逸豪軒

營業中

休息中

今晚一行人行開開心心去晚餐，竟然遇上態度極之惡劣的红毛經理，不但態度惡劣，落錯單反而惡劣態度屈我們落錯單，一點悔意都沒有。雖然套餐平，但是都要有服務態度才可生存，希望酒樓管理層好好教育所謂經理的員工，反而侍應生對我們不停道歉及叫红毛經理扣工资，所謂經理還責怪她。不要以為是經理好威，無人來最後都失業，希望閣下好自'為之。

平時收工後都好喜歡黎呢度食飯。不過今日真係招呼唔好。我同老公兩位帶位竟然帶我地坐係十二個大男人一圍既隔離。成間場咁多吉枱竟然帶我地坐果張。知唔知咩叫好X嘈。想靜靜地食個飯都唔得。跟住轉左位後落完單到男經理從後行黎一野落個扒豆苗就走去果一圍度招呼。身為經理唔係做野咁求其嘛。落第一度餸都唔知客人係要白飯咩。佢一放低個餸叫佢拎白飯佢又聽唔到。係咁舉手又冇人理。舉左好耐終於有員工過黎。我先同佢講快啲拎飯過黎。食個飯咁既招呼。決定去樓下食都好過呢度

過農曆年，2位老友終於約到時間相聚啦，我地去左位於荃灣荃華街16號荃薈2樓S215-S216號舖的《逸豪軒》飲茶。我地點左：午市孖寶 $32.8（胡椒豬肚湯鮮竹卷+時菜蒸鯪魚球），切雞鹹蛋飯2碗 $47.6，逸豪軒水晶蝦餃皇 $38，鮑魚燒賣皇 $48，碧綠野菌餃 $33，雪山义燒餐包 $33。整體黎講係點心好食，價錢合理的。只是職員有D 甩漏，開左檯就閃，漏左單又補不上，再追才有.

不停催人落單 話師傅要收工點知落單落五齊 睇單先知落漏勁多野叫佢補番點知話師父收工冇得叫杯崩左 叫佢換個隻 要催三催四先肯換三人 茶位就識得劃 枱上面得個2套杯 叫先肯俾套餐具仲要態度好差 真系俾錢買難受

中秋節一家十口食飯，有老有嫩梗係食酒樓，而家喺中式酒樓食一圍閑閑地過四千，今晚食呢間係屋企樓下東亞商場裏面嘅街坊酒樓，中秋酒席有三款：三千幾，四千幾，五千幾，我哋揀咗四千幾餐，12位包兩揸鮮橙汁，一支紅酒，茶介加一，唔飲紅酒可以換兩支森寶啤酒。菜色質素係穩定的，合老人家口味，條石斑成兩斤幾重好大條，初時驚佢啲肉會鞋，點知食落又幾嫩滑鮮美。鮑魚12隻，隻隻都好大下，爽口彈牙。十人食12位餐真係食唔曬，一大籠巨型壽包攞返去打包做早餐。呢間酒樓飲茶就飲得多，晚宴係第一次，整體不錯，荃灣大窩口街坊可以一試。

我哋嗌咗流沙包，但最後俾咗個芝麻包難食到爆炸叫攞碗最後擰轉頭走咗去最後要自己搬攞凳爭四張同佢講唔理我哋我哋好聲好氣叫佢攞啲水俾我哋飲住撈起佢向住我哋反白眼以後都唔會再嚟幫襯

作為大窩口區街坊，見啲茶樓執完一間又一間，都好閉翳，東亞商場連百佳都摺埋，成個死場咁，好彩都仲有間似樣啲嘅酒樓。呢間酒樓啲嘢質素正常，嚴格嚟講都算好食，缺點係人太多，點心成日好耐先到，甚至唔到，價錢係實惠的，平日一至五午市孖寶好抵食，假日三個人叫五個點心加個蒸飯都係二百幾，呢間酒樓仲有vip房，比較靜和好坐，每位要加兩蚊，畀多兩蚊就可以做vip。點心方面，蝦餃和山竹牛肉係好食的，好長嘅春卷有三條，三個人夠曬食，黑椒牛肚千祈唔好叫，得五小條，下面全部係芋頭，唔抵食。

放假同家人去飲茶，本來對細商場茶樓都無咩期望，估唔到有驚喜。平日非假期日子有孖寶優惠，兩個點心先至三十幾蚊，仲要包大點特點，十幾蚊一個點心，香港仲可以邊度揾到，另外每人有一粒燒賣送，聽講之前係送蝦餃。食物質素幾好，鹹水角加炸鮮奶，我覺得仲好食過間陶xx, 有小朋友又可以叫啲得意點心，不過如果想服務好，就…一個服務員睇幾間vip房，又真係無咁多時間去照顧啲客呢，其他真係無投訴，最後每人50幾蚊埋單，低到咁仲想點。

