難得下午茶食到壽司郎，仲飽飽又行到攰，就試呢間中菜。兩個人，先選特價晚餐小菜一款…胡椒豬肚雞煲，足夠胡椒味，有支竹，白果，咸菜，而豬肚&雞嘅分量都正常。另選一款蒜蓉炒勝瓜，食到勝瓜嘅鮮甜味，叫咗白飯配合。兩款味道都ok, 唔會太重味，環境又ok, 唔太多人，平日都有十枱客左右，唔太嘈。服務態度都有禮貌，整體滿意。

未試過這間的點心，外買一些試試。都等了約30分鐘！～～～～～～～～～～～～～～～～～～～點了乾炒牛河、豉汁蒸鳯爪、奶黃流沙包及至尊蝦餃王。乾炒牛河色澤不錯，有鑊氣；豉汁鳯爪入味；奶黃流沙包，20分鐘後才吃，仍有輕微流沙，算不錯了！至尊蝦餃王，味道正常。～～～～～～～～～～～～～～～～～～～職員態度麻麻！不會再幫襯！

今日放假難得出嚟黃埔行街，經過黃埔第八期美食坊，見到一間位於二樓叫逸逸居酒家， 之後攞飛入去， 以為安排咗獨立房比我會比較好，點知咁麻煩……。（1）首先因為未試過所以出於了解清楚的心態去問服務員，下午茶大中小點一律以小點計算，係咪只計黃色個張點心紙，定係計埋粉紅色個張點心紙，點知個店員好唔耐煩地話計埋粉紅色，之後再望真啲，粉紅色個張係午市嚟，心想經過曾經試過嘅茶樓避免再中伏，最後無理會店員再所講，只點黃色個張點心紙……呢樣都算。（2）當我地需要添茶時發現無安排到一個茶壺比我地，於是多次好客氣地叫服務員提供比我地，點知講咗大概二十分鐘都未有人理會我地，搞到我地好似個傻婆咁係房裡係咁叫人……差不多二十分鐘後有個男部長經過，再次轉述返我地嘅需求，最後服務員好唔耐煩地先提供茶壺比我地……。我好明白服務員的工作很忙，但我地作為消費者客人，係咪有必要受到咁樣服務態度，要自己走出房去樓面問人拎，個刻感覺到好不被重視，比錢消費仲要咁樣態度，食都食得唔開心……。（3）食物終於到，食完一碟好快就有人嚟收嘢，感覺好想趕我地走人，頭先係咁叫人就無人應無人理，而家食完就收唔切，仲不定時望入嚟睇下食完未，態度簡單

早一個星期做節，見佢近，又有大枱，book 左先算，上開飯睇到食評其實無咩期望，點知，出嚟好滿意。呢次無叫套餐，散叫左呢幾個菜～～拔絲鮮菠蘿咕嚕肉～花膠海鮮豆腐煲～欖菜肉碎四季豆～家鄉蓮藕餅～醬燒雞～粉絲蒸元貝～龍躉兩味。翡翠炒球。雲耳蒸頭腩～金銀蛋浸時蔬咕嚕肉，雖然做唔到真係拔絲，但配新鮮菠蘿已經好正，而舊肉仲係脆口嘅👍🏼。而個豆腐煲，就係估唔到咁足料，花膠，帶子，蝦，班腩都有，而蝦都仲有鮮味，成個煲仲要份量十足。四季豆就正常出品，豆仲幾甜。藕餅幾香口，份量啱啱夠分。醬燒雞係另一驚喜，夠熱夠入味，啱啱炸起，連骨炸到脆晒，可以呑埋落肚😆。

