迷客夏 (The LOHAS康城)

營業中

休息中

龍眼椰椰3.2💰$46😈見呢期個個都試呢個龍眼椰椰🤤佢話用左32粒龍眼整死頭頭我以為真係左32粒原粒😂佢飲落好重龍眼味都幾Fresh同埋椰汁味好濃我仲揀左芋圓真係超足料😣頭頭見佢$46都覺得有少少貴不過飲完我真係飽左成個下午所以一杯都可以接受既

嚟到康城想飲杯台式嘢飲就一定要黎呢間milksha啦😍😍呢間店係台灣排名第四嘅。佢有好多唔同嘅台式嘢飲選擇，而比較出色嘅係芋泥牛奶 💕不過我飲過好多次lu 。所以今次我比較想試吓佢嘅芝士奶蓋茶。佢嘅芝士比較厚身，帶係有少少嘅鹹味。茶底有幾款選擇，茶味好香好出。可以先試下就咁飲芝士嘅味道，再將芝士同茶混合一齊飲兩種飲法都相當好飲。希望之後有更加多嘅機會試吓其他味道啦。真心推介大家都可以試吓呢間嘢飲！

今日嚟到Lohas Park康城商場，行行下覺得有啲口渴，咁啱就見到Milksha迷客夏，聽個名就知道佢以奶做主題啦今次我叫咗個佢哋由台灣大學生票選Top 4嘅珍珠手炒黑糖鮮奶1️⃣ 珍珠手炒黑糖鮮奶 $30呢杯飲品嘅甜度係已經set定咗，所以係無得調教甜度嘅，好在佢嘅黑糖份量適中，飲落去唔會好甜👍🏻而鮮奶非常細滑，亦可以飲到黑糖有烘焙過嘅味道。啲珍珠係有少少透明，食落口感煙煙韌韌咁，好有咬口。但佢唔係餐牌入面嘅相咁，有黑糖掛喺杯邊，一度以為係唔係出錯咗😅

每次經過都好多人幫襯心諗味道應該都唔錯叫左杯珍珠手炒黑糖鮮奶等咗20分鐘終於出現但同幅圖相差好遠完全冇黑糖糖漿我仲以為佢搞錯仲問清楚係咪我杯野😂啲珍珠係幾好咬但飲落真係完全冇黑糖味淡過貓尿👎🏻👎🏻👎🏻果然圖片只供參考

見到個店名有個milk字，應該主打係milk。見到有多有芋圓嘅飲品，本來都想一試，不過而家啱啱食完飯，好飽，所以都係下次先試芋圓，今次飲咗多芒芝芝先$44杯，one size，估計大約500~600ml，不算太大杯。芝士奶蓋： 係偏咸嘅，可能因為我會分開飲（先飲晒上面D芝士奶蓋，之後再飲下面嘅芒果汁/冰）有關，所以唔知mix埋會唔會好D。芒果係我其中一個至愛。呢杯多芒芝芝，好明顯飲到入面有少少芒果肉，而且味道自然。雖然唔係我飲過最最最好味嘅奶蓋芒果飲品，但都已經屬於高質嗰批。不過性價比就……

第二次經過這間 - 迷客夏 終於客人沒有那麼多！茶飲的價格相對不少店都較為便宜，而且這裡有幾杯飲品🥤 ～我都感興趣的啊珍珠伯爵紅茶拿鐵 ($30) -又名珍珠鮮奶茶！這裡的"珍珠"是白珍珠來喔跟平常吃開的黑珍珠不一樣，口感更有咬口且不會很甜另外這杯也可以選少甜少冰 🧊 喝起來甜度剛好反而帶出淡淡的紅茶味道，不過要說的話好像奶偏多一些。朋友點的則是 - 芋圓4.2 ($39)除了基本的芋圓外，還可以四選二配料～香濃芋泥+珍珠+芋圓，不論是口感還是味道也很配！

今次要介紹下康城站 Lohas Mall 商場內的。Milksha - 迷客夏。推介一下大家試兩杯飲品 珍珠手炒黑糖鮮奶 & 珍珠伯爵紅茶拿鐵呢兩杯都奶香味濃又非常滑，一般外面飲嘅珍珠都係深啡色或黑色，而呢間唔一樣，呢間啲珍珠係奶茶色，但甜甜地咬好非常好！。珍珠手炒黑糖鮮奶。黑糖味道好濃厚有啲烘焙味，鮮奶亦非常細滑，超正！。珍珠伯爵茶拿鐵。茶味香濃但並沒有蓋過奶香，兩者融合得非常好！大家見到呢間店不妨試吓，正所謂行過路過咪放過🤣

