越泰

午市黎到都多人。不過等左唔駛5分鐘就有位。坐低左叫人落單。叫左好一陣子先有人理。天氣太熱。決定食撈檬。叫左串燒雞撈檬。碗檬份量算多。配料有炸蒜生菜青瓜蘿蔔絲花生。有3串串燒雞。每串大約有3舊雞。份量算足。但味道普通。冇乜香料味。又冇乜串燒香味。淨係味道唔會食得出係串燒。肉質唔算乾又唔算滑。撈檬汁偏酸。似乎調味時啲醋落得好重手。同平時喺其他越南餐廳食開嘅唔同味。叫左凍檸茶走甜+$3。茶味不足。$62話平唔平。話貴唔貴。份量足但整體味道一般。…查看更多

河粉中有塑膠紙 + 老屈顧客 + 服務態度超差嘅垃圾餐廳上星期日同朋友去食dinner，當晚叫咗兩樣食物，香茅豬扒飯及生牛肉河粉，食到一半發現河粉中有一大塊長～10cm嘅不明物體，懷疑係塑膠保鮮紙，當時即刻叫侍應林小姐過嚟，佢話換過一碗俾我哋，我哋都未反應過嚟，佢就行開咗，同朋友商量過後，對呢間餐廳嘅食物都唔太有信心，決定叫佢取消河粉嘅單，於是叫林小姐返嚟，但佢堅持廚房已經整緊，唔肯取消張單就逕自行開咗，大概2分鐘後，佢拎出一碗聲稱係「新」整嘅河粉，最好笑嘅係碗麵裏面一塊牛肉都無，當時我更覺得極有問題，第一佢本身碗麵有問題，點解拎出嚟嘅唔係一碗全新嘅生牛肉河粉？亦係一碗無餸嘅淨河粉？我點知道只係夾走塊不明物體定係整過碗新？第二係何解碗麵有問題，我哋唔可以取消？而係要逼我哋比正價去食一碗無餸嘅河粉？當林小姐放低碗麵之後，我嘗試再叫佢過嚟商量取消單，可惜佢只顧同洗碗姐姐傾計，對我哋招手視若無睹，最後我朋友行出去搵佢，佢先肯過返嚟我哋枱邊，我再次向佢提出取消，跟住落嚟佢就對住我哋，以全餐廳都聽到嘅聲浪發脾氣大叫，”你哋食飽唔想要咪出聲，大家都係做嘢，你哋唔想埋單咪我幫你哋埋，你哋唔想比碗麵錢可以走，連個飯嘅錢都可以唔比㗎”，我嘗試向佢解釋，我哋並唔係想R着數，只係對餐廳嘅出品唔太有信心，只想取消河粉，個飯食咗我哋係會比錢，林小姐聽到立時大叫”你哋唔想埋單咪我幫你哋埋，你知唔知你哋唔埋單我可以報警？”，我立時十分愕然，因為由始至終我哋並無講過唔埋單，當時我想搵經理處理此員工態度問題，可惜經理休假，為了息事寧人，最終埋單走人。問返林小姐經理電話，佢亦唔願意提供。結果第二日我唯有自己打外賣電話搵經理李小姐，好笑嘅事情發生，聽電話嘅我認得把聲就係惡死侍應林小姐，佢支吾以對，甚至訛稱自己就係經理，要我再三詢問，”你真係經理?”，佢先肯pass電話比經理，我向經理反映事件，要求佢向餐廳老闆報告事件，亦留下聯絡電話，經理答應商量後回覆我。可惜我等到星期二亦未見回覆，我唯有再次致電外賣熱線，今次另一個女職員聽電話亦訛稱經理不在，我指出我係打嚟跟進一件投訴事件，佢先至肯pass電話比經理，跟住我查向經理查詢事件進度如何，佢聲稱因為唔見咗我留嘅電話所以未能回覆，何其可笑？但唔緊要，最緊要係件事進度如何，佢話同林小姐傾過，並已發警告信，本來我只想息事寧人，只要該同事知道錯誤就算，跟住我只係問一句餐廳老闆知道嗎？經理顧左右而言他，最後答唔知道，我十分好奇何解一間公司職員收警告信，老闆可以唔知道。我再詢問經理先承認自己講大話，只係口頭警告。由此可見經理並不想處理事件，只想包庇同事，明哲保身。我再次要求經理轉達事件予餐廳老闆，直至今日未見回覆。我只好再打去搵經理，今次惡死林小姐聽電話，再次冒充經理，大鬧我話係我自己放入塑膠！我叫佢大可翻查CCTV，要求電話pass電話比經理，佢就cut我線。我只好將事件放上Openrice 等各位有意幫襯嘅食客知道，此餐廳食物不潔，服務奇差，侍應經理互相包庇，大家千祈唔好中伏。希望餐廳老闆睇到得悉此事作出回應。…查看更多

