迷客夏 (百寶利商業中心)

營業中

休息中

想試milksha好耐，今日終於試到！▪️芋圓綠茶拿鐵（可轉紅茶底）價錢$31👍🏻芋圓粒入面真係食到有芋頭，茶味濃，綠茶鮮奶有少少薄荷嘅感覺😂👎🏻叫正常甜但都唔係好甜，如果好似我咁鍾意食甜野嘅就可能要叫多甜啦！而且芋圓份量偏少。覺得各方面都普普通通，如果下次再飲可能唔會再叫呢款。

店員係我買之前唔講前面有幾多張訂單未整，包括十幾杯外賣訂單，最後等咗成廿幾分鐘先攞到杯嘢飲。連累到我巴士都miss埋🥲。重點係店員淨係識落單收錢唔識得出單 ，見佢整好咗啲嘢飲擺係到又唔比人，要行埋去問先比。搞到好多人塞係個舖頭門口，唔知係咪想營造到好多人幫襯嘅感覺。個人認為一杯咁普通嘅珍珠奶茶完全唔值得等咁耐，都唔值$29。冇下次！

去飲珍珠奶茶我一向都會飲鮮奶茶，因為用粉沖味道真係唔及鮮奶撞茶嘅感覺。不過有Ｄ人因為唔飲得牛奶無辦法感受真奶茶味道，原來宜家已經可以有燕麥奶選擇🎉我同朋友一人點一杯，睇下邊款茶底夾Ｄ～～珍珠伯爵紅茶拿鐵(燕麥奶底)作為伯爵茶控，燕麥奶同伯爵茶呢個組合比想像中更夾，伯爵茶香味之間依然感受到燕麥奶麥香，加上大量珍珠，其實都幾飽肚。☺️珍珠高峰烏龍拿鐵(燕麥奶底)同樣有突出茶香嘅烏龍茶撞埋燕麥奶感覺味道平均咗，說實話呢個比例其實同用鮮奶差不多，喜歡柔和Ｄ的朋友可以考慮烏龍＋燕麥奶，而且我無聊將呢杯飲品拎返屋企雪到開始變沙冰狀態先飲，仲正🙈

平時大家都會喺旺角行街，一定會想飲杯嘢補充下體力，今次就試返杯嘢飲，不過佢嘅店面唔算太大，勝在見到有人推薦就嚟試吓。-王牌大甲芋頭鮮奶 $33首先價錢來講算係中間水平，今次就叫咗全糖小冰，佢好重鮮奶味，應該係用全脂奶，而且仲食到啲芋頭蓉，飲落去都好順滑，而且成杯嘢飲嘅芋頭味好濃郁，適合芋頭迷去試下，對比其他手搖的質素，呢間都唔錯因為在全糖的情況下都唔算話好甜，所以鍾意淡啲嘅朋友可以少甜或者全糖，而且飲完都好有飽足感。-總括嚟講飲品物超所值，希望下次可以試吓其他佢哋嘅產品。❤️

早排睇雪姨嘅YouTube Channel，有講呢間嘅珍珠奶茶係數一數二好飲，所以決定買一杯嚟試吓。今次買嘅係伯爵鮮奶紅茶，叫咗微糖小冰👍🏼 呢個味糖真係啱啱好，同埋佢個茶底都好重嘅伯爵味😋😋

第一次試 唔錯嘅體驗經常見到有人排隊！👩‍👧奶蓋味好重但係士多啤梨味比較淡飲到底仲有士多啤梨果肉！呢杯都係招牌嚟㗎😋雖然飲品選擇冇其他茶飲店咁多但係飲佢哋嘅招牌已經夠晒🤩

1️⃣手工芋圓綠茶拿鐵 $31 (9/10)🔅念念不忘嘅手工芋圓😍煙韌有咬口 仲食到芋頭蓉😋綠茶底清香🍵奶味香濃(應該係鮮奶)比例完美💯仲可以揀一分甜🍬邪惡得嚟冇咩罪疚感(好複雜)🤣可惜芋圓放耐咗會有啲痴身 難啲啜🤓🎐總結: 睇完網上平台介紹即刻encore😋同事話珍珠系列都好味🧋今個星期第三杯肥水🤰🏻好飽

比較少飲品店會有焙茶飲品，所以每次經過milksha都會買佢地嘅宇治焙茶鮮奶😍呢杯飲品嘅茶味好香，焙茶味濃郁，真材實料！我覺得呢個組合嘅配搭非常之夾，除咗佢地大熱嘅大甲芋頭鮮奶，大家都可以試下呢款😊

