影片
以上資料只供參考, 請與餐廳確認詳情
第一次服務好好,食物質素偏高,所以想再去食,但再去服務差到不得了,員工黑口黑面,講野態度又差,野食偏鹹,好似食左啖鹽入口咁,咁既服務咁既野食唔會再有下次,香港服務行業差唔係無原因
繼續閱讀
同道之拉係同一個老闆，但如果你好肚餓唔好黎呢到食先，是但喺附近食個米線或者蛇羹會飽肚啲。呢到可以食到啲好特別既雞串部位都好吸引，但呢到既串燒真係好細串，如果以呢個價錢黎講係好貴。可能要交租同人工佔左一大半。牛舌真係好細串，俾我揀我會揀返中環食串燒，雖然中環貴但個串既份量係值。同啲朋友黎到飲啤酒吹水都係普通。呢個特別部位佢地唔會落太多醬汁保持原汁原味。而牛舌口感比較普通，可以太簿身，無乜牛舌口感。雞子比較細粒，但無乜味既。呢到既沖繩酒都要收$58，咁我覺得中環既串燒店又真係唔貴，可能呢到係屯門，而且呢個地段。咁貴質素又普通，都只係會有一次既機會。
繼續閱讀
今日本來喺附近突然同朋友好想食日式串燒，因為都知道好夜，所以打電話睇吓收工時間，然後打電話去呢間餐廳，聽電話嘅姐姐服務態度好好，話收一點，我哋可以過去，去到當一刻服務我地嘅姐姐嘅態度都10分好，然後入去舖頭嗰一刻一枱客人都冇，立刻都會覺得唔好意思阻佢哋收工，叫完嘢食都想緩和一下尷尬，問一問串燒師傅最近係咪生意都唔係幾好（純粹只係想同師傅打開話題），結果師傅一句回答：你咁夜嚟咁梗係冇人啦！（成句說話態度好乸差加上黑面），我同朋友即刻靜音⋯食曬佢燒嘢嘢，半個鐘內即刻埋單離開⋯⋯從來冇試過一間日式串燒嘅感受咁難受冇諗過今時今日嘅市道咁差都可以咁嘅態度⋯真係唔好意思，非常失望
繼續閱讀
其實好可惜，原本好鍾意呢間居酒屋，都幾常去，但佢既質素keep唔到，尤其改左餐牌之後。好味既關東煮無左，食居酒屋食到好似食法國餐咁，一個鐘都只係食左唔夠十串串燒加一個前菜，餐廳仲要未滿人喎。食物質表方面，第一次好好味，改餐牌前黎左次都好好味，改左餐牌之後，食物質素一次比一次下降，尤其雞湯無咁濃，煮蘿蔔唔夠淋同入味。價錢方面，都預咗唔會平，但$28一小圈苦瓜天婦羅，會唔會進取左少少？總括嚟講，我覺得係可惜既，我唔希望佢執，但佢質素下降既速度令我暫時唔會再去幫襯。
繼續閱讀
雖說隱世小店，但太多人推介令我對佢期待非常之高，價錢不便宜，不過對得住食材的上乘。叫得赤鳥，當然有很多罕見的燒鳥部位，雞冠軟中帶脆，有點類近雞腳的口感。除鳥類之外，店裡其他的炸物與燒物都非常出色，炸生蠔入面不會乾身，保留生蠔汁水，做到外脆內軟。 第一次吃到這種橫切的炸洋蔥，吃下去更有口感，洋蔥控大滿足。舞茸問店員先知道是菇類，吃下去不像圖片乾身。薑味雪糕必試，薑汁撞奶的雪糕版
繼續閱讀