越棧越式湯粉專門店 (荃灣廣場) (已結業)

今日不太舒服請左病假，嚟荃灣睇醫生順便食我遲來的早午餐，見勁耐無食越式野便嚟左好耐無食的越棧。找左一陣才知原來搬左位，而剛好下午茶時間，睇嚟睇去餐單還是叫左我至愛，便叫左香茅豬扒湯河和凍檸茶走甜。因在找尋位置時去左 open rice 突見食評有小動物出沒，一嚟豬扒湯河我便尋番一陣，以免出它。好彩無小動物但卻有發泡膠粒 orz 。整體嚟講味道好似變差左少少，豬扒味道不錯河亦不會過淋，但對我來說應近排都不會再嚟食。

差不多下午二點到荃灣廣場 越棧 吃午餐，點了生牛肉湯河 及 香茅豬扒(湯檬)，還叫了半份 越式蒸粉包 及 2杯真多冰。唔知係咪過了吃午餐時段，湯河的湯唔夠熱 又淡茂茂，好影響整個湯河的質素。香茅豬扒湯檬 就來了香茅豬扒湯河，河粉還是一大大片，好似未切開的。講到真多冰 實在太唔得啦，綠色的像一支支牙簽質感，飲料又淡味！

平係平，但真係好難食。。。呢個牛腩撈已叫做最好食😂 但牛腩都係乾。雞翼好鬼乾 😂 個撈汁其實都唔多好食，香茅既餸又都係怪怪的。生牛河，好難食。。。首先，生牛到枱已係熟牛。。。湯都ok清但冇越南味。小食拼盤豬扒後上。本身都好大期望，見個樣都唔錯，但得蝦餅同炸豬扒好食，春卷樣好勁怪，中間啲餡怪怪的酸酸的。。。炸得好，係個味唔好。。。扎肉都好食，但底果塊餅同米粉真係放唔到入口。。。。野飲正常，我冇試fd果啲，但佢地話有椰汁底果啲冇味。。。我杯班蘭青檸梳打都ok。

逢假日荃灣都非常多人，於是去左人流比較少既越棧諗住是旦食個晚飯，點知竟然會有咁差既經歷！ 之前都去過綠陽坊既分店食過，感覺不錯。點知今次點左個香茅豬扒湯河，一送黎碟豬扒竟然有隻紅色既蜘蛛係到爬！我同朋友即刻叫左個侍應過黎睇。個阿姨馬上揉死左隻蜘蛛，之後話換過碟比我地。過左5分鐘都冇佢就比過碟豬扒，個碟就係換左既，但豬扒有冇換到就不得而知啦。 本身我都諗住算，但係竟然食食下河粉，比我見到咁大隻蟲係碗河到！！！哥下我真係想嘔，我估唔到係越棧，一間荃灣廣場內既餐廳竟然會唔衛生到呢個地步！仲要係接二連三見到食物有昆蟲！我地再次去侍應阿姨過黎，佢話可以換過碗，但我地拒絕左，因為已經唔敢再食！ 最後，冇咩落肚之下兩個人要$190。咁既價錢竟然有兩隻蟲，真係多謝曬！ 提醒大家千祈唔好去食，腸胃炎就唔好啦，依家我都好驚會肚痛 放心我會打去食環反映此店既惡劣衛生情況！但我以後都唔會再光顧呢間有蟲食店！

