農米莊 (厚福街)

第一次食麻辣鴨血雞米線個口感真係好一般😫佢嘅辣味好似好重胡椒味咁概括晒鴨血味同埋啲雞味成碗嘢剩係得個辣字 已經叫咗小辣仲好辣本人就覺得麻麻 完全突顯唔到鴨血同雞辣到食唔落去 最後放棄😂…查看更多

藤椒魚皮 $58沒有很多地方有這道菜式，這道菜冷盤，爽口魚皮加上青花椒以及辣油味道很配合，令人在三回。椰子雞湯米線$59 上台的時候便聞到很濃烈的椰子香味。湯是濃郁的，但是米線還米線，雞還雞，湯還湯，雲耳還雲耳，冬菇還冬菇，最入湯味的是豆卜和腐皮，整體感覺是把配料放在一起然後放上湯，有點失望。懷舊藥膳米線$59這個跟椰子雞湯米線是一樣的，配料跟湯是沒有關係。雖然湯的藥材味很濃烈，但是吃下去的感覺是全部分開的。同一條街另外有一間台灣的藥膳湯麵店，之前吃過。湯，麵及配料可融合在一起吃，如果兩間比較，台灣的那間會更出色。#小師奶 #美食 #尖沙咀 #不推薦…查看更多

今日我去佐尖沙咀一間食米線嘅餐廳，叫佐佢地既早餐首先係香腸，外脆內嫩，咬落去汁多味美，完全唔會油膩，搭配番啲辣椒醬，仲有一陣香味，真係好開胃。再嚟就係太陽蛋，蛋黃流心，我鍾意用餐包嚟沾蛋黃，食落去既有蛋香又有牛油味，口感真係好正。講到牛油餐包，食過之後真係唔想再食其他包。牛油香濃，外脆內軟，食完仲會想再來一份。再加上五香肉丁公仔麵，肉丁味道入味，五香粉嘅香氣好突出，麵條又Q彈，真係食到停唔到口。最後，熱菜蜜就係畫龍點睛，甜甜地嘅味道，真係好搭整頓餐。整體嚟講，今次嘅餐點真係好滿足，心情都好好！下次再嚟試下其他嘢！…查看更多

.豆豆哥哥今日仲放緊假😋突然好想食米線🙌🏻所以帶咗佢出尖沙咀厚福街🍜🌴【農米莊】養生系米線控食lunch🤗💥頭批殺入香港嘅「養身椰子雞湯米線專門店」！9年老字號堅守💪無味精+真材實料～太子/旺角/TST都有分店，仲有到會服務👌 🔥湯底真係冇味精！飲完唔會狂飲水～信我！👏🌟必嗌招牌🌟 ✅「花膠鮮雞湯米線」👉🏻花膠厚身到嚇親！🐔雞湯鮮甜到飲晒成碗都唔口渴～養顏首選👩❤️ ✅「沙嗲雞湯米線」🥜沙嗲控尖叫！濃香惹味撈埋米線一啖入魂🔥 ✅「養身椰子雞湯米線」🥥原個椰青水熬製！清甜到似喺泰國🇹🇭食極都唔會膩～ 🍗邪惡小食Top 3🍴 1️⃣「黑金雞翼」✨黑蒜粉+炸到脆卜卜！一咬爆肉汁💦暗黑系神作實至名歸～ 2️⃣「泰式魚餅」🇹🇭辣辣哋超彈牙！配埋甜酸醬食到停唔到口🌶️ 3️⃣「糖心蛋」🥚流心暴擊！滷得超入味～加落米線即刻升LV💫 💡隱藏Tips： 👉🏻跟餐加$10有「生菜+糖心蛋」combo🥬🥚健康又抵食！ 👉🏻KOL福利🔥五月愛限時優惠小食，黑金雞翼兩隻/迷你柚子豬軟骨 👉🏻幫襯等於做善事❤️店家長期支援「錦田大樹下動物庇護站」🐶🐱毛孩萬歲～ ⏰07:00-02:15 深宵肚餓救星🌟人均$50有找！抵食到喊😭 #農米莊 #米線界清流 #夜貓食堂 #黑蒜雞翼上癮症 📍農米莊 (尖沙咀)尖沙咀厚福街2號地舖📌分店：太子/旺角/尖沙咀…查看更多

