越粵棧

營業中

休息中

今日同朋友慶祝生日，好掛住呢度d嘢食，專登放工去食！！食物水準一流！！價錢公道！！會再來！！餐牌樣樣都正，好難揀！！老闆推薦咗幾碟招牌菜！！好正！！蜆好有鮮味，菜好爽，豬手好香脆！！冇得頂！！員工服務態度好好！！值得嘉許！！

旅行前一班人（十二人）出來晚飯，預熱泰國·曼谷·芭達雅五日四夜豪食喪玩之旅，選中式小炒是常識吧！紅燒乳鴿，火候剛好，香脆juicy🕊再來多個香口腐皮卷😈邪惡嘅椒鹽鮮魷炸全部都係炸⋯錦鹵雲吞招牌豬手芽菜炒雙珍來個清清地嘅金銀蛋莧菜飛天通菜點少得男仔點少得肉，唔記得咗菜名，炒牛柳粒整個湯羹男人唔夠再加個小炒王仲有不停叫嘅啤酒，今晚盡興晒！

今晚又是丈公請吃飯, 近來他都有些新地方帶我們去試,  最開心莫過於發掘到一些平時沒打算去的店舖原來有好東西吃 (停寫一輪因為考慮是否繼續在這平台寫...所以這篇是好幾個月前Save的改完又改一直延而今時才出, 不好意思呢~)有什麼想吃的?先來一碟雞, 意想不到的好吃 始終母親大人在坐, 不敢太放肆影相, 用靜音相機之餘、偷偷摸摸的拍, 影響了相片質素 知我喜歡吃蟹, 叫了一客如果是'酒客'的話絕對不要錯過這客, 香口脆卜卜見鄰枱的熟客突然大聲叫加碟煎餃子咿~ 有這個小食的嗎?  之前可沒留意到, [隔離飯香] 當然人叫我叫, 不要執輸本來這篇可以 鬆手 些成為 '笑面篇', 但始終'硬件'有不足, 就是地方頗舊地下有點兒污漕, 坐亦不算太好坐, 所以要評的話, OK會比較適合, 期待再進一步!  而特意抽時間寫這篇是希望方便來九龍城'搵食'的人看後多一個選擇, 因為此店算食得過合格有餘。百多元一位的晚餐有雞有肉有海鮮、好吃之餘地點便利、泊車坐車都很方便, 這是一間值得再來的飯店, 泊車坐車都很方便, 這是一間值得再來的飯店, 尚有很多食物未試, 下次再來吃過夠~  We'll

今日相約朋友食飯，收工後專程去九龍城，感覺上九龍城大部分都係食越菜，泰菜，而我地今次揀既就越菜同粵菜都有。豬手外皮整得好香脆，好似食咁薯片咁，肉就唔夠濃味，微咸。整體都ok!呢個唔食得太多，因為我平時好小食生野，但我都食左唔少，因為好鮮甜。食埋甜蒜殺下菌。黃金蝦，好重蛋黃味，蝦亦好新鮮，唔會梅，肉較實。整體黎講都唔差，可以叫豬手試下，下次想再去試試個炸子雞。

是日收早呀～飯腳小豬說帶我去九龍城食好嘢見佢誠意拳拳自己又為食捨命陪君子…來就來吧！呢間位於南角道嘅"越粵會"…門口睇落似一般粵式菜館…但當我坐低後…發現餐牌上嘅菜式都幾特別…有泰式咕嚕肉…秘制德國咸豬手…仲有唔係好多地方食到嘅黃酒雞…菜式選擇都幾多…是日菜式： 先來了個潮式獅奄…獅奄係生嘅…小豬話生醃最能表現到獅奄嘅鮮味…我試左少少…都唔錯…但由於第一次食獅奄…未適應其獨特味道…只食左數隻…其他小豬食哂 再來個十大推介嘅鮮虾腐皮卷…腐皮入口香脆…內部虾肉份量多又彈牙…點少少喼汁食…勁好味香茅豬柳條…碟豬柳條未落枱已經聞到好香…食落好冧唔油膩…但可惜稍嫌香茅味唔入味…只係喺面撒左啲味粉…所以只聞其香食無其味值得一讚係呢度啲嘢食幾抵食…每樣都係幾十蚊 …以下是餐牌：同場加追：其實小豬星期六先食完…但食過翻尋味…仲話個避風塘茄子係推介咁話…以下是小豬當日嘅菜式照片：

