逸逸居 (黃埔天地美食坊)

營業中

休息中

用openrice book, 去到不像其他booking,沒mark 位，求其揾4人位，但在一車收碟之後，要求換位，職員很客氣。给的位置好舒服。食物可以，年初七只加一。但埋單時提醒通知經openrice 訂，她说系統会通知，初八晚'23不見踪影，openrice 亦無通知。

朝早10點book 同日1點pm 飲茶， 去到話無枱！ 佢話無睇open rice booking !所以去到就冇枱 簡直不能接受從來冇聽過有餐廳會唔睇OpenRice 如果唔睇，其實係咪可以落咗架佢？

於2024年9月17日，中秋正日吃晚餐。中秋佳節，餐廳滿座乃是高興的事，和家人開心吃個晚餐。由見及此我一家難得16個人齊齊整整，知道日子和人數問題，也特意訂了座。雖不是晚上第一輪時間，但也好運訂到了8時。可是，已經在餐廳等到8時15分，才忍不住問我們何時有位。怎知道職員說還未有位置，上輪食客未願走。請問餐廳不是有責任說明節慶日子有進食時間限制，且餐廳有責需提醒食客最後還桌時間。哪有理由是食客要因餐廳不善，而我要受罪無了期的等。老實說等15分鐘，還可以接受，但沒了期且餐廳沒有妥善安排是不能容忍。除此之外，在等位的時間看到有同樣排隊的食客，雖比我們晚來，人數差不到，但他們只需和侍應聊了幾句就先入座，難免引起可插隊的疑雲。到了8時30分，我們終於可入座，但餐廳雖安排我們要分開坐，且兩桌之間的距離很遠。我們當然不接受，如果要分開坐，哪為何要訂座？還叫慶祝節日？在對話中，餐廳女經理什至一副嘴臉，還當着大庭廣眾罵作為客人的我們。最後，他在一張八人桌上強行加了一大個圓板，我們勉強坐得下。只是每次夾菜都要先站起身才可動輪盤上的食物，且侍應每次上菜都要在我頭上飛過。老實說，食物質素幾好，只是店面上的侍應

我哋叫咗炸鮮奶，發覺入面個心有啲凍，要求更換，職員即刻話：係咁㗎喎，唔會全熱。食完飯後，我哋準備在酒樓切蛋糕，叫職員清潔一下枱上的東西，職員即刻話：你想我點清潔？用咩清潔？大家可以參考吓圖片，圖片顯示桌面有食物需要職員清走，職員就反問我哋點樣清潔。另外，圖片中的桂花糕，賣相極差，又不明的泡沫在桂花糕裏，見到都唔想食。大家亦可參考吓圖片。呢間酒樓要backlist，基本的服務態度及食物水平都做唔到。

勁難食父親節 晚飯 ，大概340幾蚊一個人。你睇間酒樓呢啲日子都唔滿嘅。等執笠。全部嘢食都係味精同鹽。其實酒樓呢啲餐好少真係咁難食。呢個時勢生意難做，但係差到咁執咗佢好過。啲龍蝦 同雞 咬唔到，要用膠剪剪， 呢個價錢 冰格貨預咗嘅， 但係劣質 到一個點 ，肉質極鞋。食完隻帶子成個口都係鹽食幾啖真係腎虧， 啲侍應 質素非常惡劣， 叫咗攞熱水攞極都攞唔到。一路食飯， 天花個冷氣機一路滴水， 個天花發曬毛， 勁污糟。祝佢快啲執笠， 害人不淺。

食晚飯， 勁咸, 勁多味精, 條魚好腥, 啲菜苦嘅， 乳豬正常. 服務差。 唔會再去， 黃埔有好多其他選擇。 記得帶多啲水去 食完會腎虧。 價錢一般 繁忙時間 都只係得四分一滿。 枱布都算乾淨。

同屋企食團年飯，試下呢間未食過嘅餐廳。 去之前睇到呢度啲食評有啲擔心，尤其係本人本身好着重服務同衛生 - 但今次試過又覺得唔錯。尤其係服務有驚喜，侍應傳菜同我地有傾有講，都幾親切殷勤。當我哋食翅要求攞醋嘅時候，佢哋都即時去攞，亦有叫我哋食得開心啲。 我哋影大合照嘅時候，職員仲主動埋嚟幫忙我哋影相添。食物份量足夠，味道都唔錯，鹽燒鮑魚尤其好食，乳豬都好脆好香口， 其他嘢全部都正正常常，總括嚟講食得幾開心！覺得間餐廳有努力，下次會再嚟 😁

野食夠熱，唔咸唔重味精，價錢起區內唔算貴（正價計），算多點心選擇。不過係要QR code落單，對老人家唔太方便。另外，炒粉麵價錢都唔平，$78有碟雪菜火鴨絲炆米，見到對面枱叫左碟，size都大碟。下次會試佢嘅晚飯，睇過價錢都唔算太貴。

