越南屋

營業中

休息中

今日食個外賣自取，就上網望吓大埔邊度有得食越南湯河。搜尋到越南屋就叫咗兩個湯河試吓，牛肉湯河牛肉嚡熠熠，湯底全部味精食到勁口渴。最基本越南湯河嘅芽菜同埋九層塔辣椒檸檬呢啲配菜全部都冇。食咗¼真係食唔落去！真係失望 依家食完都好口渴。成口味精嘅感覺。有味精都咁難食。絕對冇下次絕對冇下次絕對冇下次絕對冇下次絕對冇下次絕對冇下次絕對冇下次絕對冇下次絕對冇下次絕對冇下次絕對冇下次難食到呢，真係返屋企煮公仔麵都唔會再食佢

星期五大概12:00去到，已經坐滿晒，我地兩位等咗一陣大概三分鐘就有位，真好彩。坐低叫嘢食，嘢食好快就到，等咗3分鐘左右。我哋叫咗烤牛肉湯檬，同埋烤牛肉湯粉絲，啲九層塔勁香，湯底都好入味。朋友叫咗凍滴滴越南咖啡，好正，雖然有啲貴要加$22，下次都可以試吓！如果有得加辣椒同青檸，感覺應該仲好👍🏻我聽到廚師真係講越南文，嘢食應該好正宗，所以食物質素非常好👍🏻價錢合理，食物質素好，一定會再嚟食！

📌大埔越南正宗菜小店💛🍴炭燒豬頸肉撈檬 ($58)我覺得佢地嘅豬頸肉撈檬係好食的!! 首先麵、配菜同埋豬頸肉份量足夠 啲醃製嘅蘿蔔蔬菜酸度啱啱好 加埋佢地嘅撈檬汁溝埋都唔會太酸🙌🏻值得一讚係豬頸肉🐖 佢地嘅豬頸肉好香 每塊都有焦香味(最鍾意食豬頸肉嘅脆邊😆) 而且食落唔會好鹹～不過有個問題係佢地啲粉有啲黏埋曬 如果分明啲會比較好😙凍檸茶就同普通茶記差唔多～我鍾意食佢地係因為佢地調味唔會好濃好重～另外都係大埔區內食到嘅唯一越南菜黃店 所以都支持下💪🏻呢個價錢食個lunch 我覺得OK啦！🤓🍽️ 食物：🌕🌕🌕🌑🌑🥂 飲品：🌕🌕🌕🌑🌑👩🏻‍🍳 環境：🌕🌕🌑🌑🌑💯CP值：🌕🌕🌕🌑🌑✅回頭率：🌕🌕🌕🌕🌑Overall: ⭐️⭐️⭐️ (out of ⭐️⭐️⭐️⭐️⭐️)📍 越南屋 地址：大埔南盛街1號地舖

紅日lunch 黎食，三個人都有位唔洗等～ 叫左個特別牛湯檬，湯底唔算好香，普通，檬粉好碎，牛丸一粒，牛根牛肚各一，兩舊左右，生牛肉還好，左湯耐左會韌既。正常，未至於好好食

平時好少入大埔🥰 見佢係唔係集團式經營嘅小店即刻入去幫襯🤭店員比我嘅感覺好似一班媽媽好照顧食客咁！聽到我哋原來住元朗，都好關心我哋會唔會好夜先返到屋企🤣🤣🤣二人套餐B $230🥘 ✧ 雞絲椰菜沙律一上菜果吓驚訝咗😂咁大兜嘅😂雞絲椰菜蘿蔔絲撈埋一齊，配搭酸酸甜甜嘅越式醬汁，100%清新同開胃🥰✧ 咖哩牛腩煲雖然牛腩偏瘦，但又唔會有種咬唔斷好硬嘅口感，唔係講笑😂用筷子一夾就斷🥢煮得非常之軟腍🥰🥰🥰咖哩有好香濃嘅椰奶香味，撈飯一流！✧ 越式煎扎肉扎肉0油膩感！食埋0負擔😈雖然佢同一般越式餐餐嘅口感味道有少少分別，越南屋嘅扎肉口感較為扎實，味道較多清淡，如果再重口味再正啲😜另外要讚佢個河粉，係超滑嘅河粉，湯底味有好香濃嘅越式香菜味！………………………………………………….味道: ●●●●●服務: ●●●●○環境: ●●●●○價錢: ●●●●●回頭: 𝙮𝙚𝙨 .ᐟ.ᐟ