29/12 今日同朋友到此試點心.10/12跟嫲嫲試過魚湯菜心3/5分,雞燒腩仔飯3.3/5分,沙薑豬手3.6/5分和花膠海鮮豆腐煲4.2/5分.又在22/12 前來試叉燒叉腩仔飯3.5/5分,淮山四寶札3.6/5分和魚湯菜心.今天點了三個點心,看質素如何. 點心全部即叫即蒸,端上時熱騰騰.1.點心拼盤,皇,燒賣皇,乾蒸牛肉,叉燒包,潮洲粉果和黑糖糕各兩件.全部都好飽滿,餡料足,味道鮮美4.5/5分 非常滿意合心并飽肚2.糖糍 很軟糯,鋪滿細椰絲,不太甜.合小朋友口胃4/5分3.蒸南瓜布甸 滑有西米南瓜蓉少許蓮蓉,不黏口甜度適中 飯後甜品必食推介4.5/5分環境 夠光猛,有點擠迫感,但說話聲不墮,不感到太嘈,合大夥兒聚會.地氈殘了點好似有穢 2.8/5分服務 人手和應對時間都合格.相熟的有較快較照心服務 3.3/5分價錢 抵食夾大件,貼地良心價,豐儉由人4.2/5

黃埔新開左間酒樓，其實都已經知道咗好耐，之前成日都見到好多人，今次下午茶過嚟諗住試吓。價錢都好經濟實惠，個人好鍾意飲菊花，不過呢度飲菊花水要加錢除咗收茶位，仲要另外再收，我就覺得有啲唔值。下午茶都真係幾抵食，平均每個點心都係$20左右就食到，味道仲要唔差，下次都會再嚟😆

今天11/9/2021接近中秋節，打算去飲茶(下午茶)， ，突然見到原來即場買月餅係可以即刻入去，唔使等飛，即買即入。 入面大把位又唔畀人坐， 淨係畀一啲買咗月餅券嘅人入🤬🤬🤬 員工態度又唔好，差評

招呼非常非常之差，差不多無服務員招呼一樣，所以如果要有招呼就一定不可以吃晚飯，廚房出餐又超級慢，每個餸菜都要差不多一個小時，如果有弘防可時間可以慢慢食，食到晚上10點後，不防可以一試。

週末同屋企人去吃尼間逸逸居，非常之多人。等左好耐終於有位仲入左間單人房吃，4個人叫左好多野，但吃左無耐就有幾個人企係間房門口等你讓間房出黎，咁樣都算。本身關左門，點知個職員過黎話唔可以關門 幫你打開個門，仲不斷叫你快d吃， 快d走，因為有人要打麻將。 就算人多你都唔可以趕客咁無素質😡🤬🤬🤬🤬超過分呀！ 下次唔會再黎lol，d野就ok，服務員好差！ 同埋環境污糟

9:20分就到了，馬上點單，交給服務員。服務員故意拖到9:36才錄單。買單的時候才發現為什麼價格不一樣，被告知9:30之前同之後是兩個收費！買單的時候非常不愉快！收銀態度極其惡劣。

媽媽建議去黃埔新開業的逸逸居，我們平日晚上去，不用等位，店內只有10檯人左右，坐得十分舒服。他們有雞鴿鵝三選一優惠，我們選了燒鵝（例牌）$38，份量十足，目測有十幾件，盤的下面有蠟燭保暖，所以可以慢慢食，不過燒鵝皮不算脆。我們還點了$88的海魚，份量很大，4-5人食也夠，不過味道不夠鮮味。另外是蒜蓉蒸聖子（3只）$90和啫啫肉碎蝦干芥蘭煲$88，聖子大隻味道ok，可惜芥蘭比較老，有點硬...最後原本服務員說糖水送完，但有桂花糕，但當我們問另一位服務員是否糖水送，他說連桂花糕也沒有。但我們看明明隔離檯（比較人多）是有桂花糕送的，有點失望

近這個月我來了吃晚飯三次 因為我欣賞你們貴公司既服務和品質 但12/4的這一餐 我不會再推薦身邊朋友和朋友再來你們的店 你們的職員 對顧客不了了知 先來上熱茶時倒瀉落我的手 說了一句對唔住 然後就走了 冰也沒有拿給我 到我朋友叫經理 才反應過來 才拿冰 我當下也沒有生氣 直至到最後上甜品時 同一職員 看見我電話在枱面 都要我在的電話上倒瀉 旁邊明明有位上甜品 為什麼一定要在我的旁邊上甜品 最後你們的職員什麼優惠折扣都無比 完全好似聽唔到我講野甘 吃了$1200蚊既晚飯 吃多一肚氣 那個上茶的職員還是部長 你們貴公司點樣訓練員工 如果我隻手有什麼問題 我會保留追究嘅權利！