迷客夏係我既台式飲品checklist內一直都未去打卡,今日經過旺角既米客夏同樣一如既往地充滿人流,今次終於真正去試我既第一次.甘蔗青茶🎋hkd$27🤟🏻平時飲台式飲品都係偏向鮮水果茶或奶茶多,今次經過米客夏見到呢款從未試過既甘蔗青茶就點左黎試試,估唔到好有驚喜！🤟🏻甘蔗味香甜濃郁而且清香,味道唔會死甜又解渴.🤟🏻加上青茶底清香唔會過過濁,茶底香而清爽,啱晒夏天飲！🤟🏻怕水果茶帶酸又偏甜既人不妨轉轉口味試下呢款甘蔗青茶.

有冇人同我一樣，寧願平時戒甜，都要留返d quota嚟飲台飲😎😎😎 某日行經迷夏客，試咗杯夏日新品，好飲程度遠超乎我想象😱😱🥥 龍眼椰椰3.2免費配料3選2: 蘆薈/芋圓/仙草一入口超重椰香，味道極濃郁而且清涼爽甜！椰香味之餘仲有龍眼味慢慢滲出來，特別之餘仲要好夾😙 飲完先發現原來個名叫3.2係因為每杯足32粒龍眼😱 仲要唔加水唔加冰！😱😱😱免費加嘅蘆薈清爽有口感，再配埋芋圓又有煙韌感，成件事好特別，亦都好夾！！！雖然要40幾蚊，但飲完都超級飽肚，而且超級足料，所以絕對有回頭🤩🤩

不嬲都好鍾意焙茶！試左宇治焙茶鮮奶，茶味好濃！！味道完全唔假！好好飲，但價錢略貴，較細杯，好快就啜哂。仲有呢度啲珍珠係蜂蜜珍珠，冇黑糖珍珠咁甜。欣賞！比較有heart既廢水店🤣！

:: milksha；全天然硬頸製作嘅廢水？::當年仲有得去旅行，喺台中飲咗人生第一杯milksha — 大甲芋頭鮮奶，大為驚艷。後期年紀漸長，缺乏牙力咬珍珠，飲甜嘢又咳，尤如一個阿婆，經常被好友取笑，已經n年無飲廢水。呢杯全天然硬頸製作嘅拿鐵咪啫係珍珠鮮奶茶，不過用咗伯爵茶底，令飲品嘅味道更有層次。珍珠同我嘅醉愛天仁嘅黑珍珠唔同，milksha用嘅係蜜糖特製白珍珠，帶有蜜糖香氣，口感Q彈，但就更甜了（咳咳咳）(･(仝)･)。

手感芋圓配芋泥鮮奶($38)自家製既手工芋圓芋圓粒粒食到芋頭味唔會似一舊粉團鮮奶夠滑芋泥夠蓉幾值得一試之前自己試過係屋企整過芋圓搓到手都軟都係出街買番杯迷客夏好過

見到有人推介呢間台式飲品新出左研發三年嘅芋圓，鍾意芋圓嘅我當然要去試下，就叫左雙Q芋圓椰香雪露（原價$40，優惠價$35，熱，甜度固定）。飲落口就有濃郁椰香，雖然甜度固定，不過飲落唔會過甜，然後就啜到彈牙西米，同埋軟綿綿嘅芋泥，主角芋圓細細粒，同珍珠大小差唔多，食落有芋香，煙韌有咬口，中間仲有芋頭碎。成杯野口感層次豐富，用料十足，實在好似係糖水舖食緊加左芋圓嘅香芋椰汁西米露，食落好飽肚，細食嘅人可能可以當正餐。

今日行街行到身水身汗去咗買迷客夏，呢一間係我最愛嘅台式飲品店之一，質素有保證之外仲要定期有期間限定嘅飲品，所以都要成日留意住有啲咩新產品可以試，夏天除咗荔枝當做之外龍眼都係當做嘅水果，所以佢期間限定出咗一款龍眼爺爺3.2，用32粒龍眼製成，仲可以配搭兩款配料，可以選擇蘆薈、芋圓、仙草，我選咗仙草同芋圓，龍眼嘅味道好濃，因為佢係用龍眼雪成冰再打碎，每一啖都食到龍眼肉，而且芋圓好Q彈，聖杯配合埋一齊好夾，推薦！ ！