賢河日本料理

營業中

休息中

今日心血來潮想食放題，跟住就走咗過嚟呢度食，點知就瀨晒嘢，我10分鐘前埋單，而家已經喺廁所度寫緊食評。真係勁核突囉，好大條蟲。其實生蠔嚟到嘅時候已經覺得唔係咁新鮮，跟住再叫多一轉睇吓會唔會好啲，點知就出事啦，真係外賣冇筷子咁粗，跟住光頭店員即刻攞入廚房say sorry跟住俾咗個九折我，但係我真係已經食唔落啦，我哋兩個人見到之後都冇晒胃口嘥晒，本身啲嘢都已經唔好食真係好一般，仲要見到咁核突，我係最尾嘅時間尾段$250 ，九點食到10:30，味道10點已經食唔落因為太核突啦，隔籬個洗手盆個感覺又污糟喎，坐得又逼夾！大概9.9見到條蟲之後已經食唔到啦，第一轉啲嘢除咗刺身其他嘅基本上都擺返喺度，跟住大概20分鐘左右已經肚痛忍唔住20分走去埋單，跟住叫男朋友返轉頭攞返張單，如果咁好彩食到有問題嘅話就去食環投訴，兩條友$500食垃圾

藏在荃灣街角的放題意外驚喜，這裡的放題選擇豐富，刺身拼盤好新鮮，三文魚腩油香滿滿；帶子大大粒，刺身之外仲有生蠔，雖然有些生蠔大小不一，但整體質量仍然令人滿意。熟食款式多選擇，一口牛肉粒同牛舌有肉汁，炸雞翼天婦羅都外脆內嫩。媽媽最愛海鮮粥料豐富，滋味濃郁。餐廳的出菜速度也不慢，用餐過程中感到舒適。飲品選擇亦多樣，有任飲嘅清酒、梅酒同啤酒性價比幾高。最好要提前打去book位，當日有幾多人無位，另外特別留意帶件外套，冷氣好夠凍。

食物非常有質素，對得住價錢未試過食咁好既放題餐廳，可以令我完全無浪費食物，壽司非常貼心做成小件特別海膽壽司做成小件係可以理解 但係佢壽司個飯係撈左味 睇得出雖然要顧慮成本不過廚師都係有花心思燒物絕對係單點出品既質素上菜有速度 我地三個地盤餓鬼去食都無炸型食完過鐘見無客等，俾我地繼續坐傾多陣計好人性化去過兩次係好開心既用餐體驗👍👍嚟緊會再去

電話約左5點半來到大家都已經排隊等入了一坐座咩都唔講點十隻蠔先 😜勁快上左～♥️♥️刺身都可以～最好食都係蠔 😜😜熱食嘅清酒蜆都好食所有食物都偏細件，啱晒我哩啲小鳥胃可以試多幾樣大胃王每樣可能要點多十幾份😂😂😂好多忘記左影相整體都十分滿意所以上黎讚下 😜

食物新鮮！羊架好好味！份量不細件！又很嫩肉！生蠔！炸𧐢份量也不細！新鮮！乾淨！魚生種類也不少！也是很新鮮！天婦羅炸物不多粉！恰當非常！絕對不輸比任何大酒店！仲有名牌雪糕食！飲品種類也不少！食物來枱時間又快！又冇漏單👍蜆仔內冇沙！海鮮粥超級多料！不過少了些雜菜！地方比較逼少少！不過食物質素可以補返不足之處！員工好有禮貌！二個鐘食嘢有啲趕！如果加埋火鍋！

openrice訂位，星期日269加1，完全沒有漏單👍🏻，主要就是來吃生蠔👍🏻，生蠔酒店質素👍🏻不過生蠔時大時細🙄多叫幾輪就好了，油甘魚顏色不太好，另外看到餐牌上有一樣叫大拖羅壽司，上枱的時候完全貨不對版😑最好食的小食是炸墨魚咀，雖然枱比較細，但服務人員很快收碟，壽司細細件容易入口，回到家裏沒有肚痛也沒有肚屙👍🏻如果主要吃生蠔，600元唔使兩位，這裡性價比一流👍🏻焗蠔大隻多肉👍🏻