COVID-19疫情下，很多食肆結業，亦有店逆市開業！黃埔美食坊新開的逸逸居，之前是鳳城酒家。2020 聖誕假期，受第４波疫情影響，全港食肆晚市禁堂食，到黃埔Aeon Supermarket買食材，在家煮聖誕大餐，順便在黃埔美食坊吃午餐。逸逸居不用等位，直接入座，２人限聚令生效，４人分２桌坐，點了：#普洱茶，茶味淡，不能算好！#點心併盤，蝦餃、燒賣、乾蒸牛肉、潮州粉果、叉燒包、黑糖糕，每樣２件，定價68元，抵食又好食！#鮑魚燒賣，20.8元有２件，另一抵食之選！#七味脆皮豆腐粒，外脆内軟，非常好味！#雲耳鮮蝦水餃，足料，好味！#蜜汁叉燒腸粉，這個中規中矩！會再來的店！等恢復晚市堂食，來吃晚餐。

取代鳳城酒家嘅新中餐睇個樣好似幾唔錯餐牌選擇冇鳳城多款式簡單啲 有散叫有套餐原先想叫4人套餐 ~$600 有龍蝦 有蒸魚 有炒飯等 不過最後散叫 因為唔想要炒飯 同想試其他餸 賣單先發現套餐真係抵食好多!!! 有啲後悔1️⃣西蘭花炒帶子好多粒帶子啊! 每粒都咬落少少彈口 又有帶子味 至於西蘭花 雖然唔算炒得有鑊氣 不過硬度剛好 食落都清脆2️⃣芝士蝦球伊麵十分邪惡 勁多芝士醬起面🧀多到食完麵都仲有 係有少少’漏’嘅3️⃣金牌脆皮燒雞幾多肉 中間部分全是肉! 雞油味重 不過皮唔夠脆 啖啖肉但唔算滑嫰4️⃣鮮菠籮拔絲咕嚕肉同樣好多肉 不過味道差啲 亦係唔夠脆 而且醬汁太過’傑’ 似螢光汁加膠水5️⃣明蒸沙巴龍躉雖然等咗好耐先上 但係係值嘅條魚超厚肉 相對少骨 蒸得啱啱好 肉質鮮嫩味道新鮮👍🏻差唔多比我食咗半條6️⃣花膠豆腐煲有豆腐 花膠 白菜好嘅係味道唔算濃 可惜醬汁同咕嚕肉一樣 太’傑身’ 豆腐相對冇豆香味 外層硬 入面又唔夠滑7️⃣紅豆沙甜品送嘅 好食! 甜度適中 紅豆同糖水比例好 紅豆唔會爛曬 亦冇落陳皮😋(唔鍾意陳皮味)食完 滿足了-新酒樓 味道上 可能因為啱啱開幕幾日去食 感覺未如水準 希望只係因為未熟手

同媽子去下午茶，大中小點一律當小點計！兩張點心紙，食物揀擇都算ok小食可以選擇雙拼或者三拼，可以試多幾款。今日揀左青瓜雲耳伴海蜇花同鹹菜豬肚湯青瓜雲耳伴海蜇花- 麻麻地，味道偏甜，唔係我想像中個d香醋味。海蜇令人失望，比較碎同散，唔多厚肉同爽脆。鹹菜豬肚湯- 呢個味道好！有胡椒香，鹹菜煲到軟硬適中，豬肚都有唔少另外叫左好幾樣點心南乳豬手 - 有芋頭底，豬手大概4 -5舊，都幾入味珍珠雞- 好大舊，不過比較乾身，d醬汁好似啫哩棉花雞- 呢個有驚喜！依家好多酒樓都係用雞肉加d粉做滑雞，呢個真係帶骨個d蒸雞。味道ok，棉花都幾多，我同媽子每人最少 3件。芋角- 呢個做得幾好，有芋香，個餡料濕潤整體黎講，算ok，不過不失，呢區飲茶多個選擇。