越發地道河內料理

營業中

休息中

假期打風有咩好？就係可以唔洗排隊去食啲平日好長龍既餐廳🤣 琴日3 點幾去左油麻地越發， 可以直入超感動！ 以前第一次食，閒日都等左一個鐘🥹🍲招牌牛柳牛丸粉 HKD 100 呢碗pho 特別吸晴， 因為好綠🟢 湯底鮮甜， 飲落好舒服， 河粉都煮得岩岩好， 配既油炸鬼幾脆口～ 牛柳比較碎但唔肥， 牛丸好濃牛味仲好juicy ~ 如果個湯有白蘿蔔就正啦🧆燒肉丸撈檬 HKD 80 呢碗有驚喜！ 撈檬個汁甜點多少少， 撈檬材料好多 ， 除左花生、蘿蔔洋蔥青瓜絲、乾蔥片之外，仲有檸檬葉同木瓜/ 芒果粒！ 食起上後好開胃～口感豐富！ 肉丸形狀有啲似腸仔切片， 咸香十足😋🍗 越發牛油雞翼 HKD 80 上枱超級熱辣辣🔥 呢間牛油雞翼有別於傳統，唔脆身， 似用蜜糖包住雞翼， 再加上蒜粒， 甜甜地亦好香。 不過略嫌比較痴牙， 雞翼都細隻啲， 我都係中意傳統炸香個種多啲 ， HKD80 5隻唔算平， 下次會想試另一啲小食多啲 🤪

地址一旺角砵蘭街99號地下店舖名稱一越發地道河內料理環境/設施一坐嘅地方唔多，地方小店特色一越南牛柳牛丸粉人均價格 $100-150評分-8/10剛剛11:45出到旺角，都諗緊食咩之際突然諗起愈發，兩年前朋友介紹，一直都食唔到因為每一次都排長龍，令我唔放棄，見時間仲有15分鐘，即刻急步行去當時前邊已經有四個人，我排第五個大概11:55老闆行出嚟幫我哋登記，第一輪成功進入舖頭嗌咗碗牛肉湯河粉，一杯凍咖啡，此時此刻門口已經有10幾人喺度排隊等第二輪質素方面，人情小店，因為想做多單生意逼人哋搭枱，佢寧願安全第一唔搭枱，叫客人再等一等等第二輪再入，依方面抵讚！食物方面，嗌咗個招牌牛柳牛丸粉，佢會跟一個油炸鬼小食，湯底佢唔屬於濃郁，清湯有牛肉湯味，牛肉一流，同埋佢個牛丸非常非常非常之好味，牛肉味超重，係我最鍾意食嘅牛丸味道，加上好多蔥花，令到成碗粉生色不少，咖啡非常香濃，超重咖啡味，係越南咖啡

上次午餐時間經過心思思想食呢間越南河粉，餐廳出面已經大排長龍，排排下有人話已經截左龍。今日特登早過開鋪時間嚟到，終於試到佢地最出名嘅河粉。餐廳雖然唔大，但環境企理乾淨，裝修簡約。枱上放有一杯暖水，有少少椰子味。餐廳老闆落單同出菜速度都幾快，我地落左單之後15分鐘內已經食得。招牌河粉嘅湯底清甜不濁，有淡淡牛骨香氣。牛柳軟嫩，而河粉係幼身河粉，幾滑，我覺得唔錯，但男友略嫌未夠淋身。河粉更附送左油炸鬼、青檸等配菜。如果你係唔食芫荽蔥，可以要求餐廳另上/走青。米紙煙靭，鮮蝦爽口，配料塞滿左米紙卷，蘸上清爽酸甜嘅醬汁，非常滿足。餐廳唔收加一，但服務質素好好。雖然係小店，但唔會俾人好急埋單趕人走嘅感覺。如果有時間排隊，不妨試下呢間餐廳。

今日趁休息，拜讀盧覓雪推介已久，終於的起心肝去朝聖。11:50分到達，閘未開已有人龍排隊。幸好大部分都是識飲識食本地人。侍應哥哥應係老闆，招呼週到又快手。車輪轉一圈已入晒客兼落埋單。熱情果梳打呢杯真係唔錯👍🏻，入口好有口感，酸甜度適中椰子咖啡可能對椰子太有期望，但入口無咩椰子味所以有啲失望牛柳粉碗好大, 蔥好多，湯頭好味😋，牛柳滑溜有牛味仲跟埋油炸鬼索湯食，一絕👍🏻！蒜蓉牛油雞翼堅熱到辣嘴，但唔會好油膩，皮脆肉嫩，只係略嫌雞翼好細隻牛車快算係好高水準之作，整體配搭天衣無縫⋯⋯春卷好脆口，個汁有畫龍點睛之處，伴吃香葉，菜葉種類繁多，只略嫌生菜唔夠新鮮

