農米莊 (厚福街)

營業中

休息中

服務員態度勁差，以後唔會再去。懷舊雞湯米線一啲雞味都冇，麻辣米線冇麻辣味，不如自己落啲辣椒油仲辣過佢。食譚仔仲好食過佢，大家唔好去中伏。超級唔推薦。坐半個鐘就叫我哋走，咩垃圾服務態度。

厚福街餐廳眾多，好多餐廳都價錢偏貴，而性價比最高既，不得不提農米莊喇。今次向大家介紹既就係 呢間以健康養生做招牌既 農米莊。打開menu 既第一頁，除佐花膠米線同埋龍蝦米線之外，全部米線都係60零蚊，價錢廉宜。我同友人分別叫佐黑蒜雞湯米線 同埋 龍蝦雞湯米線。龍蝦雞湯米線 （$118） 一上枱就見到大大隻龍蝦。龍蝦肉份量兩啖就食哂，鮮味欠奉，有啲失望。反而湯底有驚喜，啖啖都有龍蝦既味道。雞非常嫩滑，每舊雞肉都接近無骨，份量亦十分充足，對得住價錢。黑蒜雞湯米線就係友人叫佢，我無食所以評論唔到。

門口嘅宣傳單張寫住一碗可以連湯都飲哂嘅米線，睇咗餐牌一陣都有我想食嘅材料，所以就一個人入去試下，叫咗一個柚子雞湯豬軟骨米線，講多個湯咁好味我當然有好大嘅期望同滿心歡喜啦，因為我本身就係好鐘意飲湯。碗米線到左我即刻飲第一啖湯，無柚子味，再試第二啖都係好淡而有好d d嘅雞味，如果唔係有少少雞油都無嘅雞香，情況等於我叫一個清湯冇乜分別，淨飲都唔夠味，我仲加上豬軟骨配米線，味道都俾豬軟骨搶咗！所以真係唔好信佢嘅誇大，餐牌上邊形容得真係好大落差，除咗飲頭兩啖湯之外，我已經冇mood繼續飲落去

本人真的回味又回味花膠雞湯米線同避風塘軟殼蟹，酸菜魚，2個月後一次又一次回到口福街農米莊食，好似中咗魔法一樣，又2021到现在好似女友一樣(每次我太想你)，花膠湯勁濃郁(親民價咶$118🤪，避風塘軟殼蟹68蚊(如果喺尖沙咀區起碼平一半)，酸菜魚108好多魚片真的連湯的不放過(尖沙咀區1個酸菜魚起碼2佰-3佰元起)這鋪頭做親民同貼地，唯一離地淨收現金(有個伙記話美金都可以但一對一)

#20230223 🤍📍 農米莊 尖沙咀厚福街2號地舖 🍽️旺角豉油街68號地舖太子通菜街154號地舖——————————————————————————————#太極鴛鴦皮蛋 $28💭 上菜果陣其實🐷已經有啲唔太鐘意😣明明二人位側邊有好多位可以上菜，唔明個店員哥哥點解要推開🐷夾硬係條隙仔都上菜🙈鴛鴦查實就係平時黑色皮蛋加黃金皮蛋，每樣一粒開4份咁就$28🤑黑色果陣都正正常常，隻黃金皮蛋啲質感似放左好多日咁，食落似咬緊膠咁韌，食完即刻掛住三哥啲皮蛋.#黃椒雞湯米線 $52💭 湯底唔錯，第一啖無為意飲比啲椒味辣親😅岩晒鐘意胡椒味既朋友，睇menu幅相無蔥所以無叫走蔥，果然圖片只供參考，一尼到🐷就要挑返啲蔥出尼，不過如果鐘意食蔥既朋友應該會開心，因為佢比蔥都比得幾重手😅挑蔥期間仲比🐷揀到有發泡膠粒😑.#芫荽雞湯米線 $59💭 湯底同Ben哥米線極相似，都係有好多芫荽溶係底，完全滿足到芫荽控既要求🌱兩款麵都係跟農米雞件，有髀位都有胸位好公道，而味道基本上就係燒味啲白切雞🐔仲要斬唔開果隻，啲皮又好多油，落晒碗湯度就算碗湯幾好飲都飲唔落😔