叫左個2人A餐 190蚊埋單如果吾系追求正宗越南菜 可以當茶記咁食 冇咩特別 味精重 牛肉河湯底特別油 蕃茄湯檬雖然有3樣餸好多料 可惜個粉浸到斷 又發漲到爆 湯底好酸 成餐飯只有雞翼系新鮮炸起 熱辣辣 好脆口 至少吾會太細隻迷你 都可以接受

#20230106 💛📍 越南屋 大埔南盛街1號地舖——————————————————————————#自選撈檬 #香茅豬扒 $54💭配料有青瓜蘿蔔絲果啲，都好足料，食檬粉🐷成日都覺得咁個碗落啲汁落去，食到尾就會好酸好咸，所以通常都會夾開食，好多檬粉都會一大舊好難夾，呢個又唔會，相對尼講易啲夾散，豬扒唔算好淋🐖不過都唔係好柴口.#越式春卷 #4條 $58💭春卷入面有啲雲耳令到唔會好粉，爽爽地有啲野咬下，個皮唔會炸到好油，包住生菜食再中和啲🥬點埋啲汁酸酸就prefect👍🏼不過🐷略嫌啲生菜唔夠大塊，唔可以完全包晒條春卷.#越式蝦餅 #全份 $64💭不過不失，金黃色睇落好靚，蝦膠食落彈牙，雖然無炸到漲卜卜咁，但入面又唔會空心甩皮既，其實唔睇價錢就無野挑剔😂只係睇左知道$64一份就覺得⋯⋯唔係咁抵咁😅.#馬拉盞炒時蔬 #通菜 $56💭全晚🐷覺得最唔抵係呢個通菜，$56無估到份量咁少，味道無伏既，食落正正常常，但唔係話特別好食，純粹覺得無對得起呢個價錢🙈.#椰青 $32💭椰青水飲落清甜，🐷飲椰青好鐘意刮埋入面啲肉尼食，順便當埋甜品😬不過呢個好老，啲肉硬到刮唔到，無得食😕.#大埔美食 #大埔黃

收左工 同朋友決定去食越南野就去左呢間餐廳啦~~我地果日平日7點左右到,唔洗等位,都仲有1,2張台~我同朋友都各自叫左碗撈懞粉 加埋個汁, 酸酸甜甜好開胃我個碗係烤牛肉懞粉,朋友係食雞扒懞粉兩個送都做得幾好 雞扒好脆~我地額外仲叫左兩個小食, 一個椒鹽鮮魷,一個豬頸肉.我地兩個都覺得椒鹽鮮魷比較一般,唔會再叫豬頸肉就正正常常~點埋甜辣醬好好食~野飲方面 我地有加錢轉特飲, 3色冰椰奶,口味比較淡 覺得可以濃返D職員服務態度都幾好的~~

嚟咗大埔工作後，越南屋成為飯堂，每星期起碼食兩次，原因好簡單，好多越南餐廳嘅湯底好惹味，但食完勁頸渴，食一次已經知咩事，但越南屋嘅湯底永遠唔會頸渴，而且香味令人一啖一啖咁飲到底。飯堂推介：1. 生牛肉湯河2. 豬頸肉撈檬3. 烤牛肉撈檬4. 牛油雞翼5. 雞絲湯河由於店鋪嘅位唔算多，有時都排幾耐，反而叫外賣幾方便，因為鋪外停到車，而且外賣湯粉會分湯上，就算返到公司都無令食物質素下降，抵讚。PS. 無論堂食定外賣，湯河記得叫店員比青檸同辣椒絲，會令湯底味道幾級提升！

喺大埔行完山，返到去大埔墟，人生路不熟，想搵嘢食，唯有開電話 App 望望，結果揀咗呢間。一睇 menu，秒速就揀咗蕃茄蟹膏湯檬，嚟多杯薄荷青檸梳打。我覺得呢碗檬粉嘅重點肯定係湯底，所以原先都抱較大期望，不過一上枱，見到湯嘅顏色較淺，質感亦較稀，就有少少失望，呷一啖，果然比想像中淡，蕃茄味同蟹膏味都唔算突出。不過幸好其他配料份量都算多，無論係肉丸，扎肉，蕃茄，蝦或者炸豆腐，水準都唔錯幾好食，特別係扎肉，內藏黑椒粒，味道更豐富。