早茶點心質素一般，其中蝦餃及燒腩卷賣相很差。其中蝦餃完全是過熟 或 翻蒸 ，其中一顆外皮已爆開，食落亦過咸，餃皮亦韌。燒腩卷其中一顆被壓扁，表皮亦不平滑，味道亦過咸。

同媽咪一齊過來食，完全無法「享受」一張點心紙套餐，自己員工搞錯我地等左成粒鐘未來既食物話冇，廚房冇然後再屈我地點左既係單點既點心然後我叫個經理過來睇佢點處理個經歷過來空我同媽咪唔肯負責之餘將問題歸咎於我地點餐？咩茶樓來？

連普通鳳爪，蝦餃都好難食， 鳳爪排骨飯唐記都好食過佢😅價錢又貴過平時酒樓，公眾假期仲要每樣另外加$5-10Xo醬炒蘿蔔糕，完全冇xo醬同埋好難食。冇試過一間酒樓，樣樣都吾好食😅

第一次系呢間酒樓飲茶，從來未試過d部長嘅態度可以差到咁誇張，根本黎呢度就係比錢買難受。去到搵位，一個短頭髮女性部長叫我同屋企人坐到低係一張6人枱度，結果嗰位部長叫我坐地之後就直接走左，連問我地飲乜野茶都冇，等左兩三分鐘行過去話佢都好似冇反應咁樣。再加埋d野唔係特別好食之餘仲比其他相同水準嘅酒樓貴最少20％，所以極之唔推薦再有人去呢間垃圾酒樓食野，簡直同比錢買難受冇分別。講真嗰句，寧願去樓下大快活食都唔會再去呢間食

不知所謂，等好耐，服務態度超差🤬🤬🤬尤其是肥同瘦嗰啲人，語言態度好差，仲要有啲人扮睇唔到，直行直過，冷氣又熱，完全係一間室外嘅酒樓，俾錢買難受，真係好鬼非常過分

舊同事來電：去吃飯嘍，母親節獎勵下自己，我不假思索，即回：當然要啦。即訂了荃灣德士古道荃薈商場2樓《逸豪軒》，7時入席，吃超值全包宴$2998。6時50分到酒樓，見酒樓門口右側有個非常耀眼的紅酒櫃，紅酒排列整齊，有好幾層，相當奪目，亦方便愛酒之人選用。中間招待處，招待員和藹有禮領我們進入安排好的座位，座位寬敞，雪白的枱布襯托着光亮的紅酒杯，碗，碟，透過天花的燈光，閃閃發亮，灰色皮座位柔軟舒服。裝潢豪華，燈光柔和。金猪全體，皮燒得金黃金黃，熱熱的，皮脆肉甘香，有水准。上湯焗西澳龍蝦伊面，龍蝦肉彈牙，鮮甜，伊面浸透龍蝦的湯汁好好味，又不會過淋，韌度剛剛好，有咬口。胡麻沙律伴蟹拑，蟹拑炸得金黃金黃好香，肉質彈牙，鮮甜，再吃些胡麻拌的蔬菜，一點油膩感都沒有，相當配搭。清蒸富貴花尾班，肉質鮮甜，但不够滑，魚肉有些粘骨，欠些火喉。竹笙海皇燴生翅，味道唔錯，翅爽口，上湯芡汁勾得剛剛好。碧緑帶子皇炒蚌片，青紅黃椒西蘭花新鮮，爽口，帶子鮮甜，有嚼頭，蚌肉够爽但就欠决些鮮味。蠔皇花菇扣玉掌，花菇肉厚，有咬口入味，玉掌夲人認爲炆得唔够時間，比較實，較難咀嚼，但蠔蛗醬汁味道唔錯。脆皮一品炸子鷄，炸的火喉剛剛好

水壺沒水，舉水示意要加水，就算3個人同時舉手，侍應和經理都完美避開視線，到一位女經理埋嚟，我即刻同佢講「唔該！加水」但佢居然咁講：「加水咋！駛唔駛3個人一齊舉呀！」嗰吓火都嚟，等到佢加好放低水壺，我同佢講：「我哋3個人一齊舉手，你哋都完美避開視線咁你哋係咪有問題呀！」佢好唔服氣咁：「係呀！咁唔好意思囉！」咁嘅道歉真心難聽過粗囗，搞到我食都食得唔開心，哩啲咁嘅服務態度，咁無禮貌嘅說話，真係好乞人憎，以後都唔會再去。