迷客夏 (連理街)

營業中

休息中

成日路過milksha見到佢哋嘅甜品杯幾吸引，所以今次就試吓😋米麻糬芋泥仙草杯⭐️⭐️⭐️⭐️⭐️呢個甜品杯可以揀兩種配料，今次就揀咗手工芋圓同白玉珍珠🙌🏻。米麻糬係用北海道白鳥糯米整成🍚，口感好煙韌，芋泥係採用台灣嘅大甲芋頭🍠，口感好綿滑。手工芋圓同白玉珍珠個樣差唔多，但芋圓嘅芋頭味好重🍠，所以一食就分到！白玉珍珠都好煙韌，仙草好滑🔥。仲有椰奶同牛奶，配埋啲配料一齊食好夾🥳，價錢唔貴，又好足料，幾抵食！🤩

明明杯野一早整好左就擺左係到成十分鐘咁耐，整完我個杯先整我前面個張單，我前面張單有得拎都未到我個張，但杯野整好左擺左係到好耐變哂水，見佢終於拎我杯野去啤實，就去左收錢，杯野一早啤好左但死都要做其他單，問佢杯野得未，望都冇望我手拎住個張單就搖頭野都唔識講句，隔左陣先知死死氣叫我張單拎野飲，呢位店員係米玩野？

$28一碗糖水，今時今日邊度搵？手工仙草再可以另加四款配料，真係抵到爛。我揀咗✨手工芋圓✨白玉珍珠✨蜜餞紅豆✨天然蘆薈，打開勁足料，再配埋一兜仔椰汁，絕不馬虎🙌🏻值得寫食評去推薦大家支持👏🏻👏🏻

成日經過呢間 milksha 都見好多人，今日終於買黎試吓飲，完全明白點解成日都咁多人喇。我當然係買最愛既芝士奶蓋茶飲啦，見到佢有個甜品係芋泥，又心思思想試埋，好彩有試到，咁就可以多個好食甜品可以推介俾大家。芋泥麻糬仙草杯，有8款配料可以自由配搭鍾意既口味，成碗一打開滿滿都係料。米麻糬煙煙韌韌唔會黏牙，但又唔會好似糯米糍咁韌，較滑嫩。仙草滑溜Q彈帶微甜，配料我揀左芋圓同埋手工綠茶凍，芋圓口感彈牙帶有芋香，手工綠茶凍食到清新茶香味道。甜品會配埋鮮奶，可以加埋仙草杯一齊食，真係好好味。芝士奶蓋四季春，奶蓋奶味比芝士味重，芝士味略嫌唔夠香，奶蓋口感順滑，濃稠度適中，總括都係好飲既奶蓋，飲得出係用鮮奶同奶油打出黎既，唔係用粉開既奶蓋。Milksha地址: 坑口培成路15號# Milksha #迷客夏 #將軍澳 #坑口 #真奶蓋 #芝士奶蓋 #芋泥 #米麻糬 #手功

手工麻糬仙草杯 已經encore過無數咁多次🤪最近終於都比我呢個芋泥控等到 #大甲芋泥仙草杯 喇‼️大甲芋頭嘅香同軟滑仙草真係好夾😗怕太heavy 嘅我除左叫左綠茶凍黎中和下🍵 中意椰奶嘅朋友可以由預設嘅椰奶牛奶轉椰奶/牛奶🥥🥛不過我本身就中意純牛奶，一野食哂成杯無問題！！下次要食埋佢米麻糬芋泥仙草杯先得💪🏻💪🏻

汙泥仙草蘆薈粒杯，汙泥偏甜，仙草滑嫩清香，帶有淡淡草本味；蘆薈粒爽脆多汁，增添清爽感，但人手不足，出單比較慢😴，價錢36，尚算合理。如果下次購買時可多加人手，因為真係等左成20分鐘先有🥱

每次經過都要叫杯巨峰葡萄冰茶，佢飲落去一啲都似糖漿味，甜度冰度都可以自己揀，每啖都覺得好清新🥰而且入面有好多果肉食得出唔係普通提子味，係巨峰葡萄👍🏻推薦推薦🤗

一直飲開Milksha既凍飲,夠哂清涼解渴,所以同朋友去街打算買返杯來飲,點知去到發現新推出左兩款天然自家製台式手工仙草杯,咁就點都要試下!♡手工仙草杯- 手工嫩仙草 + 4款手工配料♡手工麻糬仙草杯- 手工嫩仙草 + 北海道米麻糬 + 3款手工配料一共有8款配料,全部都係每日門市新鮮製作,可以自由配搭出自已喜歡既仙草杯☆手工麻糬仙草杯滿滿一杯混合手工嫩仙草,北海道米麻糬同自由配搭3款手工配料,仙草滑溜又Q彈,用日本北海道糯米整成既麻糬煙煙韌韌又唔會黏牙,另外加左芋圓口感彈牙唔會食落覺得好粉,蘆薈清爽滑溜,手工綠茶凍食到清新茶香味道,仲有一盒花奶,可以按自已喜好加入仙草杯一齊食,真係好好味