✨平價越式良心小店🤤撈檬湯河都正✨————————————————————💛#littlefatwest良心小店 💛.近排碌下大埔黃店list 發現仲有啲未介紹哂😂呢間係一直食開既小店😆由越南廚師主理🇻🇳個位有少少入 人流唔太多 夜晚都坐唔滿🥺大埔人得閒支持下啦😛價錢仲幾抵————————————————————🍖越式三寶撈檬 $60三寶有香茅豬扒 雞翼同扎肉豬扒炸到好香口又唔會乾🤤雞翼最正 脆卜卜入面肉質仲好滑檬粉份量都幾多 配醬汁 酸酸甜甜好開胃仲有炸蒜 花生碎🥜口感幾好.🍜生牛肉湯河 $52啲牛肉全部都好大塊😍肉仲多過粉牛肉冇乜肥膏 肉味幾濃 湯底幾清香 帶啲甜味 唔會太油膩河粉偏窄身 易入口 口感好順滑🥰————————————————————📍 越南屋 (大埔) @vietnamhousetaipo 大埔南盛街1號地舖.🔺#littlefatwest越式 🔺#littlefatwest大埔🔺#littlefatwest大埔黃店

有日同友人喺大埔熱到飛起時亂入嘅越南屋。所長完全唔熟大埔區，求介紹大埔好西黃店🙏🏻香茅豬扒撈檬 $52（青檸梳打 +$12）所長之選，不過不失嘅撈檬，份量好多下，香茅豬扒係入味又唔韌嘅，成碗清晒飽到上心口。但美中不足係我唔鍾意啲舖頭用呢種方法擺啲汁，冇得chok勻先倒，倒唔到底嗰啲料，有冇人明我講乜🥲馬拉盞炒蕃薯苗 $55炒菜真心正，仲要有得揀蕃薯苗😍 不過有馬拉盞通病，食到底有啲咸得滯🤏🏻雞絲撈檬 $50（椰汁三色冰 +$12）友人之選，都係不過不失啦，夏天食撈檬真心爽👍🏻

屋企唔喺呢邊，今日咁啱行開過嚟，又想食越南野，就嗌咗外賣試吓。嗌咗個豬扒撈檬，走生菜絲走青瓜。但係超失望，因為成碗粉都係熱嘅😅 食得撈檬就係想食啲涼浸浸嘅嘢，點知一入口碗嘢係熱😅 豬扒係ok嘅，一來份量算多，二來都煎得幾靚，唔會太老，調味就普普通通。撈檬嘅汁都比較普通，可能係俾啲熱檬粉影響咗😅 食落比較重蒜味，唔算好酸，但個人鍾意酸酸辣辣嘅汁多啲。豬扒上面有啲蔥油，但係覺得可以俾多少少，因為豬扒調味唔算突出，好快會食到麻木咗。有啲其他調味可以食到一半嘅時候變吓味會滿足啲。

問朋友食邊間去帶左我來呢間越南屋食中午地點唔是在繁華大街 感覺都比較幽靜的入到去都是正常的面店光亮整潔的只點了兩樣食物原來星期六日食要加一~_~比星期一至五唔抵食

·大埔惹味越南食物🇻🇳越南屋💛·～～～～～～～～～1️⃣蓮藕苗沙律($69)＊平時好少食到既蓮藕苗沙律👍🏽👍🏽蓮藕苗、青瓜、蘿蔔、芹菜、芽菜等，全部都係清新爽口，酸酸地咁好開胃😋😋(score:5/5)·2️⃣香茅烤牛肉撈檬($52)＊烤牛肉好香！有香茅味同甜甜地既燒烤香味😋😋😋炸蒜同花生醉撈埋好香！撈埋青瓜絲、紅蘿蔔絲等等撈埋醬汁超級好味😗😗(score:5/5)·-評分👑賣相：✨✨✨✨味道：👅👅👅👅👅價錢：💰💰💰💰推介：⭐️⭐️⭐️⭐️⭐️(5分滿分)~~~~~~~~~~