由於朋友想吃雞湯米線，於是陪她來到尖沙咀的農米莊。每人點了一款米線，並點了一份花雕溏心蛋share來吃。花雕醉雞湯米線，雞件份量適中，肉質算不上滑嫩，但都叫啖啖肉。本以為是醉雞，實質只是普通白切雞。米線麵質偏稔，湯底也不太嚐到花雕酒香。這樣的一碗米線就是3款之中最貴的一款，完全不值這個價錢。花雕溏心蛋，上桌時，朋友說這份花雕溏心蛋與她平時吃的賣相不同，向店員查問是否上錯了普通溏心蛋。樓面店員問我們是否需要更換後，就走到出菜口附近跟廚房內的員工說：「人地話唔係花雕溏心蛋喎！」廚房內有員工走出來強調這是花雕溏心蛋，又問我們是否要換。店員在我們面前倒掉原本那一碟，換了另一碟來，其實只是普通溏心蛋再額外加入少許酒。如果醃溏心蛋的時間未夠長，向客人說當日售罄，未能下單會比較好吧？食物味道普通，又不抵食。我們已不是要求有什麼高質素服務，但差勁的待客態度，絕對是本人blacklist的一家店！

呢間長期都要排隊 因為佢有一隻午市米線一碗只需$35抵到無倫環境就小小迫不過價錢放係到冇咩所謂啦~,隻$35米線可以係$6/$8概餸入面任選一款~我就係見今日冇人排隊就沖左入左叫碗黑椒牛肉丸雞湯米線試下!黑椒牛肉丸雞湯米線$35雞湯湯底雞湯味濃微甜清香,可以飲得概湯底雖然得一個餸但係佢概配菜夠多,有木耳,豆卜,支竹,原隻小冬菇,D菇類總體都幾鮮味而黑椒牛肉丸黑椒味重到飛起,咬落彈牙有口感米線就正常野不過加埋D湯飲都正想平食午餐概農米莊地址 :尖沙咀厚福街2號地舖 電話號碼:35967908營業時間:星期一至日07:00 - 23:45 / 00:00 - 02:00#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物 農米莊#黑椒牛肉丸雞湯米線 #厚福街 #雞湯米線 #黑椒牛肉丸

-叫個泡飯，坐低落單5分鐘左右，黎錯咗-等咗20分鐘，催第一次，再等多10分鐘，再催單。等等下，嘩，就黎40分鐘都黎，犀飛利喎！🤬-個男員工態度世界級，同佢講野食等咗好耐，眼尾望你一眼就走咗去🤡 睇返啲差評先知唔係第一次咁-嬲到話唔食啦走啦嗰下，呀姐先話：出啦喎。你食埋我嗰份啦，遲過我黎既個個都有野食緊啦-想受氣就繼續食啦，食西北風食到一肚氣-食過好多次旺角都好好，估唔到第一次試尖沙咀就咁差既經歷

🍴椰子雞湯米線 $48 另收加一 (6/10)椰子雞湯微甜清香，冇味精，不過真係好淡，冇乜味。椰子味唔算好濃，但叫做冇品精。米線都幾滑，軟硬適中，雞件有五舊，正常唔鞋口，呢個價錢味道普通，但都抵食，真係好大碗！🍴爆芝松露墨魚餅 $38 另收加一 (5/10)墨魚餅上面芝工都好香濃，有松露味，但墨魚餅唔夠彈牙，食唔到墨魚味，仲有啲拿口🥲🍴尖椒皮蛋 $24 另收加一 (4/10)酸酸辣辣嘅皮蛋，有少少鉛味，普通啦！🍴凍檸茶 +$5 另收加一 (6/10)正常檸茶，查唔會太淡，檸檬都新鮮嘅。推薦指數: 5/10味道普通，唔會再食，但真係平同大碗！唔明點解加一？收貴廿蚊勁唔抵🤣🤣

本來盡可以都逃離人群既我，今平安夜毅然衝去尖沙咀，同人逼，目的就係買個充電氣泵，為聽日25號聖誕節，上山避世！🎄🛍️🎉🎀尖沙咀除左多人逼影海港城出面棵聖誕樹之外，就係好多人排隊等食嘢，所以大時大節一係預早訂枱，一係比正常食飯時間早去食左先，而我就揀左後者～「一碗可以連湯都飲晒嘅米線！？」🤔🤔認真一問，平時食米線既朋友仔，你地會唔會飲埋個湯？我自己係會既，不過次次都因為個湯底太咸，最後都唔會飲晒個湯。去到因為7點半都未到，難得門口無人排隊，即到即有位，一行二人，試左個“椰子雞湯米線-養顏首選”同“黑蒜雞湯米湯-健康之選”仲有黑金雞翼。椰子雞湯米線-養顏首選🧉🐔$59一黎到，陣椰子味就籠罩住成碗米線，而且碗湯雖然出晒煙，但放落口溫度啱啱好，對於無食晏既我嚟講，係幸福感☺️講返碗米線，奶白湯底加上淡淡既椰香，仲有少少椰肉碎，令我飲完一啖又一啖，雞係非常驚喜，胸肉軟林，雞味強烈，識食一定食雞胸（有雞味之餘又唔肥）黑蒜雞湯米湯-健康之選🍜$60喜歡黑蒜既朋友或者會對個湯底失望，因為佢無某即食麵個黑蒜味咁強勁。話晒呢個湯都係比人飲，唔係比人拌麵，所以相對地係比較淡，呢個湯係可以不斷飲而唔覺得咸既。米線