原本離開砵蘭街諗住食間茶餐廳，行過見到呢間越南餐廳，寫住「地道」兩個字，再加埋一條一行10人嘅隊伍，心諗橫掂朋友都未嚟，即管排下試吓呢一間。😎唔知係咪心態上等咗半個鐘先入得去，所以覺得每樣嘢都好好食😆先飲一啖越南凍咖啡，越南咖啡出名甜，但係正正喚醒左我星期六朝早嘅睡意。😙牛肉湯河亦都好有水準，牛肉剛剛好熟透，牛丸但我夠晒牛味，整個份量都算適中，基本上食完都飽肚。好得意嘅係呢碗牛河，配合咗幾個迷你嘅油炸鬼，應該係用嚟浸落湯食，油炸鬼新鮮炸起，味道可口。有機會一定會再食過！👍🏻👍🏻👍🏻

旺角超水準Pho小店🍜🇻🇳位於朗豪坊附近嘅小店 裏面大概得十幾個位 所以長期都有人喺出面排隊 今次小妹都等咗大概20分鐘先入到去🤓餐牌種類唔算多同埋午餐時段無豬肉 所以想食就要夜晚過嚟啦😉🍴 招牌牛柳牛丸粉 $100首先湯底明顯試得出牛骨甜味 比起香港普遍Pho落多好多金不換 整體味道非常平衡 而牛柳腍滑 雖然牛味不及牛腩等部位 但係配埋湯底就啱啱好配料有平時常見嘅青檸同埋辣椒 另外仲有油炸鬼 加埋入去令個湯底更加有層次 建議試一試原味再加 而油炸鬼就浸湯食 之前無試過咁配搭 比想像中好食😋😋🍴 香露牛柳撈檬 $90烤牛柳配魚露味好夾撈檬 尤其夏日炎炎真係做到消暑嘅效果 最特別係加咗菠蘿 菠蘿嘅酸甜令撈檬更有層次雖然同湯粉一樣牛柳都係切得比較碎 但係配撈檬食落就比較夾🍴 鮮蝦米紙卷 $65裏面包有芒果 比平時食到嘅米紙卷更甜 如果接受到比較特別嘅配合就絕對推介🥤 青檸梳打 $30🥤 越南柑桔梳打 $30都係用新鮮生果做 但係價錢稍貴 如果再揀會試只係貴少少嘅咖啡整體黎講都非常好食😋尤其係牛肉湯底 唯一缺點係小妹本身比較習慣牛肉切片上 唔習慣越發較碎嘅牛肉口感😗另外必定要提樓面服務非常好

次次經過都好多人排隊，今次落住微微雨，見無乜人排隊即刻入去試下！兩個人叫左兩個粉面，加野飲！餐廳環境雖然唔係好大，但係都乾淨衛生，坐得舒服嘅！味道唔錯，有蕃茄味，份量亦都足夠。油炸鬼配落個湯度亦都好夾。不過略嫌食完之後，有啲咸，要大量飲水。但係計返價錢嚟講，都唔算太貴。但係如果平時要排好耐隊嘅，就真係要認真諗諗啦！

之前已經聽過呢間嘢好出名，所以特登同朋友放工去食，冇諗過6點幾去食都仲要排隊同埋要等齊人先至可以入去食。招牌牛柳牛丸粉一場嚟到特登食咗佢最出名嗰個牛丸粉，雖然價錢睇落好貴，但係個牛肉湯真係親自熬製，飲落去個湯好清爽🥩不過份量唔算好多好快就食完，如果再加配菜其他小食食嘅話應該會更加飽肚。舖頭入面得十幾個位，所以真係要搵好時間去食如果唔係應該要排好耐隊先食到🤨 好彩我哋係排晚市第一輪先至唔使等位，如果係晚市再晏啲嘅話可能真係要等一陣先食到🤣

餐廳只有幾張枱 長期大排長龍！Idio當日星期日1點幾 等咗半個鐘先入到不過店員有出嚟派濕紙巾降溫 幾貼心🥰坐低之後店員會俾一杯有香茅味嘅暖水～-👩🏻‍🍳Idiots翻兜之選❤️‍🔥河內牛柳河河粉好大碗 而且熱到出煙生牛肉好易淥熟 但唔會嚡😋配半個青檸 紅辣椒 同油炸鬼夠地道夠正宗🥰❤️‍🔥鹹檸檬梳打有1粒切半嘅鹹檸檬 未篤都已經有鹹檸味！😋夏天飲清爽得嚟幾解渴～本身想試越式三文治 但已經賣晒 下次要早啲去試😢

蕃茄🍅撈檬湯底咸 又冇蕃茄🍅味 雖然有一舊蕃茄🍅但可惜融入唔到個湯底到從而吊起個味 而嗰啲蝦球又有一陣好假的化學味 好難食🤢至於牙車快 雖然味道吾錯 可惜某啲菜又黃又老 唔明點解咁好生意 仲可以擺到啲菜咁上比個客 系咪覺得攪碎左 個客睇唔到會直接食？就算系咁 比70蚊食個沙律🥗 系咪可以比返少少素質？晏晝排左好耐隊 估唔到比啲咁的質素客人食 價錢又唔係平🙃男朋友話齋過隔離食村爺爺👴好過。。。仲有吾系好明點解要一半用外賣餐盒 一半用堂食餐具🥄 成件事好奇怪🤔️ 建議商家都係用返堂食餐盒環保啲啦！♻️

香港既越南河粉餐廳都較港式口味，如果要食到local d 真係要慢慢搵, 而呢間都算真係可以細嚐到越南菜精緻之處, 係連美國前總統奧巴馬都讚不絕口叫左個法式三文治, 即叫即整, 要有D耐性, 外脆內軟, 都有幾多唔同既配料spring roll 一樣都係外脆內軟, 但一D都唔油, 最好味係碗湯粉, 湯底清甜, 有牛骨味道, 真係有Vitenam 街邊既感覺!

