越灶

小妹幾喜歡食越南菜，今晚晚餐選這家餐廳，第一次來食所以選幾款平常會食的菜式! 香芋蟹肉春卷$98春卷是必食，侍應幫忙將春卷剪開。想不到香芋與蟹肉幾夾，春卷餡料口感飽滿，芋味較濃鹹味適中，炸得香口，生菜也新鮮。桌上配備幾款醬料，先蘸常用的魚露再用生菜包好春卷，好味! 小妹的朋友喜辣，加辣醬食也不錯!烤三文魚撈檬 $108賣相不錯，兩件三文魚扒幾厚，三文魚皮帶點焦香，調味恰當，份量是非常好! 撈檬有蒜片、菜、蔥、蘿蔔絲、青瓜絲等，與魚露一起拌食不錯，我們都喜歡食魚所以很滿足。燒牛肉撈檬 $98牛肉一口大小，有濃濃黑椒味，配菜與烤三文魚撈檬一樣，加魚露再加一點啡色的少甜醬料幾好味。手打牛丸粉$80牛丸也有濃濃黑椒味，丸質爽，湯是清湯，與牛丸的濃味相亙中和。沙嗲牛肉湯粉 $98以為會有濃濃沙嗲在碗面，原來只是有淡淡的沙嗲味，香味不錯，有番茄件及牛肉片，味道比想像中好，有點像沙嗲番茄牛肉湯，飲埋湯都幾飽肚。以價格及份量來計是抵食，烤三文魚撈檬的三文魚份量非常好，沙嗲牛肉湯粉的湯底飲落又暖又開胃，每份菜式都看似一般般但味道質量是不錯!…查看更多

假期行開奧海城，見到依間越南野好似唔錯，入去試吓先！估唔到又唔錯喎！越式咖喱雞飯咖喱醬汁濃郁香醇，帶著微微的椰奶甜香同辣度，好好味。雞肉燉得軟嫩入味，每一淡都可以感受到咖喱既香料同埋雞肉的鮮美，撈埋白飯食更好食！份量適中，食完好飽好滿足。炭燒越式香茅豬扒飯豬扒炭燒得外焦裡嫩，咬落去有炭燒既煙燻香又有豬肉口感，份量真係很夠，豬扒大塊又厚實，食得特別滿足。蛋撈埋落飯，正！配菜既生菜清爽解膩，平衡了整道菜既風味。兩道越式菜式簡單卻充滿風味，清香各有特色，份量十足，啱哂大胃口既朋友。價格還好。如果你是越式料理愛好者，可以試下食依間，應該唔會令你失望！…查看更多

過去幾年經常會光顧奧海城這家BEP分店，雖然價格比其他同類的越南河粉店要更貴，但感覺食材和味道都不錯，菜單設計用心，有健康的選擇例如可以升級翠玉瓜麵。但最近一次光顧，發現價格抬高了但質量卻變差了！點的三文魚撈檬（原來價格108港幣）現在漲到118港幣，三文魚卻薄得沒有以前的一半⋯⋯兩塊三文魚加起來也沒有以前一塊的厚度可以理解經濟不好有一定加價幅度，但是都應該保持原有的質量？本人很少寫食評，是希望給餐廳管理層看到才寫這篇，引以為鑒才能做的長遠，不然現在也不會只剩下3家分店。…查看更多

都有一年以上無再過黎食嘢，試過好多間越南河，都係呢間比較岩口味。第一碗牛河，自選三個餸，揀左牛丸生牛肉同牛腩。湯底很對口味，個人比較重口味，去其他地方食總係覺得淡左少少。牛丸看似一般,但食落都重牛脂味，有少少汁。牛肉可以，算嫩，未算出色。牛腩好靚，意料之外。番茄蟹湯檬粉，湯嘅平均很好，酸甜度適中，蟹味濃，好開胃，兩隻蝦都入晒味，丸同扎肉都好好食。呢間餐廳飲品我覺得都係重點，雖然唔平，但質素每次都幾高，越南咖啡炭香味十足，甜度適中，薄荷青檸梳打我亦每次都會叫，很醒神。今次無叫其他小食，加咗個米紙圈，幾清新，唔錯。埋單四百七，偏貴，但個人覺得值。…查看更多