千其唔好黎呢間食！一定唔好黎食！記住啊！星期日同屋企一齊行下街，諗住今晚食飯去邊食好，見到呢間餐牌大大個字寫住：四餸一湯，先588蚊，都幾好哦。我哋4個人都唔算太貴呀，考慮左一下。於是乎決定入去啦。個前台帶我哋入位都幾有禮貌，以為幾好啦，點知呢個先係惡夢開始⋯⋯⋯⋯⋯⋯⋯⋯突然有個超級高男嘅侍應唔知係咪經理，拿4個人既碗過嚟又唔講嘢，排成一行，然後就走人，落單又冇禮貌，叫人讀號碼俾佢！唔該都冇聲！跟住有人上菜先知原來係粟米羹，第一啖都算ok，越食越鹹，鹹到我成碗幾乎無食咁制⋯⋯松子魚酸到我要捏住個鼻，太酸了，叉燒拼盤冇特別，唯一小炒王正常小小，雞煲都係非常鹹⋯⋯然後叫左4個白飯⋯⋯已經60蚊！正常12蚊一個！食好已經唔早，跟住去埋單，一望哇！wtf⋯⋯咩事，800幾蚊嘅⋯⋯嬲到單都掉左佢即刻，星期六日個餐已經加60蚊，茶位又要幾十蚊，仲要加一服務費！都冇服務🙄️人均消費220幾蚊我洗鬼食呢間咩！又話自己少鹹少甜餐廳，好意思講，笑死人！自己煮都仲好過！

今晚咁岩行街經過，見到間野就試下，點知中左大伏，食個陣已經發現d野好重口味，例如松子魚比一般既甜同酸，d燒味本身已經鹹再淋上好多鼓油，食完個喉嚨好乾，睇餐牌588蚊套餐2樣小菜，1樣海鮮，1樣燒味，1樣湯羹，無包白飯，星期日加60，茶位又每人15，白飯15蚊1碗又鬼咁細碗，再另加一服務費，最後埋單8百幾蚊，d無謂既額外收費佔左成餐飯好大部份，抵唔抵就見仁見智，不過感覺間野都好唔老實，另外食完先發現間野係藍店同明白點解係咁既質素，唔會再有下次

服务态度差，喊了好几次都不来，要个酱油醋也没，服务员都不耐烦🙄️！这就是香港茶餐厅的服务态度吗？可怕😱！味道也是很一般，性价比很低，不推荐，希望大家来之前好好考虑！难得吃一次茶餐厅，真的对大陆人那么不友好，恶心，

一家人去出去玩成日返屋企附近搵嘢食點知伏到一個點lor望落去好似唔錯，其實d菜出品極差胡椒豬肚雞-可能街邊小攤檔都好食過呢到，唔夠熱，唔入味，d雞唔靚 / 滑蛋炒蝦仁-第一次鹹到苦，第二次炒先有d鑊氣正常味道 / 清蒸沙巴-蒸太老 / 燒鴨-鹹到死，唔似新鮮嘢，好彩無叫片皮鴨跟著埋單，原來588套餐要加一ga，都算啦3大人2個BB都要計4個茶位，講咩2個B等於一個大人。BB飲茶水？ 而且帶位部長/經理完全無解釋收銀更一問三不知就話2B=1大，唔清楚唔會搵經理求證，買左兩個盒，見我一個蓋無用都要收翻走，真黑衣唔會再來食，難食服務又差

行街行到2點鐘... 啱啱到咗下午茶時間即刻醒起 逸逸居 🤤🤤🤤其實已經食過好多次 … 但係而家先寫食評😂 首先 必須要講下佢嘅下午茶有幾咁高CP如果平日單點 大,中,小點 一律按小點計算 $20; 而星期六日 及公眾假期 好似係$22 其實我覺得都真係好抵！🤭 而最重要嘅係味道真係唔錯👍 款式種類都好多👍👍👍 我們仨嘅策略係主攻大點😏😏$20可以食到灌湯餃 - 上湯清甜 餡料十足 六款點心拼盆 $6x 真係抵到爛！（蝦餃 干蒸牛肉燒賣 蟹籽燒賣 潮州粉果 叉燒包 馬拉糕）Feifei 最鍾意食嘅家鄉炒米粉同棉花雞！正👍 呢啲價錢 有咁嘅質素 真係算係咁👍

所有嘢都好難食，明顯係預備定然後叮翻熱，金牌叉燒好鹹好似比鹽浸過。叉燒切到勁大嚿。中式牛柳又係好大舊好肥，完全硬到咬唔到鯪魚球豆腐煲入面又有小昆蟲幾隻。仲要晚飯時間無啦啦有隻老鼠喺間房入邊跑出嚟，喺酒樓正中跑過，嚇到所有食客彈起雞飛狗走! 然後啲職員話有老鼠好正常，證明呢間走路明知有老鼠，但係完全冇正視問題。夜晚閂門之後都唔知幾多隻喺度行嚟行去。千祈唔好嚟，應該搵衛生署嚟查查衛生情況。好心酒樓，負責人有良心嘅話就進行大清潔。

兩位男職員對客人態度惡劣。一位當你問下午茶餐牌佢係好惡咁俾你。下午茶係2:30開始。當全世界嘅鐘喺2:30，佢依然都係用好惡嘅語氣同你講話佢哋個鐘未夠2:30要等多2分鐘先可以叫。收錢嗰位當你落單嘅時候佢會對你黑面同惡，好似完全唔想你幫襯。佢帶口罩仲要係冇遮鼻。食物質素一般，但態度惡劣。無下次！