越粵棧

營業中

休息中

經朋友介紹來到九龍城越粵棧吃中式小炒，環境尚算乾淨寬敞。店員有禮貌願意幫助。食物方面有驚喜，特別是麻辣炒蜆和黑椒芥茉牛柳粒，是外面比較少吃到的味道。比較遜色的是馬拉盞炒通菜，雖然通菜新鮮，但是沒有馬拉盞的味道，淡而無味。整體食物不錯，價錢合理，喜歡吃小菜的朋友可以一試。

同Friend慶生佢話要食地道中菜於是揀咗呢一間九龍城名店，佢係今天難得真係做得到又平又靚又正的食肆。我地三個人叫了四個餸，四樣都好出色，而最有驚喜就係煎雜魚。一碟有四條魚，我個人覺得D魚嘅size係小型至中型之間，比一般所謂的魚仔大條少少，我覺得佢係半煎半炸嘅，因為D邊同魚鰭位好脆口，應該係炸嘅，佢連個魚頭都脆卜卜，我直頭可以成個食晒。D魚好新鮮，一人一條食得好滋味。我地叫了半隻炸子雞，佢嘅炸子雞都做得好好，D皮好脆，半隻雞黎講都算大碟，隻雞又唔會好肥，只有少少皮下脂肪，好掂。呢個炸豬手係呢間舖頭的十大名菜，雖然佢唔係好似中菜，不過佢都整得好好食，可能仲好食過好多西餐廳。個豬手的皮真係炸到卜卜脆，而佢入面D肉又唔會鞋同乾爭爭，點芥辣食好正，不過提一提大家個豬手都幾大隻，要make sure有足夠戰鬥力先好挑戰佢。菜得地揀咗薑汁芥蘭，D芥蘭好新鮮，炒得好翠綠，都係好好食。

今晚幫襯呢間位於九龍城嘅叫餸食飯，叫咗西湖牛肉羹、雞油炒豆苗、煎雜魚同埋煎韭菜餃。可能啲豆苗未係時候，所以個雞油炒豆苗硬係覺得同想像中有啲距離，等再遲多一排啲豆苗靚啲嘅時候應該好食好多。煎雜魚好好食，一份有四條，今晚嘅雜魚有三條䱽魚仔一條細黃花魚，煎得好香脆又夠鬆化，連魚尾、旁邊啲骨同埋個魚頭都炸到脆卜卜，而且又唔算多油。煎韭菜餃都竟然係一個餸仲要係廚師推介我都覺得有啲奇怪，不過識落個味道又真係唔錯，啲韭菜餃應該係自己包嘅，所以啲餡料好新鮮，略嫌韭菜餃入面嘅韭菜唔夠多，如果韭菜多啲應該會再香啲。西湖牛肉羹個味道都OK，個芡汁令到個牛肉羹幾滑，下次要試埋粟米魚肚羹。

今晚去九龍城幫襯左一間叫餸食飯嘅舖頭，喺門口個裝修就知道係一間老店，第一次幫襯就跟住佢嘅十大名菜叫啦，因為人唔係太多所以我哋只係叫咗一隻當紅炸子雞、霸皇鮮魷、酥炸大腸同埋蒜蓉大蝦木桶飯四個餸。咁多樣之中我覺得個蒜蓉大蝦木桶飯最好食，木桶裝住荷葉飯，入面蝦嘅份量都幾多，係蒜蓉開邊蝦嚟嘅，木桶入面嘅飯吸晒荷葉嘅香味、蒜蓉同埋蝦嘅精華，所以特別好食。當紅炸子雞都炸得夠香夠趣，雞腳皮好薄，上枱時熱辣辣真係好好食。酥炸大腸係切薄片嘅客家式炸大腸而唔係一卷一卷圓形橫切面嗰種炸大腸，大廚都炸得好乾身好脆，豬大腸唔算肥，唔錯。霸皇鮮魷其實就係薑蔥白灼鮮魷，魷魚真係好新鮮，啲薑蔥又好香，值得一試。

辦完事由樂富行落九龍城，其實都唔算好遠，老婆忽然諗起呢間在網上介紹過嘅食店；來到店前，內已坐滿九成客人，好在還有張細枱。店內有張廚師十大推介，從中點了兩樣，另加多碟香煎海雜魚及青島啤酒。霸王鮮魷配上辣椒豉油，鮮甜爽彈又惹味；炸蝦餅外層加上脆米花，酥脆彈牙，加上少許燒雞醬更覺滋味；海雜魚一碟竟有四條之多，而且條條都有返咁上下大細，非常抵食，外層更煎到脆卜卜，魚肉先甜，送酒一流，好吃😋。邊個有興趣？麻甩地方，係就係嘈啲，不過啲嘢食都幾唔錯，而且價錢又實惠；可以考慮搵多幾個朋友，嚟試多幾樣嘢食🤔。邊個有興趣？#香煎海雜魚 $118#霸王鮮魷 $98#越式炸蝦餅$78#青島 $28 #越粵棧地址: 九龍城南角道48號地下電話: 95774144

