影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
今日去咗Milksha試佢哋嘅茉香綠茶拿鐵，真係好有驚喜。第一啖入口，淡淡嘅茉莉花香即刻撲鼻而來，令人覺得好清新。綠茶同奶嘅比例調得非常好，茶味唔會被奶蓋住，唔會過甜，令我好滿意。另外，飲品嘅甜度可以自己調整，呢點我覺得好貼心，因為我鍾意中低甜度，咁樣可以更突出茶香。杯身設計都好精美，感覺高級，無論係外賣定堂飲都感覺幾好。如果你係茶控，又鍾意奶類飲品，呢款茉香綠茶拿鐵真係值得一試。唯一美中不足係價錢稍貴，不過質素確實對得住呢個價錢。
繼續閱讀
夏日涼爽爽，整杯milksha金鑽鳳梨椰椰爽台灣當季嘅17號金鑽鳳梨🍍嚟咗Milksha啊！原創飲品🥤金鑽鳳梨椰椰爽🥥由台灣果農採摘，金鑽鳳梨甜度酸度平衡，果肉爽口，加椰汁打成Pina Colada風味嘅沙冰🍧再加上yogurt / cream/cheese 🧀做topping，每種配搭層次與風味各有不同😋呢個夏天，一定要Encore 再encore啊！#夏天必飲 #台式飲品 #金鑽鳳梨 #台灣在地果農
繼續閱讀
廢水迷注意‼️MILKSHA全新推出原創飲品金鑽鳳梨椰椰爽🍍🥥仲可以任意揀自己鐘意嘅Topping(芝芝/優格/忌廉)😌唔洗諗我一定揀芝芝😍香濃既芝士味估唔到又同菠蘿椰子幾夾喎🤭採用台農17號金鑽鳳梨🍍，甜度酸度岩岩好🤗你地都快啲試下啦～
繼續閱讀
環保外賣紙碗紙匙羹很紮實手工仙草杯$28 芋圓+珍珠+紅豆+多一份仙草雖然冇其他連鎖芋圓店咁大碗，但係$28仙草底再可自選四種配料就絕對超值 。而且我覺得其他連鎖店大碗都係因為超多水份，而Milksha呢碗就淨係配料，額外附上一小盒椰漿，反而咁樣就唔會水汪汪，味道唔會咁淡 。Milksha嘅珍珠同芋圓基本上size差唔多，透明啲嗰粒就係珍珠。倒咗椰漿落去之後都睇唔出邊粒係芋圓邊粒係珍珠 ，𡁻起上嚟比較煙靭嗰粒就係芋圓。手工麻糬仙草杯$32芋圓+紅豆+多一份仙草另外我今次都在試買麻糬仙草杯，佢哋個麻糬甜味剛剛好，麻糬本身比較軟糯，有啲似日本湯煮年糕 。放咗喺碗底，要撩上嚟先食到，淨係食麻糬都好滋味。比起其他芋圓連鎖店，四十幾五十蚊先一碗嘅芋圓仙草凍，呢個價錢呢個質素絕對可以無限encore。本來只係買開首條飲品嘅Milksha隔咗呢兩隻甜品帶來驚喜，希望佢哋會一直買落去。
繼續閱讀
一向有飲Milksha嘅飲品，早排特別鐘意米麻糬芋泥鮮奶😋近日就新出埋甜品㖭，仲要係有麻薯嘅手工麻薯仙草杯😍🤍手工麻薯仙草杯💰$32用上日本北海道白鳥糯米做米麻糬☺️今次用椰奶代替鮮奶😍一樣好飲👍🏻除咗麻薯、仙草，仲可以揀三款配料，我就要咗手工綠茶凍💚、手工芋圓⚪️、蜜餞紅豆🫘米麻糬軟身有米香，綠茶凍同仙草一樣細滑，口感涼快，必加蜜餞紅豆，好夾‼️👉🏻留意米麻糬每日限量供應，部分門市好早就賣完👈🏻🚩Milksha @milkshahk 📍銅鑼灣/旺角/荃灣/尖沙咀/康城/坑口/又一城/東涌
繼續閱讀