除咗將軍澳，銅鑼灣、旺角同荃灣都有分店架！睇返ig原來milksha強調係使用鮮奶及天然無添加食材，啱晒想飲台式飲品又想健康啲嘅我😝！•🥢 王牌大甲芋頭鮮奶 (熱) $34芋頭鮮奶係milksha Top 1飲品，一定要試！芋頭蓉入面仲有啲細細粒嘅芋頭，保留咗芋頭嘅口感，芋頭粒軟硬適中，飲落好香芋頭味，唔會比奶味蓋過咗，整體唔會好甜～•🥢 珍珠伯爵紅茶拿鐵(凍)(少冰) $30伯爵同紅茶嘅配搭幾好，茶味香濃，令到奶味冇咁明顯，但佛手柑香氣就唔係幾感覺到😂 無添加嘅白珍珠好煙韌，有咬口！•🥢 珍珠手炒黑糖鮮奶 (少冰) $30就咁睇賣相同普通珍珠奶茶都冇咩分別，唔似其他店嘅黑糖鮮奶/佢哋餐牌相入面咁有啲黑糖掛咗係杯邊，所以有懷疑過係咪出錯咗，但飲落有明顯黑糖嘅焦香味～ 不過都有啲奇怪🤨•

第一次飲，好有喜茶feel,好飲叫左多芒芝芝沙冰+草莓優格沙冰芒果雖然不多，但都有芒果肉，先飲一啖奶蓋，好正，好rich, 之後將奶蓋mix沙冰，減淡奶蓋rich度，增加芒果沙冰奶蓋度飲一啖草莓優格，有d酸，原本以為優格係mix落沙冰，原來係放面，同奶蓋擺法一樣，不過搞勻都好飲既推介！飲落同喜茶90%似，價錢都差不多，容量都夠，不過飲完一杯又想繼續飲😆😆😆😆😆😆😆😆😆😆😆😆😆😆😆

康城新商場開幕後，陸陸續續有唔少新商戶進駐康城站，而呢一間台式飲品店亦成為其中一個焦點💛 迷客夏係銅鑼灣、旺角都有分店，一直都好受歡迎，亦得到好多人既支持，而康城商場既呢一間分店，裝修以簡約設計為主，空間感非常大，仲設有座位比客人坐低慢慢飲嘢～ 雖然佢哋主打既熱門飲品係芋頭鮮奶，不過今次點左珍珠香綠茶拿鐵都覺得幾唔錯，嗌左少甜，茶底幾香滑配上甜甜地珍珠，甜度岩岩好，而且珍珠都好有咬口，整體幾滿意💛～

每日經過都見到好多人買今日終於試了！-叫左佢個第一名，大甲芋頭鮮奶（$34）可以少冰或走冰，但甜度就固定好好飲😍😍😍難怪佢係招牌又多芋頭，飲完（/食完）超級飽肚🤤好邪惡😍.朋友就叫左芝士奶蓋烏龍加珍珠（$36）呢款就可以選擇甜度芝士奶蓋好厚加滑，好飲過喜X啦又是好好飲🤤-店內仲好有空間感，唔係只係takeaway店，仲有d位可以俾人係入面坐低慢慢飲/等野飲時坐低等一等，而且d位與位好疏，幾好幾好。MILKSHA (#康城）#fika.foodie

日出康城商場第二階段早排終於開幕🍻，有很多商戶已經開始投入服務，當中有不少餐廳、超市、賣首飾的小店及藥房。我更發現了一間我很喜愛的台式飲品店-迷客夏🥳1️⃣王牌大甲芋頭鮮奶$33堅持使用台中直送的大甲芋頭，以人手壓蓉，香滑的鮮奶配上濃濃的芋頭蓉，味道濃郁，芋頭控絕對不能錯過！😌2️⃣草莓優格/草莓芝芝🍓$39用歐洲的草莓打成沙冰，裡面還吃到草莓果粒，入口酸酸甜甜，配上濃郁的芝士奶蓋。喝一口草莓沙冰感到很冰涼，再喝下幾口芝士奶蓋🧀感到很滿足。😝

一直都是milksha迷的我，最近見康城的The LOHAS開幕，竟然有milksha分店，十分驚喜，專誠帶女友一同前來朝聖一下。一向鍾情熱飲而且對芋香念念不忘的我，為回味一下，果斷叫左杯大甲芋頭鮮奶。而女友就老舊點了一杯伯爵紅茶拿鐵。經過一輪打卡後，終於收到兩杯飲品，急不及待馬上品嚐品嚐。可是結果強差人意，我的熱大甲芋頭鮮奶竟加了比常溫還要凍的鮮奶，完全稱不上是熱飲，味道是保持水準，但不是預期的溫度。而女友的伯爵紅茶拿鐵亦無故加了珍珠，珍珠蓋過原有茶香，難以認真品嚐，有點令人失望。