今日朋友帶我黎九龍城搵食，去咗呢一間舊舊地嘅叫餸食飯，一入門口就見到佢個十大名菜好有霸氣，十款之中叫咗炸子雞半隻同埋炸蝦餅，本來想叫埋德國豬手，可惜賣晒，殘念，唯有留返下次再黎試。炸子雞皮脆肉滑，炸得好香，D雞油真係好正，雖然好有罪惡感不過都係食咗先講啦。炸蝦餅食得，好食過好多專食東南亞菜嘅餐館，佢個面有D炸粉絲，所以食落真係唔同D。另外仲叫咗個煎餃子，都好食，餃皮唔會太厚，幾好，不過如果可以再少D油就會更開心。

朋友介紹呢一間九龍城小店，果然好味。叫咗炸腐皮卷、白灼墨魚、盤龍鱔、炸子雞、臘味炒芥蘭同埋生炒排骨。最有驚喜竟然係個炸腐皮卷，腐皮入面係墨魚滑，外脆內彃牙。白灼墨魚好新鮮好爽，加埋辣椒薑蔥豉油，真係無得頂。炸子雞嘅皮炸得好脆，雞肉夠嫩滑，火喉啱啱好，好有水準。臘味炒芥蘭同埋生炒排骨呢兩味就正正常常啦，芥蘭好碧綠，炒得夠鑊氣，生炒排骨唔會太厚粉，OK啦。盤龍鱔就真係失望，最主要係條鱔唔夠新鮮，所以喺其他野都咁好食之下，呢個唔係好想食。

今日試了一家精彩非常的小店，從他的名字估計，他是一家富有東南亞色彩的粵菜，光顧之後發現其實他的著名小菜非常有香港本土特色：Mix and Match，看看他的十大招牌名菜你就會知道：羊架、德國豬手、炸子雞、乳鴿、炸大腸、腐皮卷、蝦餅、霸王魷魚、避風塘炒蟹魚及木桶大蝦飯。由於是次光顧只有四人，所以只點了德國豬手、炸大腸、炸子雞一隻，另外則點了一碟炒菜。幾款餸菜之中似乎德國鹹豬手最出色，可能比一些德國餐廳做得更好，他的德國豬手皮脆肉嫩，豬手的皮不會太乾太硬，豬手肉仍有肉汁而且不會太乾，不過老實說，在一家中式小炒小店吃德國豬手就是有着怪怪的感覺。炸子雞做得很好，雞皮真的卜卜脆，雞肉也很嫩滑，廚師掌握時間的功夫真的很高。炸豬大腸相對而言比較失色，不是不好吃，只是質素只屬正常水平。十大名菜試了三款，下次有機會一定要品嘗其他的七款。

想想第一次來這家飯店，可能已是十年前，後來基本上每個月都會起碼來五六次，已變成我和行內朋友的飯堂，再後來由於各人各有發展，來的次數漸次少了，今天剛好有朋友想到九龍城吃飯，我問朋友你是要食環境還是要食味道，朋友答道：當然是味道。我馬上就想起這家曾經的飯堂，雖然久別再來，老闆娘還是熱情招待，我點了我至愛的越式腐皮卷，味道仍不遜當年，其他各款小菜，也絕對合乎水準，朋友對於我今次的介紹，也讚不絕口，一頓飯觥籌交錯，盡興而返。

去到已經差不多晚上11點，朋友介紹一場來到，當然要試吃這餐廳的招牌菜啦，1）豬手很好味外皮很脆又不油膩，2）炸子雞 3）紅燒乳鴿 4）木桶蝦飯也是必須要食的，很香荷葉味，5）霸皇鮮魷 ，6）豉椒鵝腸，7）腐乳通菜，8）螄蚶，9）筍殼魚，10）拔絲芋頭我也很喜愛，還有蝦餅，吃了很多美食，下次會再來的😊

話說已經唔係第一次食，終於為我飯堂寫返篇食評啦！ 次次黎都無失望，仲充滿驚喜唔係間間做到 今日推介乳鴿當然要試下，好脆皮而且好香口，價格仲十分公道！ 芝士龍蝦伊麵比其他酒樓價錢都要低但水準一定唔會比下去，大讚 宜家太多小店因為租貴而慢慢消失，希望第日都仲有機會幫襯啦！支持！