難得的假期領太后旨令拿野出荃灣，約左3點最後變4半，咁就唯有拿住d野四圍走，由原本只係想搵間咖啡店（點知太多人），到入大商場citiwalk同附近個d星巴克都爆多人，仲要撞正一田購物節，成個商場想搵個位坐低飲野都搵左成9個字終於比我搵到即使一丁友去食都唔老尷的越棧。反正仲有時間就黎個下午茶hea時間，$40一款粉＋飲料，特飲＋4，可能太多游客的關係，明明我用廣東話落單，職員用普通話幫我落單仲問同對面個個係唔係要起tem. 上菜速度都ok, 10 mins都到齊我點的牛脷湯檬＋三色冰（特飲），對面飄來好香的咖啡味。碗野由於個人飲唔出係唔係咪精湯，但只覺得幾好飲又唔多油，個粉軟硬適中，雖然主菜得2片大片牛脷，但食落去可以安慰我餸少的弱小心靈，因為食落去鮮甜的牛味出左黎配埋它嫩滑的肉質，一個字讚。不過唔食生洋蔥/蔥/西洋菜的記得一開始走左它，雖然用黎調個湯底辣辣地都開胃。而杯椰汁三色冰，個三色個想像中唔一樣，除左原本會有的綠色啫喱，仲有紅豆同蕙米，三款配料都略嫌太硬。整體黎講就係岩你一丁友唔想食咁多野，附近咖啡店霸滿人，又唔想行就黎試下。

午餐去食越南嘢，每次都會食pho，因為食pho先叫食緊越南嘢，都算多人，姐姐服務態度都好好，叫咗一個香茅豬扒湯檬，豬扒都好入味！另外叫咗香茅雞翼湯河，雞翼有四隻，都算抵食呀！另外叫咗個粉包，味道啖口啲。但個越南春卷就好食，包住生菜好有風味！

超唔掂點咗個二人餐每樣嘢都係好難食香茅豬扒無味、仲要用力先咬得開豬頸肉乾嘅紅豆冰D紅豆苦嘅、仲硬實實嘅雞翼咬落去、竟然爆晒啲熱油出嚟春卷唔好食魚露都可以做到冇味

荃灣廣場越棧搬左新位置，其實舊地方也未去過，同事話大好多，依家呢度細左。我覺得也不小了。好光猛也是有特色的餐牌吸引我叫了碗香茅豬扒雞絲河粉，好大碗，好多葱粒，有九層塔葉，好香呀，香茅豬扒浸了在湯入面，浸淋了，如果分開上好d，都淋的，但吸了d湯味，沒有了香茅本身的味道。個湯底都甜的，雞絲幼身吸了湯汁所以好甜。河粉幼身唔硬身。特別牛河，原來不是全部是牛。都好濃好大碗，同事也是說牛也好夠淋同入味的。份量太多也吃不完。加錢有餐飲。價錢合理，服務有待改善。

今日Lunch去左荃灣廣場搵食！就搵左越棧食越南🇻🇳野！可能早所以都仲有位，我地一坐底就睇餐牌有咩lunch set , 我地叫左個咖喱🍛牛腩白飯，佢本身係紅米飯本人唔多like所說轉左白飯，咖哩都幾白，牛腩好都軟好淋，好食嘅！再叫左個特別牛河！我覺得一般！飲品叫左個特濃朱古力，我個人覺得唔好飲，仲寫係特濃一D味都無，又鞋仲有粉碎！😑又傑！一點都唔好飲！下次唔會再叫。環境都幾好，但好嘈，可能樓底矮！整體都可以嘅！

約了家人在這裏食午餐，座位都非常之滿，我個人就叫了一個生牛肉河粉走葱同埋一個越式蒸粉包，在叫咗杯斑斕梳打。生牛肉河來到的時候賣相都算正常，但係食落去的時候一點味道都沒有😅😅，加了辣都無咩味😑😑。但反而個越式蒸粉包就不錯，睇佢好似無味道咁，估佢唔到係好好味😂😅

要知道今時今日周末行商場 , 晚餐都避不過要排隊。行過越棧見有位就廢事周圍再塭~裝潢色彩濃厚, 乾淨坐得舒服餐牌選擇都多, 樣樣都想試 🤗.. 點咗個香茅雞翼紅米飯 $56。雞翼有點失望 香茅味不夠且偏乾, 而紅米飯硬身, 飯味亦唔香口.. 呢碟評分不高老公碟咖哩牛腩紅米飯$60 反而唔錯, 個汁好好送飯, 我碟飯都係靠兜汁才能完成。好鐘意個班闌青檸soda, 返屋企自己試下整先 🤗埋單$130兩個餐以商場來說屬中上價位, 但質素而言稱不上一間正宗Pho餐廳吧 ~