越大哥 (生昌大廈)

營業中

休息中

前幾日好想食pho，又見到越大哥裝修乾淨企理，所以就同朋友去咗食lunch。我哋叫咗生牛肉牛丸牛骨湯河，香茅豬頸肉撈檬，仲有牛油雞翼。大概等咗10分鐘就上餐，好欣賞呢度全部即叫即整，雙拼牛骨河湯頭夠晒熱，夠熱真係差好遠👍🏻👍🏻而且夠濃味，飲得出材料十足。生牛肉唔會切得好薄，牛丸彈牙多汁，出色😍另外，豬頸肉撈檬亦唔錯，份量好多，我相信男士來吃都會夠飽。豬頸肉厚切😗烤得好香脆，而且唔會柴皮，呢度嘅魚露亦都唔會太鹹，配上檬粉好好食。呢度小食唔洗一次叫咁大碟，好照顧到一至兩個人嘅需要🤣🤣有20款小吃選擇，低至一件起都可以叫，咁就唔使擔心人少冇得食，又或者驚叫得太多浪費食物。我哋叫咗牛油雞翼都好正，夠Juicy又嫩滑，大大隻好滿足。

朋友介紹越大哥新店，今日同老婆嚟試吓：越式香茅豬扒撈檬$56。豬扒炸得夠香又夠霖火車頭湯金邊粉$78：湯好清甜又足料，有牛丸，牛筋，生牛，牛腩，牛展，扎肉，蘿蔔等，好豐富。大家嚟必食之一啦👍👍👍拼盤任你拼，價錢編平，任簡4款：手打蝦餅，手工春卷，蒸粉包，牛油雞翼都喺$64 跟餐免費2杯飲品（凍飲+$3），食越南粉必飲越南咖啡，好香滑嘅越南咖啡。話說咖啡喺越南直送香港，同香港一般咖啡唔同。用心煮嘢，服務量好-仲有5個餐送個小食，下次一定拉夠5人嚟食#真心推介

今日嚟香港大學探朋友，8點幾出街周圍行下搵嘢食，見了越大哥便入去啦最鐘意食撈檬梗係唔會放過啦，朋友又叫個順化牛湯檬，再加個小食拼盤。只可以講絕不得了首先撈檬配料好豐富，個雞好香及出面夠出皮，份量夠多，配個汁夠酸夠甜，真不錯👍👍👍🥰🥰小食拼盤都好好，原來個春卷喺自製又炸得好脆，但冇油澺味朋友就叫一碗火車頭，原來哥火車頭咁大碗😅😅配料又好豐富👍👍💛💛同朋友share一碗仔，飲第一口湯就可以講：香港咁多間越南菜應該呢間係其中一間牛湯最好飲啦🤩🤩真心推介大家啦💛💛💛💛

越大哥 話說波波上個禮拜參加咗一個電車Free Jam Party，咁啱離集合時間仲差成粒鐘😅（電車廠嘅位置真係有啲隔涉，Wahaha），於是喺電車廠附近周圍睇吓有乜嘢值得推介嘅好東西 行吓行吓！竟然畀我見到呢間外表睇落同普通茶餐廳無異嘅越大哥，於是我就入咗去試吓究竟有幾好食先😋～ 💛💛💛💛💛 招牌肉丸鮮茄蟹湯檬🍅🦀（$ 78） “呢碗湯檬裡面有好多配料，除咗有口感彈牙嘅豬肉丸、扎肉及豆腐卜之外，而且更有兩隻中蝦同半邊炸得脆卜卜嘅蟹身及蟹腳🤤；湯底唔單止有啖啖鮮茄肉，而且仲充滿海鮮嘅鮮甜味，真係好食到不得了吖～” “對於我嚟講，呢碗湯檬嘅份量非常飽肚！但如果要挑剔嘅話，我覺得蟹腳食落有少少油臆味，假若能夠改善埋油臆味嘅問題就更Perfect池啦👍🏻” 💛💛💛💛💛 店員嘅服務態度非常親切友善，當發現茶水飲得七七八八嘅時候，亦都會拎起水壺主動幫食客斟水㖭👍🏻 悄悄的告訴大家，只要喺1230前（午市）或1830前（晚市）離座即可享有全單85折優惠！而全日制學生更可享有全日9折優惠㖭吖🤩 📌：西環石塘咀皇后大道西427-437號生昌大廈地下C號舖

炒牛肉蛋飯，完全冇味道，懷疑未落鹽😫唔會再幫襯Also very few people during peak hours. Guess those who tried are all disappointed as well.

生熟牛湯河牛就好鞋羅!好渣好渣的河粉, 不過河粉份量就吾少就好多羅😅!湯底吃食好有味精feel!春捲墨魚餅檬粉春捲真係麻麻地墨魚餅好渣好失望不過檬粉分量真係好多!不好意思! 下次不會再幫襯,sorry 因為真不好吃。