午餐食咗個三文魚翠玉瓜麵+Peach Honey Water，$189。三文魚非常差，香料“葉”得唔入味，魚皮煎得唔脆，翠玉瓜麵係要加$12，份量得個碗嘅一半，飲品淡到好似飲水。環境唔太清潔，服務生懶懶閒，枱櫈似港式茶餐廳。我由2022年支持你地到現在，整體質素每況愈下，完全失望。…查看更多

🤔河內湯河雙拼湯底係牛肉味精湯嘅感覺。加埋香料就補充咗少少層次同風味。牛爽腩幾嫩滑。生牛肉唔算特別嫩滑，但質素都好過一般嘅美國肥牛。整體味道普通，冇咩特別。😡河內炭燒豬肉撈檬OMG 烤豬肉同蔥嘅份量未免太少了吧！！！撈檬係靠唔同香料撈埋一齊，先會有好好嘅口感。但呢個撈檬勁單薄。而且價錢唔平，唔係期待咁嘅質素。得1片烤豬肉係好大片白濛濛嘅檬粉上面，個賣相幾令人沮喪。所謂炭燒豬肉都港式烤腩肉味道，完全唔係傳統越南河內烤豬肉嗰種好濃味好惹味嘅味道。另外附上嘅免治豬肉丸就味道正常。試咗兩樣嘢，質素勁普通，完全唔值呢個價錢。覺得提唔起興趣再返嚟試其他dish 囉。環境：★★★☆☆ 食物： ★★☆☆☆ 推介： ★☆☆☆☆ …查看更多

呢日同朋友嚟到奧海城，想食啲粉麵醫醫肚，第一次嚟到，餐廳環境格調同一般越式餐廳唔同，幾舒服！😬食物方面，我就叫咗安格斯牛肉粉同墨魚餅，河粉正常發揮，牛肉偏薄，如果厚身啲嘅話，鮮味會更加出🤔芽菜夾脆，夠fresh！湯底清得嚟夠味，唔會油膩，幾正！👍🏻至於墨魚餅就有啲驚喜！冇諗過咁厚身同大塊！咬落口感好飽滿！食到一粒粒嘅墨魚粒，調味啱啱好，食到墨魚嘅鮮味！🤤整體黎講，價錢偏貴，但環境係舒服嘅！…查看更多

🔸越灶🔸🔆朋友仔搵🐭食lunch，就簡單搵左間越南野食。佢係lunch hour會有幾款Lunch Set，有飯有粉比大家揀。🔆🐭同朋友仔都想食啲濕濕地嘅野食，所以2個都係叫左河內湯河雙拼，雙拼款式可以揀生牛肉，牛展，牛爽腩，牛肚，雞絲同手打牛丸。我地分別揀左生牛肉牛展，同雞絲手打牛丸。咁我會一次過講下佢地嘅味道。🔆河內湯河雙拼 $128湯底比較淡，無咩牛味，佢有會有附上一碟香葉芽菜青檸，可以比大家按需要添加，但我地走個陣留意到人地係仲有辣椒仔，唔知點解我地個2碟係無辣椒仔😩所以就算加哂落去都係無咩味。河粉份量都幾多，我同朋友都食唔哂。🔆生牛肉同牛展份量合理，但生牛肉就唔係太嫩，比較鞋口，牛展幾濃牛味，而且口惑結實。🔆雞絲都係比較韌，反面個手打牛丸幾有驚喜，大大粒好彈牙，一咬入去有爆汁，牛味香濃。好食！🔆越南咖啡 跟餐+$12朋友仔表示對中意飲咖啡唔落糖嘅人黎講有啲太甜，但都有咖啡香，飲落唔苦澀，同埋個樣都pro。🔆桃蜜熱柑桔依杯飲品跟餐唔洗加錢，幾好飲呀，桃味幾香，伴隨住啲柑桔味，熱熱地，唔會太甜，飲落幾舒服。🔆總括黎講，食物味道普普通通，無特別。價錢都相對進取。🔆Pleasure指數（滿分5粒🤩）🐭小姐：🤩🤩+0.5📌地址：大角咀海庭道18號奧海城2期G樓G70號舖…查看更多

「生牛肉粉」老公食呢個牛🐮好滑，好多香料和配料，正😋「雞扒撈檬粉」我揀左呢個，煎雞🐔扒多蒜好惹味超正😋另外叫多個「軟殼蟹🦀木瓜沙律🥗」，酸酸地好開胃，我就好鍾意😋建議假日都可以叫粉加飲品平𝓓🤭🤪飲品單叫價錢都幾恐怖🙈…查看更多

