車厘哥夫餅店

營業中

休息中

估唔到咁快給呢間餅店寫第二篇食評.之前先讚佢的三角蛋糕令我一試難忘, 還每次經過都一定一定要買一件~上星期同老公去太子行街, 我係隔離的店舖睇緊衫, 老公企係店外無聊周圍望, 跟住入黎問我係咪去買蛋糕, 我答佢: 梗係啦, 不如去買左先, 因為驚佢收舖, 入到去即刻去到放蛋糕的地方, 見到還有一堆蛋糕係度, 我即刻拿起令我念念不忘的蛋糕~ 咪住~ 有問題~ 點解......件蛋糕....細左咁多既? 真係細左好多, 之前果件對我黎講當早餐會飽左D, 但今次呢件, 細了差唔多一半, 真係無誇張到, 都係賣緊6.5元, 老公話: 無所謂啦, 你咁鍾意食~ 唔得, 我唔制, 太離譜了, 如果因為通賬勁而賣貴少少或者細番少少我都接受到, 但個SIZE真係細到我接受唔到囉, 我狠下心放下我心愛的三角蛋糕~~ 再見啦~~我最愛的三角蛋糕, 或者有日我會因為太掛念你的味道而忍痛買一件來食

朱古力曲奇：好香啊，正朱古力杏仁曲奇：多左d杏仁>>歸老娘~

曲奇餅各味道如下~~~原味牛油：最好味朱古力花生：我都好鐘意食…香香的朱古力味，加上有咬口既大大大花生粒，一個字講晒，正啦！咖啡味：好香coffee味，但可惜我唔鐘意coffee ge花生、核桃、杏仁、腰果：又係果仁類…我都麻麻地；媽咪就最鐘意…朱古力味：幾好、不錯，溶溶地......住係太子，經常行經呢度，都比佢好香既曲奇味吸引住…之後有個人就會入去買好大袋黎…跟住就會有另一個人滿足到飽死左…d曲奇真係好'''鬆化'''，味道又啱啱好，唔太甜又唔太油，食完一塊都忍唔住食多塊，根本就係食唔停口，接住黎…好快無~！哈！但個收銀阿姐既態度就唔多好囉…有待改善吧

以前返工經過偶爾會買麵包黎食, 有一次唔想食麵包買左件三角形蛋糕黎做早餐, 點知一試之下即刻愛上了呢個三角形, 真係好好好味 好香既蛋味, 一件如果做早餐好飽, 我次次經過一定要買一件, 另外老公也說, 祇要經過都會幫我買件返黎~

去花園街行街,順便到車厘哥夫買下野,未入到去已經聞到好香既曲奇味,十分吸引。見到鹹麥包個袋仲有水蒸氣,應該好新鮮,所以即刻買番去食!雖然$11好似比一般貴,但係真係好大而且好重,一個包頂得住人地兩個家庭裝包呀!佢其貎不揚,但係食落先發現好好味,真係夠晒麥味,而且好軟熟呀,一d都唔硬架!啖啖都好「麥」,可以話充滿麥香,所以我好鍾意!買左$28曲奇,但係唔多架,只係一小袋,不過味道方面真係一流,好香好脆,一咬就覺得十分鬆化,不過呢,應該用左好多牛油,會好肥呢!阿媽就買左個吞拿魚包食,佢話幾好味,我就聞到都幾香咁啦!

星期五路經此地, 繼續類似scone 既目標!買了新彊包, $5.5 及十字包, $5, 兩個都有試過, 今次係屋企再烘過, 慢慢試真, 今次發現新彊包對於我來講鹹少少, 合桃量都夠! 十字包似金華既....內裡只有提子, 烘過後, 內裡質感似麵包多, 我還是喜歡檀島的十字包!

5.4.08 (Sat)去MK買東西，專登早幾個站於太子落車，為的是來這買個十字包。由$4加到$5.5。就算麵粉加價也不應這麼離譜吧？一個包要用多少麵粉？不過我依然買了十字包。加價之餘，SIZE小了，但我覺得好味了，包微暖，皮微脆，皮有曲奇的味道。一般的十字包是很乾，一咬即碎。這裡的是我吃過最軟，而且牛油最香。吞拿魚包也可以啦，但不是太特別。希望車厘哥夫開多些分店。

唔行太子都唔知車厘哥夫仲在人間,因家住香港仔,以前田灣係有1間,我常常行過去買一點朱.琴日男朋友打給我話係附近,所以我二話不說,就叫佢買2磅大家食^v^雖然覺o 都幾貴,但有咁既質數,只在車厘哥夫.1路以黎都食一點朱,那鬆脆曲奇和濃濃的朱古力,在口裡溶在一起,果種感覺,好滿足呢*v*

新疆合桃包好正!!~~~~~~~~合桃多咸咸地質地"煙un"有口感~~~~~~~~~~

今日去開始創，入商場時已經被曲奇餅香味吸引，到走時就入咗去幫趁買曲奇。口味有朱古力、原味牛油同咖啡味，價錢1/4磅就$18，1/2磅就$26，其實都幾貴架，比一般包餅店價錢略高，不過聞到咁香，所以都買半磅試吓啦。如果買1/4磅就只能揀一種口味；1/2磅就可以揀三種口味，我就揀咗朱古力、原味牛油同咖啡味，原味牛油加上車厘子喺面，好好味，朱古力就略苦，咖啡食唔出有咖啡味！但餅質就十分鬆脆。

咸咸既硬包，中間有六七粒合桃，但係似乎太韌了，咬不開，拎去微波爐翻叮左之後好好多~

提子鬆餅$5.5 ~ 不是太鬆化,而且沒有牛油香.提子方包$10 ~ 切到好薄,所以一取便會爛,一按即扁.味道又假又甜.

出開太子,諗住買啲曲奇餅返去比爸媽食.點知入到去見到乜都加哂價.曲奇餅由$25半磅加到$28半磅,唔捨得買.車輪包$10條,十字包$5個.最後只買咗車輪同十字.

朋友今日買曲奇上, 成班人食, 有兩款, 朱古力+果醬自己偏好朱古力, 曲奇算得上鬆化, 合格的

入嚟買曲奇,但叫咗三聲唔該,個收銀先應我.要了半磅曲奇,可選三款味,我冇睇住佢,亦冇睇住個磅,只講咗三次話要杏仁,核桃及腰果.佢嗱嗱淋話$25,我呢頭比錢,佢呢頭入咗袋比我,我亦好怱忙攞走,行過去花園街口攞出嚟食時先見到.佢只咗核桃同腰果比我,漏咗杏仁呀!另外,大半袋都碎哂,佢啲碎既比我呀!我好唔開心呀!個心仲諗佢都唔知足唔足磅添,所以如要再幫襯的話,一定要昅實,睇清睇楚呀!