自從第一次由朋友介紹,尼次已經係第三次係越粵棧 " RE-U" ,越粵棧係越南菜同粵菜混合既菜館,尼度D野食正如標題所講" 平 靚 正" , 冇一次係令我失望.Open rice竟然冇乜食評, 再一次大飽口福決定一定要向大家推薦尼度既招牌美食.尼次"RE-U",唔係好多人,所以都唔係叫得好多野食~!~首先招牌菜" 炸子雞" , 次次都會叫皮薄香脆,油而不膩, 因為本身唔係太咸,大家可以自己用椒鹽調整合適既"咸度"!椒鹽鮮鱿又係一個極速清盤既美食,香脆可口, 鮮鱿入口即溶, 沒有任何多餘既粉, 粉同鮮鱿既配合剛剛好.豬頸肉 肉質鮮嫩燒乳鴿 同炸子雞一樣都係皮薄香脆馬拉殘炒通菜炒得非常嫩滑,惹味又香口蝦餅配搭泰式甜辣醬,口感一流細輪魚刺身最後一樣係第一次試, 老細見我地一班年輕人就問我地食唔食刺身, 我地就奇怪尼度都有刺身?以為係三文魚啦, 老細話好食過三文魚, 話係咩"細輪"魚, 強烈推介下又有魚骨湯送我地就試下點知真係有驚喜, 刺身新鮮即"湯" 即雪凍, 所以制作需時肉質嫩滑而且味道清甜,煙韌又爽口魚骨湯用細輪魚既魚骨即煲既魚湯, 口感清甜,用料又十足尼度真係好岩大家RE-U,或者一

有位同事成日都同佢D 朋友到呢度食飯, 仲話D嘢好好味, 今日一試知, 人人口味真的各有不同, 總括來講呢度不是我杯茶!!今晚order 咗 10款食物....生炒骨 ~ 完全唔掂, 賣相差, 味道十分差!!羊腩煲 ~ 呢個係全晚最好味, 但當然呢個質素好多地方都做到!!薑蔥蠔煲 ~ 不惹味, 蠔味一般, 份量也少!!牛油雞翼 ~ 炸得幾好, 唔會油淋淋, 味道ok!!煎釀三宝 ~ 有茄子, 青椒, 豆腐, 出奇地唔係用魚肉釀, 係做咗蝦膠, 好惹味...!!魚肚巾 ~ 魚肚少!!白切雞 ~ 肉都幾嫩, 幾有雞味!!吉烈豬排 ~ 豬排唔juicy, 肉質較硬!!炒飯 ~ 唔記得係乜乜炒飯, 炒得的確差!!豉汁蒸魚雲 ~ 呢個無食到...同事就話好味!!

今晚原先打算去隔離舖同屋企人慶祝生日，點知去到先發現"東主有喜是日休息"，咁就唯由改去附近食店，行下行下就有個熱心的阿姐同我地講"入去試下啦我地間舖試下啦，我地好乾淨企理架，個廚都好幾好手勢架，如果唔好食下次就唔好來了"，就因為她與眾不同的"對白"，所以就吸引了我及我的家人入去試下了。因為本人都有的潔癖，所以入到去都都會周圍打量一下，居然發覺舖內都幾乾淨，特別是的碗碗碟碟筷子都好乾淨，而且阿姐都好熱心咁不停幫我地加水。 上菜的速度都頗快手，可以話即叫即起菜，上菜時的餸都頗大碟，又好夠熱架~我地6 個人叫了一個4-5人餐另加兩味餸：套餐有：chopstick:越式拼盤 : "扎肉"口感一般、"越式春卷" 熱辣辣好味道、"酸辣鳳爪"酸酸地幾開胃味道剛剛好 泰式咕嚕肉： 本人都頗欣賞因為佢的咕嚕肉炸得好乾身， 醬汁味道及濃度都調教得剛剛好唔會有太多多餘的汁留在碟上，再加上大大碟好抵食，就連主角都忍唔住食多兩件味菜黃花魚：都是第一次見人用炸左的黃花魚配味菜(即鹹菜)加枝竹，味道都頗為特別 酒香越粵雞：酒味唔算太濃，易入口及雞肉都幾滑馬拉盞炒通菜：全晚大家一致認同最夠鑊氣的小菜，最緊要係顏色好"

19-4-2009九龍城越南菜選擇較少, 上次食過福佬村道0個間 (http://www.openrice.com/restaurant/commentdetail.htm?commentid=1959788) 覺得麻麻, 今次試試唔多似越南餐館的呢間. 一行 4 人, 叫了兩肉一菜一飯 share, 整體果然如佢店名 / 餐牌咁 -- 又「越」又「粵」!「越」菜 #1 蒜蓉牛油雞翼 ($30): 一客 6 隻, 望落炸得幾靚, 帶淡淡牛油味又帶點魚露 (?) 味, 味道較鹹, 亦頗油膩; 肉幾嫩, 不過食了半隻始知出事 -- 點解 "medium rare" 的! 雖然我0地無出聲, 不過阿姐收骨碟時似乎都被「血肉橫飛」的情況嚇親, 事後主動送上兩隻 "well done" 的俾我0地及猛講唔好意思, 算吧. 而 "well-done" 的就蘸了薄薄一層粉去炸, 油膩感大減, 皮脆肉嫩又無之前一 lot 的咁鹹, 呢個好好多!「越」菜 #2 椒鹽香茅豬扒柳 ($35): 其實係切條上的香茅豬扒, 好腍, 椒鹽味 ok, 但又唔會蓋過香茅味, 幾好食喎. 「粵」菜係「