我地叫椰子雞湯米線，花膠雞湯米線再加兩個小食（魚皮和皮蛋）。我自己幾鍾意椰子雞湯米線個湯底， 湯底就好似椰子雞火鍋個類型的湯底，不過係濃郁版 ，雞都好嫩滑而且份量都足夠！老公覺得花膠雞湯米線個湯底個味道有少少淡，所以佢有少少失落， 我哋各自都加了配餸落碗米線度，不過配餸份量就好少，而兩款小食正常味道。如果平時都好鍾意椰子雞湯打邊爐嘅人應該都會幾鍾意個椰子雞湯米線個湯底，而我見到隔籬兩邊枱啲人都叫了黑蒜雞湯米線， 我估黑蒜雞湯米線應該幾好味。偶然想食健康啲又冇咁重口味嘅米線可以去一試…查看更多

🥥椰子雞湯米線 $59竟然有椰絲！好神奇🤣不過撈勻完唔覺椰絲完美融合湯底幾香椰子雞湯味～睇圖有椰子，但黎到無椰子肉的～雞好有雞味🤣🤣雞件加埋佢啲辣椒油好好食辣椒籽食落甜甜地少少嚡但唔會好嚡冬菇好食，係燜冬菇嘅味道米線幾彈牙，份量好多🤣另外仲有其他口味嘅米線～…查看更多

今日試咗間店嘅椰子雞湯米線，真係唔錯。一入到店，就聞到陣陣香，心裡面即刻就想快啲試下呢個嘢食。​個米線上嚟嘅時候，睇起身已經好吸引。湯底係奶白色，清澈得很，隱約可以見到裡面嘅椰子肉同雞肉。我先嚟咗啖湯，哇，個湯真係鮮甜。椰子嘅清香同雞肉嘅鮮味配合得好好，飲落去好舒服，感覺好清爽。而且個湯好濃，每啖都可以感受到裡面嘅營養同美味。​雞肉煮得好嫩，咬落去好滑，仲有陣陣雞油香，同椰子湯嘅味道好夾。米線嘅口感都唔錯，爽滑彈牙，吸收曬湯嘅精華，每嗦一口米線，都可以感受到椰子湯嘅鮮美。​總嘅嚟講，呢個椰子雞湯米線真係值得一試。湯好鮮美，雞肉同米線嘅質量都好高。下次我肯定會再嚟，都想帶埋朋友一齊嚟試下呢個好嘢食，推介畀鍾意食清淡又鮮美嘢食嘅朋友！…查看更多

今次試芫荽湯米線，真係有驚喜！- 湯底將芫荽打碎，超級濃郁！🌿💚- 每一啖都充滿芫荽香，芫荽控必試！👍- 米線滑溜，湯底同米線完美融合，食完仲想再encore！😋質素非常好…查看更多

夜晚11點 2個人 落完單嚟咗第一碗米線唔知邊位女侍應 係度傾電話另一碗米線擺左係出餐位 5分鐘 都無人拎 都算啦 咁我自己去拎豉油碟 同另一碗米線但係我唔知熱水喺邊喎 咪問個侍應囉佢傾緊電話勁惡咁講：點啊 你咪拎左豉油碟囉 仲想點啊？而家拎個熱水都要俾人鬧但女侍應的態度令人極度不滿。全程黑面，語氣冷漠，甚至對客人提問顯得不耐煩，完全缺乏基本禮貌。作為服務業，態度惡劣實在令人失望，嚴重影響用餐體驗。希望貴店能加強員工培訓，改善服務質素，否則難以吸引回頭客。…查看更多

平時會堂食，因為仍然覺得呢間唔差，但係呢間米線啲員工態度一日比一日惡劣事緣今天嗌外賣自取，已經好明確，並用手勢指出要兩碗雞湯米線，佢竟然同我講一碗落單，咁及時更正係兩碗，然後就等外賣。誰不知過咗12分鐘完全冇人通知我其實外賣已經包好放喺枱面完全冇店員出過嚟舖頭門口叫號。態度極度惡劣不負責任。…查看更多