今次叫咗越式碟頭飯、香芋蟹肉春卷、手切牛爽腩粉同蝦米仔芥蘭苗。越式碟頭飯：個飯就乾咗少少，豬扒香茅味夠，唔錯。香芋蟹肉春卷：同預期差唔多，就係搵唔到蟹肉嘅😂，但味道幾好。手切牛爽腩粉：正常發揮，但依個價錢，都收貨啦。蝦米仔芥蘭苗：烚熟嘅芥蘭苗，上面加啲帶甜味蝦米仔同炸蒜，可以去咗芥蘭本身嗰陣澀味，幾好食😋依間餐廳特別佢哋嘅配菜比起其他越式餐廳稍為豐富少少，香葉嘅種類都比平時多一點點。小食類都幾大碟，我見隔離枱嘅其他小食都好大碟，賣相都幾吸引。…查看更多

奧海城一家人👨‍👩‍👧‍👧玩完Cocomelon彈床搵食，去咗同層既BEP食越南🇻🇳嘢，侍應俾咗靠牆位我地，有BB櫈但冇BB餐具🍴同兒童餐，BB車就要安排放後門隔離。叫咗越南🇻🇳滴漏咖啡☕️，真係喺你面前慢慢滴，底有練奶，滴完飲都有d苦。之後上河內炭燒豬肉檬，分開兩碟上，有一兜魚露。然後上牛油🧈雞翼🐔同芝麻蝦🦐多士🥪，牛油🧈雞翼🐔香口，芝麻蝦🦐多士🥪我覺得蝦🦐多士🥪既蝦🦐肉太多。最後上生牛肉🥩粉，牛肉🥩不多，叫侍應俾辣椒🌶️先有，湯🥣頭正。…查看更多

this place target office boy lady....set price a bit high.everthing >100$.quality i can say ok. not surprise. not disguist.hmmmm how to describe it?just feel not comfort for daily lunch.price set too high. wont come back. fine❌#food #hkfood #hongkongfood #hongkong #hongkongdessert #hongkongcrusine #omicron #食物 #香港 #香港美食 #劣食 #難食 # 狗也不#foodig #hkfoodpoet #閃電五連鞭…查看更多

去到奧海城，試下呢間，外面睇落不錯。.叫左「Crepe」、「沙嗲牛肉河粉」和2個drinks. .之後先發覺佢地唔夠人，不停做外賣。落左單，近20分鐘都未有嘢到。催左先比個「沙嗲牛肉河粉」。但湯淡、牛肉好老.再催，待應話個Crepe需時20分鐘，就ready.我話我完全唔覺得要咁耐，就算係，係咪要同客講定？廢話。.幾分鐘後，Crepe 先到。味道可以。.整體上，2個主食都唔得，咁已無乜県念了。不會再去！…查看更多

上星期同屋企人一行三人去光顧奧海城BEP店，餐廳環境乾淨企理，冷氣都夠。食物賣相跟份量、味道都無問題，仲幾好食，係價格偏貴。職員的服務質素十分需要改善。除左門口收銀個位短髮女職員同傳菜的女職員係十分友善之後，其他人係零態度。一位短髮無戴眼鏡男職員只會將食物大力放係檯邊，唔會講係咩野，放低晒即刻轉身走。另一位男職員雖然都係無乜態度但佢至少會講番係咩野嚟先。另外有個紮馬尾，望落去似高級啲仲離譜，有個客問佢邊度比錢，佢望都唔望，隨手指向門外，拎轉頭走。我唔知啲正評係邊度嚟。要係大角咀食飯大把選擇，呢間真係唔建議。…查看更多

越南菜式🇻🇳都算多選擇食物不是重點，大家一起交流的氣氛舒適自在才是🥰🥰🥰 令食物更易入口😋😋😋位於商場的餐廳，環境都算舒適價錢大概一百蚊一個lunch set包埋飲品在大商場來講，價錢合理飲品仲有青檸梳打呢啲揀+$12有越南咖啡呢一起分享3碟食物，試到多點菜式🤩3個人都叫了青檸梳打🍹 so fresh~ ✨鑊仔牛柳粒 - 配飯✨咖喱雜菜 - 配蒜蓉包✨牛肚牛展 - 配河粉、油炸鬼Happy Friday❣️❣️❣️ …查看更多