越棧越式湯粉專門店 (樂富廣場)

今日經過樂富呢區又想食越南嘢食，見呢間餐廳唔洗等位，內在環境望落好似唔錯，於是決定試吓，點知就中伏了😢落單時，員工嘅態度好差，好似趕著收工咁。叫咗個生熟牛肉金邊粉，想問吓包唔包嘢飲，員工明明話包，點知再睇多次餐牌下面寫著要 +$8，再問佢佢根本冇聽，落完兩個粉同小食就行開咗。食物方面就冇咩特別，唔難食但都算不上出色。諗著問員工攞啲青檸配料，員工好快咁答咗一句「自己去嗰邊攞」，行到去根本冇青檸/香草，只有一兩碟辣椒。一間餐廳如果員工態度差劣，就算食物有幾出色都無補於事，更何況呢間餐廳嘅食物質素都係一般般，唔怪得咁少人嚟食又唔使等位。…查看更多

有次係樂富食飯周圍都好多人，唯獨依間冇人都覺得奇怪，入到去啲侍請唔理人，點叫都冇反應，環境又污糟！侍應態度極差！特別係有位戴眼鏡扎低馬尾既女土，殺左你阿爸阿媽咩？黑口黑面又無禮貌，完全係比錢買難受，影響哂一日既心情！間舖頭冇人係有原因架！唔好入去食！會後悔！…查看更多

戴眼鏡女侍應（下稱a）態度極差入門口冇人招待 全鋪得一位企係出面嘅侍應但係間鋪冇人 個a坐係到拉低口罩碌ig點菜時態度極差 不斷重複你鍾意等字眼餐到嗰陣亦都冇任何語句溝通後面黎多左個客 依然故技重施完全沒有良好用餐體驗…查看更多

趁着假期日子，便打算帶著母親大大外出逛街走動，於是我先帶她來到住家附近的餐廳填飽肚子，再乘車出發，許久沒有品嚐越南菜式的我們最終便選擇了此間餐廳。雜錦拼盤雜錦拼盤分別有香茅豬扒、越式炸春卷、炸蝦餅、越式扎肉蝦片此四款小食，並提供有兩款醬汁作調味同食。香茅豬扒入口軟嫩鮮香，肉味濃郁。炸春卷酥脆爽口，鹹香味濃，毫不油膩。蝦餅奉上前已貼心地為顧客切割成細小塊狀，以方便食用，其色澤金黃亮麗，口感香脆惹味，彈牙爽口，而且富有蝦隻的清香鮮味。扎肉蝦片顧名思義用上扎肉和蝦片製作，但兩者中間還加入了檬粉，並且灑有青蔥、花生粒等材料於頂部調味，食用時味道豐富，口感酥脆鹹鮮，爽滑彈牙。最後值得一讚的是拼盤除了製作正宗，分量更是大件充足，即使是二人分享同食亦未能將其完全清盤。生牛肉湯河湯河份量同樣甚是大碗，其呈現啡褐色的湯底味道鹹香濃郁，鮮味十足。麵條順滑扁身，柔軟彈牙。配料主要有生、熟牛肉，並且加入了青蔥、洋蔥、芫荽、芽菜作調味點綴，令整體層次更為豐富，生熟牛肉口感嫩滑鮮美，牛味出眾。香茅豬扒牛肚撈檬撈檬用上豬扒、牛肚，還有多款調味配料製作而成，當中豬扒更是貼心地分切開塊狀以方便咀嚼，而食用時只需把附隨的酸甜汁倒入攪拌即可。我小嚐了一口，其味道酸甜清香，開胃滋味，此碗是母親點選的，所以便不作詳細評論了。總結而言，餐廳裝潢以綠黃色調為主要元素，鮮艷繽紛的設計奪目吸睛，環境則感覺舒適整潔。菜餚方面份量大件充足，味道新鮮正宗，是吃越南菜的好選擇。…查看更多

服務極差下午茶時間得幾個人serve冇人執枱落單叫極都冇人過嚟乜都要自助同瘋狂追佢比嘢服務員行到埋枱黑面好似得罪咗佢咁新舖好細 冇乜位比人坐全部堆哂未執嘅碗碟以後唔會再幫襯呢間…查看更多

約左個住樂富既朋友食飯，系附近揾野食，大家都有一段時間無食過越南粉，所以就入左呢間專食越南野既餐廳。招牌特別牛河胡椒牛札肉、生牛肉、牛腩，金肚絲，亦即係牛肚，份量真係唔錯幾大份。 習慣使然，一定要飲一啖牛骨湯，牛味濃重同清甜，牛肉半生熟，牛腩係幾軟淋的，金肚絲同牛肚爽口。糯米雞翼外皮香脆可口，同埋好飽滿，入口微辣，裡面又夠軟糯，簡直系一道醒胃小食。檬粉彈牙既口感系更加提升味道層次，加上系香港呢個彈丸之地，竟然可以食到又抵又唔錯既越南粉，呢度不失為一個好選擇。…查看更多