去完十日泰國，想食D廣東菜，放工回來已經好攰，但係就想食D野，「金銀蛋白菜仔」不停係我個腦轉圈，所以就揸車去屋企附近九龍城越粵棧食少少野。生炒骨-脆口，味道夠，不會太酸，青椒亦脆金銀蛋白菜仔-滿滿的金銀蛋，青淡中偏咸既芡汁，正是我想要的，不過白菜煮得得久估唔到對我來說，一間「冇乜特別」既廣東菜館，入夜後咁旺，都1:00幾，坐滿人，仲好熱鬧，成個人醒曬。兩個餸都好夠穫氣，屋企個廚房真係未必做到！一碟份量都多，唔係細細碟。食呢D廣東小菜，感覺好似返回小時候，食媽咪煮既餸咁，價錢唔算便宜，點多三個餸，同食烤魚，雞煲差不多價錢，不過簡鐘食下都幾好味。

落九龍城，好多時只會諗起食泰國菜，九龍地遍地都係泰國菜，但我偏偏唔想去食泰國菜，其實我唔多中意食泰國菜，落九龍城食飯全因泊車方便又近屋企。蕩吓蕩吓，見到越粵棧，一睇個名就知唔會係泰國菜啦，但再望多兩眼，門口貼咗好多名人幫襯嘅相喎，其實我對哩種宣傳方法好鬼怕，次次幫襯哩類門口貼滿名人相嘅餐廳都中伏，耐何行到成身汁，膽粗粗入去試試啦！嘆吓冷氣先啦！服務員招呼我地上二樓，嘩，冷氣勁到只需五分鐘，將我由一個火四郎變成爽爽豬，勁呀！馬拉盞炒通菜，炸子雞半隻，椒鹽軟殼蟹食得多，黃金軟殼蟹未試過喎，試吓先。落單果位哥哥仔幾風脆，服務幾好！其實馬拉盞係咩？我真係唔知，我以為好辣，但哩個通菜一d都唔辣，通菜新鮮，炒出黎夠入味，唔錯。雞嘅中式煮法之中，我最中意炸子雞，眼前嘅炸子雞皮脆肉嫩，推介！黃金軟殼蟹入口有咸蛋黃味但唔強，軟殼蟹都係外脆內軟，可惜色水唔夠黃，如果顏色黃D就色香味俱全。係泰國餐廳重鎮嘅九龍城做非泰國菜餐廳，相信面對困難更多，老細加油！ (^_^)v

平均一星期會幫襯兩次。老闆娘好好人。廚房煮野亦有一手。今次得兩個人。只係點左兩三個至愛。黃金雞-個名好好聽。即係咸蛋黃炒雞咸蛋黃唔會過多亦唔會油淋淋。雞皮香脆。雞肉嫩滑。送飯送酒一流。花鵰蛋白蒸蟹-蛋白滑嘟嘟。加上蒸蟹流出的蟹汁。非常鮮味。打開個蟹膏。爆哂膏勁好味！豉椒牛肉煎米-煎米底煎得金黃香脆。配合埋個豉椒牛肉。脆卜卜。好好味。仲有霸王鮮魷。黃金什菌。乳鴿（必食）。都好好味。蒜味鮮蝦木桶飯。德國脆豬手。味菜炒雞雜。都係推介之選。飲埋啤酒汽水。平均每人都係$2xx。真係非常抵食。九龍城就唔建議揸車。因為真係好難搵位。或者泊去九龍城廣場。

今晚係九龍城附近做野，成十點先放工，又未食飯，同同事去咗試呢間「TVB夜宵磨」介紹過既九龍城中菜館。鋪頭都幾易搵，離遠就見到個閃閃下既「越粵棧」門牌。雖然成十一點先到，但都仲有幾多人食緊，做開晚飯係唔同啲。樓面好光亮好整齊，侍應好好招呼，啲位都幾好坐，茶樓嗰款櫈，整體幾乾淨，又有電視睇，坐得好舒服。好開心冇加一，都好多菜式揀，仲要全部都係即叫即煮，等一等都值。叫咗 馬拉盞炒通菜，幾大份，有少少辣，但超好食，所以要飲汽水！德國咸豬手－好鬼大碟，好香好滑，外皮幾脆同都真係咸架，餸飯餸酒應該幾正！炸乳鴿BB－細細仔，兩個人食啱啱好！炸得好香口。炒蜆－未試過出面食飯食咁大隻炒蜆，正個5蚊銀咁大，份量都幾多下，味道非常鮮甜，唔似平時茶記細細隻得個辣字嗰啲。整體黎講呢間餐廳服務非常好，好有人情味，野食好味又大份，價錢都算平，會再幫襯。下次要試埋其他招牌菜。