連和燒臘飯店

營業中

休息中

喺附近返工諗食乜真係好苦惱，又貴又唔好食，今日一於上open rice攞吓靈感，就發現呢間燒味店最就腳！去到時望見個價錢牌，心諗今時今日竟然仲有23蚊個單拼飯加4蚊有罐可樂，膽粗粗就買咗個叉燒單拼+可樂($27)嚟試吓。。。一食之下叉燒鬆化香口都幾入味，肥瘦剛剛好…份量不少飯又多，開頭都擔心會食唔晒嘥咗，哼哼！唔覺唔覺最後食咗差唔多有8成廿幾蚊食倒5，60蚊質素燒味飯，真心覺得物超所值，附近嘅朋友不防買嚟一試

男人的浪漫 唔一定係豆腐火腩飯，女人的浪漫 亦唔一定係去high tea，雖然high tea我都啱。可以咁講，其實女人都可以食得好粗豪，尤其我呢種已界中年， 永遠 T shirt、波鞋、牛仔褲 嘅中女OL，要我將食物切細細嚿，細細啖細細啖咁食，sorry我做唔到囉，我唔係不顧儀態嘅女人，只不過我喜歡唔扮嘢做自己jei。Lunch time 我就買咗一盒 燒肉、切雞、 鹹蛋 飯 返office食，隔離個靚妹見到我呢盒飯立即 "嘩" 咗一聲，佢話佢要三餐都食唔曬喎，whatever 啦，我就話呢啲先至係女人的浪漫呀。呢盒飯真係正，燒肉皮夠脆，肉唔鹹又有鮮味， 白切雞滑一滑又夠入味，堅係可以話係皮薄肉滑而且仲好有雞味，鹹蛋個黃有起沙而且係鹹得夠徹底，加埋啲蔥油撈起一齊食，正到不得了。一盒燒味飯加罐可樂，呢啲就係浪漫。

這天回家晚飯，家人於新墟的燒臘店買來一盒燒味加餸，簡簡單單又一餐!燒腩仔 ($60)家人說燒腩仔一斤($80)，定價合理! 由於只有2人晚飯，就買了$60 就足夠2人吃到飽.燒腩仔外皮十分之卜卜脆，內裡肉質都很嫩，調味也不算過鹹，當日我一共吃了十多件，飽到呢!下次要叫家人買叉燒回來試試先! 屯門鄉事會路94-110康利中心5號舖