@milkshahk 呢間手搖大家應該成日都聽到我自己第一次飲就喺康城店當時係飲大甲芋頭鮮奶今次見到佢有🆕品係米麻糬芋頭鮮奶上次點大甲芋頭鮮奶已經好鍾意今次仲加埋麻薯喺入面真係冇得輸❣️❣️❣️佢呢款甜度係冇得選擇嘅因為店員話冇加糖 佢啲米麻糬嘅質地唔係硬身嘅係一咬即化個種 黏性比較重但又唔會飲完好頂胃真心大推要加埋麻糬一齊❣️另外一款叫咗伯爵紅茶拿鐵加綠茶凍少甜去冰伯爵茶味非常濃郁突出但茶葉味又唔會苦澀加咗綠茶凍會令整體甜度下降真係好啱鐘意茶濃嘅我❣️❣️下次會飲埋佢嘅巨鋒系列😌😌😌😌😌😌😌

呢排天氣好熱,成日都要渣住杯凍飲解渴,今次去左來自台灣既Milksha,簡左甘蔗青茶同香柚綠茶,飲落凍冰冰,就算拎到返屋企飲一樣咁清涼解渴,夠哂消暑☆ 甘蔗青茶(一分糖,少冰,蘆薈)甘蔗汁味道濃郁,加左一分糖甜甜地岩岩好,配青茶味道幾夾,原來青茶係烏龍茶,飲落幾好飲☆ 香柚綠茶(一分糖,少冰,蘆薈)西柚汁同果肉加入綠茶,飲落有D微酸微苦,同時飲到茶味,好岩夏天飲,夠哂清爽

📍HONG KONG 📍#迷客夏有冇人同我一樣好唔鍾意飲到有奶精嘅手搖🥹所以今次就試咗成日都好多人排隊主打鮮乳嘅迷客夏🧋#米麻薯芋泥鮮奶作為麻薯愛好者連飲手搖都可以飲到麻薯真係好幸福🤣重要佢嘅麻薯就算係芋鮮奶入邊都有米味🍚芋泥重食到顆粒無打到爛哂🥰加埋好香嘅奶味🥛成件事岩岩好，帶有芋頭嘅甜🥹佢係冰同糖都固定左，但又無話太甜🥹不過對女仔黎講佢當一餐飯咁食真係得，勁飽即刻罪惡感感咗一半🤣🤣🤣#宇冶焙茶鮮奶今次重加左紅豆🫘由於紅豆都甜，所以揀左一分糖就完美佢嘅紅豆係完整一粒粒咁🥹茶味都算幾香🥹不過佢有幾種都係糖度固定，怕甜嘅就要留意吓喇

坑口嘅手搖飲品店選擇唔係好多～OpenRice咗好耐之後都係決定飲milksha~去到都糾結咗好耐究竟飲咩好😂😂😂🍵宇治抹茶🍼鮮奶 （丸久小山園使用）丸久小山園～聽個名已經知道係好嘢😂😂抹茶味好濃😍😍😍抹茶粉唔會一嚿嚿，再配埋香滑嘅鮮奶🍼🍼 兩者嘅比例平衡，好出色👏🏼👏🏼👏🏼推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️️⚡️再訪：Yes

店員姐姐好好人咁提我Like左IG post就可以免費轉做燕麥奶(本身要加$6）芋泥口感幾好，泥入面都有啲粒粒，幾有咬口。但燕麥奶就唔係好有燕麥香味，可能比芋頭搶左fo~我已經叫左微糖，但整體黎講有少少太甜。

飯後活動 梗係飲返杯手搖飲品🧋手搖店周街都係，不過人大咗就冇咁鍾意飲珍珠奶茶，見到MILKSHA就諗住試下啲特別野🤭🔸巨峰葡萄冰茶 $31店員話冇額外加糖，所以冇得走甜，見佢整嘅時候巨峰汁仲有隔渣，飲落去冇藥水味，成件事好清新，茶底都唔錯👍🏻👍🏻👍🏻🔸米麻薯芋泥鮮奶 $41一樣都係冇額外加糖，麻薯質地好軟糯，但唔黐牙同無死甜味，芋泥裏面有少少芋粒，口感昇華，兩樣嘢嘅份量都多，佔咗嘢飲接近一半，每啖都會飲到芋泥同米麻薯，都幾飽肚🤭

我覺得香港嘅巨峰葡萄系列比台灣嘅版本細杯好多希望香港可以出個大杯版芝士奶蓋太稠我比較鍾意水啲嘅但係我覺得巨峰葡萄系列嘢飲加蘆薈超好飲所以最終我覺得巨峰葡萄系列嘅嘢飲好好飲但係仲可以努力改進