呢間放題除左刺身，仲有生蠔，生蠔雖然唔係好大隻，但真係好新鮮。我唔係特別喜好食生蠔，但都忍唔住encore 再食。另外想推介既係一口牛肉粒，煮得剛剛好，唔會太熟，好有肉汁。炸鮮奶係另一推介，外面非常鬆脆，又好足奶味，又係忍唔住encore之選。 (但太好食唔記得影相)是日水果亦讓人好驚喜，今日提供既係皺紋瓜，非常鮮甜。呢個放題分有唔同時段價錢，17:30, 20:00 同21:00，大家可以按唔同既放工時段進入，除左20:00場正價，其他時段都有優惠。我今次同朋友食17:30時段，人唔多，食得好舒適。

食賢河要即日早小小打去book位，或者要前一日book。鋪位唔算大，二人枱比較細同迫，同隔離枱係連住。刺身都算新鮮同多款式，生蠔有黎齊，但係琴晚既質素一般，唔太新鮮。賢河既優點係大部份既熱食同炸身都即叫即整，上到枱都係熱辣辣，除左一般天婦羅，最特別係有墨魚咀。壽司優點係整到細細舊，唔會食幾舊就飽左，而且紫菜入口都係脆，唔係淋身既。其實都幾爆場，但係職員都算好快會收碟，上菜速度亦算可以，起碼叫既野食都黎齊哂。如果你book左時間，記得唔洗早去，因為賢河係分時段先比人入去，所以準時就得。

外賣烏冬要分湯應該係餐廳嘅基本，餐廳嘅理由話因為外賣盒會增加套餐嘅成本，所以迷你烏冬唔會分湯！就算我個外賣叫完即刻食都會影響烏冬嘅口感，更何況我需要工作完成後先食，浸到阿婆都食得，我remark壽司走蔥又冇做到，寫咗分湯，你間餐廳有心做可以打電話同我講分湯需要加錢你接唔接受到！個廚師完全忽視客人要求，呢餐簡直係垃圾，比咁嘅價錢！荃灣我寧願食和食，又平同埋人哋都識分湯啦，講咩迷你烏冬唔會提供分湯，講真你外賣盒都係直接計落我張單度㗎啦，真咩加成本啫！我叫得外賣都唔差嗰兩蚊外賣盒啦，成個烏冬都冇食，心情勁差，超級嬲😤😡🤬

今次已經係第三次嚟啦，生蠔都新鮮沒有臭味，雖然唔係太肥美，但勝在食咗冇肚痛，推介俾大家，刺身不錯都算多選擇，熟食款式味道都OK，羊架都出色，唔會死鹹又大件，茄子都好食，係稍為油咗少少，個天婦羅生蠔都好好味，佢哋嘅壽司細細件味道都好多選擇好特別，一啲都唔求其，有鰻魚拼天婦羅蝦卷，仲有榴槤壽司，今次我冇乜食炸物，但其實佢都有好多選擇，以呢個價錢$259加一絕對值得嚟（我係食5:30最早時段），甜品雪糕都有好多選擇Häagen-Dazs仲要任食，飲品都有好多款又有熱飲品櫃，算係好唔錯，仲有啤酒清酒任飲㗎

2025年 賀大家姐生日，揀咗荃灣新開嘅日式放題，主要系近屋企。經openrice訂枱，再打電話確認訂位。 我哋一行八人，可以坐到最後排嗰一張長台，地方唔算大，枱同枱之間好貼嘅，出入唔算太方便，攞嘢飲就靠最出嗰位咯。嘢食方面: 冇乜漏單，抵讚。 刺身種類都算多，夠凍不過味道就唔可以話好吸引，叫咗兩round就好滿足。生蠔新鮮，味道ok，食一隻無妨。壽司方面非常好，因為舊飯好細粒，啱晒試多幾款，味道ok嘅。熟食方面：羊架就太肥太漏，膻味大勁食唔落。其他嘢都一般般。兩個鐘頭夠晒食，上菜唔慢，價錢合理。雖然生日冇任何優惠，但自攜蛋糕不另收費，非常好。每人share唔使400，好合理。(利申：自己真金白銀比錢，唔係食免費餐）