龍咪裝完全係藥膳米線嘅天花板，可以話係無論邊一款嘅雞湯米線都係咁出色，而且上菜速度有快，員工嘅服務都唔錯，真係非常之出色。尖沙咀呢一間農米莊雖然個鋪面比較細，但係位置都算多，上菜速度非常之快，個人最鍾意嘅款式就包括係藥膳雞湯米線同埋椰子雞嘅米線。藥膳雞湯米線嘅藥膳味都幾足夠，另外配上云爾同埋蟲草花嘅話更加能夠突顯到藥膳嘅味道，而椰子雞就係冬天必定會食嘅一個菜式，成個湯係幾乎可以全部飲晒，而啲雞翼都係充滿咗椰子嘅奶香味，真係好正

近排搬咗嚟尖沙咀，有時想食好食嘅宵夜，因為我個人都有啲奄尖，鍾意食嘢又左揀右揀，經朋友介紹話，尖沙咀有間米線店好好食，好多湯底揀咩味道都有，我心諗最多咪麻辣，酸辣果啲，會有幾多湯底揀？不過既然想搵好嘢食，當然都要去實證下，原來呢間米線舖主打雞湯米線同養生米線，唔單止有基本麻辣，酸辣基本湯底，如果鍾意食辣，仲有一隻好特別嘅黃椒雞湯米線，呢款味嘅湯底米線，我喺出邊都冇見過，我男朋友又係鍾意食辣，所以佢就叫咗個黃椒食，我偷偷攞咗佢一啖湯飲真係好香，果種香味真係唔識點形容…..我本身就鍾意食藥膳，所以就叫咗一個藥膳雞湯米線食，我咪成日買到你就好香嘅藥材味，仲有蟲草花紅棗望落去已經好滋補，冬天食就啱晒😋

Hello 大家好👋🏻！今日我嚟到位於尖沙嘴厚福街「農米莊」。 成日聽朋友話佢哋啲雞湯米線好食，今次真係試到啦。 撇除店員服務呢啲其他因素， 佢哋個雞湯米線的確唔錯😋。今次同大家分享一下佢哋嘅「懷舊藥膳雞湯米線」。 美食攻略：藥膳雞湯味道香濃，有濃郁嘅藥材味，感覺暖入心。 米線爽口彈牙， 雞件嫩滑鮮味，係呢啲凍冰冰嘅天氣，食一碗藥膳雞湯米線，成晚都暖笠笠。 美食指數：5🌝最高味道：🌝🌝🌝🌜🌚環境：🌝🌝🌜🌚🌚服務：🌝🌝🌝🌚🌚賣相：🌝🌝🌝🌚🌚

係尖沙咀想揾間平平哋嘅餐廳填飽個肚就算啦，係厚福街度揀餐廳嘅時候就俾「一碗可以連湯都飲晒嘅米線」吸引到，即管試吓有幾好飲。-💔椰子雞湯米線一上到嚟見到個湯底係白色，同我expect嘅透明椰子湯唔同。飲咗一啖湯，即刻好失望，湯底係椰絲味，唔係椰青好清甜嘅味，味道亦好淡，冇肉味，好似溝咗好多水咁，只有奇怪嘅椰絲味。🤢絕對唔會想再飲多啖！雞肉就唔錯，幾滑。米線就偏軟身。-餐廳入面好逼，快快手食完就走咗。

夜媽媽天氣凍，諗住食碗米線叫左個椰子雞，飲第一啖已經知係溝出黎，米線又吾熟，湯又難飲，從來未食過甘難食既米線！侍應服務又差，十問九唔應，仲要傳聲筒，拎杯冰都一個傳一個，中哂伏！！