嗰日約咗朋友食飯是但搵咗間餐廳食啲嘢傾吓偈一入到去落完單冇耐米線就嚟到啦🐼藥膳雞湯米線非常重藥材味，一開頭飲落去有少少苦食完啲米線再配埋啲雞中和返啲雞唔會好嚡推薦👍🏻…查看更多

黐孖筋米線，收工想靜靜地食個米線，食食下間鋪播歌播到勁大聲，仲要播啲大陸抖音歌完全唔理人哋感受。有客人話嘈，佢同事出聲話佢叫控制播歌個同事細聲啲同埋轉其他歌，佢都仲勁厚面皮走去播返自己啲大陸歌仲要播到勁大聲。仲有收費方式剩係得支付寶同埋現金，連最基本嘅八達通都冇，完全冇考慮過消費者方便。講返嘢食，普通到普通，加錢$12肥牛得兩片唔好去搶，仲要佢標榜個湯底好正可以飲得，根本就係湯得個鹹字。果然有啲嘢機會得一次嚴重警告各位唔好試香港地垃圾服務世界第一…查看更多

呢間係我返工放飯最鍾意😻又有雞 又有菜 仲有冬菇同枝竹吸晒湯底啲味想食辣又得 想食清啲又得呢個喇沙湯底香濃得嚟🍜又唔會好口渴啱晒果日想食辣嘅我加$3仲可以加埋嘢飲🍹想唔飲嘢又得🥹…查看更多

今次叫咗【 椰子雞湯米線 🥥🐣$49 + $3 熱檸茶 】湯底湯底飲落好清甜！米線配料都多，有雞件，冬菇，雲耳，枝竹，生菜，豆卜同椰子絲。雞件份量都算多，有5至6舊左右。50幾蚊都幾抵食😚💯…查看更多

坐低後叫咗女店員一次想落單，佢上緊菜話等等，等完冇回頭。Ok，轉叫男店員落單，叫兩次都冇反應，第三次叫勁大聲，終於應，點解行到埋黎去咗隔離檯冇話要落單的？！人哋見佢行到埋去，話是但落埋啦，人地兩個人，個老婆叫兩個椰子雞米，一個轉雞髀另上，一個唔駛轉，我坐隔離檯都聽到，佢企人哋面對面竟然聽唔到，落咗雞髀另上嗰個後，指住個老公問「佢要咩？係咪唔駛」？！個老婆無言，話我咪話要兩個囉，淨係一個轉雞髀另上。男店員「啊」後就一路撳佢部落單機，然後直接走咗，冇過黎我檯落單，由佢個勢想走，到佢行到返收銀，我地勁大聲叫咗四五次「唔該」，佢都好似聾咗咁完全唔理人。我哋要舉晒手叫多好多次，直至店員見到我哋叫，好大聲叫佢話「嗰邊落單呀」，佢先識過黎，然後我哋想嗌嘢食，佢話等等，跟住企咗喺我哋張枱旁邊幾分鐘淨係篤嗰部落單機，督完先嗌到我哋個兩碗。我哋淨係叫咗兩碗米線，然後等上菜先係精彩嘅部份。男店員首先上錯雞腳小食俾我地，再上錯米線比另一檯，然後又上錯小食同嘢飲比叫兩碗椰子雞米嗰檯，仲要擺低就走咗，完全唔理人哋挨住佢話冇落過，總之全部錯晒。女店員鬧佢「你落錯晒全部單，你唔好再落單，廚房而家好嬲」，跟住我見佢長期係企喺收銀度收錢，連門口有人入嚟要帶定安排座位都唔識，基本上所有嘢係女店員做晒。個米線好味，啲湯都好味，以前食過黑蒜同花雕醉雞都好味，但蕃茄湯真係唔係好掂，甜得好假。但個男店員咁樣做嘢真係好攞命，會搞到人唔敢再去食，而且一個小食嘅價錢基本上等於一碗米線，其實都幾黐線，譚仔碗米線平過佢，啲姐姐又好過佢，真係搞唔掂。…查看更多