真的生蠔任食，我們2人吃了不少好物，刺身我們反而最後食。首先我選了些前菜：溫泉蛋，沖繩海葡萄（海草）生蠔必點的，真的新鮮！可惜沒有义要用筷子吃創作壽司很值得嘗試火灸款壽司很好味飯小小的一小口一件，材料比較貴價的天婦羅選了海老／秋葵／蠔／尤魚熱辣辣皮不厚炸得很健康。食物上桌很快。可以吃完再點一樣。生蠔我們最後吃了2打，沒有因為再叫生蠔質素不同，當日很幸運完全滿意，都肥肥大大隻的。蒜蓉牛油煮蜆 感覺中西式，但味道比清酒煮濃得多，個人十分喜歡！刺身同其他店差不多，沒有什麼特別厚厚的，鯛魚／劍魚／墨魚／帶子／螺肉／八爪魚串燒配啤酒 有酒都任飲的。甜品雪糕都有就是忘了影相。最優惠時間可以選晚餐7：30前離座有9折。2百多有這些食物，已經很吸引值了。餐廳位置不易找，當日我們吃完下個時間門口已經排隊，放心吃。

臨終冬至，例必要同爸媽兩老食飯做冬。頭痛要訂哪家食肆同時，朋友介紹賢河給我。店舖細細間QR點餐，沒有自助bar, 但有雪櫃放飲品任取及清酒/whiskey/beer。食物不是太多選擇但都足夠且幾好味，例如芝士焗生蠔，羊腩煲，牛肉湯鍋。炸物也不錯只是賢河除了基本醬油，鹽，7味粉外沒有其他醬料如天婦羅汁，辣椒醬等有點美中不足。4人埋單共$1100，大家都食得好飽好滿足。

平時對於日式放題都無咩期望🤓，就係無期望就令人有驚喜😃👍🏼！呢間日式放題平日放工時經過見到成日都排隊🤓，今次同事生日就近近地揀咗呢間食生日飯👍🏼🎉。我哋揀咗星期一夜晚，6點準時到，店內已坐了一半客人😃😃。事不宜遲同事已經叫咗好多熱食：包括牛舌等燒烤物！當然少不了要叫啲刺身，同埋叫咗一打生蠔🦪🤓，估唔到上菜非常之快，勁有香港人速度😂！當生蠔上到枱嘅時候，我哋全台忍唔住哇哇聲😂🎉！生蠔非常大隻食落口亦都係好新鮮👍🏼！絕對驚喜驚喜。encore 左3次😆😆！其餘重點講吓，佢有任飲嘅清酒、啤酒有日本Sappore, Whisky , 梅酒同埋其他有牌子嘅飲品，絕不稀場😎！真係喺一般日式放題咁嘅價錢好難見到。😍除咗生蠔新鮮之外其他刺身款式亦都好多，同時燒烤嘅食品質素亦都唔錯尤其是佢個烤蝦，size 唔細又有蝦膏，我哋都有encore。✌🏼詳細食咩唔特別講啦🤓，因為我哋實在叫得太多嘢食！😹如果想試日式放題，呢間絕對可以一試，食過可能都會想再encore🗣️🗣️。其餘都講吓佢嘅服務，上菜快，服務員態度OK。我地5個人座位都尚算唔迫，唯一係廁所要去上返2樓商場。但係呢啲都冇所謂。🤟

生蠔新鮮，有鮮味多不同類型的蠔刺身出色，鮮熟食好味，無雪味環境一般服務員一般，無積極收食完嘅碟飲品種類建議可以更多2小時轉眼就到，可推4人同行優惠更佳出食物都 好快