禮拜六，在銅鑼灣社區會堂做完跆拳道升級考試，提早離開的我們先到這裡拿了位。有慎重考慮過他們的打烊時間是十點半，不過侍應A說可以的，一個小時用餐應該沒問題。於是我們就坐下了。店內環境倒是不錯的，有很多卡位，貌似還有個比較隱匿的小房間？不得而知～坐下後，翻看了一下menu，好像沒有dinner set？只有一份單點的餐單。當天天氣很熱，做完劇烈運動後更需要涼快，所以第一時間叫了個薄荷青檸梳打。以香茅代替長匙，用的是新鮮薄荷，還有對半開了的青檸，看上去就很fresh的感覺，用的是玻璃樽裝的梳打水，可以倒兩次喝，不過記得要用香茅把薄荷葉跟青檸都戳幾戳，才能顯味。最先上了個烤豬頸肉，肉質爽口略帶辣，外層酥脆，跟碟的醬料也是辣辣的。撈檬的份量一般，雞絲少了點。這家的魚露偏酸，要辣的朋友要另外自己加辣椒醬了。朋友的湯河份量相對比較多，牛肉很新鮮，湯底有很濃重的九層塔香。因為朋友不吃辣，但是又不想要蠔油椰菜仔，所以問了下侍應馬拉盞會不會很辣，侍應說只有小辣。不過最後朋友還是吃不了那種辣，小女倒覺得還可以。不過不吃辣的朋友可能只有蠔油椰菜仔可選了。在我們點豬手的時候，侍應說要等20分鐘左右才有，因為即叫即整，計算起來，10點半應該夠時間享用，最後，正確來說應該等了足足30分鐘有多！這道菜還沒上來的時候，已經不停聽到侍應們一張一張桌跟顧客說last order了，不能再下單了，然後把桌子上的碗碟收拾了，把帳單也奉上了。——當時覺得，沒搞錯？全場滿座耶！怎麼可以說清場就清場？豬手上來的時候，我們把帳也結了。豬手外皮烤得很脆，肉質不會太乾吧，整體都算合格。但是，由於時間關係，真的沒有機會好好享用，整頓飯，可以說是囫圇吞棗。不能說是難吃，只能怪自己太遲進來用餐。下次過來吃，要看時間，還得先把侍應的臉色讀懂一點！…查看更多

姐妹兩人在中午時路過炮台山，又正值下著細雨，只想快快吃飽便算。所以看到這間越南餐廳便沒有查看評論就入內。樓面示意我們坐近門口窗邊的卡位。我和姐姐便對坐下來。餐廳環境一般，但不太忙，還有很多空枱。樓面姐姐門都嫺聚在入口處。當點了餐後，正在等待時，有一對看是遊客的男女進入，其中一位樓面姐姐就對我說:「坐埋一邊，要搭枱。」當我正準備移位時。我姐姐示意不要理會她，那麼多空枱都要搭枱，不合理。最終那對男女就搭了另外一張枱。不久後，又一對母子入內，樓面姐又走來請坐埋一邊，要搭枱，但那對母子根本不想坐近門口，一直走入餐廳內其他枱。最離譜係，我嘅生牛粉到咗而且差不多食完，我家姐碗撈粉重未見到。當我進餐時也忍不住要投訴，出餐那麼慢，我想快快食完就走都吾得。你就成日要人搭枱，我食完成張枱比返你啦！那樓面姐姐重反駁話佢無，只是她同事。跟著就肆無忌憚而且大大聲和同事講而家D 客兇過你。我真係真係好想問D樓面姐姐你哋返工嗦同D客鬥惡嘅咩。最最離譜係，我家姐碗面食到一半，一位疑是經理的女士第三次講，坐埋一邊，要搭枱。我忍不住想立刻離開，但我家姐還未吃完她的粉。我一向很少投訴。但今次真係忍無可忍。…查看更多