這間位於油麻地砵蘭街的「越發地道河內料理」，店舖小小的，只得十來個座位，但我每次經過，都總是見到店外排了長長的人龍，所以雖然知道這是間人氣小店，而且食客評價幾乎是一面倒的好，但因為越南菜一向不算是我的心頭愛，所以總是沒有下定決心前往幫襯。這一晚，忽然想吃越南菜，便約定太太，在它晚市開門營業之前，由我先行早點去排隊，到這小店開門之後，她才與我會合，一起去試試這間聞名已久，口碑極好的越南餐館，看看是否真的那麼好吃。這小店晚市是在6時15分開門營業的，我這晚早了15分鐘到來，在我前面其實已有十多人比我先行一步正在排隊，幸好這天我倆有運，竟然是第一輪最後兩個座位的得主，所以店一開門，便可入內一嚐聞名已久的越南河內料理。不過做第一輪客人也有點不好，因為所有客人都是同一時間入內點菜的，所以這小店的小小的廚房要一下子做那麼多的菜式，實在有點難度，所以我倆這晚點的招牌菜，都是分三輪上桌，最後一輪都等了好一段時間呢！「招牌牛柳牛丸粉」（$100）最先送上，這招牌出品是太太的選擇，端上來的時候，牛柳仍是生的，色澤鮮明紅潤，稍灼一會，肉味和肉質都不錯的牛柳便可享用。兩粒肉味濃郁多汁的牛丸早已切成兩半，與牛柳

早前「盧覓雪」推介過這間食店，水準果然出色，之後自己也來過好幾次；雖然最近天氣不時掛住酷熱警告，在門外排隊就像蒸籠一樣，但也抵擋不住美食的誘惑。在門外等了接近45分鐘，終於在中午關門前可以進入，本一早已想好吃什麼，但看餐牌才知，「碳燒豬肉伴越南檬粉」已改在晚市供應，咁唯有叫「燒肉丸撈檬」吧！侍應奉上的斑蘭茶，味道清甜又好味，而且據說班蘭葉有治療憂鬱症，含豐富抗氧化成分，更有消暑、清涼去火，安神鎮定及舒筋活絡的功效。招牌越南脆春卷 $70春卷外層炸到酥脆可口，咬落充滿油香味，餡料有檬粉、蔥花、肉碎、蝦米等，蘸少許魚露，以生菜及香葉包裹著同吃，多添了一份清新感，屬必點項目！燒肉丸撈檬 $80滿滿的一大碗，除了有燒肉丸及檬粉外，還有大量生菜、花生粒、紅蘿蔔絲及蒜蓉片，加入小許甜酸汁更覺滋味。越南鹹檸檬梳打 $30酸酸甜甜的口感，加上咸檸檬獨有的口味，生津解渴，化痰潤喉，尤其適合炎炎夏日享用，真是消暑佳品。雖然在門外等了很久，但吃到美味的食物，還是覺得值得等的。越發地道河內料理地址: 旺角砵蘭街99號地舖電話: 68848898

見多人幫襯想試吓。打電話叫外賣。竟然話外賣只能選牛肉粉同牛肉牛丸粉兩款。什麼檬，紙米卷通通都無得外賣。都唔駛問飲品。真係疫情過後，即刻話之你，少一單生意都唔憂做。外賣都要我比環境評分咁古怪

一間位於佐敦的越南小餐館，每次黎到都好多人排隊，但絕對值得大家排隊，如果大家想食就要預留時間排隊啦！ _____________ 招牌越南脆春卷 HKD70 真係好好食，佢係我食過最驚喜嘅春卷！熱辣辣非常香口，調味好，配上甜甜酸酸醬汁，真係胃口大開，喜歡食春卷嘅朋友唔好錯過！ 招牌牛柳牛丸粉 HKD100 呢個又係鍾意食生牛肉湯河嘅朋友唔好錯過，湯底味香，飲完唔會想飲水，正！牛肉肉味香，食得出原材料嘅鮮，正！牛丸亦相當好食，連我唔食牛丸嘅人都會鍾意！麵底份量對女士黎講剛剛好。 _____________ 評價： 有質素越南菜 誠意之作 推介指數：❤️❤️❤️❤️ （五個心心為滿分） _____________ 地址: 旺角砵蘭街99號地舖