北角都算是美食的集中地，今日交完保單，都已經是下午5:30，正好趕得及吃下午茶。室內座位舒適。以前都來越泰好幾次，這裡價錢實惠，下午茶更抵吃的。餐牌食物圖片清晰，種類很多，任君選擇，價錢合理更不用加一，非常好。雞絲扎肉湯粉好大碗，湯底味道好好，雞絲加扎肉惹味，更覺有胡椒香味，送粉合適，正!香茅豬扒粉都一樣美味。咖哩牛腩飯，咖哩味香濃，咖哩汁非常惹味，送飯一流，牛腩炆得夠腍夠入味。香茅豬扒飯，豬扒炸得金黃、鬆軟、美味，已經砌好細件方便食用，這個豬扒超好吃，我們來，一定必試。這裏的食物味道不錯又足份量，下午茶配埋飲品都是數十元價錢，真是抵吃。…查看更多

咗個肉骨茶成本嘢淨係得 飯，冇肉跟餐送嚟嘅油炸鬼係 係隔夜油炸鬼跟手仲買咗啲雞海南雞飯又凍又硬價錢又貴認真唔係食真心希望佢哋能夠改善認真難堪我始終都係街坊希望下次去到 食物質素能夠大大改善…查看更多

黎到餐廳，見環境舒適，設計以綠色為主題，墙身用竹子裝飾，於是入左去。越南雖pho為特色，但我點左香茅豬扒飯和鹹柑橘水。一會兒，柑橘檸檬🍋水先到豬扒飯後到。哇，豬扒厚厚的加上多款 配菜，賣相吸引。先來一口🐷扒，雖有口感，味道一般，肉唔夠滑，蛋卷也味道一般。米飯方面偏淡。個人幾欣賞用那木盤，感覺幾靚。…查看更多

鐘意食越南菜嘅我，一直覺得最好食嘅菜式係喺越南，尤其是河粉，香港真係食唔返嗰個味... 不過呢間餐廳嘅菜式好有驚喜，竟然同當地食到嘅有得比! 特別推介燒牛肉濱海，類似將米粉壓成餅狀，配上生菜，香葉，牛肉等配料包黎食... 牛肉係超級好食，好有牛味，而且做得好嫩滑，其他菜式都係中上到上水準，下次會再去試其他菜式!…查看更多

今次想介紹下呢度既下午茶星期一至五係2:05pm開始，星期六日公眾假期係3:05pm先開始。選擇都唔少，有飯有麵，小食呀特飲之類以下既食物我係上一篇食評已經介紹過，下午茶份量一樣足，比晚餐少1/3，水準又保持到蛋餅幾厚，有層次蝦片又幾香春卷不過不失，炸得脆又唔會太油，但味道方面冇咩特別。最後送上環境相俾各位參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️…查看更多

夜晚係炮台山附近，本身想同朋友去食半島冰室，點知行到過去先知道半島冰室晚上6點已關門。因為落緊雨，所以我地隨即係附近搵餐廳，四圍望下，就見到呢間裝修企理，大大間鋪，又唔洗等位既 越泰我地2個女仔食dinner,睇完餐牌，決定點兩個菜share食第一個菜係蕃茄牛腩煲配法包,牛腩好淋又入味，配上濃濃既蕃茄汁，煲入面有茄肉同紅蘿蔔，真係好想叫返碗白飯同呢個餸一齊食個法包又係一絕，法包搽面既蒜蓉醬好香，同時法包又烤得好香脆，得四片真係唔夠喉，太好味第二個菜係火車頭套餐，有5款牛肉配湯河，唔記得相機先食，手快快夾咗落碗。呢個湯河份量好大碗，味道唔錯5款牛肉分別係牛丸、牛柏葉、生牛肉、牛腩片同埋牛筋，試哂5款牛肉，最中意都係佢既牛腩片，肉質夠淋夠入味下次再黎試下其他菜…查看更多

之前呢間店啲野好好食，今日見唔太餓，諗起呢間餐廳就一心諗住入嚟食少少野，但係今日啲粉一pat pat，碗粉散晒、好難食！仲要呢到有個男店員態度惡劣，好無禮貌，講野大大聲，完全唔識得尊重人！有無搞錯？仲要衰到食完野先講同人講有最低消費，又唔早講？落單個陣時又唔講？仲要屈人叫多樣野！真係豈有此理！總括嚟講，呢間餐廳野食比起回憶差好多，同埋啲服務態度奇差！今次領教過之後決定永遠都唔會再有下次！真係豈有此理！…查看更多

呢間餐廳一早已經係度，唔知點解，我就係唔係好想試，機緣巧合下踏出左第一步點完餐呆等左15分鐘，只見不斷做網上外賣平台都未到堂食，張張枱都冇野食突然，送上第一碟食物！味道上ok但冇咩特別，係比較大塊。豬脾好入味，都冧既，但係做咩會係辣既餐牌上冇提示喔，少少伏。咖哩多到癲，起碼兩個飯碗甘多好濃稠，牛腩又好冧，有少少驚喜呢個拼盤賣相都唔錯，唔係是是旦旦，豬扒最出色，估唔到似上海炸豬扒甘，微甜，肉質酥軟，外層香脆我開始對呢度食物都幾有信心，豬頸肉都繼續有驚喜個邊幾燶下，似叉燒果種燶邊味，我細個勁鍾意呢種味加上肉質唔會太硬太冧，好味道最後附上餐牌現場侍應做到踢晒腳，又出錯幾次單，所以服務方面冇正評。想食既朋友可以經網上外賣平台落外賣單如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️…查看更多

星期五晚市來吃東南亞美食，這裡座位寬敞，好坐。前菜想吃得清新一點，鮮蝦柚子沙律很開胃。河內香茅燒春雞，這個燒雞原隻連架上桌，很有氣勢，店員會蛋上手套及刀叉給客人，可按自己喜歡選擇吃法。由於筆者認為東南亞食品要苦手吃才夠風味，所以二話不說，說手撕來吃。雞肉蘸上甜甜酸酸的辣汁同吃，十分惹味。西貢火車頭（二人份量）這個份量真的是超級大，這晚二人晚市吃，是覺得有點多，估計份量足三人呢！ 河粉配有生牛肉、牛丸、牛腩片、牛柏葉及牛筋，子了牛柏葉外，其他都好吃，因為這個黑牛柏葉煮的過老，太硬咬不動。湯底牛味濃，好吃。這家餐廳食物得份量頗大，女生們點菜的話要注意，勿眼闆肚窄喔！…查看更多

份量勁足我見到啲熟客都係叫一份午餐加一份小食再另外嗌一 杯嘢飲兩個女人食都係驚食唔曬真係好大份我哋三個人叫咗三個餐 全部扣底 再加一份小食 都淨番好多我真係希望佢扣得多啲囉因為 真係食唔曬人哋係唔會再嗌小食咪賺少咗而家啲人好環保有惜食意識佢個蕃茄蟹粉湯檬粉實在係非常之鹹雖然蟹味濃但係我都冇飲曬啲湯因為鹹到喊因為食飯時間等咗好耐個位 又非常肚餓 亦都唔想 退番畀佢佢個咖哩牛腩飯 個咖哩 完全唔辣係甜咖哩類個泰式鳳爪就好好味有埋沙律最普通嘅生牛肉湯河就好好味啦湯底夠濃味service very good…查看更多

一直以為這個餐廳的食物其實很不錯，價格便宜而且相當多選擇，住響附近的我以前經常來這裡光顧，也有時會帶朋友來吃，但是當我和我馬來西亞來的家人去吃晚餐時卻發生了一間難以接受的事情－我弟弟點的生牛肉湯河里竟然有一只很大的蒼蠅，最糟的是和waiter反映竟然沒有這歉，只是若無其事地換上另一碗面。其實我們能夠勉強接受食物衛生安全偶而有差錯，但不能接受服務員竟然不觉得此事有什麼大問題也不向顧客道歉。最甚者是服務員們的態度讓人覺得這是平常事不需道歉，令人失望。食物安全和衛生是每一件餐廳的必要條件，但是這間餐廳的食物衛生安全有問題，勸告大家要小心注意⚠️…查看更多